Morgunblaðið - 05.08.1978, Blaðsíða 29

Morgunblaðið - 05.08.1978, Blaðsíða 29
MORGUNBLAÐIÐ. LAUGARDAGUR 5. ÁGÚST 1978 29 bundnar ferðir verði aðallega kvölds og morgna. Á öðrum tímum dags verði pantanir og flutningur farþega óreglubund- inn. Til að þjónustan nýtist sem bezt er mikilvægt að ferðaáætl- un bifreiðanna verði skipulögð af kostgæfni og stöðugt tals- stöðvarsamband við stjórnstöð er talið mikilvægt. Leiðakerfi verði endurskoðað eftir þörfum. Vænanlegur notandi þurfi að leggja inn skriflega umsókn til að öðlast rétt til flutnings. Trúnaðariæknir skeri úr í vafa- tilvikum. Aðalreglan sé sú, að aðrir farþegar en hreyfihamlað- ir séu ekki fluttir, en í undan- tekningartilvikum geti ættingi eða fylgdarmaður jafnframt fengið flutning. Reiknað er með, að í hverjum bíl starfi tveir menn, bílstjóri og aðstoðarmaður. Nauðsynlegt sé, að farartækið sé sérstaklega hannað í þessu skyni. Lyfta eða annar búnaður þarf að vera til að koma hjólastól úr og í bíl og fullkominn öryggisútbúnaður þarf að fylgja hverjum bíl. I skýrslunni áætla höfundar kostnað við kaup og rekstur slíkra bifreiða. Reikna þeir með að 3 bifreiðar verði keyptar og að 6 menn starfi að jafnaði við bílana, einn maður verði til afleysinga og að auki einn maður í starfi vegna fjarskipta, fjármála o.fl. Jafnframt verði starfsemin tengd stofnunum, sem fyrir eru og þannig sparist fé. Má þar nefna Félagsmála- stofnunina, Strætisvagna Reykjavíkur og Slökkviliðið. Leggja þeir til, að Reykjavík- urborg (og aðildarsveitafélög) leggi til fjármuni vegna stofn- kostnaðar og leitað verði sam- vinnu við Tryggingastofnun ríkisins um reksturskostnað. Jafnframt greiði sá, sem flutn- ings nýtur, ákveðið fargjald og sé það miðað við fargjald S.V.R. Hér hefur í stórum dráttum verið getið helztu efnisatriða úr ofangreindri skýrslu. Skýrslan er að sjálfsögðu mun ítarlegri og þarfnast athugunar og endur- ' skoðunar, enda er hér um frumsmíð að ræða varðandi þetta efni hér á landi. Vonandi verður hægt að hrinda þessu máli í framkvæmd áður en langt um líður og nauðsynlegt er að höfð sé náin samvinna við Öryrkjabandalagið og aðra þá aðila, sem sýnt hafa þessu áhuga. Birgir ísl. Gunnarsson: Um samgöngumál hreyfi- hamlaðra í Reykjavík Á fundi borgarstjórnar þann 20. júní 1974 var samþykkt tillaga frá þeim Albert Guð- mundssyni og Ólafi B. Thors um, að könnun færLfrarmá því, hvort ekki væri tímabært, að Strætisvagnar Reykjavíkur hæfu rekstur á sérhönnuðum vögnum fyrir fatlað og lamað fólk í borginni til að flytja það milli heimila og vinnustaða. Engin skipulögð þjónusta hefur verið í boði á þessu sviði hér á landi og því var hér hreyft mjög athyglisverðu máli. Tveimur mönnum var falið að vinna að umræddri könnun, þ.e. þeim Eiríki Ásgeirssyni, for- stjóra S.V.R., og Vigfúsi Gunn- arssyni, formanni Öryrkja- bandalags íslands. Unnu þeir verk sitt vel og samvizkusam- lega, kynntu sér slika starfsemi erlendis og söfnuðu upplýsing- um víða að. Skiluðu þeir ítar- legri skýrslu á s.l. vetri, sem lögð var fram í borgarráði. í inngangi að skýrslunni segja þeir m.a.: „Hugmyndir höfunda um úrbætur á sviði þessarar þjónustu miðast fyrst og fremst við það, hvernig leysa megi samgönguþarfir þess hóps fólks, sem háður er hjólastólum eða er hreyfifatlað á annan hliðstæðan hátt.“ Skýrsla tvímenninganna var lögð fram í borgarráði, en hefur síðan ekki fengið frekari meðferð. Samkvæmt tillögu okkar Alberts Guðmundssonar hefur stjórn S.V.R. nú fengið það verkefni að taka skýrsluna til meðferðar og semja endan- legar tillögur og skal því verki ljúka áður en fjárhagsáætlun fyrir næsta ár verður gerð. Vonir standa því til, að fram- kvæmdir geti orðið þegar á næsta fjárhagsári. Hér verða nú rakin nokkur atriði úr skýrslunni. í upphafi reyna skýrsluhöfundar að gera sér grein fyrir því, hve mikill fjöldi einstaklinga í Reykjavík þarfnist aðstoðar í þessu efni. í því sambandi var stuðzt við opinbera rannsókn í Svíþjóð og hlutfallstölur þeirrar rannsókn- ar yfirfærðar á Reykjavík. Jafnframt var stuðzt við athug- un um könnun á atvinnumálum öryrkja í Reykjavík, sem .gerð var af Jóni Björnssyni, sálfræð- ingi. Ályktun þeirra er sú, að 180—210 einstaklingar í borg- inni geti naumast farið erinda sinna án aðstoðar, þar sem sérsmíðaðra vagna sé full þörf. Er það nálægt 0,25% af íbúa- fjölda borgarinnar og er það sambærileg taia við það, sem tíðkast í Svíþjóð. Þá eru taldar líkur á, að allstór hópur manna eigi í nokkrum erfiðleikum með allan almennan erindisrekstur, hvort heldur sé um að ræða atvinnu eða annað, en erfitt sé að geta sér til um, hve sá hópur sé stór. I stórum dráttum eru tillögur skýrsluhöfunda um lausn vandamálsins á þessa leið: Raða eigi flutningum eftir mikilvægi og eigi eftirtalin verkefni að njóta forgangs: í fyrsta lagi flutningur hreyfi- hamlaðra til og frá vinnu. I öðru lagi flutningur til lækna, sér: fræðinga og sjúkrastofnana. I þriðja lagi flutningur til endur- hæfingarstöðva, sjúkraþjálfa og hliðstæðra aðila. í fjórða lagi aðrir flutningar, valfrjálsar ferðir. Allir flutningar tak- markist við Reykjavík, en þó með undantekningum. Jafn- framt sé reynt að fá önnur sveitarfélög til að gerast aðilar að þjónustunni, þannig að allt höfuðborgarsvæðið tengist í þetta flutningakerfi. Æskilegt er taiið að sinnt verði valfrjálsum flutningum fyrir hreyfihamlaða, þó að forgangsþjónustan sitji í fyrir- rúmi. Ennfremur að hreyfi- hamlaðir geti átt kost á lengri ferðum út fyrir svæðið, en þá gegn hærri greiðslu. Eftir því sem við verður komið þarf hinn hreyfihamlaði að geta ákveðið með hæfilegum fyrirvara hvenær hann óskar flutnings og tilkynna það stjórnendum samgöngukerfis- ins. Fyrst í stað verði nauðsyn- legt að skipuleggja ferðir þann- ig, að fastar daglegar ferðir t.d. að og frá vinnu, verði fyrirfram ákveðnar og að tiltekinn hópur manna nýti sömu ferðina. Reiknað er með að slíkar reglu- Birgir ísleifur Gunnarsson Stutt samtal við Sigurð Bjama- son sendiherra í London Vaxandi viðskipti við Bretland — betri horfur í skreiðarmálum SIGURÐUR Bjarnason sendi- herra íslands í London hefur undanfarið dvalið hér heima í sumarleyfi, lengstum vestur í Vigur. Þegar Mbl. spurði hann að því í gær, hvernig honum virtist horfa um viðskipti ís- lendinga og Breta taldi hann ástæðu til bjartsýni í þeim efnum. Ilvað snerti innflutning til íslands hefði Bretland á árinu 1977 verið í fyrsta sæti með 11 af hundraði heildarinn- flutningsins. En að því er útflutningsins frá íslandi tæki þá hefði Bretland verið í öðru sæti næst á eftir Bandaríkjun- um með 14.5% heildarútflutn- ings á árinu. Væri þetta mikil aukning frá árinu 1976 eða um 55 af hundraði. Löndunarbanni á ísfiski hefði nú að verulcgu leyti verið aflétt og f jöldi íslenzkra fiskiskipa hefði á þessu ári landað og selt í Bretlandi, flest fyrir gott verð. Sala á hraðfrystum fiski væri mikil til Bretlands. Hefði hún aukizt úr 2669 tonnum árið 1976 í 7216 tonn á árinu 1977. — Hefur þú orðið var við beiskju í garð íslendinga vegna átakanna í landhelgismálinu og niðurstöðu þeirra? >- Á því er varla orð gerandi. Sjómenn og útgerðarmenn í helztu útgerðarbæjunum voru að vísu gramir er þeir misstu aðgang að hinum fengsælu fiskimiðum í árslok 1976 í framhaldi af Óslóarsamkomu- laginu. En sú beiskja er nú að réna og brezk stjórnvöld leggja nú kapp á að vernda heimamið sin, en eiga þar við ramman reip að draga vegna aðildar Breta aö Efnahagsbandalagi Evrópu. — Þú ert jafnframt sendi- herra íslands í Nígeríu. Hvernig eru horfurnar í skreiðarsölu- málum okkar þar í landi? — Því er ekki að neita að við höfum átt þar í erfiðleikum, eins og flestum mun kunnugt um hér heima. En horfur á skreiðarsöiu eru nú betri en áður. Banka- ábyrgðir hafa verið veittar fyrir útflutningi, meginhluta þeirrar skreiðar sem legið hefur hér heima sl. tvö ár og útflutningur er nú hafinn á skreiðinni. Fyrsta skipið er nú að koma til Nígeríu og annað verður byrjað að ferma í næstu viku. Vonandi getur þessi útflutningur haldið áfram hindrunarlaust næstu mánuði, eins og um hefur verið samið. Verðmæti þessarar skreiðar er um 6 milljarðar íslenzkra króna. Ég hef átt ánægjulega samvinnu við for- stöðumenn ísl. skreiðarútflytj- enda, sem hafa orðið að fara ótal ferðir til Nígeríu vegna þessara viðskipta, sem eru þýðingarmikil fyrir íslenzkan sjávarútveg. Sjálfur hef ég farið þrjár ferðir til Nígeríu sl. tvö ár í samráði við utanríkis- og viðskiptaráðuneyti okkar, og þá jafnan tekið þátt í viðræðum við stjórnvöld og innflytjendur skreiðarinnar. Held ég að það sé sameiginlegt mat mitt og skreiðarútflytjenda að Nígeríu- menn hafi áhuga á áframhald- andi skreiðarkaupum af Islend- ingum. Er sá útflutningur mjög mikilvægur, ekki sízt vegna stundarerfiðleika í saltfiskút- flutningi okkar. Nígería er fjölmennasta land Afríku með um 80 milljónir íbúa og hefur mikla framtíðarmöguleika, vegna náttúruauðæfa landsins, t.d. olíu og gass. Islenzkir aðilar vinna þar einnig að byggingarfram- kvæmdum í samvinnu við Nígeríumenn, að ógleymdum pílagrímaflutningum íslenzku flugfélaganna milli Nígeríu og Saudi Arabiu ár hvert. Það er mín skoðun, að okkur Islendingum beri að hafa nána samvinnu við Nígeríumenn í framtíðinni og láta einskis ófreistað til að treysta við- skiptatengsl okkar við þá, sagði Sigurður Bjarnason sendiherra að lokum.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.