Morgunblaðið - 10.10.1978, Blaðsíða 11

MORGUNBLAÐIÐ, ÞRIÐJUDAGUR 10. OKTÓBER 1978 1 1
ísbjarnarverksmiðjan á Seyðisfirði.
„Alltaf jafn gaman að
fást við vandamálin“
— segir Hilmar Haraldsson
verksmiðjustjóri hjá
ísbirninum h.f. á Seyðisfirði
Sfldar- og loðnuverksmiðja ísbjarnarins h.f. á Seyðisfirði er að
líkindum orðin einhver fullkomnasta verksmiðja sinnar
tegundar á landinu. ef ekki sú fullkomnasta, en viðamiklar
breytingar voru gerðar á verksmiðjunni á s.l. ári og í byrjun
þessa árs og lauk ekki breytingunum fyrr en langt var liðið á
Íoðnuvertíð. Ókunnugur sér kannski ekki svo mikinn mun á
þessari verksmiðju og öðrum þegar hann kemur inn í hana, nema
þá helzt að í þessari verksmiðju er búið að flísaleggja öll gólf
kringum vélasamstæðurnar, sem enn og því miður er óvenjulegt í
íslenzkum fiskimjölsverksmiðjum. Þá er mjölið sett í kassa í stað
poka áður og er síðan skipað út í skipin á færibandi.
Verksmiðjustjóri í ísbjarnarverksmiðjunni á Seyðlsfirði er
Hilmar Haraldsson og hefur hann einnig séð að miklum hluta um
þær breytingar sem gerðar hafa verið. Hilmar, sem er 43 ára
gamall, var fyrst verksmiðjustjóri í sfldarverksmiðju 24 ára að
aldri og segja má að síðan hafi hann lifað og hrærzt í sfldar- og
loðnubræðslum.
„Ég hóf störf sem verksmiðju-
stjóri í Neskaupstað sumarið
1959, en áður var ég búinn að
læra vélvirkjun og var í vélskól-
anum þegar ég byrjaði þar, en
vélstjóranámi lauk ég 1961. Ég
neita því ekki, að það var erfitt
að taka við starfi verksmiðju-
stjóra jafn ungur og ég var,
helmingur starfsmanna hefur
sennilega verið yngri en ég,
annars fann maður aldrei fyrir
þessu, því áhuginn var ódrep-
andi. A meðan ég var hjá
Síldaryinnslunni í Neskaupstað
var Hermann Lárusson fram-
kvæmdastjóri fyrirtækisins en
hann var mjög áhugasamur og
'treysti mér fullkomlega. Tel ég
að okkar samvinna hafi verið
mjög góð, en á þessum tíma
gekk á ýmsu.“
— Hvert lá leiðin eftir að þú
hættir í Neskaupstað?
„Þá fór ég til Sandgerðis, þ.e.
haustið 1962, en þá var Suður-
landssíldin í hámarki, og starfið
var því svipað fyrir austan og
sunnan. Guðmundur heitinn á
Rafnkelsstöðum var þá aðaleig-
andi verksmiðjunnar í Sand-
gerði og þetta var á aðalvel-
gengnistíma hans og Eggert
Gíslason þá hans aðalskipstjóri.
Guðmundur kom á hverjum degi
í verksmiðjuna og fylgdist vel
með öllu, en ég fékk mjög
frjálsar hendur með það sem ég
taldi bezt. Eftir nokkurn tíma
hætti ég störfum í þessari
verksmiðju og byrjaði ekki aftur
í verksmiðjum fyrr en 1969,
þegar ég tók við verksmiðjunni í
Þorlákshöfn. Þar var ég verk-
smiðjustjóri til ársins 1975, en
til Seyðisfjarðar kom ég í
janúar 1977.
Þegar ég var ráðinn til
Seyðisfjarðar hafði orðið óhapp
í verksmiðjunni og ég var
fenginn austur í skyndi og þá
hafði ég aðeins hugsað mér að
vera hér í 1—2 mánuði, en
raunin hefur orðið önnur."
— Var þá strax byrjað að
huga að breytingum á verk-
smiðjunni?
„Verksmiðjan bræddi upphaf-
lega 350—400 tonn á sólarhring,
en afköstin voru komin niður í
200—250 tonn. Á loðnuvertíð-
inni 1977 var ákveðið að taka
þessum málum taki og reyna að
gera verksmiðjunni eitthvað til
góða. Eftir vertíð var strax
byrjað á breytingum og verkinu
lauk s.l. vetur og þegar allt er í
bezta lagi bræðir verksmiðjan
800—900 tonn á sólarhring."
— Voru keypt ný eða notuð
tæki í verksmiðjuna?
„Eftir miklar athuganir, var
ákveðið að kaupa notuð tæki, en
þau var hægt að fá í Danmörku
og Noregi á mjög góðu verði.
Stór hluti kostnaðarins var
viðgerð á katli, sem sprakk um
áramótin 1976—‘77, en viðgerðin
IHlmar haraldsson
á honum var okkur tiltölulega
ódýr, miðað við hvað nýr ketill
kostar. Þá keyptum við notuð
eimingartæki úr gömlu verk-
smiðjunni í Neskaupsstað og
hafa þau reynst sérstaklega vel.
Frá Noregi keyptum við sjóðara
og pressu, einnig keyptum við
þaðan nýjar forsíur, sem hafa
reynt með eindæmum vel við
bræðslu á sumarloðnu. Að mínu
áliti hefur þessi fjárfesting
skilað sér vel og engin tæknileg
mistök hafa komið fram.
Þá settum við upp þrjú 50
tonna síló í mjölhúsið, en mjölið
fer Ijeint í þau og er kælt þar.
Þessi síló koma sér mjög vel
þegar vinnslan er óregluleg, því
þá er hægt að blanda mjölinu
saman frá sólarhringi til sólar-
hrings, sem þýðir að mjölið
verður þá yfirleitt allt í háum
gæðaflokki. Auk þessa þýða
mjölsílóin það, að við getum
komið við mikilli hagræðingu í
mjölhúsi, með því að ganga
aðeins frá mjölinu i stæður á
daginn í stað þess að vera að
ganga frá mjöli í húsi allan
sólarhringinn. Mjölið er nú sett
í sérstaka kassa, sem hver tekur
um 1800 kg og úr þeim er mjölið
flutt á færibandi út í skip. Nú
þurfum við því aðeins 4 menn í
úskipun í stað 16 áður.“
— Hvað eru margir á vakt í
verksmiðjunni eftir þessar
breytingar?
„Um þessar mundir starfa hér
aðeins 5 manns á hvorri vakt, en
áður er breytingum lauk voru
við 15 á vakt, þá erum við með 4
dagmenn. Alls starfa nú við
verksmiðjuna 20 manns, en áður
en ráðist var í breytingarnar
var starfsliðið 36 manns. Þá má
og geta þess að við erum aðeins
með 2 menn við löndun úr skipi,
en sums staðar eru 5—11 manns
bundnir við hverja íöndun.“
— Fjármagn til þessara
framkvæmda, hvaðan koma
það?
„10% komu frá Byggðasjóði
en aðeins helmingurinn er kom-
inn, þá fékkst erlent lán og þá
hefur Útvegsbanki Islands sýnt
sérstakan skilning á málinu."
— Finnst þér alltaf jafn
gaman að starfa í síldar- og
loðnuverksmiðju?
„Mér finnst alltaf jafn gaman
að fást við vandamálin. Þá er
líka alltaf mikið líf og fjör
kringum þetta og ég held að ég
hafi náð sæmilegum árangri i
þessu starfi og það lífgar upp á
tilveruna.
— Hver var mjölnýtingin á
s.l. loðnuvertíð?
„Við náðum 18,5% mjölnýt-
ingu, sem er, að því ég bezt veit,
það hæsta sem náðist á land-
inu.“
— En hvernig finnst þér, að
búa á Reykjavíkursvæðinu og
vera síðan sífellt starfandi úti á
landi?
„Ég hef ekki beint fundið fyrir
því að vera svona fjarri fjöl-
skyldunni, þar sem mig skortir
aldrei verkefni, en engu að síður
verð ég að játa, að þetta er
ekkert líf, það er allt slitið
sundur — heimilið og fjölskyld-
an.“
- Þ.Ó.
Fréttabréf frá Þingeyri
Fjallað um börnin
í umferðinni á
fundi á Selfossi
SAMKVÆMT upplýsingum fram-
kvæmdastjóra Kaupfélags Dýrfirð-
inga Sigurðar Kristjánssonar, hefir
skuttogarinn Framnes I. IS 708 aflað
3045 tonn frá 1. jan. ’78 til 15.
september, að verðmæti 359 millj.
kr. og er kominn með nálægt ársafla
miðað við undanfarin ár.
Framnes ÍS 608 var á línuveiðum
og aflaði 614 tonn frá ársbyrjun þar
til í maí, en frá þeim tíma hefur
farið fram gagngerð viðgerð á
skipinu og vélin gerð upp.
Byggð hefur verið veiðarfæra- og
viðgerðarskemma fyrir útgerð K.D.
og Fáfni hf. sem er 2x21 m að stærð.
Verið er að ljúka smíði á fiskimjöls-
verksmiðju, 16x32 m, og mun hún
verða betur búin nýjum vélum og
uppgerðum en gamla verksmiðjan
verður lögð niður þar sem hún var
áföst hraðfrystihúsinu. Báðar þessar
byggingar eru stálgrindahús.
Sláturtíð hófst 21. 9. og mun
togarinn leggja upp afla sinn hjá
Norðurtanganum á Isafirði meðan
slátrað verður. Tekin hefur verið upp
ný aðferð við fláningu, svokölluð
hringfláning, og áætlað er að slátrað
verði milli 8 og 9 þúsund fjár.
Hraðfrystihúsið er alltaf verið að
endurbæta og m.a. var steypt nýtt
gólf í hluta hússins í sumar.
Olíufélagið byggði í sumar nýjan
afgreiðsluskála og lét steypa nýtt
þvottaplan hvort tveggja til mikilla
bóta.
Sinfóníuhljómsveit íslands sótti
okkur heim í haust, Dýrfirðingum til
óblandinnar ánægju. Stjórnandi var
Páll P. Pálsson og einsöngvarar
Sieglinde Kahmann og Kristinn
Hallsson.
Var hljómsveit, stjórnanda og
einsöngvurum ákaft klappað lof í
lófa og öllum er hlýddu á bar saman
um að slíkir gestir væru aldrei of oft
á ferðinni. Hafi þeir heila þökk fyrir
komuna og kvöldstundina, sem leið
alltof fljótt.
Lionsklúbbur Dýrafjarðar brá sér
í Vatnsfjörð sunnudaginn 10. sept. og
bauð með sér öldnum og einstæðum.
Var þetta 50 manna hópur er naut
góðs beina í boði Lions í Flókalundi.
Boðsgestir þakka ánægjulega för á
fögrum haustdegi í fallegan fjörð á
Vestfjörðum.
Hulda
MIÐVIKUDAGINN 11. október
n.k. verður haldinn almennur
borgarafundur í Tryggvaskála á
Selfossi og verður þar fjallað um
börnin í umferðinni og útivistar-
mál barna og unglinga. Fundur-
inn er haldinn að frumkvæði
slysavarnadeildarinnar Tryggva
Gunnarssonar á Selfossi.
Frummælendur á fundinum
verða Hafsteinn Þorvaldsson for-
seti bæjarráðs Selfoss og Jón B.
Stefánsson félagsmálastjóri Sel-
fossbæjar. Þá mun Hulda Sigur-
jónsdóttir varaforseti Slysa-
varnaféjags íslands mæta á
fundinn og ræða um störf kvenna
að slysavarnamálum. Fundurinn
hefst klukkan 21 og er hann öllum
opinn sem áhuga hafa á þesum
málum.
Pelsinn
Klrkjuhvoli
1
Fallegir pelsar, loöskinnshúfur og refaskott meö
haus í miklu úrvali. D I "
- . . _ ^ _ _ _ __ * ■ ClSinrip Kirkjuhvoli
Ath: goðir greiðsluskilmalar. oP» i-e. «.h. simi aoieo