Morgunblaðið - 22.06.1978, Blaðsíða 47
MORGUNBLAÐIÐ, FIMMTUDAGUR 22. JÚNÍ 1978
47
Pólveijar gerðu
alh nema að sigra
ÞAO VAR mikið í húfi fyrir bæði liðin, Brasilíu og Pólland, er Þau mættust
í Mendoza í gærkvöldi, sigur gæti þýtt sæti í úrslitaleiknum gegn
Hollendingum. En Það voru Brasilíumenn sem skoruðu mörkin þrátt fyrir
að Pólverjar ættu allan leikinn og réðu lögum og lofum á vallarmiðjunni.
Brasilíumenn sigruðu 3—1 og var Það Roberto sem skoraði tvívegis á fimm
mínútum í síðari hálfleik.
Áhorfendur voru flestir á bandi
Pólverja og þaö ríkti þögn í herbúð-
um þeirra er Brasilíumenn náðu
forystunni á 12. mínútu. Það var
bakvörðurinn Nelinho sem skoraði
glæsilegt mark beint úr aukaspyrnu
af löngu færi. Markið var skorað
gegn gangi leiksins, Boniek, Deyna
og Nawalka réðu vallarmiðjunni og
Lato og Szarmach gerðu usla í vörn
Brasilíumanna. Brasilíumenn börðust
hin vegar grimmilega og voru varnar-
mennirnir Oscar og Amaral mjög
góðir. En á síðustu mínútu fyrri
hálfleiks skoruðu Pólverjar markið
sem þeir áttu sannarlega skilið.
Deyna og Boniek léku þá vörn
Brasilíumanna grátt og Lato renndi
knettinum í netiö af stuttu færi, 1 — 1
og leikhlé. Brasilíumenn áttu eitt
dauðafæri í fyrri hálfleik ef frá er talið
markið, er Roberto brenndi af í
kjölfar aukaspyrnu.
Pólverjar tóku upp þráðinn í síðari
hálfleik og sóttu allt hvaö af tók og
eftir aðeins fjórar mínútur voru þeir
nærri því aö skora er þeir Lato og
Szarmach splundruðu vörn Brasilíu-
manna og Deyna skaut góðu skoti
naumlega fram hjá. Brasilíumenn
vissu vart hvaöan á sig stóð veðrið
og næstu mínúturnar voru tveir
þeirra bókaðir fyrir ruddaleik og
kjafthátt, það voru þeir Mendonca og
Cerezo. Pólverjar léku á alls oddi og
geröu í rauninni allt nema að skora
og aðeins í örfá skipti mátti sjá
eitthvað að gagni til framherja
Brasilíumanna. Á 55. mínútu kom
Boniek knettinum í netið en var
dæmdur rangstæður. Síðan kom
reiðarslagið á 57. og 62. mínútu er
Roberto skoraði tvívegis fyrir
Brasilíumenn úr skyndiupphlaupum.
Fyrra markið kom eins og skrattinn
úr sauðarleggnum, er Mendonca var
að þvælast með knöttinn langt fyrir
utan vítateig Pólverja en skyndilega
sendi hann mikinn þrumufleyg aö
markinu sem skall í stönginni og
þaöan hrökk hann fyrir tærnar á
Roberto sem þurfti ekki annað en að
pota í knöttinn. Og 5 mínútum síðar
skoraði hann á ný og kom markið
eftir fádæma gauragang við mark
Pólverja, Dirceu sendi knöttinn fyrir
markið, Mendonca skaut í aöra
stöngina, knötturinn hrökk út til Gil
sem þrumaði viðstöðulaust í þver-
slána, þaðan hrökk hann til Dirceu
sem sendi hann í hina stöngina og
loks var það Roberto sem sendi
boltann óþæga í netið og gerði þar
með vonir Pólverja að engu. Þegar
flautan gall spratt Claudio Coutinho
á fætur og þrýsti Roberto að sér
enda þýddu úrslitin að Argentína
varð að vinna Perú minnst 4—0 til
þess að skjóta Brasilíumönnum aftur
fyrir sig og leika til úrslita gegn
Hollandi. En ósanngjarn var sigurinn.
LiA Brasilíui
Leao, Santos, Oscar. Bernardi. Amaral,
Nelinho, Batista, Cerezo, (Rivelino). Dirceu,
Gil. Roberto, Zico (Mendonca).
Lið Póllands,
Kukla. Maculewich. Gor«on. Zmuda.
Szymanujvski. Boniek, Nawalka. Deyna,
Kasperczak (Lubanski), Lato, Szarmach.
Dómari, Juan Silva«no frá Chile.
A-riðil 1 B-riðil 1
Lokastaðan í a-riöli
Holland 3 2 1 0 9—4 5
Ítatía 3 111 2—2 3
V-Þýzkaland 3 0 2 1 4—5 2
Austurríki 3 1 0 2 4—8 2
Lokastaðan í B-riðli
Argentína 3 2 1 0 8—0 5
Brasílía 3 2 1 0 6—1 5
Pólland 3 1 0 2 2—5 2
Perú 3 0 0 3 0—10 0
• Stjörnuleikmaður Argentínu, Mario Kempes, lengst til hægri, skorar annað mark Argentínu í leiknum gegn
Perú í gærkvöldi og leggur Þar með grunninn að stórsigri Argentínumanna. Ramon Quiroga markvörður er
hjálparlaus. Þegar hér var komið sögu höfðu Argentínumenn misnotaö mörg dauðafæri og voru Þeir orðnir mjög
taugaóstyrkir en mark Kempes braut tsinn. Símamynd AP.
ursiitum
ÞJÓÐARGLEÐI ríkti í
Argentínu í nótt eftir að
Argentínumenn höfðu sigr-
að Perú 6«0 og þar með
tryggt sér rétt til þess að
leika við Hollendinga í úr-
slitum Heimsmeistara-
keppninnar í Argentínu á
sunnudaginn kemur. Holl-
endingar unnu ftali 2.1 í
gær og tryggðu sér þar með
úrslitasæti og í gærkvöldi
unnu Brasilíumenn Pólverja
3.1. Þar með var ljóst, að
Argentínumenn urðu að
vinna Perú í síðasta leiknum
með fjögurra marka mun.
Og það tókst við gífurlegan
fögnuð áhorfenda í Rosario
og landa þeirra um alla
Argentínu. Argentína vann
6.0 og komst í úrslitin.
Lögregluyfirvöld undirbúa
nú af kappi ráðstafanir
vegna úrslitaleiksins á
sunnudaginn en málsmet-
andi menn í Argentínu bú-
ast við því að þjóðin muni
gjörsamlega sleppa sér af
fögnuði ef Argentína verður
heimsmeistari.
Hinn marksækni Mario Kempes
skoraði fyrsta markið á 20. mínútu
og síðan rak hvert færið annað, en
ekki skoruðu Argentínumenn aft-
ur fyrr en á 42. mínútu, en þá
skoraði bakvörðurinn Tarantini.
Tvö mörk á tveimur mínútum í
byrjun síðari hálfleiks lögðu lið
Perú algerlega í rúst. Kempes
skoraði á 50. mínútu og Luque
bætti því fjórða við mínútu síðar.
Og enn hélt markaregnið áfram,
Rene Houseman kom inn á sem
varamaður á 66. mínútu og skoraði
með sinni fyrstu spyrnu fimmta
markið og á 73. mínútu skoruðu
þeir enn og var það Luque sem
bætti við sínu öðru marki. Örugg-
ur stórsigur í höfn, 6—0 og
úrslitaleikur á næstunni.
Heppnissigur lAí
toppleik í Eyjum
AKURNESINGAR bættu tveimur stigum í safn
sitt er liðið vann mikinn heppnissigur yfir ÍBV
í gærkvöldi. Eyjamenn sýndu í leiknum stórgóða
knattspyrnu og sóttu mun meira en Skagamenn
þeir bókstaflega gáfu íslandsmeisturunum
þrjú mörk og töpuðu leiknum 2.3.
Veöurskilyröi til knattspyrnuiökana
voru loksins viöunandi í Eyjum í
gærkvöldi og Eyjafólk fjölmennti á
völlinn enda hafa leikir þessara liöa
á undanförnum árum verið fjörugir
og boöiö upp á góöa knattspyrnu.
Leikurinn í gærkvöldi hófst strax meö
miklum hraða og baráttu beggja liða
og strax á 7. mínútu kom fyrsta mark
leiksins og hvílíkt reiöarslag fyrir
heimamenn. Laus bolti kom skopp-
andi inn í teig ÍBV, þar var Þóröur
Hallgrímsson einn og yfirgefinn og
hugöist hreinsa frá en boltinn
skoppaði á ójöfnu og spyrna Þóröar
misheppnaðist algerlega. Pétur Pét-
ursson var ekki seinn að nota þetta
IBV - IA 2:3
Texti:
Hermann KR. Jónsson
óvænta tækifæri og hann skoraöi
meö góöu skoti, 1:0 fyrir ÍA.
Eyjamenn létu þetta áfall ekkert á
sig fá og sóttu nú ákaft og uppskáru
gott mark á 14. mínútu. Dæmd var
aukaspyrna á ÍA úti á kantinum, um
Sjá einnig íþróttir á bls. 36
37 metra frá marki. Örn Óskarsson
tók spyrnuna og skaut firnarföstu
skoti á markið, boltinn small af afli
í bringu Jóns Þorbjörnssonar og
þeyttist þaöan út í teiginn til Karls
Sveinssonar, sem skoraöi meö föstu
skoti 1:1. Áfram var sótt á báöa bóga
og hraöinn var gífurlega mikill og góö
tilþrif hjá báöum liöum. Á 17. mínútu
var dæmd aukaspyrna á ÍBV á
vítateigshorninu. Gefið var fyrir og
þar stökk Pétur Pétursson upp og
skallaöi óáreittur í netið. Þrír varnar-
menn ÍBV voru umhverfis Pétur en
hreyföu sig ekki og Ársæll Sveinsson
„fraus“ í markinu. 2:1 fyrir ÍA.
Viö þetta mótlæti æstust Eyja-
menn um allan helming og tóku
leikinn smám saman í sínar hendur.
Áttu þeir m.a. tvö dauðafæri en í
bæði skiptin varöi Jón Þorbjörnsson
af hreinni snilld, fyrst þrumuskot frá
Valþóri Sigþórssyni af markteig og
síöan átíka þrumuskot Sigurlásar af
vítapunkti.
Skagamenn gengu því til hálfleiks
með 2:1 forystu í leiknum. í seinni
hálfleik réö ÍBV lögum og lofum á
vellinum. Liðið lék frábæra knatt-
spyrnu, stutt spil mann frá manni og
góöar skiptingar út á kantana. Átti
vörn ÍA í vök aö verjast og pressan
á hana var mjög mikil. Skagamenn
• Matthías Hallgrimsson skoraði
eitt mark í Eyjum og er nú
markhæstur í 1. deild með 10
mörk.
ollu miklum vonbrigöum, þeirra
skiptun var greinilega aö halda
fengnum hlut hvaö sem þaö kostaöi
og notuöu þeir hvert tækifæriö sem
gafst til þess aö tefja og léku mjög
gróft. Mikið var um útafspyrnur eða
þá að knettinum var spyrnt fram
völlinn og framherjarnir knáu og
hættulegu látnir hlaupa og berjast
um boltana.
En á 61. mínútu kom enn gjafa-
mark frá Eyjamönnum. Matthías
Hallgrímsson var að dútla með
boltann úti á kanti og skaut fremur
lausu skoti aö marki IBV. Arsæll
Sveinsson haföi boltann allan tímann
í sigti en á óskiljanlegan hátt missti
hann boltann undir sig og Matthías
haföi skoraö sitt 10. mark í deildinni.
En Eyjamenn sóttu nú af enn meiri
krafti en áöur og Skagamenn vöröust
af enn meiri hörku. Voru tveir
Skagamanna bókaöir í leiknum og
einn Eyjamaöur. Sigurlás skaut yfir
tómt markið af markteig. Á 87.
mínútu kom svo loks mark hjá
Eyjamönnum. Örn gaf vel fyrir markiö
og Karl Sveinsson kastaöi sér flötum
og skallaöi stórglæsilega í markiö.
ÍBV haföi minnkað muninn en um
seinan.
Á síöustu mínútu leiksins átti svo
Pétur Pétursson skot í þverslá og á
sömu mínútunni skaut Karl Sveins-
son hárfínt framhjá ÍA-markinu.
Svona fór um sjóferð þá. Skaga-
menn flugu heim meö stigin tvö en.
Eyjamenn sátu eftir með sárt ennið
og spuröu sjálfa sig hvað þeir þyrftu
eiginlega til þess aö vinna leik sem
þennan.
í STUTTC MÁLI,
Vcstmannacyjavollur 1. dcild, 21. júní, ÍBV
- ÍA 2,3 (1,2).
MÖRK ÍBV. Karl Sveinsson á 17. u« 87.
mínútu.
MÖRK ÍAi Pétur Pétursson á 7. og 14.
mínútu og Matthías Hallgrímsson á 61.
mínútu.
ÁMINNINGARi Árni Sveinsson ÍA, Guðjón
Þórðarson ÍA og Valþór Sigþórsson ÍBV
fengu gult spjald.
ÁHORFENDUR. 474.
STIGAHÆSTIR.
ÍBV. Örn Óskarsson 3, hórður Ilallgríms-
son 3. óskar Valtýsson 3, Sigurlás I>orleifs-
son 3, Tómas Pálsson 3 og Karl Sveinsson
4.
ÍA. Jón Þorbjörnsson 3, Jóhannes Guðjóns-
son 3, Jón Gunnlaugsson 3. Jón Áskelsson
3, Karl Þórðarson 1 og Pétur Pétursson 3.