Morgunblaðið - 03.02.1979, Blaðsíða 2

2
MORGUNBLAÐIÐ, LAUGARDAGUR 3. FEBRÚAR 1979
Timbur fyrir millj-
arð frá Rússlandi
Fyrirtækin, sem tóku þátt í
samninjíaviðræðunum við Sovét-
MWWWK = = =
SAMNINGAR um kaup íslendinga á 20 þúsund rúmmetrun af timbri
voru undirritaðir í Reykjavík í gær. Timburverð í heiminum hefur
hækkað verulega frá því á síðasta ári eða um 20—25%. Þeir samningar
sem undirritaðir voru í gær nema 3 milljónum dollara eða tæplega 1
milljarði króna. í fyrra var einnig samið um kaup á 20 þúsund
rúmmetrum af timbri frá Sovétríkjunum, en þá voru fluttir til
landsins 64 þúsund rúmmetrar af timbri. Sovézka timbrið'hefur
ha-kkað um 23% á milli ára.
menn, voru timburkaupmenn í
Reykjavík og Hafnarfirði, þ.e.
Timburverzlunin Völundur, Timb-
urverzlun Árna Jónssonar, Verk-
smiðja Reykdals og Dvergur hf.,
Samband ísl. Samvinnufélaga,
Byggingavöruverzlun Kópavogs og
Húsasmiðjan hf. Þó svo að verð á
timbri hafi hækkað verulega á
heimsmarkaði hefur það ekki í för
með sér beina hækkun á timbri til
neytenda hér á landi. 8% tolla-
lækkanir um síðustu áramót vega
upp á móti þannig að hækkunin til
timburkaupenda hérlendis verður
á bilinu 10—15%.
Auk Sovétríkjanna er timbur
keypt hingað til lands frá Norður-
löndunum öllum og Póllandi. Sam-
kvæmt upplýsingum Morgunblaðs-
ins má reikna með að í ár verði
keyptir til landsins um 40 þúsund
rúmmetrar af timbri. Talsverðar
birgðir eru til í landinu af timbri
frá því í fyrra og samkvæmt
upplýsingum timburkaupmanna
er samdráttar í byggingariðnaðin-
um greinilega farið að gæta í
timbursölunni.

m &
m Mim
m t
m mm
Lmn-
VöoWNfl^lNN
m <m m,
VMRflf?
vfíTMi^r
~v
o
INNLENT
Á föstudagskvöldi rétt eftir mánaðamót eru ekki margir lögregluþjónar scm geta tyllt sér niður við að
horfa á sjónvarpið. Ljósm. RAX.
„Bíðum eftir að
tafUð verði tekið”
segja lögregluþjónar
Eins og kunnugt er af frétt-
um hefur dómsmálaráðuneytið
skipað lögregluvarðstjórum að
fjarla’gja sjónvarpstæki úr
varðstofum sínum og gefið
þeim frest til 30. júní að fram-
fylgja þessari skipun.
Blaðamenn fóru í lögreglu-
stöðina við Hverfisgötu í gær-
kvöldi og spjölluðu við þá lög-
regluþjóna sem þá voru inni.
Það var einróma álit þeirra að
með því að banna þeim aö hafa
sjónvarp á varðstöðvunum væri
verið að brjóta á þeim mann-
réttindi. „Það er ekki sjónvarpið
sjálft sem er aðalmálið, heldur
það að við viljum ekki láta
brjóta á okkur mannréttindi.
Við erum stétt manna sem erum
bundnir á vöktum hér alla daga,
jafnt helga sem rúmhelga og því
er það sjálfsagt að við fáum að
líta á sjónvarpið annað slagið.
Það er fráleitt að taka það frá
okkur.
Við erum fullorðið fólk og
látum ekki fólk úti í bæ bíða
eftir okkur vegna þess að við
séum að horfa á sjónvarpið,“
sögðu þeir.
„Við lítum rétt á sjónvarpið
þegar við erum hér í biðstöðu,"
sagði Stefán Gíslason lögreglu-
þjónn. „Það er ekki nema einn
og einn þáttur sem við
fylgjumst með og þá getur það
alveg eins farið svo að við
verðum kallaðir út í miðjum
þætti og þá verðum við að fara.
Ég hef aldrei heyrt minnst á að
sjónvarpið tefði fyrir lögreglu-
þjónum við störf sín,“ sagði
hann. „Við bíðum bara eftir því
núna að taflið verði líka tekið
frá okkur."
Eyjólfur Konráð Jónsson vegna Jan Mayen:
Norðmenn eiga ekki ein-
hliða rétt til 200 mílna
— Lúðvík Jósepsson kveðst gáttaður á ábyrgðarlausum ummælum utanríkisráðherra
ÓLAFUR JÓHANNESSON forsætisráðherra kvaðst í gær ekkert geta sagt um ummæli Benedikts Gröndals, sem taldi í
viðtali við norska sjónvarpið að Jan Mayen ætti rétt á 200 mflna efnahagslögsögu. Kvaðst ólafur ekki hafa lesið fréttir
af þessu nógu vel, og þetta mál hefði ekki borið á góma í ríkisstjórn. Eyjólfur Konráð Jónsson, alþingismaður, sem sæti
hefur átt í sendinefnd íslands á Hafréttarráðstefnunni, sagði í gær, að ríkisstjórnin ætti nú ekki annarra kosta völ en
óska þegar í stað formlegra viðræðna við Norðmenn um réttindi til auðæfa hafsins milli Islands og Jan Mayen,
aðgerðarleysi ríkisstjórnarinnar í þessu máli væri stóralvarlegt. Lúðvík Jósepsson, formaður Alþýðubandalagsins,
kvaðst í gær vera gáttaður á ummælum utanríkisráðherra og kvaðst telja það fráleitt og í raun ábyrgðarlaust, þegar
íslenzkir stjórnmálamenn teldu Jan Mayen eiga rétt til 200 mflna efnahagslögsögu. Slíkt væri hrapalleg mistúlkun á
afstöðu íslendinga.
— Hvaða hagsmunir eru í veði
fyrir íslendinga á þessu svæði?
— Allt svæðið norður um Jan
Mayen er af jarðfræðingum nefnt
íslenzka hásléttan. Þessi neðan-
sjávarháslétta hlýtur að teljast til
ísleíS^a landgrunnsins og nú er
einmitt mest um það rætt, hve
víðtækan rétt strandríkin fái utan
200 mílnanna eins og áður segir.
Það er um að ræða öll jarðefni og
lífverur á hafsbotni. Enginn veit
að vísu í dag, hver þessi verðmæti
kunna að vera, en fáránlegt er, að
við höldum ekki okkar rétti til
streitu, bæði á Jan Mayen-svæðinu
suður af íslandi og suðvestur af
því. Þar að auki eru svo að sjálf-
sögðu fiskveiði- og fiskverndar-
hagsmunir, sem margrætt er um.
En þess er þá að gæta, að fisk-
stofnar eins og loðna og síld ganga
um þetta svæði og einnig það ættu
að vera sameiginlegir hagsmunir
Norðmanna og íslendinga að
vernda allt þetta svæði fyrir
ryksuguskipum stórþjóða. Þess
vegna ætti ekki að þurfa að verða
togstreita á milli þjóðanna heldur
þvert á móti sameiginleg réttar-
gæzla.
Þegar ég flutti hafréttartillögur
mínar gat ég þess sérstaklega að
ítarlegar efnislegar umræður á
opinberum vettvangi væru
kannski ekki heppilegar fyrr en
formlegar samningaumræður
hefðu hafizt, þannig að fulltrúar
beggja þjóða gætu hitzt með opn-
um huga. Þess vegna óska ég ekki
að fara lengra út í þessa sálma nú.
Hrapalleg
mistúlkun
„Ég vil vísa til þess, sem ég sagði
í þinginu í gær, þegar við vorum að
ræða þar Færeyjasamninginn,"
sagði Lúðvík Jósepsson, formaður
Alþýðubandalagsins. „Þá einmitt
vék ég að þessu og sagði að ég teldi
alveg fráleitt og í raun alveg
ábyrgðarlaust, þegar íslenzkir
stjórnmálamenn væru að láta hafa
það eftir sér, jafnvel í viðtölum við
erlenda fréttamenn, að þeir teldu
að Jan Mayen ætti að hafa rétt til
200 mílna efnahagslögsögu og af
þeim ástæðum þá ætti í raun 200
mílna landhelgi okkar í átt til Jan
Mayen að skerðast með miðlínu-
reglu. Ég er þessu algjörlega
andvígur og tel að hér sé um
hrapallega mistúlkun að ræða.“
Lúðvík sagði það vera sína skýr-
ingu, að grundvallarrök, sem frá
upphafi hafi verið fyrir tillögum
um efnahagslögsögu, 200 mílna
landhelgi, hafi byggst á því, að þar
væri um að ræða ríki eða þjóð-
félag, sem ætti að njóta þessarar
efnahagslegu aðstöðu og ættu þá
einnig að geta verndað þau verð-
mæti, sem um væri að ræða —
enda kvað hann rætt um 200 mílna
rétt strandríkis. Hitt væri að vísu
ljóst, að í þessum frumdrögum að
alþjóðalögum í þessu efni, kæmi
ekkert atriði fram, sem skýrði
málið algjörlega. Skýrt væri þó að
þegar um væri að ræða kletta, sem
standi upp úr hafinu eða óbyggðar
eyjar, þá eigi þær ekki þennan
rétt. Rétt sé að Jan Mayen er ekki
óbyggð klettaey, en enginn maður
gæti samt haldið því fram að þar
væri þjóðfélag eða strandríki sem
slíkt. „Vegna þessa á Jan Mayen að
mínum dómi ekki að fá nema 12
mílna landhelgi, en alls enga
efnahagslögsögu. Svipað ástand er
víða annars staðar í heiminum og
þar er þessu haldið fram að slíkar
eyjar eigi ekki að fá 200 mílna
landhelgi, nema eyjarnar séu hluti
eyjaklasa eyríkis.
Hitt fer ekkert á milli mála, að
þeir sem eiga slíka aðstöðu eins og
Norðmenn í þessu tilfelli, reyna að
ota sínum tota,“ sagði Lúðvík
Jósepsson, „og reyna að ná sér í
aukin réttindi. Ég tel að Jan
Mayen eigi ekki þennan rétt og ég
lýsi yfir undrun minni, að íslenzk-
ur utanríkisráðherra, ef það er
rétt, að hann segi í viðtali við
norska blaðamenn, sem einmitt
eru á höttum eftir þessum efnum
nú, að hann telji það að Jan Mayen
eigi rétt til 200 mílna efnahagslög-
sögu og þar með eigi Jan Mayen að
geta skert 200 mílna lögsögu ís-
lands í áttina til Jan Mayen. Þetta
hefur áður komið fram hjá ís-
lenzkum stjórnvöldum, að þau eru
ekki á þessari skoðun, þótt þau
hafi viljað halda þannig á málum
að sem minnstir árekstrar yrðu
við Norðmenn um þetta atriði. Ég
lýsti því hins vegar yfir strax, og
lét bóka það, þegar við færðum út í
200 mílur, að fært yrði út í 200
mílur án þess að minnast nokkuð á
þetta. Það mál vil ég ekki ýfa upp,
en nú kastar tólfunum og ég er
alveg gáttaður á Benedikt
Gröndal, sé þetta rétt, að hann láti
slíkt sem þetta frá sér fara.“
Þá sagði Lúðvík Jósepsson, að ef
skoðun hans væri rétt, að Jan
Mayen ætti aðeins 12 mílur, þá
yrði svæðið, sem opnaðist norð-
austur af okkar efnahagslögsögu
veiðisvæði, sem bezt lægi fyrir
okkur að nýta. Er fráleitt — sagði
hann að Norðmenn fengju yfirráð
yfir því og gætu síðan notað það
sem verzlunarvöru til þess að