Morgunblaðið - 13.12.1978, Side 2

2
MORGUNBLAÐIÐ, MIÐVIKUDAGUR 13. DESEMBER 1978
Hækkun verðjöfnunargjalds
á raforku er til athugunar
— og sérstakt framlag ríkis vegna félags-
legra framkvæmda rafmagnsveitnanna
„ÞAÐ ER til athugunar að
fá fram breytingu á verð-
jöfnunargjaldi á raforku
til þess að bæta að nokkru
hag Rafmagnsveitna ríkis-
ins og annarra sem þess
njóta,“ sagði iðnaðarráð-
herra Hjörleifur Guttorms-
son er Mbl. spurði hann í
gær, hvort hann væri með í
undirbúningi 6% hækkun
verðjöfnunargjalds á raf-
orku: úr 13 í 19%.
„Lokaákvörðun hefur ekki verið
tekin,“ sajíði ráðherra, „það koma
fleiri leiðir til greina en breyting á
verðjöfnunargjaldinu og þá fyrst
og fremst í því formi að eigend-
urnir leggi rafmagnsveitunum til
nokkuð eigið framlag til stuðnings
við þaer mörgu, óarðbæru, félags-
legu framkvæmdir, sem rafmagns-
veitunum er ætlað að sinna.
Fjár til þessara framkvSemda
hefur verið aflað um langa tíð með
afar óhagstæðum lánum. Ég vona
að það megi ná samkomulagi með
báðum þessum leiðum. Það er
fyrst og fremst spurning um
pólitískan vilja manna og skilning
á því að það þurfi að leiðrétta það
gífurlega misrétti sem er á raf-
magnsverði milli einstakra svæða
á landinu."
Keflavík:
/
Attræður maður lézt
eftir umferðarslys
INNLENT
ÁTTRÆÐUR Keflvíkingur varð
fyrir hifreið á gangbraut í
Keflavík í gærmorgun og hlaut
hann svo mikil hiifuðmeiðsl að
hann lézt af völdum meiðslanna
síðar um morguninn. Maðurinn
hét Fred Jensen. Ilátúni 10.
Keflavík. fæddur 20. ágúst 1898.
llann lætur eftir sig eiginkonu og
uppkomin biirn.
Maðurinn var á leið yfir merkta
gangbraut fyrir framan verzlun-
ina Nonni og Bubbi á Hringbraut
laust fyrir klukkan 9 í gærmorgun
þegar þar bar að pick-up vörubif-
reið og varð maðurinn fyrir
bifreiðinni. Hann var fluttur á
Borgarspítalann í Reykjavík en
lézt skömmu eftir að komið var
með hann þangað.
Jólasveinar eru komnir í
flesta verzlunarglugga til
mikillar gleði fyrir yngstu
kynslóðina.
Dagvistunar-
gjöld hækka
SAMbYKKT var samhljóða í
borgarráði í gær að óska eftir því
við verðlagsyfirvöld á heimila
hækkun á þeim gjöldum. sem
foreldrar greiða íyrir vistun
barna sinna á dagvistunarstofn-
unum og ieikskólum
borgarinnar.
Samkvæmt því á gjald fyrir
dagvistun að hækka úr 23 í 26
þúsund á mánuði fyrir hvert barna
eða um 13% og gjald fyrir barn á
leikskóla á að hækka úr 11.500 í 14
þúsund krónur eða um 21,7%.
Kvöldsölu-
leyfi hækk-
ar um 380%
Á FUNDI borgarráðs í gær lögðu
fulltrúar meirihlutans. þ.e. full-
trúar Alþýðuflokksins. Alþýðu-
bandalagsins og Framsóknar-
flokksins fram tillögu um stór-
hækkun á kvöldsöluleyfi. Sam-
kvæmt tillögunni á leyfið að
ha'kka úr 50 þúsundum í 240
þúsund krónur á ári eða um
380%.
Þeirra
eigin
orð
„Látum ekki bjóða okk-
ur þá ósvinnu að samning-
ar séu rofnir á þessu”
— sagði Lúðvík Jósepsson 4. júní sl.
Lúðvík Jósepsson alþingis-
maður segir í grein í Þjóð-
viljanum I. júni sl.. sem hann
nefnir „Dóm kjósenda“i
„Launafólkið í landinu lætur
ekki lengur nein flokksbönd, né
fyrri trú til ákveðinna flokka,
villa sér sýn.
Launafólkið segir einfald-
lega: Við látum ekki bjóða okkur
þá ósvinnu að samningar séu
rofnir á okkur, né heldur að það
sé eitthvert réttlæti í því að
skera niður laun þeirra sem
vinna almenna verkamanna-
vinnu, þó að þeir verði að vinna
eftirvinnu og helgidagavinnu.
Þeir sem hafa 120—150 þús.
kr. laun á mánuði neita að hlýða
á sparnaðarraus þeirra, sem
sjálfir hafa í 8—900 þús. kr. á
mánuði..
„Ekki verði hækkað
kaupgjald nú 1. des-
ember nema sem nemur
6,1% af 141%, sem kaup
hefði átt að hækka um”
sagði Lúðvík Jósepsson 28. nóvember sl.
Lúðvík Jósepsson sagði í
þingræðu 28. nóvemher. þcgar
hann mælti fyrir nefndaráliti
meirihluta fjárhagsnefndar um
að samþykkja efnahagsráð-
stafanirnar 1. desember!
„Efni þessa frumvarps, sem
hér liggur fyrir, er nú í rauninni
tiltölulega mjög einfalt og skýrt.
Hér eru gerðar ráðstafanir í
þessu frumvarpi til þess að
koma því fyrir á þann hátt, að
ekki verði hækkað kaupgjald nú
1. desember nema sem nemur
6,1% af 14,1%, sem kaup hefði
átt að hækka um samkvæmt
útreikningi á kaupgjaldsvísi-
tölu, en hins vegar eru gerðar
sérstakar ráðstafanir í frum-
varpinu til þess að ekki þurfi að
koma út í kaup, sem nemur 8%.
af þessari hækkun.“
Flugslysió á Sri Lanka:
„Mikilvægar upplýsing-
ar á upptökubandi úr
stjórnklefa vélarinnar”
„VIÐ íslendingarnir erum nú að málið. Rannsóknin hefur gengið að lokið. Síðan munu flugmálayfirvöld
þýða samtölin af upptökubandinu
úr flugstjórnarklefa vélarinnar og
þar koma fram mjög mikilvægar
upplýsingar, sem munu verða að
liði við að upplýsa orsakir slyss-
ins,“ sagði Skúli Jón Sigurðsson í
samtali við Mbl. í gærkvöldi. þar
sem hann var staddur í Melbourne í
Ástralíu vegna rannsóknar á flug-
slysi DC-8 Loftleiðaþotunnar á Sri
Lanka 15. nóvember sl.
„Það er verið að vinna að öllum
þáttum rannsóknarinnar hér,“ sagði
Skúli Jón, „bæði á segulböndunum
og svörtu kössunum með tæknilegar
upplýsingar, sem settar eru upp í
línuriti. Öll tækin eru í lagi og munu
því skila þeim upplýsingum, sem
vonast er eftir til þess að upplýsa
Víðtæk leit að
rjúpnaskyttu
VlÐTÆK leit hófst í gærkvöldi að
rjúpnaskyttu. sem saknað var í
Norðurárdal í Borgarfirði. Á
fjórða tug manna úr björgunar-
sveitum SVFÍ hélt til lcitar í
gærkvöldi og fjölga átti leitar-
mönnum í birtingu í morgun.
væri maðurinn þá cnn ekki
kominn í leitirnar.
vonum og henni mun ljúka á næstu
tveimur dögum. Ástralíumenn eru
ákaflega færir í þessu og hafa þeir
unnið í náinni samvinnu við Banda-
ríkjamenn og eru reyndar þjálfaðir
þar. Við getum ekki á þessu stigi
málsins látið neitt uppi um það sem
við höfum komizt að, því það er ekki
tímabært á meðan rannsókn er ekki
Sri Lanka væntanlega gefa út
greinargerð um niðurstöðu rann-
sóknarinnar og við munum gera
grein fyrir málinu hjá flugmála-
stjóra og Loftleiðum þegar við
komum heim um helgina. Væntan-
lega leiðir þessi rannsókn í ljós
atriði, sem ættu að geta orðið að liði
við að fyrirbyggja slys sem þetta."
Bensín og olí-
ur hækka í dag
BENSÍN og olíur hækka í verði frá
og með deginum í dag. Bensín-
lítrinn hækkar úr 167 í 181 krónu
eða um 8,3%, gasolía með sölu-
skatti úr 59,65 í 69 krónur li'trinn
cða 15.7% og svartolía úr 32,500 í
39 þúsund krónur tonnið eða um
20%.
Nýja verðið var staðfest í rikis-
stjórninni í gær en hafði áður hlotið
samþykki í verðlagsnefnd. Eins og
áður hefur komið fram er þessi
hækkun eingöngu vegna erlendra
verðhækkana, gengissigs og opin-
berra gjalda, sem hækka sjálfkrafa
við hverja hækkun á olíuvörum.
Hins vegar hækkar álagning olíu-
félaganna ekkert né sölulaun út-
sölustaða.
Væntanlega gildir þetta nýja verð
aðeins í rúman hálfan mánuð, því
boðuð hefur verið stórhækkun á
bensíni um áramótin vegna
hækkunar á vegagjaldi, sem boðað
er í fjárlagafrumvarpinu, og
erlendra verðhækkana. Er búist við
því að bensínlítrinn fari í 202 — 205
krónur eftir áramótin.
Flóttabíllinn lenti utan veg
ar eftír œsilegan eltingaleik
Akureyri. 12. des.
ÁREKSTUR tveggja fólksbíla varð við Aðalstræti
21 um klukkan 22.30 í gærkvöld. Tveir feðgar
voru að leggja bíl á stæði við húsið þegar annan
bíl ’bar að og ók hinn síðarnefndi á hinn
fyrrnefnda. Skemmdir urðu mjög óverulegar á
hílunum og ekkert stórmál hefði af árekstrinum
sprottið, ef ökumaður síðarnefnda bílsins hefði
ekki horfið skyndilega af vettvangi án þess að
hafa tal af feðgunum.
Þeir höfðu hins vegar hröð handtök. Sonurinn
brá sér inn í sinn eigin bíl, sem stóð við húsið og elti
hinn brotthlaupna bíl, sem flýði á miklum hraða en
faðirinn fór í símann og kvaddi til lögreglu.
Lögreglan hafði grun um að flóttamaðurinn
hygðist stefna austur í Fnjóskadal, og gerði því
héraðslögreglunni þar viðvart. Héraðslögreglan
setti upp vegatálmanir á þjóðveginn við Skóga í
Fnjóskadal og beið þess er verða vildi. Akureyrar-
lögreglan hóf hins vegar mikinn eltingarleik austur
yfir Vaðlaheiði í kjölfar flóttabílsins og bílsins, sem
ungi maðurinn úr Aðalstræti var á og munu allir
bílarnir hafa komið að vegatálmanum um sama
leyti.
Ökumanni flóttabílsins varð svo mikið um að sjá
vegatálmann að hann lenti útaf veginum, upp á
veginn aftur og útaf á öðrum stað og þar stöðvaðist
bíll hans endanlega. Félagi hans sat kyrr í bílnum
en hann sjálfur hljópa allt hvað af tók út í móa, en
þar var hann yfirbugaður bráðlega. Báðir voru
mennirnir handteknir og fluttir í fangageymslu á
Akureyri. Þeir harðneituðu í fyrstu að hafa komið
nálægt fyrrgreindum árekstri en í dag viðurkenndu
þeir brot sitt. Grunur leikur á að ökumaður
flóttabílsins hafi verið ölvaður.
- Sv.P.