Morgunblaðið - 23.11.1978, Page 3

MORGUNBLAÐIÐ, FIMMTUDAGUR 23. NÓVEMBER 1978
3
Siglingamálast jóri um ofhleðslu loðnuskipa:
Andvirði ofhleðslu
renni til líknarmála
„í STAÐ þess að sekta skipstjóra fyrir umframhleðslu, eins og verið hefur. þá mætti ef til vill athui?a hvort
ekki á fremur að gera umframhleðslu upptæka.4* sagði lljálmar R. Bárðarson siglingamálastjóri á fundi
með blaðamönnum í gær. er rætt var um ofhleðslu loðnuveiðiskipa.
Sagði siglintíamálastjóri. að verðmæti þess farms. sem væri umfram það sem leyfilegt væri. gæti til
dæmis runnið til almennrar líknarstarfsemi. eða til dæmis í ekknasjóð drukknaðra sjómanna. Hjálmar
sagði. að ekki léki nokkur vafi á því, að oft hlæðu skipstjórnarmenn skip sín það mikið. í vondum veðrum
ok á erfiðum siglinjíaleiðum. að stórslys gæti hlotist af.
Ennfremur sagði siglingamála-
stjóri, að hann væri út af fyrir sig
hlynntur loðnuveiðibanni í desem-
ber, en þó mætti þá ef til vill segja,
að hlaupist væri frá vandanum,
fremur en að gengið væri í að leysa
hann. Þá væri einnig að hafa í huga,
að mikil hleðsla samfara ísingu gæti
verið alveg eins hættuleg í janúar,
febrúar og mars, eins og í desember.
Drekkhlöðnum fiskiskipum væri
einnig hætta búin á þessum fyrstu
mánuðum ársins.
Siglingamálastjóri sagði, að mesta
hættan sem stafaði að loðnuflotan-
um á þessum árstíma væri ofhleðsla.
Staðreynd væri, að vegna samkeppn-
innar um aflamagn tækju skip-
stjórnarmenn meiri áhættu en
hófleg væri talin af þeim sem meta
stöðugleika skipanna. Þarna væri
um að ræða þrýsting á skipstjórnar-
2 &
Þó ekkert ami að drekkhlöðnu loðnuskipi í sæmilegu veðri, þá getur
orðið skammt að bíða ógæfunnar, versni veður.
Víða unnið að
snjóruðningi
Víða um land var unnið að því í gær að ryðja vegi en mikil
snjókoma undanfarna daga hefur spillt mjög færð um landið.
Frá Reykjavík var í gær fært
suður með sjó og austur um
Hellisheiði allt í Öræfi. Víða var
þó mikill lausasnjór, þannig að
færð gat spillzt fljótt, ef hvessti. I
Öræfum og á Breiðamerkursandi
var þungfært í gær og mikill
lausasnjór.
Fært var um Borgarfjörð og
sunnanvert Snæfellsnes, um
Fróðárheiði til Ólafsvíkur og
Heydalur var fær. Stórir bílar og
jeppar komust um Alftafjörð til
Stykkishólms og þaðan var fært
til Grundarfjarðar, en Kerlingar-
skarð var ófært. Fært var til
Búðardals og stórir bílar komust
um Svínadal í Reykjasveit.
Frá Patreksfirði var fært á
Barðaströnd og til Tálknafjarðar,
en Hálfdán var ófær. Á norðan-
verðum Vestfjörðum var í gær
unnið að snjómokstri á Breiða-
dslsheiði og Botnsheiði.
Happdrætti Sjálfstæðisflokksins:
V inningsnúmerin
DREGIÐ var hjá borgarfógeta
í hausthappdrætti Sjálfstæðis-
flokksins síðast liðinn iaugar-
dag og voru vinningsnúmerin
innsigluð þar til í gærdag.
Upp komu eftirtalin vinnings-
númer:
Nr. 47937 Galant fólksbifreið.
Nr. 40832 Ferð til Mallorka
fyrir tvo.
Nr. 34963 Ferð til Ibiza fyrir
tvo.
Eigendur ofantaldra vinn-
ingsmiða framvisi þeim í skrif-
stofu Sjálfstæðisflokksins, Val-
höll, Háaleitisbraut 1.
(Birt án ábyrgðar).
E
menn, um að standa sig vel frá
veiðisjónarmiði. Framangreindar
tillögur, sem siglingamálastjóri
kvaðst varpa fram til athugunar,
gætu orðið til þess að minnka
þennan þrýsting á skipstjórnar-
menn.
Miklar skemmd-
ir í brunanum
GEYSIMIKLAR skemmdir urðu
á húsinu Norðurstígur 3 í Reykja-
vík í eldsvoðanum í íyrrakvöld.
íbúð á 2. hæð hússins gjöreyði-
lagðist í eldinum og allt innbú
brann og sömuleiðis urðu miklar
skemmdir á íbúð á sömu hæð, en
þar bjó konan, sem naumlega var
bjargað úr brennandi húsinu. Hins
vegar urðu litlar skemmdir á neðri
hæð hússins, en þar er íbúð, sem
nú stendur mannlaus. Eldsupptök
eru ókunn.
Ljósm. Emilía.
Magnús Á. Árnason ásamt einu verka sinna.
Magnús A. Arnason
sýnir í FÍM salnum
Holtavörðurheiði var fær og
hringvegurinn áfram til Akur-
eyrar. Fært var til Hólmavíkur
og í gær átti að moka þaðan yfir í
Bjarnarfjörð. Þá var í gær mokað
til Siglufjarðar og Ólafsfjarðar.
Frá Akureyri var fært austur
um Dalsmynni til Húsavíkur og í
Mývatnssveit. I gær var mokað
fyrir Tjörnes og stórir bílar
komust í Kelduhverfi og til
Kópaskers. Á Sléttu var mjög
þungfært, en unnið var að
mokstri á hálsum í Þistilfirði og
áttu stórir bílar þá að komast til
Vopnafjarðar.
Frá Egilsstöðum var jeppafært
til Seyðisfjaðrar. Fagridalur var
mokaður og Oddsskarð var fært.
Fært var suður með fjörðum allt
til Hafnar í Hornafirði, en
þungfært frá Höfn og vestur um
á Breiðamerkursand.
Þing Landssam-
bandsins gegn
áfengisbölinu
LANDSSAMBANDIÐ gegn áfengis-
bölinu heldur 13. þing sitt í dag, 23.
nóvember kl. 20.30 og laugardag-
inn, 25. nóvembcr ki. 14 að Eiríks-
götu 5, Reykjavík. Setu á þinginu
eiga tveir fulltrúar frá hverju
aðildarfélagi.
Sunnudagurinn, 26. nóvember
hefur verið ákveðinn bindindisdagur
Landsambandsins gegn áfengisböl-
inu og eru aðildarfélögin og aðrir
sem geta komið því við hvattir til
þess að minnast hans eftir því sem
aðstæður leyfa á hverjum stað.
Magnús Á. Árnason opnar í
dag í FÍM-salnum listasýningu
í boði Félags íslenskra mynd-
listarmanna. Sýningin sem
stendur til 9. desember verður
opin alla virka daga kl. 4 — 10
en laugardaga kl. 2—10.
Á sýningunni eru 35 olíumál-
verk, 45 ieikningar og 4 högg-
myndir. Verkin eru flest frá
árunum 1966 og fram til þessa
árs. Elsta myndin á sýningunni
er teikning af móður lista-
mannsins en sú teikning var
gerð árið 1913. Mest er af
landslagsmyndum á sýningunni
en nokkuð er af mannamyndum
sem flestar eru málaðar á þessu
ári.
Á sýningu Magnúsar verða til
sölu Listamannaljóð sem gefin
eru út til ágóða fyrir byggingar-
sjóð myndlistarmanna. Ljóðin
eru eftir myndlistarmenn allt
frá Sæmundi Hólm og fram að
Nínu Tryggvadóttur. Hvert ein-
tak kostar 1000 kr.
Magnús A. Árnason hefur
haldið fjölda sýninga hér á landi
auk þess hefur henn haldið
sýningar í Mexico, Rúmeníu,
Bandaríkjunum og á Norður-
löndunum. Magnús hóf að mála
16 ára gamall og fór út til
Danmerkur til náms 17 ára
gamall. Síðan hélt hann til
Bandaríkjanna og dvaldist þar
við nám í 6 ár. Að loknu námi
hafði Magnús vinnustofu sína í
San Fransisco en kom heim til
íslands árið 1930 eftir 12 ára
dvöl í Bandaríkjunum.
Nýja Eldborgin afhent
um miðjan desember
Tjón vegna óhappsins í Danmörku skiptir hundruðum milljóna
LOÐNUSKIPIÐ Eldborg verður væntanlega afhent eigendum upp úr miðjum næsta
mánuði. að því er Þórður Helgason einn eigenda tjáði Mbl. í gær. Sem kunnugt er fór
Eldborgin á hliðina þar sem hún lá bundin við bryggju í Friðrikssundi í Danmörku og
komst sjór í vélarrúm þannig að taka varð upp allar vélar skipsins. Nemur tjón vegna
þessa óhapps hundruðum milljóna króna.
Það var 6. október s.l. sem þetta
óhapp varð í skipasmíðastöðinni
aðeins nokkrum dögum áður en
afhenda átti skipið. Taka varð upp
vélar skipsins og senda þær til
verksmiðjanna í Svíþjóð, þar sem
farið var yfir þær. Sömuleiðis varð
að taka rafal skipsins upp og
senda hann til verksmiðjanna í
Noregi. Er nú unnið kappsamlega
að því að koma vélum og rafal á
sinn stað aftur, að sögn Þórðar.
Tjónið, sem af óhappinu hlaust,
greiðir skipasmíðastöðin og hún
greiðir dagsektir vegna tafa, sem
orðið hafa á afhendingu, en vegna
óhappsins tefst afhendingin um
1 Vi til 2 mánuði. Þá hefur verið
leid í skóla gcetið að
samið um fjögurra ára ábyrgð á
vélum og rafal vegna óhappsins.
Eldborgin er 1300 tonn að stærð
og fullkomnasta loðnuhringnóta-
skip íslenzka flotans. Lengd skips-
ins eru 58 metrar og mesta breidd
12 metrar. Kaupverðið er 24
milljónir sænskra króna, rúmar
1700 milljónir islenzkra króna.
Skipstjórar verða Bjarni Gpnnars-
son og Birgir Ellertsson. Að öllu
forfallalausu á skipið að geta hafið
loðnuveiðar strax upp úr áramót-
um.
o
INNLENT
Eldborgin við bryggju í Friðrikssundi, þar sem skipið fór á hliðina.