Morgunblaðið - 20.06.1978, Blaðsíða 26

Morgunblaðið - 20.06.1978, Blaðsíða 26
26 MORGUNBLAÐIÐ, ÞRIÐJUDAGUR 20. JÚNÍ 1978 SLAKASTI LEIK- UR ÍTALÍU í HM ÍTALÍA heldur enn í vonina um að komast í úrslitaleik HM keppninnar eftir að hafa sigrað Austurríki 1—0, á sunnudag í Buenos Aires. Leikur ítalíu þótti sá slakasti til þessa í keppninni. Það var hinn snjalli framlínumaður Paolo Rossi, 21 árs gamall, sem skoraði fyrir ítalíu strax á 14. mfnútu leiksins. Var þetta þriðja mark Rossi í keppninni. Markið kom eftir góðan samleik hans við Causio. Rossi tókst að leika á Obermayer í austurrfsku vörninni og skora örugglega framhjá Koncilia markverði. Eftir að markið hafði verið skorað dofnaði verulega yfir leik ítalana og mikið var um þóf á miðjum vellinum. Virtist sem þeir væru ánægðir með eins marks sigur í leiknum. Austurríkismenn voru ekki á þeim buxunum að gefast upp og sóttu í sig veðrið og náðu góðum tökum á miðjunni er líöa tók á leikinn en ekki tókst þeim þó að skapa sér hættuleg marktækifæri. Fékk Dino Zoff hinn frægi markvörður ítalíu engin erfið skot á sig. í síðari hálfleiknum var tvisvar brotið illa á framlínuleikmönnum Austurríkismanna inni í vítateign- um en belgíski dómarinn sá ekki ástæðu til að dæma. Eftir leikinn var Helmuth Senekowitsch mjög harðorður í garð dómarans og gagnrýndi hann mjög fyrir slaka dómgæslu. ítölsku framlínumennirnir ollu miklum vonbrigðum í leik þessum og stjarnan Bettega var tekin útaf á 71. mínútu leiksins, svo slakur þótti hann. Vörn ítalska liðsins stóð fyrir sínu að venju og gaf ekkert eftir. Leikur Austurríkis- manna var allur betri nú en á móti Hollandi, er þeir töpuðu 5—1. Meiri kjölfesta var í varnarleikn- um og mikil barátta í leikmönnum öllum. Lið Aiistnrríkisi Koncilia, Sara. Obermaycr, Pczzey, Strasser, KrieKcr. Hickersberger, I'roharsk, Schanner, Krankl. Kreuz, (vm Kurt Jara) Lið ítalíu. Zoff. Gentile. Cabrini, Benetti. Bellugi, Seirca, Causio. Tardelli. Rossi, Zaccarelli, Bettega, (vm Cuccureddu) (vm Graziani). Paolo Rossi stekkur hæð sína í iillum herklæðum, eftir að hafa skorað eina mark leiksins gegn Austurríki. (Símamynd AP) Sigurmark Itala gegn Austurríki. Paolo Rossi sendir knöttinn í netið þrátt fyrir nærveru Heinrich Strasser. (Símamynd AP) A-riöill STAÐAN í riðlunum eftir leikina á sunnudaginnr Argentína — Brasilía 0—0 Perú - Pólland 0-1 Brasilía 2 110 3-0 3 Argentína 2 110 2-0 3 Pólland 2 10 11-2 2 Perú 2 0 0 2 0-4 0 B-riðill STAÐAN í riðlinum eftir leikina á sunnudaginni Holland - V-Þýskaland 2-2 Austurrfki — Italía 0—1 Holland 2 110 7-3 3 Italía 2 110 1-0 3 V-Þýskaland 20202-2 2 Austurríki 2 0 0 2 1-6 0 FRABÆR VARNARLEIKUR Knattspyrnurisarnir í Suður-Ameríku Argen- tína og Brasilía gerðu jafntefli 0«0 í Rosario á sunnudagskvöldið í leik sínum í riðlakeppni HM. Leikvangurinn var yfirfullur af fólki og stemmningin á leiknum hreint ólýsanleg. Leik- urinn var mjög skemmtilegur og opinn hjá báðum liðum, þó þóttu varnir beggja lið- anna standa sig frábær- lega. Leikurinn var mjög hraður og kom snilli Suður-Ameríku- Argentina78 manna í knattspyrnu- íþróttinni vel fram, stuttur samleikur og geysigóð knattmeðferð sat í fyrirrúmi. I fyrri hálfleik átti Mario Kempes tvö mjög góð skot af all löngu færi á mark Brasiliumanna en Leao varði vel. Brasilíumenn sóttu mjög í sig veðrið er h'ða tók á hálfleikinn og Dirceu átti góða tilraun á 16. mínútu en skaut yfir. Allflestar sóknarlotur beggja lið- anna strönduðu á sterkum varnar- leik og neyddust sóknarleik- mennirnir til að skjóta af löngum færum svo veruleg hætta skapað- ist ekki. Töluverð harka var í leiknum og rétt fyrir leikhlé sauð upp úr er Brasilíumaðurinn Gil gaf Kempes olnbogaskot í andlitið og lá hann óvígur eftir. Hleypti þetta mikilli ólgu í áhorfendur og leikmenn, var Gil bókaður af dómaranum. I síðari hálfleiknum færðist aukin harka í leikinn og áttu Brasilíumenn þar frumkvæðið og sáust oft mjög ijót og gróf brot af þeirra hálfu. Um miðjan síðari hálfleik kom Zico inn á hjá Brasilíumönnum og hleypti hann verulegu lífi í sóknaraðgerðir liðsins en tókst ekki þrátt fyrir góðar tilraunir að brjótast í gegn um hina sterku vörn Argentínu- manna. Hættulegustu tækifæri í leiknum voru er Argentínumaður- inn Bertoni brunaði upp hægri kantinn í síðari hálfleiknum og átti glæsilega sendingu á Ortiz sem skaut rétt framhjá markinu, og er Roberto átti svipað tækifæri fyrir Brasih'umenn en misnotaði það. Dómarinn bókaði fimm leik- menn í leiknum fyrir grófan leik. Úrslit í leiknum þykja sann- gjörn. Fyrirfram var búist við að Argentínumenn myndu leika betur en harka Brasilíumanna setti þá út af laginu. Urslitin auka veru- lega möguleika Argentínumanna að komast í úrslit, þeir eiga eftir að leika gegn Perú á meðan Brasilía leikur gegn Pólverjum. Sællar minningar töpuðu Brasilíu- menn 1:0 fyrir Pólverjum í HM 1974. Lið Brasilíu. Lcao, Toninho. Oscar, Santos. Dirceu. Neto. Edinho. Batista, Mcndonca. Zico. Olivera (vm. Avansi). Lið Argcntfnu. i Fillol. Olguin. Galva, Passcrella. Tarantini, Ardiles (vm. Villa) GalleKo. Kempes. Bertoni. Luque. Ortiz, (vm. Alonso). Dómarii L Karoli Palotai Ungverjalandi. Mario Kempes (ljósklæddur) hleypur fagnandi frá pólska markinu eftir að hafa sent knöttinn í það. Síðar í leiknum skoraði hann aftur.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.