Morgunblaðið - 07.05.1978, Blaðsíða 14
14
MORGUNBLAÐIÐ, SUNNUDAGUR 7. MAÍ 1978
,^4tvinmilíf hef-
ur gjörbreytzt
síðustu 4 árin”
„IBÚUM hefur fjölsað nokkuð
hér undanfarin ár. Fyrir 4
árum voru íbúar á Hofsósi
250—260 talsins, en nú eru þeir
300. Ástæðan fyrir fólksfjölg-
uninni er meiri og betri at-
vinna en lengi hafði verið hér,“
sagði Gísli Kristjánsson oddviti
á Ilofsósi og um leið fram-
kvæmdastjóri hraðfrystihúss-
ins þar.
„Eftir að togarafiskur fór að
bcrast hingað í ríkum mæli, —
en við fáum ‘/i af afla þriggja
toKara hér í Skagafirði, — þá
Ketur vart heitið að vinnudag-
ur hafi fallið niður í frystihús-
inu. bá eru gerðir út fjórir 12
tonna bátar héðan og þrír
þessara báta komu hingað á
síðasta ári, og að því er ég bezt
veit var rekstrarafkoma þess-
ara báta allsæmileg á s.I. ári.
Tólf tonna bátarnir voru á
netum í fyrravor og fyrrasumar,
en róðrar með net voru óþekkt
fyrirbrigði hér fram að því.
Ástæðan fyrir sæmilegum afla
bátanna í net á þessum árstíma
tel ég að sé sú, að hin mikla
friðun fyrir Norðurlandi sé nú
farin að bera árangur. Þá má
geta þess að þrír þessara báta
eru nú byrjaðir róðra með
þorskanet, en enn sem komið er
hefur afli verið frekar tregur."
— Hvernig standa hafnar-
málin hér á Hofsósi með vax-
andi útgerð?
Höfnin stendur
aukinni báta-
útgerð fyrir
þrifum
„Málið lítur einfaldlega þann-
ig út, að það er höfnin, sem
stendur aukinni bátaútgerð fyr-
ir þrifum. I raun er þessi höfn
ekki annað en sumarhöfn. Það
sem þarf að gera til að hún
segir Gísli Kristjáns-
son oddviti á Hofsósi
batni er að dýpka hana, en víða
er mjög grunnt við höfnina og
eins þarf að ganga betur frá ytri
varnargarðinum, frá honum
hefur aldrei verið gengið endan-
lega. Ef þetta tvennt yrði gert,
þá eigum við von á að ókyrrðin,
sem oft er í höfninni, minnkaði
mikið.
Auðvitað lifum við í þeirri
von, að bætt verði úr hafnar-
málunum, öllu er lofað, en
reynslan er sú, að ávallt er öllu
frestað til næsta árs; sá leikur
hefur verið leikinn nokkuð lengi.
40 — 50 manns
vinna
í frystihúsinu
„í frystihúsinu hjá okkur
vinna nú 40—50 manns að
jafnaði. Um reksturinn er það
að segja að hann gekk allþokka-
lega á s.l. ári, en við eigum nú
við sömu erfiðleika að etja og
önnur hús,“ segir Gísli.
Á síðustu árum hefur verið
unnið að endurbyggja frystihús-
ið á Hofsósi frá grunni, enn-
fremur hefur verið bætt við
vélum og öðrum búnaði, en engu
að síður hefur tekist að halda
uppi fullri vinnu í húsinu. Er
áætlað að breytingum á frysti-
húsinu ljúki í maílok.
„Við þessar breytingar á
húsinu aukast afköstin og
vinnuaðstaða verður allt önnur.
Upphaflega var frystihúsið ekk-
ert annað en 6—7 smáhýsi og
voru þau aldrei hugsuð sem
frystihús. Þegar ráðist var í
endurbyggingu frystihússins
var það tekið til bragðs að
byggja bókstaflega utan um
þessi smáhús og síðan hafa þau
verið rifin smátt og smátt innan
úr nýja húsinu, þannig að eftir
stöndum við með nýtt hús.“
— Hvaða annar atvinnu-
rekstur er á Hofsósi?
„Það ber kannski fyrst að
nefna, fyrirtækið Stuðlaberg,
sem er í eign Fjólmundar
Karlssonar. Stuðlaberg fram-
leiðir hljóðkúta fyrir bifreiðar,
og gengur rekstur þessa fyrir-
tækis vel. Húsnæði þess var
stækkað mikið á s.l. ári og vinna
nú 10 manns hjá fyrirtækinu. Þá
er saumastofa í Hofsósi, sem
rekin er af Heklu og Kaupfélagi
Skagfirðinga. Þarna vinna 8
konur að staðaldri. Þá má geta
þess að á s.l. ári var sett hér á
laggirnar nýtt bifreiðaverk-
stæði.“
— Hverjar eru helztu fram-
kvæmdir hreppsfélagsins?
4 íbúðir
byggðar
á vegum
hreppsins
„Við tókum í notkun á sl. ári
fyrstu 4 íbúðirnar, sem byggðar
eru á vegum sveitarfélagsins.
Um þessar mundir erum við að
athuga með áframhaldandi
byggingar svipaðra húsa. Nú, þá
er hitunarkostnaður húsa ofar-
lega á baugi hjá okkur, og um
Um gatnagerð er það að segja,
að sveitarfélagið hefur ekki haft
bolmagn til að ráðast í varan-
lega gatnagerð, og veit ég ekki
hvort það verður á næstunni.
Hluti skólans
tekinn
í notkun
Nýr skóli hefur verið lengi í
byggingu, og hluti hans hefur
þegar verið tekinn í notkun. Enn
á eftir að byggja íþróttahús og
mötuneyti, en lokið er við
byggingu 4 kennaraíbúða. Skól-
inn hér á Hofsósi er rekinn í
sameiningu af sveitarfélögunum
hér í kring og er börnum ekið
daglega í og úr skólann. Fjöldi
nemenda í vetur er nokkuð á
annað hundrað." Þá sagði Gísli,
að heilsugæzla væri í viðunandi
horfi. Héraðshjúkrunarkona
byggi á Hofsósi og læknir frá
Sauðárkróki kæmi einu sinni í
viku. Þegar um alvarleg sjúk-
dómstilfelli væri að ræða leitaði
fólk siðan á sjúkrahúsið á
Sauðárkróki.
Félagslíf
í miklum
blóma
Ennfremur gat hann þess að
félagsheimili staðarins, Höfða-
borg, sem lengi hefði verið í
smíðum, hefði verið vígt fyrir 5
Kennsla í sjóvinnu heíur verið tekin upp í unglingaskólanum á
Hofsósi og nýtur vinsælda. Hér er ungur piltur að riða troll.
þessar mundir er verið að kanna
möguleika á uppsetningu fjar-
varmaveitu og eiga niðurstöður
að liggja fyrir, eftir tvo mánuði
eða svo. Það eru Orkustofnun og
RARIK sem hafa athugað
möguleikann á varmaveitunni,
og það sem helzt kemur til
greina, er mér sagt, er kyndi-
stöð, sem síðan yrði hituð upp
jöfnum höndum með olíu og
afgangsrafmagni. Þá má og geta
þess að hér í nánd hafa verið
gerðar athuganir með heitt
vatn, en ekki hefur verið borað
árum og væri félagslíf með
miklum blóma, enda góð aðstaða
til slíks í félagsheimilinu.
„Hér eru öll félög starfandi,
sem nöfnum tjáir að nefna,
verkalýðsfélag, leikfélag, ung-
mennafélag, Lionsklúbbur og
kvenfélag svo eitthvað sé nefnt.
Leikfélagið er t.d. að æfa leikrit,
sem væntanlega verður sýnt
síðast í maí. Þá starfar söngfé-
lagið Harpan af miklum krafti,
og það er ekki fjarri lagi að
segja, að hér séu allir í ein-
hverju félagsstarfi," sagði Gísli
að lokum. — Þ.Ó.
Milli 40 og 50 manns hafa fasta atvinnu í frystihúsinu á Hofsósi. Pakkhúsið, elzta hús á landinu, stendur í fjörukambinum á Hofsósi og er það nú í vörzlu
Þjóðminjasafnsins.