Morgunblaðið - 14.12.1978, Qupperneq 22

22
MORGUNBLAÐIÐ, FIMMTUDAGUR 14. DESEMBER 1978
1
t
„Ekki dugnaður
99
Húsmóðir á Grenivík vakti börn
sín þegar eldur kom upp í hus-
inu og slökkti svo sjálf eldinii
„ÞETTA er ekki dugnaður
heldur gæfa, sem ég þakka
forsjóninni fyrir,“ sagði Hrafn-
hildur Hallgrímsdóttir 42 ára
gömui húsmóðir á Grenivík sem
með snarræði tókst að vekja sex
börn sín og tengdaföður þegar
eldur kom upp í húsi fjöl-
skyldunnar um hánótt í síðustu
viku. Að því búnu brá Hrafn-
hildur sér niður f kjaiiarann og
tókst að slökkva eldinn, sem þar
logaði. Fyrir þremur árum
bjargaði Hrafnhildur þriggja
ára gamalli stúlku frá drukkn-
un í sjónum fyrir framan húsið.
Stóð svo tæpt að litla stúlkan
var meðvitundarlaus er hún
náðist úr sjónum en það tókst að
h'fga hana við og í dag er hún
tápmikil stúlka, fimm ára
gömul.
„Eldurinn kom upp í kjallara
hússins, sem er tveggja hæða,“
sagði Hrafnhildur í spjalli við
Mbl. „Þetta var aðfararnótt s.l.
föstudags klukkan hálf fimm um
nóttina. Dóttir mín vaknaði við
það að mikill svartur reykur var
kominn um alla íbúð. Hún vaxti
mig og ég vakti hitt fólkið en við
sváfum öll á efri hæðinni. Síðan
hljóp ég niður og í gegnum
reykjarkófið niður í kjallara en
þar logaði talsverður eldur og var
hann farinn að leika um kjallara-
loftið, sem er klætt plasteinangr-
un, og þess vegna kom þessi mikli
reykur. Ég náði mér í slöngu og
sprautaði á eldinn og tókst að
slökkva hann áður en hjálp barst,
en dóttir mín hafði hlaupið í
næstu hús eftir hjálp. Engum
varð meint af þessu og við erum
búin að hreinsa alla íbúðina. Það
var mikið verk en ég fékk góða
hjálp hjá vinkonum mínum hér á
Grenivík, sem eru mjög hjálp-
legar."
Hrafnhildur er gift Garðari
Jóhannessyni sjómanni á togar-
anum Sléttbaki. Þau eiga 8 börn
en 6 voru heima og faðir Garðars
að auki. Garðar var aftur á móti
úti á sjó þegar eldurinn kom upp.
Hrafnhildur sagði aðspurð, að
þau hefðu lengi haft í hyggju að
setja upp reykskynjara en ekkert
orðið af því. „Eftir þessa lífs-
reynslu vorum við ekki lengi að
hugsa okkur um, heldur pönt-
uðum okkur tvo reykskynjara,
sem verða settir upp um leið og
þeir koma.“
Aðeins frágangsvinna
er nú eftir við Sigöldu
FRAMKVÆMDUM við Sigöldu-
virkjun er nú að mestu lokið og í
gær var þriðja vél virkjunarinnar
tekin í rekstur. Afl hverrar vélar er
50 megawött eða samtals 150 mw.
Vinna við ýmsan frágang á virkjun-
arstaðnum bíður næsta árs og er
ráðgert að þeirri vinnu verði lokið
um mitt árið. Með tilkomu Sigöldu-
virkjunar hefur aflið 1 vatnsafls-
stöðvum Landsvirkjunar aukist úr
300 MW í 450 MW eða um 50% og
orkuvinnslugetan úr 2200 gíga-
wattstundum í um 3000 gígawatt-
stundir eða um 36%. Fyrsta vélin
var tekin í notkun í apríl 1977 og
önnur vélin í desember 1977.
Rafmagnsframleiðsla Landsvirkj-
unar í heild er áætluð 280 GWst á
næsta ári eða tæplega 88% af
heildarrafmagnsframleiðslu lands-
ins, sem áætlast 3200 GWst 1979 og
er þá orka vegna stóriðju meðtalin.
Að henni frátalinni er hlutdeild
Landsvirkjunar í heildarframleiðsl-
unni á næsta ári áætluð tæplega
73% eða um 1070 GWst af um 1470
GWst.
Hátt í 300 manns sátu fund Búnaðarsambands Suðurlands á Hvoli sl. þriðjudagskvöld. Ljósm. Emilía
á Suðurlandi: Skorað á Alþingi
að bregðast við vandanum
með raunhæfum aðgerðum
HÁTT i' 300 bændur vfðs vegar af Suðurlandi komu til fundar er Búnaðarsamband Suðurlands boðaði til á
þriðjudagskvöld til að ræða vandamál landbúnaðarins og skipulagsaðgerðir sem stjórnvöld hyggjast beita sér
fyrir, en fundurinn var haldinn á Hvoli.
Framsögumenn voru Pétur Sigurðsson fulltrúi í framleiðsluráði, Gunnar Guðbjartsson formaður
Stéttarsambands bænda og Steingrímur Hermannsson landbúnaðarráðherra og að loknum framsöguerindum
þeirra var orðið gefið laust. Töluðu þá nærri 20 bændur og voru í lok fundarins samþykktar 4 ályktanir, en
fleiri höfðu verið bornar upp og þær felldar.
Pétur Sigurðsson ræddi einkum
vandamál mjólkuriðnaðar og kom
fram í máli hans að umframfram-
leiðsla mjólkur nemur nú 10—15%.
Hefur mjólkurframleiðsla aukist
um 9% en neyslan dregist saman
um 7%. Sagði hann að órsakirnar
væru margar og nú væri svo komið
að birgðir hlæðust upp og væru nú
smjörbirgðir til fyrir rúma 4
milljarða króna eða um 1400 tonn
og væri gert ráð fyrir að þær gætu
verið komnar upp í 1860 tonn eftir
tæpt ár, sem þýddi að hver
mjólkurframleiðandi sæti uppi með
smjörbirgðir að verðmæti 2,2
milljónir króna hver. Pétur sagði að
flestir virtust sammála um að
draga þyrfti saman framleiðsluna,
en ljóst væri að auka þyrfti t.d.
ostaframleiðslu eftir mætti og nýta
betur vélakost í því sambandi.
Gunnar Guðbjartsson ræddi um
skipulagsaðgerðir í landbúnaði og
rakti nokkuð hvaða tillögur hefðu
verið til umræðu á fundum Stéttar-
sambandsins sl. ár og samþykktar á
aukafundi þess og sagði að stjórn-
völd þá hefðu ekki treyst sér til að
leggja þær fyrir Alþingi. Ástandið
síðan hefði ekki farið batnandi, nú
horfði illa í sölumálum og útflutn-
ingsbætur hrykkju ekki til þar sem
framleiðslan hefði verið meiri en
gert var ráð fyrir og sala minni
innanlands. Reynt hefði verið m.a.
að flytja út ófrosið kjöt og gefist
sæmilega. Stéttarsambandið hefði
sent ráðherra tillögur í haust og nú
hefði verið lagt fram frumvarp á
grundvelli þeirra.
Síðastur framsögumanna var
Steingrímur Hermannsson og
ræddi hann nokkuð og útskýrði
landbúnaðarfrumvarpið er lagt
hefur verið fram á þingi og lagði
hann áherzlu á að þar væri um
skammtímalausn að ræða en marka
þyrfti framtíðarstefnu í landbúnað-
armálum og samræma störf hinna
ýmsu aðila er störfuðu að þeim.
Eftir miklar frjálsar umræður
þar sem voru m.a. bornar upp
ýmsar tillögur voru samþykktar
fjórar tillögur, sú fyrsta frá Stefáni
Jasonarsyni, en hinar þrjár frá
Magnúsi Finnbogasyni:
Almennur fundur bænda á Suð-
urlandi haldinn að Hvoli 12.12. ’78
telur mikinn vanda fyrir höndum í
framleiðslu- og sölumálum land-
búnaðarins. Fundurinn skorar á
háttvirt Alþingi að bregðast við
þeim vanda með raunhæfum að-
gerðum á grundvelli tillagna 7
manna nefndarinnar.
Almennur fundur bænda gerir þá
kröfu til stjórnvalda að afurðalán
verði aukin það mikið að unnt verði
að greiða bændum minnst 90% af
andvirði sauðfjárafurða í síðasta
lagi 20. desember á framleiðsluári.
Önnur afurðalán miðist við greiðslu
20. næsta mánaðar eftir að innlegg
fer fram.
Almennur fundur bænda skorar á
Stéttarsamband bænda í samvinnu
við landbúnaðarráðuneytið að
kanna ítarlega hvort ekki sé unnt að
ná betri árangri í útflutningi
búvöru, einnig hvort ekki sé hægt
að nýta betur útflutningsbótafé.
Almennur fundur bænda skorar á
landbúnaðarráðherra og Stéttar-
samband bænda að beita sér fyrir
því við Seðlabanka íslands og
viðskiptabankana að tekin verði
upp afurðalán á hrossa- og svínaaf-
urðir.