Morgunblaðið - 06.06.1978, Blaðsíða 17

Morgunblaðið - 06.06.1978, Blaðsíða 17
MORGUNBLAÐIÐ, ÞRIÐJUDAGUR 6. JÚNÍ 1978 17 Gudmundur Hallvardsson, formaður Sjómannafélags Reykjavíkur 200 mílur koma til álita í f ram- tíðinni - setið á varnarorðum! fíæða fíutt á Sjómannadaginn Bjargvættir fortíðar sigldu um sæinn, sóttu lífsbjörg í æginn fyrir byggðir og bæ. Voru fyrstir að fanga farsæld langa og stranga. sókndjarfir sí og æ. Góðir áheyrendur, þannig hljómar fyrsta kvæðið af þrem eftir Geir Sigurðsson sem hann orti í tilefni samkeppni sem háð var fyrir um þ.b. 40 árum um ljóð og lag er nota átti sem sjómannasöng á þessum hátíðis- degi. I þessu kvæði felast allmargar staðreyndir um íslenska sjómannastétt, sem flestum er hreyft á slíkri stundu sem nú og alþjóð samþykkir í hjarta sínu en falla síðan í gleymskunnar dá við sólsetur Sjómannadags. Sjaldnast minnast fulltrúar sjómanna á kjör stéttarinnar á slíkri stundu enda Sjómannadeginum ætlað annað hlutverk, þ.e. að kynna landsfólki störf sjómannsins. Þó get ég ekki látið hjá líða að minnast á jafn veigamikinn þátt í tekjum fiskimannsins og fisk- verðsákvörðunin er. Hin síðari ár hefur fiskverðsákvörðunin verið í nokkru jafnvægi við almennar hækkanir launafólks í landi og verið þess valdandi að fiskimenn hafa að mestu haldið sinni sneið úr þjóðarkökunni. Hinn 1. júní átti fiskverð að liggja fyrir, ennþá biða sjómenn þeirrar ákvörðunar og verður enn einu sinni að ítreka þá kröfu sjómanna að lög- og samnings- bundnum ákvæðum í þessu efni sé fylgt. Sem kunnugt er ákvarðast fiskverð að miklu leyti eftir rekstrarreikningi fiskvinnslunnar í landinu. Allur gangur er á þeirri rekstraraf- komu, en einsýnt virðist að út úr þessum meðaltalsrekstri sem til grundvallar fiskverði er lagður, verði teknir fleiri fiskvinnslu- aðilar en þegar er gert. Hallarekstur atvinnutækja á stöðum sem þjóðfélagið telur rétt að halda í byggð verður að greiða úr Byggðasjóði eða öðrum sameiginlegum sjóðum landsmanna, en ekki að greiðast af hlut fiskimanna og útgerðar- manna úr fiskverði. Samtök sjómanna verða að gera sig meira gildandi en nú er ásamt öðrum aðilum sem hagsmuna eiga þar að gæta, um ráðstöfun fjár til reksturs og framleiðni ásamt aukandi aðgerðum í fiskvinnslu og útgerð. Má þar m.a. nefna fjárfyrirgreiðslu þess opinbera til flestra aðila fisk- vinnslunnar í landinu í því skyni m.a. að efla afköst og auka nýtni fiskvinnslunnar en því fé er að mestu ráðstafað i steinsteypu. Öryggismál sjómanna þarfnast stöðugrar árvekni og þar lang- þýðingarmest að sjómenn sjálfir fylgist með öryggisútbúnaði skipa sinna. Með lagasetningu um tilkynningarskyldu ísl. skipa hefur verið stigið stórt spor í öryggismálum sjómannastéttar- innar. Verður því ekki trúað að áfram finnist slóðar sem ekki gæta þeirra reglna er fyrrnefnd lög kveða á um. Ég vil ekki láta hjá líða um leið og ég minnist á öryggismálin, að færa félögum Slysavarnafélags íslands fyrr og nú um land allt árnaðaróskir og þakkir í tilefni af 50 ára afmæli þess og gifturíku hálfrar aldar starfi. 200 sjómílna fiskveiðilög- saga íslendinga er orðin staðreynd. Minnist þess nokkur nú, að nokkru eftir að 50 sjómílna fiskveiðilögsagan var orðin staðreynd, undirrituðu 50 íslendingar þ. á m. forsvars- menn sjómanna og útvegs- nianna skjal þar sem skorað var á þáverandi ríkisstjórn að færa fiskveiðilögsöguna út i 200 sjómílur. Þessi áskorun var tekin upp af stærsta stjórn- málaflokki landsins, þá í stjórn- arandstöðu og svo fór að allir urðu sammála um og árangur sést nú. Þá lá á borði ríkis- stjórnar margumrædd svört skýrsla fiskifræðinga sem ekki mátti sjá dagsins ljós af póli- tískum ástæðum. Svo einkennilega var brugðist við áskorun 50-menninganna af stjórnvöldum þá, að þetta uppátæki fyrrnefndra aðila var flokkað undir barnaskap. Og þáverandi stjórnarherrar áttu svör á reiðum höndum og sögðu m.a. að fyrst bæri að ljúka Hafréttarráðstefnunni. Henni er ekki lokið enn. Annar talaði un að 200 míiur kæmu til álita í framtíðinni, og hinn þriðji hafði gaman af og talaði um að fiskveiðilögsaga íslendinga myndi ná langt upp á Græn- landsjökul. Sá virtist ekkert vita um miðlínu eða fyrirsjáanlega þróun þeirra mála. Og þá var setið sem fastast á rituðum varnarorðum fiskifræðinga okkar um ástand þorskstofna við Island. Því mæli ég þessi orð hér, að íslenskir fiskimenn vilja fá allar upplýsingar strax og þær liggja fyrir um ástand og horfur fiskistofna við landið hvort sem skýrslan er svört eða blá, slíkt er þeirra mál en ekki skrifborðsmanna einna. Sjómenn vilja taka þátt í öllum skynsamlegum ráðstöfunum til eflingar fiskstofnum við landið svo og þeim takmörkunum á veiðisvæðum sem verða má til hins sama. I þessu máli mætást sjómenn allir í anda þótt fjarlægðir skilji á milli. Einnig í því, að efnahagsleg ofveiði fyrri ára sem öll þjóðin hefur notið góðs af, verði nú ekki aðeins mætt með rýrnandi hlut fiskimanna, heldur af þjóðinni allri. Ég vil að lokum senda sjómönnum öllum og fjölskyld- um þeirra kveðjur mínar og árnaðaróskir. Sæmundur R. Ágústsson við nýju ljósritunarvélina. Stensill bætir við húsnæði sitt „VIÐ höfum að undanförnu ekki getað annað eftirspurn, en með tilkomu nýju tækjanna og bættri aðstöðu, vonumst við til að geta boðið upp á betri þjónustu og tekið að okkur fleiri verkefni." Svo mælti Magnús H. Jónsson, einn eigenda fjölritunarstofunnar Stensils, á blaðamannafundi sem nýlega var haldinn í tilefni af því að húsnæði Stensils hefur verið stækkað og tækjakostur endurnýj- aður. Fjölritunarstofan Stensill var stofnuð fyrir þremur árum, og var hún \' upphafi einkafyrirtæki Magnúsar H. Jónssonar, en 1976 eignaðist Sæmundur R. Ágústsson hlut í fyrirtækinu. Varð Stensill hlutafélag hinn 1. febrúar síðast- liðinn. Að sögn eigenda Stensils hefur það oft verið þeim baggi að engin aðstaða var til að taka á móti viðskiptavinunum, nema inn á milli véla i vélasal. Nýja húsnæðið mun bæta verulega hér úr, en þar verður hægt að veita mun betri fyrirgreiðslu en áður. Húsrýmið eykst um helming og hefur Sturla Már Jónsson innan- hússarkitekt teiknað innrétting- arnar í nýia húsnæðinu. Tækjakostur Stensils h/f hefur aukizt og batnað með aukinni umsetningu og nú fyrir stuttu tók fjölritunarstofan í notkun nýja ljósritunarvél, sem eigendur fyrir- tækisins segja vera þá fullkomn- ustu á markaðinum. Hún tekur á venjulegan pappír og skilar ljós- ritum í sumum tilfellum betri en frumritið er.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.