Morgunblaðið - 01.03.1977, Síða 16
16
MORGUNBLAÐIÐ, ÞRIÐJUDAGUR 1. MARZ 1977
Borgarstjórinn
í Dublin heim-
sækir Reykjavík
Yngsti borgarstjóri í Dublin í 1000 ár
Borgarstjórinn í Dublin, James Mitchell, Birgir ísleifur Gunnarsson, borgarstjóri I Beykjavfk, og
Patricia Mitchell. (Ljósm. Mbl. Frióþjófur).
BORGARSTJÓRINN I Dublin,
James Mitchell, hefur verið í
heimsókn f Reykjavík I boði
borgarstjórans í Reykjavfk,
ásamt konu sinni Patriciu
Mitchell. Er hann að endur-
gjalda heimsókn Birgis tsleifs
Gunnarssonar frá því f septem-
ber s.l. er honum var boðið á
leiklistarhátfðina í Dublin,
þegar Skjaldhamrar Jónasar
Árnasonar voru sýndir þar.
James Mitchell, sem verið
hefur í Reykjavík síðan á föstu-
dag, heimsótt borgarstofnanir
og ferðast um i nágrenni
Reykjavíkur, ræddi í gær við
fréttamenn og sagðist hann
vera ánægður með að hafa
fengið tækifæri til að koma
hingað. Auk þess sem írar og
Islendingar væru skyldir, sagði
hann að þeir ættu mörg sam-
eiginleg hagsmunamál og
margt gætu þjóðirnar lært hvor
af annarri. James Mitchell
sagði, að landbúnaður og iðnað-
ur væru nú aðalatvinnuvegir
Íra, áður fyrr hefðu land-
búnaðarafurðir verið aðalút-
flutningur íra, um 70% en nú
væru það iðnaðarvörur. Fyrir
15 árum fóru 70% útflutnings
Ira til Bretlands, en nú um
50%.
Borgarstjórinn sagði að fisk-
iðnaður væri ekki mikill at-
vinnuvegur í Irlandi en vax-
andi og sérstaklega nú þegar
búið væri að stækka fiskveiði-
lögsöguna. Hann sagði að í dag,
1. marz, ætti að banna allar
veiðar togara, sem væru yfir
110 metrar að lengd, innan 50
mílna. Þar með væri erlendum
verksmiðjutogurum haldið frá
miðunum og Irar gætu aukið
umsvif sin þar. Hann sagði að
strandgæzlan hefði verið efld,
nú væri ekki aðeins stærra
svæði sem hún þyrfti að
vernda, heldur og að sinna öðr-
um verkefnum, svo sem gas- og
olíuleit.
I Dublin búa nú um 900 þús-
und manns, og sagði Mitchell að
borgin færi ört stækkandi, og
kæmi til bæði eðlileg fólksfjölg-
un og innflytjendur. Flestir
þeirra koma frá Bretlandi, en
einnig er nokkuð um inn-
flytjendur frá meginlandi
Evrópu og jafnvel Norðurlönd-
unum. Hann sagði að Irar yrðu
ekki mikið varir við óróann i
Norður-lrlandi, nema að þeir
heyrðu þaðan fréttir eins og
aðrir og þeir hefðu þurft að
verja mun meira fjármagni til
hermála og landvarna en ella
vegna ástandsins þar, en hann
kvað lítið um sprengjutilræði í
Dublin.
Að lokum má geta þess að
James Mitchell, sem er þritug-
ur að aldri, er yngsti borgar-
stjóri í Dublin i 1000 ár, og
hann sagðist vera hissa á þeirri
mildu veðráttu, sem hér hefði
verið, hann hefði átt von á snjó,
og hann lýsti áhuga sínum fyrir
að koma hingað til lands að
sumarlagi.
V idbótar lánin:
Afdrifaríkar
af leiðingar fyr-
ir fiskiðnaðinn
„ÞESSI mál eru I athugun, bæði
þessi vaxtamál og ýmislegt annað
I sambandi við erfiðleika (Jtvegs-
bankans," sagði Davið Ólafsson
Seðlabankastjóri I samtali við
Morgunblaðið I gær en eins og
fram heur komið hefur (Jtvegs-
bankinn tilkynnt aðilum innan
fiskiðnaðar og sjávarútvegs, að
þeir geti ekki búizt við svokölluð-
um viðhótarlánum á þeim kjörum
sem verið hafa. Þessi lán hafa
verið á 11% vöxtum eða allmiklu
iægri en venjulegir útláns- og
innlánsvextir. Fulltrúar fyrir-
tækja 1 fiskiðnaði sem skipta við
Ctvegsbankann hafa lýst yfir
áhvggjum sinum vegna þessarar
tilkynningar og segja að það
muni hafa hinar afdrifarfkustu
afleiðingar ef tekið verður fyrir
þessi lán, en gera jafnframt ráð
fyrir að fundin verði leið til að
leysa þessi mál.
Jónas Jónsson, framkvæmda-
stjóri Síldar- og fiskimjölsverk-
smiðjunnar að Kletti, sagði
Morgunblaðinu, að bæði afurða-
lán Seðlabankans og þessi við-
bótarlán væru notuð til þess að
brúa bil i rekstrinum, þar sem
Hraðfrystihús
Grindavíkur h.f.:
Leiðrétting
ÞORVALDUR Gíslason fram-
kvæmdastjóri hafði samband við
Mbl. og vildi leiðrétta missögn i
grein i blaðinu 27. febr. um Hrað-
frystihús Grindavíkur. Var farið
rangt með nafn fyrirtækisins, en
það heitir Hraðfrystihús Grinda-
vikur, en ekki Hraðfrystistöð. Þá
vildi Þorvaldur einnig leiðrétta
þann misskilning að hann væri
einn af aðaleigendum fyrirtækis-
ins, hann væri einungis einn af
113 hluthöfum, en það væri
Grindavfkurbær, sem ætti stærst-
an hlut.
r t
INNLENT
fiskmjölsverksmiðjurnar yrðu að
staðgreiða bæði olíu, vinnulaun,
poka og hráefni og afurðalánin
dygðu hvergi nærri til að standa
undir þessum greiðslum, en
greiðslur fyrir fullunna fram-
leiðslu komu iðulega eftir á. „Ef
við getum ekki selt framleiðslu
okkar svo til um leið og við fram-
leiðum, þá erum við hér með
komnir f vandræði," sagði Jónas,
„og við verðum þá að skulda ein-
hverjum þessara aðila sem við
þurfum til að sækja verulegar
fjárhæðir.“
Þá bar Morgunblaðið þetta
einnig undir Guðmund R. Ing-
varsson, framkvæmdastjóra
bæjarútgerðar Hafnarfjarðar,
sem svaraði því til að ef ekki
fengist einhvers konar fyrir-
greiðsla þá þýddi þetta i raun að
fjölmörg fiskiðjufyrirtæki stöðv-
uðust. Hann sagði, að eins og mál-
um væri háttað í dag færu endur-
kaupalánin frá Seðlabankanum,
sem eru jafnan 58% af áætluðu
skilaverði, langt i það að standa
undir hráefniskostnaði en síðan
stæðu viðbótarlánin nokkurn veg-
inn undir vinnulaunakostnaði. Ef
breyting yrði á þessu fyrirkomu-
lagi hefði þaó i för með sér að
fiskiðjufyrirtækið yrðu að skulda
verulegan hluta hráefniskaup-
anna, því að ekki væri um það að
ræða að skulda vinnulaunin.
Guðmundur sagði að naumast
væri um það að ræða að frysting-
in, sérstaklega á SV-horni lands-
ins, gæti tekið þessi viðbótarlán á
venjulegum útiánsvöxtum, þar
sem samsetning afla til þessara
frystihúsa væri það óhagstæð að
þessi frystihús gætu ekki tekið á
sig frekari kostnaðarauka. Menn
einblíndu gjarnan á þær verð-
hækkanir sem orðið hefðu á fryst-
um fiski á Bandaríkjamarkaði, en
þar væri fyrst og fremst um að
ræða verðhækkanir af þorski og
ýsu en ekki karfa og ufsa sem
væri uppistaðan i þvi hráefni sem
frystihúsin suðvestanlands hefðu
úr að moða. í reynd hefði t.d. verð
á karfa lækkað um síðustu ára-
mót, þegar felldar hefðu verið
niðurgreiðslur úr verðjöfnunar-
sjóði til frystihúsanna til vinnslu
á þeirri fisktegund, þannig að
frystihúsin sem . ynnu aðallega
karfa stæðu þvf mjög höllum fæti.
Það er margt starfið auðveldara en að standa i útskipun I snjóf júki frammi á bryggju, en skipið bfður
ekki og karlmennirnir eiga annrfkt á öðrum vfgstöðvum, og þá kemur til kasta kvenfólksins að koma
afurðunum fyrsta spölinn á markaðinn. Myndin er frá Djúpavogi þar sem þeir — eða réttara sagt þær
— voru að koma frá sér nokkru af saltsfldinni. Söltunin þarna f haust mun hafa numið einum 5,000
tunnum. — Ljósm. Ilermann Stefánsson.
Mývatnssveit:
Öræfafarar i erfidleik-
um vegna snjóleysis
Björk, Mývatnssveit,
28. febrúar.
NÍU manna hópur lagði sl. laug-
ardagsmorgun af stað í ferð á
vélsleðum suður á Öræfi. Þar af
voru fimm Mývetningar, þrfr frá
Húsavfk og einn starfsmaður í
Kröflu.
Fyrst var haldið suður og upp
af Þrengslaborgum, óg þaðan
vestan og sunnan Bláfjalls að
Kollóttudyngju. Ekið var upp á
hana en hún mun vera 1180 metra
yfir sjó. Síðan var tekin stefna
austan Öskju að Drekagili. Þá var
haldið inn að Öskju og allt inn að
vatni, og áfram í gegnum svokall-
að TröIIadyngjuskarð, þá austur
sunnan við fjöllin og aftur að
Drekagili, þar sem gist var um
nóttina.
í gærmorgun var haldið heim-
leiðis, fyrst að Vaðöldu og síðan
um Herðubreiðarlindir og norður
með Jökulsá. Nokkuð tafði hvað
snjólaust var í hrauninu norðan
við lindirnar og allar ár islausar. i
Herðubreiðarlindum fundust tvö
lömb og var annað lambið nýlega
dautt en hitt lambið fluttu þeir
með sér til byggða. Þangað var
komið klukkan að ganga 11 í gær-
kvöldi.
Þeir ferðafélagar róma mjög
þessa ferð, enda einstaklega gott
veður allan timann, logn og bjart
en nokkuð frost. (Jtsýni var með
afbrigðum gott og ólýsanleg feg-
urð á fjöllum. Og að lokum öllum
farartækjum heilum i hlað ekið.
— Kristján.