Morgunblaðið - 05.08.1978, Qupperneq 15

MORGUNBLAÐIÐ, LAUGARDAGUR 5. ÁGÚST 1978
15
ir með geimskutluna og hefur hún
þegar verið látin svífa til lending-
ar, en þannig er henni ætlað að
lenda. Fyrstu tilraunir til að
skjóta geimskutlu á loft verðá
gerðar á næsta ári, en hingað til
hefur verið flogið með hana upp í
háloftin á baki Júmbó-þotu.“
— Þú talaðir áðan um tilraunir
sem gott væri að eiga við í
þyngdarleysi, hvað hefurðu þá
sérstaklega í huga?
„Þyngdarleysið veitir nýja og
óþekkta möguleika á mörgum
sviðum, en sem dæmi má nefna að
menn hafa mikinn áhuga á að
kanna hvernig kristöllun efna
gengur fyrir sig í þyngdarleysi, svo
ætti líka að vera unnt að búa t.d.
til fullkomnari kúlu í þyngdarleysi
en á jörðu niðri, þar sem efnið í
henni leitar þá ekki í ákveðna átt.
Auk þess er svo mikill áhugi á að
gera ýmsar læknisfræðilegar og
líffræðilegar tilraunir.
Annars verður megináherzlan í
þessum rannsóknum lögð á fjar-
könnun á jörðinni, t.d. með
rannsóknum á sviði haffræði,
vatnafræði, jarðfræði, veðurfræði,
eðlisfræði andrúmsloftsins, og leit
að jarðefnum, en hinar öru hreyf-
ingar geimstöðvarinnar „Space-
lab“ gefa mikla nýja möguleika á
þessu sviði.
Laser-tækin
komaí
góðar þarfir
Við á laser-rannsóknastofnun-
inni hjá Messerschmitt erum að
undirbúa eina tilraun sem við
munum fara fram á að verði gerð í
einum „Space-lab“ leiðangranna,
Þar er um að ræða tilraun til að
mæla óreglur í þyngdarsviði jarð-
ar með því að rannsaka afstöðu-
breytingar tveggja gervitungla. Til
þessara mælinga þarf mælitæki
sem geta mælt hraðamun sem
nemur einum hundraðasta úr
millímetra á sekúndu úr 250 km
fjarlægð, svo laser-tækin koma
þar í góðar þarfir.
Óreglur í þyngdarsviði stafa af
hreyfingum á yfirborði jarðar og
þá til dæmis vegna landreks. Það
er laser-rannsóknastofnunin sem
ég stjórna, sem hefur með höndum
tæknilegan undirbúning þessara
tilrauna, en rannsóknir þessar eru
annars gerðar að tilhlutan háskól-
ans í Toulouse í Frakklandi og
Tækniháskólans í Múnchen, sem
hyggjast vinna úr gögnunum sem
aflast."
— Hvaða þýðingu hafa þessar
rannsóknir fyrir okkur Islend-
inga?
„Ég tel að við eigum að fylgjast
mjög náið með þessu, sérstaklega
þó öllu sem varðar fjarkönnun.
Þar er um að ræða mörg atriði
sem skipta okkur miklu, svo sem
haffræði, þar sem t.d. er rannsak-
að hitastig sjávar og eðli haf-
strauma, auk þess má nefna
hafísrannsóknir, veðurfræðirann-
sóknir og könnun á gróðri og
landeyðingu. Þar fyrir utan ættum
við að veita athygli þróun á sviði
fjarskipta, ekki aðeins landa á
milli, heldur og á milli skipa eða
flugvéla innbyrðis."
— Telur þú að íslendingar ættu
að ganga í ESA?
„Ég held að það sé ef til vill ekki
tímabært nú, enda er það mjög
kostnaðarsamt, en við eigum
tvímælalaust að ganga í ESA á
næstu árum.
Við verðum að gera okkur grein
fyrir því að geimvísindi eru ekki
einhver lúxus og leikaraskapur
vísindamanna. Árangur
Skylab-tilraunanna og geimrann-
sókna liðinna ára hefur þegar
sannað mikilvægi sitt á fjölda-
mörgum sviðum. Þessar rannsókn-
ir á jörðinni utan frá geimnum
hafa sýnt það, að fjarlægðin gerir
ekki aðeins fjöllin blá, heldur gerir
mönnum kleyft að gera sér betri
grein fyrir heildarsamræmi hlut-
anna, sem saman mynda þennan
hnött okkar.“
- SIB
Sigurgeir Sigurðsson bæjarstjóri:
Dægradvöl Gröndals
10—20 milljarðar
Ekki ber reiknimeisturum
vinstri flokkanna saman í talna-
leik sínum og munaði þar miklu
að sögn.
Eitt vafðist þó ekki fyrir
þeim, en það var að hækka
skyldi skatta á landsmönnum til
þess að auka ríkisumsvif og
draga úr ráðstöfunarfé almenn-
ings. Nú átti að setja á stofn
ótal nefndir og ráð er dreifa áttu
niðurgreiðslum til fyrirtækja,
sem væru valdhöfum þóknanleg.
Hér strandaði skútan, því
hvernig sem reiknimeistarar
Krata og Framsóknar lögðu sig
fram vantaði mikið til þess að
endar næðu saman.
Til fróðleiks læt ég hér fylgja
tekjuöflunaráætlun Alþýðu-
bandalagsins vegna hugsaðrar
niðurfærslu 1979:
a. Voltuskattur fi.000 millj.
h. Tokju- ok oiífnaskattur 2.000 millj.
c. La'kkun rckstrnrútKÍalda 1.500 millj.
d. í>a*kkun framkv.útgj. 1.500 millj
o. Minnkun útfl.b. 1.000 millj.
millj. f. Sala spariskírteina 1.800 millj.
K- llaröari innh. söluskatts
<>K sórstiik skattlagninK 2.500 millj.
16.300 millj.
Svona auðvelt er það!
Stjórnendur
landsins
Meðan hinir þjóðkjörnu
stjórnendur landsins sitja með
sveittan skallann og reyna að
mynda ríkisstjórn, brosa verka-
lýðsforingjarnir.
í dag á nefnilega að stoppa
alla útskipun, á morgun verður
ekki unnin . eftirvinna, hinn
daginn verða reknir allir verk-
stjórar sem stjórna og enginn
veit hvað svo verður gert.
Hér verður að koma til breytt
hugarfar hvort sem það er
kallað þjóðarsátt, kjarasáttmáli
eða bara almenn skynsemi.
Þessir valdaglöðu verkalýðsfor-
ingjar verða að skilja það, að
fámennir þrýstihópar eiga ekki
að stjórna landinu heldur
Alþingi, sem kjörið er af allri
þjóðinni.
Endurskoðun vinnulöggjafar
hlýtur því að vera eitt af
forgangsverkefnum komandi
þings. Ekki með það í huga að
skerða réttindi vinnandi fólks,
heldur til takmörkunar á valdi
fámennrar klíku „verkalýðsfor-
ingja“, sem misnota í pólitískum
tilgangi illa fengið vald sitt.
Hin samvirka
forysta
Einhvern veginn fer það í
taugarnar á mér að heýra talað
um samvirka forystu í Sjálf-
stæðisflokknum. Það er of líkt
þeim fregnum sem við heyrum
að austan. Að sjálfsögðu eiga
menn að vinna saman þegar
landsfundur hefur ákveðið
hverjir skuli stjórna. Keppni um
stöður t.d. formanns og varafor-
manns á að fara fram, við eigum
líkt og gott knattspyrnulið að
hafa 2—3 menn sem hæfir eru í
hverja stöðu og velja síðan þá
beztu, annars staðnar liðið.
Ég hef bent á það áður að
gegning borgarstjóraembættis í
Reykjavík ætti ekki að vera
neitt skilyrði fyrir formannsem-
bætti í Sjálfstæðisflokknum
eins og það hefur virst vera
undanfarið, höfuðborgarsvæðið
er ekki allt landið þótt mannval
sé þar mikið.
Minnihlutastjórn
Sjálfstæðis
flokksins
Þegar þetta er ritað hefur
Geir Hallgrímssyni verið falin
stjórnarmyndun.
Mjög litlar líkur eru til þess
að honum takist að mynda
meirihlutastjórn, nema í óþökk
mikils fjölda flokksmanna.
Ef slík stjórnarmyndun tekst
ekki væri eðlilegt að Sjálfstæð-
isflokkurinn stefndi að myndun
minnihlutastjórnar, án hlut-
leysis annarra flokka, segði
í stað sjónvarps
10—20 milljarðar
Stjórnendur landsins
Hin samhenta forysta
Minnihlutastjórn
Sjálfstæðisflokks
Kosningarívor
þjóðinni umbúðalaust hvað gera
þyrfti og stæði svo eða félli með
gerðum sínum.
Þetta er að vísu töluvert
breytt sjónarmið frá fyrri grein-
um mínum um skyldu „Sigur-
vegaranna" til að takast á við
vandann en þar sem það ætti nú
að vera alþjóð ljóst að kjósendur
hafa verið prettaðir, verður ekki
undan þessari ábyrgð vikist.
Kosningar
í vor
Slík minnihlutastjórn gæti
ekki vænst langra lífdaga, enda
ekki æskilegt.
Þau mál er afgreiða þyrfti í
vetur eru að sjálfsögðu efna-
hagsmál og kjördæmismál.
Flokkur sem legði fram raun-
hæfar tillögur í þeim málum á
Alþingi gæti óhræddur gengið
til kosninga í vor.
Júlí
Ekki getum við kvartað yfir
leiðindum þennan júlímánuð, þó
sjónvarpið væri lokað. Engu var
líkara en fyrrverandi formaður
útvarpsráðs legði sig fram við
að hafa ofan af fyrir landslýð.
Farið var eftir gamalkunni stefi
og fyrst stigið „eitt skref til
hægri og síðan tvö skref til
vinstri“ en allt kom fyrir ekki
enginn vildi dansa.
Nú fór að fara um fólk. Var
ekki komið nýtt andlit á flokk-
inn? Jú, mörg og fæturnir eru
gamlir og riðandi og fóru hvor í
sína áttina.
Alþýðuflokkurinn á skilið
hrós fyrir mesta „blöff" aldar-
innar eins og sagt er í póker.
Þeir fengu vinninginn án þess
að hafa neitt á hendi.
Dægradvöl Gröndals er lokið,
hún var lærdómsrík og eftir-
tektarverð.
Frá hestamóti Snæfell-
ings um síðustu helgi
Stykkishólmur 1. 8. 78.
í blíðskaparvedri á laugardagr
inn s.l. var hestamót Snæfellings
haldið á Kaldármelum. Þar voru
mætt mörg af mestu hlaupahross-
um landsins.
Úrslit í gæðingadómum urðu
þau að efstur í A flokki gæðinga
varð Gustur í eign Högna
Bæringssonar Stykkishólmi, en
knapi var Ragnar Hinriksson.
Gustur hlaut einkunnina 8,36.
Annar varð stóðhesturinn Sörli, en
hann á Jónas Þorsteinsson á
Kóngsbakka. Hann hlaut einkunn-
ina 8,04. Þriðji varð Skuggi í eign
Ragnars Ágústssonar Ólafsvík, og
hlaut hann einkunnina 7,96.
Efstur í B flokki gæðinga varð
Gösli í eign Guðmundar Eiðssonar
Stykkishólmi, en knapi var Guð-
mundur Teitsson. Gösli hlaut
einkunnina 8,18. Annar varð
Sindri í eign Hildibrands Bjarna-
sonar í Bjarnarhöfn, en knapi var
Jónas Þorsteinsson, Kóngsbakka.
Einkunnin var 8,18. Þriðji varð
Blakkur, eign Ingveldar Kristjáns-
dóttur, en knapi var Andrés
Kristjánsson.
Dómum stjórnaði Friðgeir
Friðjónsson og dómarar voru Jón
Sigurðsson, Skipanesi, Ólafur
Sigurbjörnsson, Akranesi, Guð-
mundur Árnason, Beigalda, Hallur
Jónsson, Búðardal, og Erling
Kristinsson, Hvítadal.
Þá var keppt í tveimur flokkum
unglinga 13—15 ára og 12 ára og
yngri, undir stjórn Ragnars
Tómassonar. Dómarar voru Aðal-
steinn Aðalsteinsson, Sigurbjörn
Bárðarson og Erling Sigurðsson.
Efst í eldri flokki varð Kristjana
Bjarnadóttir, Stakkhamri, á
Eldingu með einkunnina 8,0 og
efstur í yngri flokki varð Sigurður
Berntsson, Stykkishólmi, á Hrolli
með einkunina 8,66.
í 250 metra skeiði varð Fannar
fyrstur á 23.1 sek., en hann á
Hörður G. Albertsson og knapi var
Aðalsteinn Aðalsteinsson. í 800 m.
brokki varð fyrstur Faxi á 1 mín.
44.4 sek. Faxi er eign Eggerts
Hvanndal en knapi var Sigurbjörn
Bárðarson. í 250 metra unghrossa-
hlaupi varð Reykur fyrstur á 18.5
sek. en hann á Hörður G. Alberts-
son og knapi var Fríða Steinars-
dóttir. í 350 m. stökki varð Glóa
fyrst á 25.1 sek., en hana á Hörður
G. Albertsson, knapi var Fríða
Steinarsdóttir. í 800 m. stökki varð
Guttí fyrstur á 1 mín. 11.2 sek.,
eign Sigursteins Sigursteinssonar
en knapi var Pálmi Guðmundsson.
Þá má geta þess að í undanrás-
um hljóp Reykur Harðar G.
Albertssonar á 18.1 sek. eða einu
sekúndubroti yfir Islandsmeti og
hljóp hann þar einn langt á undan
öðrum og hafði enga keppni.
Mótið tókst í alla staði mjög vel
og var veðrið eitthvert það bezta
sem Snæfellingar muna eftir á
mótum sínum, logn og sólskin.
Bernt II. Sigurðsson.
Stykkishólmi.