Morgunblaðið - 09.10.1979, Síða 2
2
MORGUNBLAÐIÐ, ÞRIÐJUDAGUR 9. OKTÓBER 1979
Ljóftm. Rax.
Þá munaði ekki mikið um að sveifla pokunum upp á stæðuna á brettunum, sem siðan fóru út á bíl.
Víetnamarnir vel liðtæk-
ir við hvers kyns störf
NOKKRIR úr hópi flóttamann-
anna frá Víetnam sem nú eru
búsettir hérlendis hafa þegar
tekið til við vinnu auk þess sem
þeir stunda islenzkunámið.
Hjá saltfiskverkun Bæjarút-
gerðar Reykjavíkur voru nokkrir
þeirra í gær við að ganga frá
saltfiski til útflutnings. Sögðu
íslenzkir samstarfsmenn þeirra
að þeir væru vel liðtækir til
allrar vinnu og greinilegt að þeir
vildu gjarnan taka til hendinni.
Ekki kváðu þeir litla málakunn-
áttu vera til trafala, þeir gætu
vel gert þeim skiljanlegt á
íslenzku með aðstoð bendinga og
„fingramáls" hvað gera skyldi.
Ekki var annað að sjá en þeim
líkaði vel vistin í saltfiskvinn-
unni en fyrst í stað vinna þeir
hálfan vinnudag, þ.e. fyrir há-
degi, en eftir hádegi er tekið til
við íslenzkunámið, sem standa
mun yfir næstu vikurnar, en að
því loknu er gert ráð fyrir að
þeir vinni fullan vinnudag.
Geir Hallgrímsson um kjördæmamálið:
Gera mætti einfaldar
brey tingar fyrir
desemberkosningar
MORGUNBLAÐIÐ spurði Geir
Hallgrímsson að því í gærkvöldi
hvort hann teldi unnt að gera
breytingar á kosningalögum og
kjördæmaskipan fyrir hugsan-
legar kosningar í desember og
einnig hvað hann vildi segja um
afgreiðslu f járlaga eins og staðan
er í dag.
„Óvíst er,“ sagði Geir, „að það
tækist að afgreiða fjárlög með
nokkrum skynsamlegum hætti
fyrr en nýr þingmeirihluti hefur
verið myndaður að loknum kosn-
ingum og þess eru mörg dæmi að
fjárlög hafi ekki verið samþykkt á
Alþingi fyrr en að áliðnu ári sem
það átti að taka til, þótt auðvitað
sé það miður, en þó, í þessu tilviki,
betri kostur en fyrirsjáanlegur er
án kosninga í desember.
Víst væri æskilegt að taka
kjördæmamálið til meðferðar og
einföldustu aðgerðir í þeim efnum
mætti jafnvel framkvæma fyrir
desemberkosningar ef nægileg
samstaða næðist. Má þar nefna til
dæmis breyttar reglur um úthlut-
un uppbótarþingsæta. Þó má kjör-
dæmamálið ekki tefja kosningar
að einu eða neinu leyti og það
verður að bíða betri tíma í heild,
en í raun er ekki víst að framgang-
ur kosninga- og kjördæmamálsins
tefjist meira en ella hefði orðið
þar sem útilokað væri þótt kosn-
ingum yrði frestað til vors, að
hafa aðrar kosningar næsta haust
til þess að staðfesta væntanlega
kjördæmabreytingu. Með þeim
hætti væri ekki hægt að snúa sér
að efnahagsmálunum fyrr en
næsta haust og sjá allir í hvaða
voða yrði þá stefnt."
kkert tilfit tekið til kostn-
aðarauka verksmiðja
YFIRNEFND Verðlagsráðs sjáv-
arútvegsins ákvað á fundi sinum
í gær lágmarksverð á loðnu
veiddri til bræðslu frá 1. október
til Ioka haustvertíðar. Nýja verð-
ið er 21.40 kr. fyrir hvert kg., en
þetta jafngildir 25,47 kr. heildar-
verði til fiskiskipa og er þá gert
ráð fyrir 9% olíugjaldi og 10%
stofnfjársjóðsgjaldi. Verðið er
miðað við 16% fituinnihald og
15% fitufrítt þurrefni. Verðið
breytist um 1,20 kr. til hækkunar
eða lækkunar fyrir hvert 1%, sem
fituinnihaid breytist frá viðmið-
un. Verðið breytist um 1,30 kr.
fyrir hvert 1% sem þurrefnis-
magn breytist frá viðmiðun.
í yfirnefndinni áttu sæti Ólafur
Davíðsson, sem var oddamaður,
Ingólfur Ingólfsson og Páll Guð-
mundsson af hálfu seljenda, Guð-
mundur Kr. Jónsson og Jón Reyn-
ir Magnússon af hálfu kaupenda.
Verðið var ákveðið af oddamanni
og fulltrúum seljenda gegn at-
kvæðum kaupenda. Fulltrúar
kaupenda létu bóka svofellda
greinargerð með atkvæði sínu.
„Við áteljum einhliða málsmeð-
ferð oddamanns við þessa verð-
ákvörðun, þar sem hann hefur
ekki gefið fulltrúum kaupenda
nokkurn valkost um loðnuverðið,
en samþykkt verðkröfur seljenda
án þess að taka nokkurt tillit til
mikils kostnaðarauka verksmiðj-
anna vegna hækkunar á svartolíu
og annarra breyttra forsenda við
Bílar skemmdir
með loftriffílkúlum
UM helgina voru skemmdir unn-
ar á bifreiöum, sem stóðu við
Mariubakka i Reykjavík. Voru
bifreiðirnar dældaðar og
skemmdir urðu á lakki. Er taiið
fullvist að skotið hafi verið á
bifreiðirnar með loftriffli og þær
skemmdar á þann hátt.
— segir í bókun
kaupenda við
ákvörðun nýs
loðnuverðs
vinnslu og veiðar frá síðustu
verðákvörðun.
Teljum við rekstrargrundvöll
verksmiðjanna svo skertan með
þessari verðákvörðun að álitamál
er hvor kosturinn verður skárri að
hætta allri loðnuvinnslu og loka
verksmiðjunum eða halda uppi
takmarkaðri vinnslu."
I verðákvörðuninni er gert ráð
fyrir að sett verði lög er ákveði 9%
olíugjald til fiskiskipa á verð-
tímabilinu og auk þess greiðir
kaupandi 10% gjald til stofn-
fjársjóðs fiskiskipa, sem ekki
kemur til skipta. Á grundvelli
verðákvörðunarinnar ber verk-
smiðjunum því að greiða til veiði-
skipa 25,47 krónur fyrir hvert kíló
af loðnu miðað við 16% fituinni-
hald og 15% fitufrítt þurrefni.
Frávik um 1% að fituinnihaldi
hækkar eða lækkar ver.ðið um 1,55
kr. og kr. 1,43 fyrir hvert 1%
frávik á þurrefnisinnihaldi, þegar
olíugjald og stofnfjársjóðsgjald
eru meðtalin.
Svartolíuverð
aldrei hærra
SKRÁÐ svartolíuverð á mark-
aðnum í Rotterdam hefur aldrei
verið hærra en um þessar mund-
ir. Er svartolían nú skráð á 156
dollara hvert tonn en þegar
olíuverðið fór hæst s.l. vor var
svartoliutonnið skráð á 147 doll-
Skráð verð á bensíni og gasolíu
hefur einnig farið háekkandi að
undanförnu en er samt mun
lægra nú en í vor þegar það fór
hæst. 2. október s.l. var tonn af
bensíni skráð á 348 dollara, en
hafði verið 325 dollara 21. sept-
ember. Sama dag var verð á
gasolíu skráð 333 dollarar hvert
tonn en hafði verið 325 dollarar
21. september. Hins vegar var
svartolíuverðið 140 dollarar tonn-
ið 21. september.
Þegar olíuverðið var hæst s.l.
vor var bensínið skráð á 412
dollara og gasolían skráð á 395
dollara. Verðfall varð svo í sumar
og fór verðið niður í rúma 300
dollara en hefur farið stígandi
aftur undanfarnar vikur.
Olíuviðskipti okkar við Sovét-
menn eru sem kunnugt er miðuð
við skráð verð í Rotterdam hverju
sinni og hafa Sovétmenn ekki
verið til viðtals að breyta þeirri
viðmiðun eins og fram hefur
komið í fréttum.
Mokveiði og Eldborg
aftur með fullfermi
ENN ER mokveiði á loðnu á
miðunum úti af Norðurlandi og er
heildaraflinn á vertíðinni nú lið-
lega 240 þúsund tonn. í gærmorgun
tilkynnti Eldborgin um fullfermi,
1630 lestir, i annað sinn á 9 dögum.
Löndunarbið er alls staðar á höfn-
um í nánd við veiðisvæðið og
margir þeirra, sem fengu afla um
helgina, héldu til Vestmannaeyja.
Eftirtalin skip hafa tilkynnt um
afla síðan á hádegi á laugardag þar
til síðdegis í gær:
Laugardagur: Dagfari 530, Hrafn
650, Hákon 750, Keflvíkingur 520,
Ljósfari 540. Samtals á laugardag 7
skip með 5080 lestir.
Sunnudagur Jón Kjartansson 480,
Seley 420, Skarðsvík 620, Helga
Guðmundsdóttir 650, Sigurfari 600,
Svanur 700, Albert 600, Hilmir 520,
Gísli Árni 650, Bergur 510, Þórður
Jónasson 460, Faxi 320, Súlan 700.
Samtals á sunnudag 7230 lestir fraí3
bátum.
Mánudagur: Helga II 520, Nátt-
fari 510, Kap II 680, Víkingur 1350,
Fífill 580, Huginn 580, Óskar Hall-
dórsson 410, Hafrún 600, Grindvík-
ingur 1000, Eldborg 1630, Óli Óskars
1200, Örn 580, Sæbjörg 630, ísleifur
440, Guðmundur 900, Harpa 630,
Júpiter 1150. Þar til síðdegis í gær
17 skip með 13390 lestir.
„Umbrotín gætu farið saman
hér við Kröflu og á þingi”
LANDRIS við Kröflu er nú að nálgast það sem það var fyrir
umbrotin 13. maí í vor. Þá stóð hrinan i 4 — 5 daga og var
allmikil, en hraunkvikan hljóp þá i norðurátt án þess að koma
upp á yfirborðið. Landsigið var þá um 70 sm við Kröflu og landið
hefur nú risið sem þvi nemur.
Hjörtur Tryggvason sagði í
gær, er Morgunblaðið hafði sam-
band við hann nyrðra, að enda
þótt landrisið væri orðið þetta
mikið nú, benti fátt annað til að
umbrotahrina væri á næsta
leyti, t.d. væru skjálftar enn fáir
og smáir. Jarðvísindamenn frá
Norrænu eldfjallastöðinni voru
nyrðra í síðustu viku við athug-
anir og í dag er væntanlegur
þangað bandarískur jarðvísinda-
maður til að endurbæta tæki,
sem mæla vetni í gasi. Þá er
reiknað með því að vakt í
Reynihlíð verði aukin á næst-
unni.
Á fimmtudaginn fyrir rúmri
viku magnaðist gufa mjög í
nýjum hver í suðurhlíðum
Kröflu, aðeins austar en akveðið
hafði verið að bora. Eins og áður
í landrisi hefur orðið gliðnun í
sprungum á svæðinu. Hiti í
Stórugjá er nú um 40 gráður, en
var í fyrra um 26 gráður. í
Grjótagjá er hitinn hins vegar
57—58 gráður.
Hjörtu™ var að því spurður í
gær hv' rt hann byggist við
umbroti m næstu daga. Hann
svaraði þ ví til, að hann hefði oft
á síðustu mánuðum verið spurð-
ur hvenær reikna mætti með
nýrri hrinu. — Ég hef svarað því
til að umbrotin verði 10. október,
en þó ekki fyrr en eftir hádegi,
svaraði Hjörtur.
Blaðamaður spurði þá hvort
sú dagsetning væri í einhverju
sambandi við sétningu Alþingis.
— Ekki var það nú upphaflega,
en umbrotin gætu farið saman
hér við Kröflu og á þingi.
Landrisið verður a.m.k. komið í
sömu hæð og síðast hér á
Kröflusvæðinu, en það getur þó
allt eins dregist að nokkuð gerist
hér um slóðir, sagði Hjörtur
Tryggvason að lokum.