Morgunblaðið - 09.10.1979, Blaðsíða 43

MORGUNBLAÐIÐ, ÞRIÐJUDAGUR 9. OKTÖBER 1979
23
• Viggó ásamt eiginkonu sinni Evu Haraldsdóttur, sem er dóttir hins
kunna íþróttafrömuðar Haralds Sigurðssonar á Akureyri.
Ljósm. ÞR.
Barcelona
í efsta sæti
LIÐ Viggós Sigurðssonar er nú í
efsta sæti i 1. deildinni á Spáni
ásamt Atletico Madrid. sem er
spænskur meistari. í fyrsta leik
sinum sigraði Barcelona Granol-
lers 24—18, á heimavelli og
skoraði Viggó þá 4 mörk. í næsta
leik vannst stórsigur á Jaen frá
Granada á útivelli 31—22. Viggó
skoraði þrjú mörk i þeim leik. Og
á sunnudag var Viggó maðurinn
á bak við sigur Barcelona á móti
erkióvininum Calpisa, sem varð
spænskur meistari á árunum
1974—1978. Sigraði Barcelona í
leiknum 24—23, eftir æsispenn-
andi leik. Viggó skoraði þrjú
siðustu mörkin i lciknum en alls
sendi hann boltann sjö sinnum i
netið. Viggó hefur því skorað 14
mörk í þremur fyrstu leikjum
sinum með liðinu.
Viggó sagði í viðtali við Mbl. í
gær að hann hefði ekki lent í
annarri eins stemningu og var á
leik liðsins á sunnudaginn. Sjö
þúsund áhorfendur voru bókstaf-
lega að rifna af spenningi. „Við
vorum lengst af undir í leiknum.
Og þegar þrjár mínútur voru til
leiksloka var staðan 23—21 þeim í
hag. Mér tókst þá að skora
tvívegis með gegnumbrotum og
jafna leikinn. Og á lokamínútunni
fékk ég það hlutverk að taka
vítakast. Sem betur fer heppnað-
ist það og sigurinn varð okkar.
Það er nefnilega skammt öfganna
á milli hér. Maður er hafinn upp
til skýjanna þegar vel gengur og
hampað heil ósköp. En gangi illa
þá eru þeir ósparir á að láta finna
fyrir gagnrýninni. Þetta var besti
leikur minn með liðinu til þessa.
Næsti leikur okkar er á útivelli á
móti liði sem Barcelona hefur
aldrei sigrað. Við erum því hálf-
smeykir við það, sagði Viggó.
—þr.
skoraði
Asgeir
Lokeren
Ásgeir Sigurvinsson skoraði
eitt af mörkum Standard Liege,
er liðið vann hörkugóðan útisig-
ur, 4—1, gegn Beringen í
belgísku deildarkeppninni um
helgina. Á sama tíma tapaði
Lokeren sinum fyrsta leik, féll á
útivelli gegn FC Brugge. Loker-
en heldur þó enn í efsta sætið, en
nú er stigamunur enginn á Lok-
eren, Standard og Molenbeek,
Lokeren hefur einfaldlega betri
markatölu, svo naumt er það.
Úrslit leikja um helgina
voru þessi:
Molenbeek — Winterslag 3—1
Waterschei — Hasselt 4—0
Antwerp — Lierse 3—1
Charleroi — Beerschot 0—1
FC Brugge — Lokeren 2—0
tapaði
Waregem — Anderlecht 1—1
Beveren — Berchem 2—1
FC Liege — Cercle Brugge 5—1
Berlingen — Standard 1—4
Eftir leiki þessa eru þrjú lið
með jafn mörg stig á toppi deild-
arinnar eins og áður sagði, Loker-
en, Standard og Molenbeek, en öll
hafa hlotið 13 stig. Berschot hefur
12 stig og FC Brugge 11 stig.
„Stórkostlegt að
fá þetta tækifæri"
— Það er hreint út sagt stórkostlegt að hafa fengið þetta tækifæri.
Ég á aldrei eftir að sjá eftir þessu. Svo mælti handknattleiksmaðurinn
góðkunni Viggó Sigurðsson við undirritaðan er við vorum að spjalla
saman í mjög svo vistlegri íbúð Viggós og konu hans Evu
Haraldsdóttur á Spáni í septembermánuði síðastliðnum. Viggó hafði
fyrr á árinu leikið með íslenska landsliðinu í Barcclona í undankeppni
Olympiuleikanna og vakti þar mikla athygli fyrir góða frammistöðu.
Forráðamenn stórfélagsins F.C. Barcelona sem fylgdust grannt með
öllum leikmönnum, sáu að þarna var á ferðinni maður sem þeir gátu
haft not fyrir. Þeir gerðu Viggó tilboð um að koma út eftir að
keppninni væri lokið og leika með félaginu. En gefum nú Viggó orðið.
— Um tíma leit út fyrir að
samningar milli okkar myndu
ekki takast. Eg fór út til Barcel-
ona ásamt lögfræðingi mínum
Sigurði Sigurjónssyni. Þetta voru
þrautreyndir samningamenn og
erfitt við þá að eiga. Eg stóð samt
mjög fast á mínum kröfum og við
gáfum ekkert eftir. En þeir vildu
heldur ekki gefa sig. Það varð því
úr að við þökkuðum fyrir okkur og
bjuggum okkur undir að fara
heim. Við vorum komnir út götu
og búnir að ná okkur í leigubíl og
vorum um það bil að renna burtu
frá skrifstofum Barcelona þegar
einn Spánverjanna kom hlaupandi
á eftir okkur og bað okkur að
koma inn aftur, það hefði verið
ákveðið að ganga að kröfum okk-
ar. Eftir á kunnu þeir að meta mig
betur fyrir að vera svona harður.
Eg gerði góðan samning og er
mjög ánægður hér, með það sem
ég hef.
Að vísu eru þetta nokkur við-
brigði fyrir okkur hjónin, en
Spánverjarnir hafa tekið okkur
afskaplega vel og verið okkur
innan handar. Þeir eru vingjarn-
legir og hjálplegir.
— Sem dæmi get ég nefnt,
skýtur kona Viggós inn í, að þegar
Viggó er á keppnisferðalögum þá
heimsækja eiginkonur hinna leik-
mannanna mig, og við förum þá
gjarnan út að borða og höldum
hópinn. Þá er algengt að eiginkon-
urnar fari með mönnum sínum á
æfingar og horfi á. Það þætti
sjálfsagt skrýtið heima á Fróni.
— Við höfum æft reglulega
tvisvar á dag og leikið æfingaleik
einu sinni í viku. Þá tókum við
þátt ,í hraðkeppni áður en 1.
deildar keppnin hófst. Það eru
mikil viðbrigði að þurfa ekki að
stunda neina vinnu. Geta ein-
göngu einbeitt sér að æfingum og
kappleikjum, segir Viggó. Það er
með ólíkindum hvað íþróttamenn
heima á íslandi leggja mikið á sig
við íþróttaæfingar á sama tíma og
þeir vinna langan vinnudag og eru
með heimili. Og oftast bera þeir
sáralítið úr býtum umfram ánægj-
una. Það var jafnvel erfitt aö fá
vinnutap greitt þegar leikið var
með landsliðinu.
Hvað eru mörg lið í spænsku 1.
deildinni og hver cr styrkleiki
þeirra?
— Liðin eru 12. Leikið er heima
og heiman. Við ferðumst því um
allan Spán. Fjögur lið bera nokkuð
af í deildinni. AT Madrid, C.B.
Calpisa, Pepsi Ademar, og svo við
hér F.C. Barcelona. Þessi lið eru
mun betri en Valur og Víkingur.
Hin liðin eru ekki mjög sterk.
Svona svipuð og miðlungs 1. deild-
arlið heima á Islandi. Við gerum
okkur góðar vonir um að sigra í
deildarkeppninni í vetur. Stjórn
Barcelona setti um 360 milljónir
íslenskra króna í handknattleik-
inn, og gerði stórátak. Keypti nýja
leikmenn, og eins var fenginn nýr
þjálfari. Sá er mjög strangur og er
með erfiðar æfingar. Hann minnir
mig á Janus Cervinski sem þjálf-
aði íslenska landsliðið á sínum
tíma.
Hvað gerir þú hér í frístundum
þinum?
Það er ýmislcgt. Við erum
hjónin að koma okkur inn í
tungumálið. Þá förum við oft út að
borða með vinum okkar í liðinu.
Nú ég reyni ef ég mögulega get að
sjá alla heimaleiki Barcelona í
knattspyrnunni, og þar sem við
búum nálægt aðalleikvanginum er
ekki langt að fara. Ég les svo tii
allt í íslensku blöðunum þegar ég
fæ þau send að heiman. Og
jafnframt lesum við bæði mikið af
bókum. En mest allur tíminn fer
þó í æfingar, kappleiki og ferðalög
í sambandi við handknattleikinn.
Við leikum oftast nær um hverja
helgi. Ég á til dæmis enga mögu-
leika á að koma heim og leika
landsleiki, færi svo að þeir hefðu
áhuga á að fá mig heim í leiki.
Hvað gerðir þú langan samn-
ing við félagið?
Ég gerði aðeins samning út
keppnistímabilið, eitt ár. Standi
ég mig vel með liðinu, get ég gert
meiri kröfur fyrir næsta tímabil,
hafi ég þá áhuga á að vera hér
áfram, sem ég reikna nú frekar
með. Við fáum að vísu heimþrá
einstöku sinnum, en það er nú
bara eðlilegt.
Hvaða hlutverki gegnir þú í
liðinu?
I vörninni er ég látinn leika á
miðjunni. En við leikum flata
vörn. I sókninni spila ég fyrir
utan, og reyni þá gjarnan upphopp
og skot eða gegnumbrot. Þá hef ég
átt töluvert af góðum línusending-
um í leikjunum að undanförnu. Ég
hef verið markheppinn og ætla að
vona að ég verði það áfram.
Spánverjar elska þá sem skora
mörk.
Nú var Viggó farinn að taka
íþróttadótið sitt saman. Kvöldæf-
ingin var ekki langt undan. Undir-
ritaður fylgdist með æfingunni og
var greinilegt að Viggó var í góðri
æfingu og lék stórt hlutverk í liði
Barcelona. Íþróttasíða Mbl. óskar
þessum fyrsta íslenska atvinnu-
manni í íþróttum á spænskri
grund góðs gengis í leikjum vetr-
arins með liði sínu.
— þr.
• í handknattleiksliði Barcelona eru sex landsliðsmenn, þar á meðal fyrirliðinn,
Myndin hér að ofan er tekin í hinni glæsilegu íþróttahöll félagsins sem tekur um 7000
manns í sæti. í sömu höll er glæsilegt skautasvæði og veitingastaður. Viggó
Sigurðsson er lengst til hægri í neðri röð.