Morgunblaðið - 03.02.1979, Blaðsíða 14
MORGUNBLAÐIÐ, LAUGARDAGUR 3. FEBRÚAR 1979
14
Ófeigur Gestsson:
Fasteignamat 1978 —
skrípaleikur eða hvað?
í síðustu viku kom hreppsnefnd
Andakílshrepps saman og kynnti
oddviti, Jón Blöndal, hrepps-
nefndarmönnum nýkomið fast-
eignamat 1978. Hafði oddvitinn
fengið fasteignamatsskrána í póst-
kröfu fyrir helgina og greitt kr. 60
þúsund fyrir.
Fasteignamat 1978 fyrir Anda-
kílshrepp er það almesta endem-
isplagg sem ég hefi nokkru sinni
augum litið.
Villurnar eru svo þrælmagnaðar
að varla stendur steinn yfir steini,
svo fáránlegt er verkið að ég
rólyndur sveitamaðurinn get ekki
orða bundist og tíni til nokkur
furðudæmi þessa furðuverks Fast-
eignamats ríkisins.
A. Dæmi um eignir sem hverfa.
1. Á Hvanneyri hafa þrjú hús í
einkaeign gjörsamlega horfið.
2. Veiðimannahús og land að ánni
Flóku er horfið.
3. Á Hvanneyri hafa tveir ein-
staklingar allt í einu tapað
einbýlishúsum sínum í hendur
ríkissjóðs.
B. Dæmi um eignir sem birtast
óvænt.
1. Skemma var rifin upp í Bæjar-
sveit 1963, hoppar nú inn, metin
á 35 þús kr.
2. Þrjú gróðurhús á Jaðri í Bæjar-
sveit sem voru rifin fyrir mörg-
um árum, eru nú allt í einu
komin inn á matið.
C. Dæmi um furðulegar breyting-
ar.
1. Bræðurnir Sveinbjörn Blöndal
og Jón Blöndal, Langholti,
byggðu hlöðu 1973 og hafa átt
sinn helminginn hvor síðan.
Hlaðan var 1230 rúmm. þegar
hún var byggð þ.e. 615 rúmm. í
hlut hvers. Þessi hlaða hefur
tekið undarlegum breytingum:
Jón Blöndal á nú 615 rúmm. að
verðmæti 1.914 þús. en Svein-
björn Blöndal 815 rúmm. að
verðmæti 1.810 þús.
2. Veiði í Grímsá sem á sl. ári var
metin 516 þús. er nú 10 þús. kr.
virði.
Ég gæti nefnt 20—30 fleiri villur
í þessari endemis bók sem sveitar-
stjórnarmenn í Andakílshreppi
eiga að vinna eftir, og er hér
aðeins um sveitahrepp að ræða,
hve margar geta villurnar verið
hjá stærri sveitarfélögum?
Þá hef ég frétt að bræður sem
búa á og eiga jörðina Fitjar í
Skorradal hafi fengið bunka af
fasteignamatsseðlum. Á undan-
förnum árum hafa þeir bræður
látið land undir sumarbústaði og
nú allt í einu eru þeir orðnir
eigendur flestra ef til vill allra. Á
einu bretti.
Hlægilegasta dæmið, eða ef til
vill það grátlegasta heyrði ég í
dag. Jón Guðmundsson, Hvítár-
bakka sagði mér að Ragnheiður
dóttir hans sem er gift og býr að
Fífuseli 35, Reykjavík hefði fengið
fasteignamatsseðil upp á það að
nú ætti hún Deildartungu II í
Reykholtsdal. Ég hef staðið í
þeirri trú að Andrés Jónsson bóndi
Deildartungu II væri eigandi jarð-
arinnar og hann heldur það sjálf-
sagt líka. Þá hef ég heyrt að
vitavörðurinn á Stórhöfða í Vest-
mannaeyjum hafi fengið seðil upp
á það að nú væri hann orðinn
ófeigur Gestsson
jarðeigandi upp á fasta landinu.
Jörðin Lambafell, A-Eyjafjallahr.
var allt í einu orðin hans eign.
Þau dæmi sem ég hef nú nefnt
sýna svo ekki verður um villst að
eitthvað hefur gengið úr skorðum í
„kerfinu".
Það er í senn undarlegt og alveg
óþolandi að svo augljósar villur
skuli getað orðið til. Það er einnig
alvarlegt mál viðureignar að villur
sem komu fram á síðasta ári hafa
ekki fengist leiðréttar.
Ef fasteignamat 1978 fyrir önn-
ur sveitarfélög er með svipuðu
yfirbragði þá er augljóst að
milljónum hefur verið eytt af
almannafé til lítils gagns og er
ástæða til þess að krefjast réttra
skýringa og betri vinnubragða en
nú hafa verið viðhöfð.
Mér barst í hendur bréf frá
forstöðumanni Fasteignamats rík-
isins sem oddviti Skorradals-
hrepps hafði fengið á sl. ári þegar
oddviti hafði fundið að illa unninni
bók yfir matið í Skorradal. Þetta
bréf sýnir svo ekki verður um
villst að sveitarfélög eiga að vinna
eftir þessari bók hversu vitlaus
sem hún er. I þessu dæmi kemur
fram glöggur munur á afstöðu til
þeirra sem eiga að veita þjónustu.
Þegar um einstaklinga er að
ræða og selja gallaða vöru er þeim
í engu hlíft. Nú skylst mér að þetta
sé a.m.k. annað árið sem Fast-
eignamat ríkisins sendir út illa
unna skrá, en sveitarfélög skulu
gott borga. Ef fulltrúar sveitarfé-
laganna dirfast að malda í móinn
þá segir forstöðumaður Fasteigna-
mats ríkisins að þeir séu
bastarðar (sbr. bréf) (samkv.
orðabók Menningarsj. 1963 þýðir
bastarður: kynblendingur, lausa-
leiksbarn, frillusonur). Nú er það
svo að ég hef aðeins átt sæti í
hreppsnefnd Andakílshrepps síðan
nú á sl. sumri og gjörþekki ekki
samskipti sveitarstjórnarmanna
við starfsmenn þeirra ríkisstofn-
ana sem þeir þurfa að hafa mest
samskipti við. Mér ofbýður hins
vegar ruddalegt bréf forstöðu-
mannsins í þessu tilfelli ekki síst
vegna þess að mér var kunnugt um
að á sl. ári voru villur í fasteigna-
mati margra sveitarfélaga hér á
Vesturlandi.
Ég vil að lokum koma þeirri ósk
minni á framfæri að sveitarsjóði
Andakílshrepps verði endur-
greiddar kr. 60 þús. frá Fasteigna-
mati ríkisins eða fái rétt mat sem
oddvitinn getur unnið eftir.
Hvanneyri, 30. jan. 1979
Ófeigur Gestsson
- O -
Sveitarsjóður Skorradalshr.,
Skorradal,
Borgarfjarðarsýslu.
311 Borgarnes.
Með tilliti til þess, að hér með
send fasteignaskrá fyrir árið 1977
hefur ekki fengist greidd, verður
ekki hjá því komist að benda
sveitarstjórn Skorradalshrepps á
eftirfarandi:
Þann 18. ágúst 1976 birti Fast-
eignamat ríkisins svohljóðandi
tilkynningu um verð á upplýsing-
um úr fasteignaskrá. „Samkv.
lögum nr. 94/1976, er gert ráð fyrir
að Fasteignamat ríkisins inn-
heimti hluta reksturskostnaðar
með sölu á upplýsingum úr fast-
eignaskrá.
Með bréfi dags. 23. júlí 1976,
hefur fjármálaráðuneytið ákveðið
skv. heimild í 14. gr. laga nr.
94/1976, að eftirfarandi verð skuli
gilda við sölu upplýsinga úr skrám
Fasteignamats ríkisins:
Verð pr. síðu kr. 2000,00 til
annarra aðila en A-hluta ríkis-
stofnana, sem skuli greiða kr.
1000,00 pr. síðu.
Sveitarfélögin skulu fá 25%
afslátt. Kaupí aðilar fleiri en eitt
eintak af hverri síðu ákveður
Fasteignamat ríkisins verð pr.
síðu, með hliðsjón af ofangreindu
verði.
Samkv. framansögðu, hefur
Fasteignamat ríkisins ákveðið að
gefa 75% afslátt frá brúttóverði af
annarri síðu og þar fram yfir.“
Eins og framkemur í auglýsing-
unni þá er hér verið að fullnægja
því ákvæði téðra laga að sveitar-
félögum sé ætlað að standa undir
hluta af reksturskostnaði Fast-
eignamatsins.
Þrátt fyrir skýr ákvæði 1. mgr.
3. gr. laga nr. 8/1972 um tekju-
stofna sveitarfélaga um að leggja
fasteignamat til grundvallar
álagningu fasteignaskatts, þá
skildu sum sveitarfélög auglýsing-
ar stjórnvalda svo, að þau gætu
meö vissum hætti notað úrelt
fasteignamat sem grundvöll að
álagningu skattsins. Þetta gerði
það að verkum að þessi sveitafélög
töldu sig ekki þurfa á nýrri fast-
eignaskrá að halda fyrir árið 1976
og annað varð svo í samræmi við
það.
Nú er þetta liðin tíð og sveitar-
félög geta ekki lengur lagt á
fasteignaskatta nema með aðstoð
fasteignaskrár. Því höfum við sent
öllum 224 sveitarfélögum landsins
í póstkröfu fasteignaskrá fyrir
1977 og hér um bil öll hafa þau
umyrðalaust leyst hana út. Þó eru
í þessu aðeins örfáir bastarðar og
einn þeirra er Skorradalshreppur.
Nú gerum við ráð fyrir að Skorra-
dalshreppur sé ekki betur stæður
en svo að hann þurfi að leggja
fasteignaskatt á þegna sína, eins
og aðrir. Og þá er spurningin sú
hvernig hann kemst af án fast-
eignaskrár eða hefur hann komist
yfir fasteignaskrá fyrir Skorra-
dalshrepp hjá öðrum aðila, sem
hefur hana undir höndum.
Nú er það svo að fasteignaskrár
eu ekki gefnar út nema til opin-
berra stofnana og vitanlega ekki
gert ráð fyrir því að þær hafi þær
til annars en eigin nota. Hér gæti
því verið um grófa misnotkun
viðkomandi embætta að ræða á
skrám Fasteignamatsins, sem ekki
verður við unað og við komumst
ekki hjá að fjalla um við
viðkomandi ráðuneyti, ef þessu
verður ekki kippt í lag nú þegar af
viðkomandi sveitarfélagi.
Það er von okkar að hjálagður
reikningur verði greiddur nú þegar
svo ekki þurfi til að koma frekari
aðgerðir í þessu máli.
Virðingarfyllst.
Guttormur Sigurbjörnsson.
Æskan út-
breiddasta
tímaritið
Samkvæmt fjölmiðlakönnun
Hagvangs er Æskan mest
selda tímarit landsins í
áskrift. Af þeim sem spurðir
voru kváðust 27% kaupa
Æskuna. Næst að útbreiðslu
kemur Ásgarður með 21% og
Tízkublaðið Líf með 14%.
Af öðrum tímaritum eða
vikuritum má nefna: Búnaðar-
blaðið Freyr 13%, Iðnaðarblað-
ið, Sjávarfréttir, íþróttablaðið,
Sveitarstjórnarmál og Heima
er bezt öll með 11%, Frjáls
verzlun og Samvinnan með 9%,
Eiðfaxi 8% og Vikan með 7%
svo nokkur dæmi séu nefnd.
Sandgerði:
Afli góður á
djúpmiðum
en minni á
grunnslóð
Sandgerði, 2. feb.
I JANÚAR var landað í Sand-
gerði 1814 lestum af fiski. Þar
af landaði togarinn Erlingur
101 lest og er þá bátaafiinn
1713 lestir í 426 sjóferðum. Er
það 264 lestum meira en í
janúar í fyrra, en þá var
landað hér 1449 lestum í 408
sjóferðum.
Stærri línubátarnir og einn
netabátur hafa aflað allvel á
djúpmiðunum, en hjá hinum
netabátunum sem eru á
grunnslóðinni hefur aflinn.ver-
ið mjög tregur. Einnig hefur
afli hjá togbátunum verið frek-
ar tregur. Aflahæstu bátarnir
um mánaðamótin eru Freyja
með 150 lestir í 21 sjóferð,
Skagaröst með 143 lestir í 21
sjóferð og Bergþór með 133
lestir í 20 sjóferðum og eru þeir
allir á línu þessir bátar.
Jón
Leiðrétting
í blaðinu í gær urðu þau
mistök í grein Páls Bergþórs-
sonar um veðurfregnatímana,
að hluti málsgreinar féll niður.
Hún átti að vera: „í fjórða lagi
hef ég sannfært mig um, að
veðurstofustjórinn hefur hug á
að setja fram tillögur, sem allir
veðurfræðingar ættu að geta
talið viðunandi...“
Mazda
— Er kominn!
Kynntur á íslandi um leiö og í öörum Evrópulöndum.
Fáanlegur í 2 geröum: 2dyra hardtop og 4dyra sedan,
2 vélastæröir 2000 cc. og 1600 cc. og verðið er frá
kr. 3.765.000. Komiö og skoöiö þennan stórkostlega
bíl á bílasýningunni hjá okkur, laugardag 1—6
og sunnudag 10—6.
bíllinn sem
beðið var
eftir-