Morgunblaðið - 15.06.1977, Side 12

12
MORGUNBLAÐIÐ, MIÐVIKUDAGUR 15. JÚNl 1977
Vernharður Bjarna-
son, „Venni frá
Húsavík” — Sextugur
Hver gæti trúað þvi að þessi dálít-
ið þybbni en sporlétti „drengur"
sé orðinn sextugur? Ekki grátt
hár i höfði, broshýs, glaður og
reifur, ræðinn og léttur í lund
eins og frá fyrstu stund.
Jú — það er staðreynd, að hinn
16. júnf fyrir sextíu árum, leit
vinur minn Venni fyrst „heims-
ljósið“ á Húsavík við Skjálfanda,
6. barn hinna þjóðkunnu hjóna
Þórdísar Ásgeirsdóttur frá
Knarrarnesi á Mýrum og Bjarna
Benediktssonar prests að Gren-
jaðarstað, kaupmanns og póst-
meistara á Húsavík.
Og Venni „grát dá han ble födt“
eins og sæmir hraustum og táp-
miklum drengjum við fæðingu,
en nær er mér að halda að það
hafi verið „gleðitár“, þvi að síðan
hefur „brosið“ ráðið ríkjum hjá
Venna. Og þetta fallega og inni-
lega bros hefur hann gefið sam-
ferðamönnum á lifsleiðinni af
miklu örlæti.
Á þessum merkisdegi sínum
opnar svo Venni Félagsheimilið á
Seltjarnarnesi fyrir ættingjum
sínum og vinum, svo á hann geti
þar enn einu sinni brosað framan
ið þá sem allra flesta á einum og
sama staðnum. Slik er höfðings-
lund Venna og honum kæmi aldr-
ei til hugar að auglýsa i fjölmiðl-
um „Er f jarverandi í dag.“ Nei —
aldeilis ekki.
Venni á nú að baki óvenjulega
litríkan og fjölskrúðugan lífsferil,
sem gæti orðið eftirsóknarvert og
fjöllesið bókarefni í höndum við-
talssnillingsins Matthíasar
Johannessen, ritstj. Venni stund-
aði jöfnum höndum búskap og
útgerð hjá föður sínum á
bernskuárunum á Húsavík. Ung-
ur fór hann siðan til sjós, varð
varðskipsmaður — varði land-
helgina — sigldi mörg ár á skip-
Um Eimskipafélags íslands, var
togarasjómaður, sigldi um öll
heimsins höf á skipum öst-
Asianska félagsins í Kaupmanna-
höfn, naut slikrar viðurkenningar
og trausts hjá því félagi, að hann
var settur til skrifstofustarfa á
skrifstofu þess i Bangkok og
Singapore. Kominn heim úr þess-
um ævintýraferðum settist hann í
Samvinnuskólann og lauk þar
námi á einum vetri með láði. Á
stríðsárunum starfaði hann í
Vestmannaeyjum og fór þá marga
hættuferðina með íslenzkum
fiskiskipum á milli íslands og
Englands. Síðan hvarf hann heim
á æskuslóðirnar. Varð deildar-
stjóri hjá Kaupfélagi Þingeyinga
þar og síðan forstjóri Fiskiðju-
samlags Húsavíkur og gerði það
að fyrirmyndar-fyrirtæki. Hann
átti sæti f bæjarstjórn og bæjar-
ráði Húsavíkur og fjölmörgum
mestu trúnaðarnefndum bæjar-
félagsins og svona mætti lengi
telja. Venni er líka allra manna
fróðastur um hvers konar hluti,
bæði innlenda sem erlenda, enda
sjálfmenntaður með afbrigðum.
Ég gleymi aldrei því, sem faðir
minn sagði um Venna, þegar faðir
minn starfaði hjá Fiskimálasjóði
eftir að hann lét af embætti sem
sýslumaður Þingeyinga: „Venni
er beztur af þeim öllum — frábær
„ordensmaður“ og skilamaður.
Þetta er falleg einkunn sem allir
taka undir, er kynnst hafa Venna.
Ég minntist i upphafi þessara
fáu orða á „drenginn" — litla
snáðan sem fæddist á Húsavík
fyrir sextíu árum. En Venni —
þessi tryggi og góði vinur minn —
er drengur í þess orðs víðtækustu
og beztu merkingu. Drenglund
hans og drengskapur eru annáluð
hjá öllum, sem kynnst hafa
Venna — og ekki sízt meðal nán-
ustu ættingja hans og vina. Það er
gott að eiga slíkan dreng að vini.
Venni er kvæntur glæsilegri
ágætiskonu, Birnu Björnsdóttur
frá Vestmannaeyjum og er sam-
búð þeirra og hjónaband annálað
og til fyrirmyndar. Þau eiga 5
mannvænleg börn, þrjú tengda-
börn og 6 barnabörn. Og mér er
það mætavel kunnugt, að Venni
er mikill og „stór pabbi“ og yndis-
legur afi.
Ég færi þessum góða vini mín-
um hinar beztu árnaðaróskir á
þessum merkisdegi hans, þakka
honum fyrir samleiðina, öll bros-
in og skemmtilegheitin fyrr og
sfðar og raunar daglega. Þú berð
alltaf sól í bæinn, gamli, góði vin-
ur.
Jakob V. Hafstein.
Vernharður hefur beðið Mbl. að
geta þess, að hann vonist til að sjá
sem flesta vini og kunningja í
Félagsheimilinu á Seltjarnarnesi
á morgun, afmælisdaginn, milli
klukkan 16 og 20 og einnig að
hann frábiðji allar gjafir.
Landsþing Junior Chamb-
er haldið á Laugarvatni
DAGANA 18—20. júní n.k.
veröur Landsþing JC að
Laugarvatni. Þar er búizt
við um 200 manns. Meðal
gesta þingsins verða:
Ronald Au, heimsforseti
JC, Kirre Polama, forseti
JC Finnlandi, Davíð Sch.
Thorsteinsson, formaður
Félags ísl. iðnrekenda,
Sigurður Kristinsson, for-
seti Landssambands
iðnaðarmanna, Haukur
Björnsson, framkvæmda-
stjóri Félags ísl. iðn-
rekenda, Þórleifur Jóns-
son, framkvæmdastjóri
Landssambands iðnaðar-
manna.
Einkunnarorð þingsins
er:
— IÐNÞRÓUN TIL
FRAMFARA—
Umræður um málefni
iðnaðar verða undir sér-
stökum dagskrárliðum á
þinginu, en Iðnkynningar-
ráð hefur undirbúið þær
umræður.
Á þinginu verður úrslita-
leikur Mælsku- og rök-
ræðukeppni JCÍ, sem stað-
ið hefur í vetur. Þessi félög
eru í úrslitum:
Junior Chamber Reykja-
vík og Junior Chamber Sel-
foss.
Umræðuefni: ,,Á að
byggja nýjan Gullfoss?“ JC
Mjög góð þátt-
taka í sumar-
spilamennskunni
ALLS mættu 56 pör til leiks sl.
fimmtudag 1 sumarspila-
mennskuna 1 Domus Medica.
Úrslit urðu þessi:
A-riðill
Stig.
Jakob R. Möller —
Sigurður Sverriss. 248
Einar Þorfinnsson —
Sigtryggur Sigurðss. 244
Halla Bergþórsdóttir —
Kristjána Steingrfmsd. 234
B-riðill:
Ingólfur Böðvarsson —
Sigurbjörn Ármannss. 265
Pétur Einarsson —
Þorsteinn Bergmann 247
Albert Þorsteinsson —
Sigurður Emilss. 238
C-riðiil:
Hrólfur Hjaltason —
Oddur Hjaltason 196
Óskar Karlsson —
Sverrir Jónsson 175
Guðmundur Sveinsson —
Sverrir Ármannss. 173
D-riðiil:
Jón Sigurðsson —
Sigurjón Helgason 195
Gísli Steingrimss. —
Sigfús Árnason 193
Bernharður Guðm.ss. —
Bragi Jónsson 192
Meðalskor f A- og B-riðli 210
en 165 í C- og D-riðli. Næsta
spilakvöld verður á fimmtudag-
inn. Hefst keppnin klukkan 20.
Ásmundur með flest
meistarastig hjá
Bridgefélagi Rvíkur
Yfirlit um útgefin meistara-
stig hjáB.R.
Stig.
Ásmundur Pálss. 522
Einar Þorfinnss. 255
Guðbrandur Sigurbergss. 239
Guðlaugur R. Jóhannss. 364
Guðmundur Arnars. 253
Guðmundur Pétursson 282
Hjalti Elíasson 362
Hörður Arnþórss. 215
Jón Baldurss. 241
Jón G. Jónsson 227
Jón P. Sigurjónss. 239
Símon Símonarss. 224
Stefán Guðjohnssen 248
Þórarinn Sigþórsson 215
örn Arnþórsson 396
Aðrir hafa ekki náð 200 stig-
um hjá B.R. Alls hafa 123 aðilar
fengið útgefin meistarastig hjá
B.R., og þar af 27 aðilar auk
ofangreindra, sem hafa náð 100
bronsstigum.
Bridge
umsjón ARNÓR
RAGNARSSON
Athugasemd
frá yfirskoð-
unarmönnum
ríkisreiknings
BLAÐINU hefur borizt eftirfar-
andi bréf frá yfirskoðunarmönn-
um Ríkisreiknings varðandi deilu
um sjónvarpstæki:
Alþýðublaðið birti, 24. maí
athugasemdir póst- og símamála-
stjóra með feitri fyrirsögn á bak-
Ronald Au,
heimsforseti Junior Chamber.
Selfoss er gestgjafi þings-
ins.
síðu. Þar er m.a. haft eftir póst- og
símamálastjóra:
„... en ég vil taka það fram að
það sem birtist í rikisreikningum
1975 og varðar mig er hrein stað-
leysa og raunar furðulegt að slíkt
skuli birtast í sjálfum rikisreikn-
ingi íslands“.
Vegna þessa er óhjákvæmilegt
að gera grein fyrir því hvernig á
því stendur að þessi „staðleysa“
er birt með ríkisreikningi.
Yfirskoðunarmenn ríkisreikn-
ings spurðu: „Hversu mikið er um
það að Ríkisútvarpið láni starfs-
mönnum sinurn eða leggi þeim til
tæki, og með hvaða kjörum er það
gert?"
Svar það sem okkur barst við
þessari fyrirspurn byrjaði svo:
„Menntamálaráðuneytið hefur
án athugasemda af sinni hálfu
sent svofellt bréf Rikisútvarpsins
dags. 17. janúar 1977 sem svar við
athugasemdunum".
I þessu bréfi Ríkisútvarpsins er
það sem póst- og símamálastjóri
segir að sé staðleysa.
Það er alvarlegt mál þegar
framburður opinberra trúnaðar-
manna stangast á og er það vissu-
lega athugunarefni. Heimildum
ber saman um það að póst- og
símamálastjóri hafi fengið sjón-
varpstæki árið 1966. Hann segist
hafa keypt það sjálfur. Rikis-
útvarpið segist eiga það hjá hon-
um. Hvernig stendur á þessu?
Haraldur Pétursson
Halldór Kristjánsson.

VITRETD
astmálni!!
VTTRE
plastmálning myndar óvenju sterka huð.
HÓRO
Hún hefur því framúrskarandi veðrunarþol
1 Slippfélagið íReykjavíkhf
} Málningarverksmiðjan Dugguvogi
Símar33433og33414