Morgunblaðið - 19.10.1976, Blaðsíða 39
MORGUNBLAÐIÐ, ÞRIÐJUDAGUR, 19. OKT0BER 1976
43
Leiðrétting
Af fyrirsögn fréttar Morgunblaðs-
ins fra Kina á sunnudaginn mátti
skilja að Chiang Ching, ekkja
Maos Tse-tung, hefði verið líf-
látin. Eins og fram kemur i
fréttinni, sem var fyrirsögnina
„Ekkja Maos í snöru böðuls“ voru
það dúkkur sem áttu að tákna
ekkjuna, sem héngu i snörunum.
— Iðnkynning
Framhald af bls. 25
manns. Þeir skiptast jafnt niður á
nýsmíðina, sandblásturinn og þá
húðun, sem honum er samfara og
heithúðunina. Verkefnin eru
alltaf að aukast og þannig erum
við farnir að vinna á vöktum allan
sólarhringinn i heithúðuninni, en
þrátt fyrir það hefst varla undan.
— Gengið
Framhald af bls. 44
áhrif á gengisskráningu hér að
danska krónan hefur fallið gagn-
vart íslenzku krónunni um 2.6%.
Norska krónan hefur fallið um
0,5% og hin sænska um 0.3% svo
og dollarinn en sterlingspundið
hefur styrkzt lítillega eða um
0.22%
Ef borin er saman gengi ýmissa
gjaldmiðla, eins og þeir voru
skráðir hér í upphafi ársins og
síðan eftir þessa hækkun þýzka
marksins kemur í ljós að íslenzka
krónan hefur sigið allverulega
gagnvart þessum gjaldmiðlum á
þessum tíma. Þannig hefur
Bandaríkjadollar hækkað um nær
10% gagnvart krónunni á þessum
tíma, danska krónan um 11.2%
norska krónanan 12.9% sænska
krónan um 11.7% og þýzka
markið hefur hækkað um 15,6%
gagnvart krónunni á þessu
tímabili. Sterlingspundið hefur
hins vegar fallið um rétt 11%
gagnvart krónunni og spænski
pesetinn um 3,4% á sama tíma.
— Fíkniefna-
málið
Framhald af bls. 44
viku og fíkniefnamagnið aukizt.
Að sögn Arnars er mál þetta það
umfangsmesta og erfiðasta og
jafnframt alvarlegasta, sem fíkni-
efnarannsóknarmenn á Islandi
hafa glfmt við til þessa. Smyglað
hefur verið inn til landsins fíkni-
efnum af mörgum gerðum, mestu
af hassi en einnig hassolíu og
marihuana.
Frá því að rannsóknin hófst,
hafa verið uppkveðnir 15 gæzlu-
varðhaldsúrskurðir vegna máls-
ins. Nú sitja inni 4 ungir menn. 21
árs gömlum manni var sleppt í
gær, en hann hafði þá setið inni í
75 daga. 1 gær var hins vegar
liðlega tvftugur maður
úrskurðaður f allt að 30 daga
gæzluvarðhald vegna málsins.
— Garnaveiki
Framhald af bls. 2
hefði fyrst borist í féð á Þúfum.
Sigurður fór vestur um helgina og
skoðaði fé á Þúfum en ekki fann
hann fleiri kindur, sem greinilega
væru sýktar en eftir er að rann-
saka blóðsýni, sem hann tók.
Um til hvaða aðgerða yrði grip-
ið til að hefta útbreiðslu veikinn-
ar, sagði Sigurður ekki geta sagt
um en Sauðfjársjúkdómanefnd
yrði væntanlega kölluð saman
innan tiðar og þá tekin afstaða til
hvaða aðgerða yrði gripið. Eins og
áður sagði hefur oft verið gripið
til þess ráðs að skera niður fé á
þeim bæ sem veikin hefur komið
upp en bóndinn á Þúfum er með
milli 200 og 250 fjár. Verði honum
fyrirskipað að farga fénu fær
hann bætur fyrir það fé, sem
skorið verður niður.
Garnaveiki er langvinnur smit-
sjúkdómur og eru einkenni
hennar vanþrif eða uppdráttur
þrátt fyrir góða eða sæmilega lyst.
Langur tími líður frá þvf að
skepnan tekur sýkina þar til ein-
kenna hennar verður vart. Fyrstu
einkenni garnaveikinnar eru yfir-
leitt skituköst eða langvarandi
niðurgangur og þó hægt sé að
lækna þetta í bili með ormalyfja-
gjöf eða fúkkalyfjum, kemur um
síðar að því að skepnan dragast
upp og drepast. Sigurður tók fram
að mikilvægt væri að fólk á Vest-
fjörðum fylgist vel með fé sínu og
lét vita ef einhverjar grunsemdir
væri um að garnaveiki væri í fé.
Garnaveiki hefur að sögn Sig-
urðar eins og undanfarin haust
fundist á nokkrum stöðum á
landinu en ekki á nýjum svæðum
fyrir utan Véstfirði. Gera má ráð
fyrir að nálægt Í000 sauðkindur
og tíu kýr dragist upp af völdum
garnaveiki árlega hér á landi.
— Grimsby
Framhald af bls. 44
var, að hér væri um víra-
klippurnar frægu að ræða. Og
þá um daginn komu sjónvarps-
menn og ætluðu að gera sér mat
úr þessu.
Ég benti mönnunum hins
vegar á það rétta í málinu og
sneru þeir frá við svo búið. í
samráði við Jón Olgeirsson
sendi ég duflið í rannsókn og
hef nú fengið staðfest að duflið
er v-þýzkt mælingadufl."
Jón Olgeirsson ræðismaður
sagði þegar Morgunblaðið hafði
samband við hann, að virzt
hefði sem sumir f Grimsby
hefðu talið að Rán hefði verið
notuð til vfraklippinga f sfðasta
þorskastríði, — „en mönnum
létti líka mikið er þeir komust
að raun um að „klippurnar"
illræmdu voru ekkert annað en
v-þýzkt mælingadufl“.
— Kína
Framhald af bls. 1
arnir fjórir".
Skilst mönnum að f jórmenning-
arnir hafi verið settir í stofufang-
elsi 7. október.
A spjaldinu segir ennfremur:
„Dagana eftir lát Maos voru allir
bugaðir af ,sorg. 800 milljónir
manna vonuðu innilega að lfkami
hans yrði varðveittur svo að kyn-
slóð eftir kynslóð gæti virt fyrir
sér andliti hans en þorpararnir
fjórir settu sig algerlega upp á
móti þvf að lfkami formannsins
yrði varðveittur."
Dularfull þögn ríkti I 4 vikur
um það hvað ætti að gera við lík
Maos. Það var ekki fyrr en 9.
október, sem tilkynnt var, að lfk
hans yrði smurt eins og lík ann-
arra stórmenna kommúnismans.
Veggspjaldið, sem bar yfir-
skriftina „stórglæpir þorparanna
fjögurra", sagði að stúdentarnir
vpru himinlifandi yfir fréttunum
af því, að eftirmaður Maos, Hua
Kuo-feng, hefði mætt róttæku
uppreisnarmönnunum með
„festu og ákveðni" og er líklega
átt við handtöku þeirra.
Var fjórmenningunum lýst á
spjaldinu sem „hættulegu
krabbameini" sem hefði lengi
undirbúið valdatöku í Kfna. „Þau
höfðu þegar á meðan Mao lifði,
myndað kliku sína og teygt út
afturhaldsklær sfnar. Þau ætluðu
að brjóta niður flokkinn og ná
völdum. Þau héldu að þau yrðu
húsbændur Kfnverja eftir lát
Maos.“
í Shanghai, þar sem herferðin
gegn vinstri sinnum stendur einn-
ig f fullum blóma, voru róttækir
sakaðir um að hafa undirbúið
hernaðarlegt valdarán. Sagði á
veggspjaldi, að einn af æðstu
mönnum borgarinnar Ma Tien-
hsui, hefði verið búinn að vopna
herdeildina í Shanghai, sem telur
milljón menn, og hefði hann von-
azt til að geta lagt undir sig út-
varpsstöðina, höfnina og aðrar
mikilvægar stofnanir. Var Ma,
samkvæmt spjöldunum, í vitorði
með „þorpurunum f jórum".
— Hillir undir
Framhald af bls. 1
Líbanons, Kuwaits, Egyptalands,
Sýrlands, Saudi-Arabíu og
Frelsishreyfingar Palestínu-
manna (PLO) í gærkvöldi.
Búizt er við að fundurinn sam-
þykki sameiganlega ,yfirlýsingu,
þar sem skýrt verður f stórum
dráttum frá áætlun um að binda
enda á borgarastríðið.
Sarkis, Yasser Arafat, leiðtogi
PLO, og utanríkisráðherrar
fjögurra ríkja luku f dag við gerð
vinnuplaggsins, sem er f 13 liðum.
Sættir Sýrlendinga og Egypta,
sem komu nokkuð á óvart, eru
taldar mikill diplómatfskur sigur
fyrir Khalid, konung Saudi-
Arabfu.
Skýrt var frá þvf f Kairó, að
Sadat hefði sent stjórn sinni
skeyti frá toppfundinum f Riyadh
og látið f ljós góða von um að endi
yrði brátt bundinn á borgara-
stríðið í Líbanon.
Ekkert lát er á bardögum f
Líbanon, og var skotið með
fallbyssum án miskunnar á fbúða-
hverfi f Beirut. Álitið er, að 80
manns hafi týnt lífi og um 200
særzt f Fallbyssueinvígi kristinna
og múhameðstrúarmanna. Er
þetta annar dagurinn, sem skotið
er af fallbyssum á milli borgar-
hluta, sem eru f höndum þessara
aðila.
Beirut-útvarpið, sem er f hönd-
um vinstrasinna, segir að bardag-
arnir í dag séu þeir grimmustu
sfðan strfðið byrjaða fyrir 18
mánuðum.
Fréttir frá Riyadh um að
ráðstefna leiðtoga Araba ætlaði
að bera árangur höfðu engin áhrif
á bardagana. Kenna hvorir öðrum
um upptök þeirra.
— Ford
Framhald af bls. 1
6% forskot á Ford. Það sem mest
kom á óvart vað skoðanakönn-
unina var að fyrrverandi öldunga-
deildarmaður demókrata, Eugene
McCarthy, sem er með óháð
framboð, nýtur stuðnings 6%
þeirra 1503 manna er spurðir
voru. Að sögn Reuters geta
vinsældir McCarthys minnkað
möguleika Carters f kosningun-
um 2. nóvember nk.
Staða Fords, sbr. úrslitum
Harris-skoðanakönnunarinnar,
kann að versna vegna hugsan-
legra vandræða sem kunna að
fylgja í kjölfar ummæla hins
metna manns, George Brown
hershöfðingja, þess efnis að
ísrael væri hernaðarleg byrði á
Bandaríkjunum. Þess er skemmst
að minnast, að fyrir tveimur árum
vitti forsetinn Brown fyrir að láta
svo um mælt að Gyðingar hefðu
óvenjuleg áhrif á þing
Bandaríkjaanna, bankana þar í
landi og á blöðin.
Þessi ummæli voru höfð eftir
Brown í viðtali, sem verður opin-
berað f næstu viku. 1 frétt frá
Hvfta húsinu segir, að það hafi
ekkert um þessi ummæli að segja
fyrr en þau koma fyrir almenn-
ingssjónir. Talsmaður Hvíta húss-
ins, Ron Nessen, sagði að Donald
Rumsfeld, varnarmálaráðherra,
væri að kanna frásagnir þess efn-
is að George Brown hefði f viðtal-
inu sagt „að frá hernaðarlegu
sjónarmiði séð, yrði að líta á ísra-
el sem byrði á Bandaríkjunum".
Þessi ummæli koma tæpri viku
eftir að Ford forseti hafði gefið út
þær yfirlýsingar að Israelum yrðu
fengin ný og fullkomin bandarisk
vopn, en þá ákvörðun neitar for'-
setinn að setja í samband við til-
raunir hans til að efla vinsældir
sínar meðal kjósenda af Gyðinga-
ættum.
Kosningabarátta þeirra Fords
og Carters verður frekar tak-
mörkuð þessa vikuna, þar sem
sem báðir búa sig af kappi undir
lokaeinvígið, sem verður sjón-
varpað frá Williamsbury í
Virginiu-fylki á föstudag.
— Keflavík
Framhald af bls. 2
spyrna við fótum ef lýsingarn-
ar reyndust sannar.
A laugardagskvöldið kom
einn rútubill frá Reykjavík til
Suðurnesja með unglinga á
dansleik. Að sögn Hauks
Guðmundssonar voru 45
unglingar í bílnum, langflestir
undir tvítugu. Var rútubíllinn
stöðvaður og 13 unglingum
snúið við, annaðhvort vegna
ölvunar eða vöntunar á skilríkj-
um. Töluvert af áfengi var get
upptækt. „Við munum halda
þessu eftirliti áfram," sagði
Haukur. „Við ætlum að koma f
veg fyrir, að ungir krakkar
komi hingað ölvaðir og
skilrfkjalausir til þess eins að
hanga fyrir utan samkomu-
húsin, þvf ekki komast þeir inn.
Margvfsleg vandamál hafa
sprottið upp af þessum sæta-
ferðum. Til dæmis er alltaf eitt-
hvað af „eftirlegukindum",
unglingum sem missa af rútun-
um og eiga í ekkert hús að
venda.“
Haukur sagði að lokum, að
þetta eftirlit væri gert í
samræmi við 19. grein áfengis-
laganna frá 1969 en þar segir
m.a: „Ökumönnum leigubif-
reiða og annarra almennings-
bifreiða er bannað að taka
ölvuð ungmenni yngri en 20 ára
til flutnings i bifreiðum sfnum
eða leyfa þeim áfengisneyzlu
þar. Þó skal heimilt að flytja
slík ungmenni án tafar til
heimila þeirra, til lögregluyfir-
valda og á sjúkrahús.“
— Bragi
Framhald af bls. 44
ég ekki tjá mig um þetta mál,
þar sem ég mun gera ráðherra
nánari grein fyrir afstöðu
minni f bréfi nú f vikunni.
Ölafur Jóhannesson dóms-
málaráðherra sagði f gær, að
hann hefði fengið skeyti frá
Braga og biði nú eftir bréfi frá
honum. Þar til hann hefði
fengið það bréf vildi hann ekk-
ert segja um málið. Ólafur
sagði að staða sú sem Braga
hefði verið veitt f rannsóknar-
lögreglunni yrði ekki auglýst
að nýju þar sem umsækjendur
væru fyrir hendi.
Bragi Jósepsson tók það
fram við Morgunblaðið f gær,
að hann hefði sótt um stöðuna
í rannsóknarlögreglunni í
fullri alvöru. — Ég vil ekki á
þessu stigi málsins gefa upp
ástæðurnar fyrir því að ég
hafna stöðunni, en eftir að
hafa hugsað þessi mál i ró og
næði yfir helgina tók ég þessa
ákvörðun.
— Hækkunin
Framhald af bls. 1
aðeins tfmabundið álaginu á
gjaldeyriskerfinu.
í Briissel lét framkvæmda-
nefnd Efnahagsbandalags
Evrópu i ljós óánægju yfir að ekki
var ráðgazt við hana áður en
gengishækkunin var framkvæmd.
Willy de Clercq, fjármála-
ráðherra Belgíu, tók f sama
streng, og sagði að stjórn sfn væri
ákveðnari nú en nokkru sinni
fyrr í að beita sér fyrir meiri
samræmingu á efnahagsmálum
EBE-landanna sjö, sem eiga aðild
að „gjaldeyrisorminum."
Á erlendum gjaldeyrismörkuð-
um einkenndust viðbrögð af
óvissu um hvort breytingin væri
nægileg til að tryggja varanlegan
stöðugleik í gjaldeyrismálum.
Markið sjálft sýndi hæga
svörun við gengisbreytingunni og
færðist rólega frá efri flotmörk-
um sínum til hinna neðri. Yfir
daginn sýndi markið litla breyt-
ingu gagnvart bandarískum
dollar, þó að taugaveiklun hefði
valdið tímabundnum breytingum.
1 London, við lokun gjaldeyris-
markaða var gildi vesturþýzka
marksins gagnvart dollar 2.4450
sem er örlftið fall miðað við gildi
þess á föstudag, sem var 2.4430.
Gjaldeyriskaupmenn f Ztirich
sögðust álíta að hækkun marksins
hefði verið of lítal til að geta verið
varanleg. Sögðu kaupmennirnir
að nýja gengið gæti staðizt í
nokkrar vikur eða mánuði, en
álag á orminn hlyti að aukast
aftur, nema efnahagshorfur bötn-
uðu hjá þeim aðildarþjóðum, sem
höllum fæti stæðu.
Samkvæmt gengisbreyting-
unni, sem fjármálaráðherrar og
stjórn seðlabankans samþykktu í
Franfurt f gærkvöldi hækkaði
markið um 2% gagnvart
belgfskum franka og hollenzkri
gyllini, 3% gagnvart norskum og
sænskum krónum og 6% gagn-
vart dönskum krónum.
Gjaldmiðlar innan ormsins
munu halda áfram að fljóta upp
eða niður um 4.5% gagnvart hver
öðrum, en gagnvart dollar og öðr-
um gjaldiðlum fljóta þeir sameig-
inlega.
Fjármálaráðherra Hollands,
Wim Duisenberg, sagði á blaða-
mannafundi i Haag, að gengis-
hækkunin ýtti að líkindum undir
verðbólgu í Hollandi en gerði
hollenzkan iðnað betur sam-
keppnisfæran við þann vestur-
þýzka.
í Kaupmannahöfn sagði Svend
Andersen, bankastjóri seðla-
bankans, að gengishækkunin
hefði komið á réttum tíma og að
hann byggist við að spákaupmenn
sneru jsér nú f ríkari mæli að
dönsku'krónunni.
— Loðna
Framhald af bls. 3
Sæmundssyni hefðu komið á
miðin fyrir nokkrum dögum og
leitað fyrst á syðra svæðinu og
nokkur loðna fundizt þar. Þá
hefði verið haldið norður með
Vestfjörðum á svæðinu 67°
norður og um 35°30’ vestur,
20—30 sjomílur úti af Hala, hefði
fundizt nokkur loðna. Fyrst í stað
hefði loðnan á þessu svæði verið
nokkuð dreifð en sfðustu þrjá
sólarhringana hefði hún aukizt og
um leið og gott veður kom hefði
loðnan hlaupið saman i góðar
torfur, sem hefðu haldið sig uppi
undir yfirborði sjávar.
„Torfurnar hafa haldið sig á
15—20 sjómílna svæði og yfirleitt
ekki á meira dýpi en 5—10 föðm-
um, þannig að auðvelt er að ná
loðnunni. Flestar torfurnar eru
10—15 faðma þykkar og þær
stærstu sem við höfum fundið eru
20—25 faðma þykkar" sagði
Hjálmar.
„Við fengum um 140 tonn á
þessum slóðum í fyrramorgun í
einu kasti og f fyrrakvöld fengum
við 200 tonn í einu kasti á þessum
slóðum," sagði Hrólfur Gunnars-
son skipstjóri á Guðmundi RE 29
þegar Morgunblaðið ræddi við
hann f gær, en þá var Guðmundur
á leið til Keflavfkur með á
áttunda hundrað tonna af loðnu.
Hrólfur sagði að köstin, sem
fengust í fyrrakvöld, hefðu verið
þau beztu sem fengizt hefðu í
langan tfma. Loðnan, sem væri á
þessu svæði, væri mjög góð.
Þá sagði hann að Guðmundur
myndi að líkindum fara eina
veiðiferð enn á loðnuna áður en
farið væri á síldveiðar við Suð-
austurland.
Andrés Finnbogason starfs-
maður Loðnunefndar sagði þegar
Morgunblaðið ræddi við hann, að
bátarnir hefðu fyrst kastað á
nyrðra svæðinu milli kl. 7 og 8 f
fyrrakvöld og verið lagðir af stað
til lands upp úr 11. Ef fleiri skip
hefðu verið á þessum slóðum,
hefði mátt búast við miklu meiri
veiði. Samkvæmt upplýsingum
Andrésar er ekki ólfklegt að ein-
hvér loðnuskip haldi til veiða
næsta daga, eða þau skip sem
bæði eru búin með síldarkvótann
í Norðursjó og hér heima.
— Fjáröflun
Framhald af bls. 19
„Happdrætti Sjálfstæðisflokks-
ins hafa á undanförnum árum að
verulegu leyti staðið undir
fjáröflun til starfsemi flokksins.
Nú er enn á ný efnt til happ-
drættis, sem hefur mikilvægu
hlutverki að gegna með tilliti til
þeirra viðfangsefna sem fram-
undan eru og þess margvislega
flokksstarfs sem nauðsynlegt er,
þegar tryggja á stefnu og
markmiðum Sjálfstæðisflokksins
fylgi.
Við væntum þess að landsmenn
bregðist vel við nú, þegar til
þeirra er leitað. Með samstilltu
átaki er styrkurinn mestur til
ávinnings þeim hugajónum, sem
Sjálfstæðisflokkurinn byggir
baráttu sína á.“
Ákveðið er, að dráttur fari fram
13. nóvember næstkomandi. Hér
er því um skyndihappdrætti að
ræða og mikils um vert, að þeir
sem fá miða heimsenda, geri
vinsamlegast skil sem allra fyrst
og auðveldi þar með skrifstofu
happdrættisins það mikla starf,
sem þar þarf að vinna.
Skrifstoa happdrættisins er í
Sjálfstæðishúsinu, Bolholti 7,
simi 82900.