Morgunblaðið - 16.12.1979, Blaðsíða 28
60
MORGUNBLAÐIÐ, SUNNUDAGUR 16. DESEMBER 1979
Þáttur foreldra:
Vonbrigði barna
með jólagjaf irnar
- og nokkur einföld ráð
Nú eru aðeins fáeinir dagar til jóla. Flestir eru farnir að
undirbúa jólin á margvislegan hátt og margir eru önnum
kafnir við hvers konar verkefni.
Við getum víst sungið með nokkurri sannfæringu:
„Bráðum koma blessuð jólin,
börnin fara að hlakka til... “
Það er afskaplega mismunandi, hvað börn fá í jólagjafir og
hvernig þau eru búin undir jólin. Hvernig tölum við annars um
jólin? Um hvað snúast umræðurnar? Hvað á að kaupa, hvert á að
fara, hverjir eiga að kaupa hvað o.s.frv.? Allur undirbúningur er
nauðsynlegur og því meir, sem við tölum við börnin og tökum þau
með í undirbúninginn, þeim mun meiri líkur eru til þess að þau
verði fyrir vonbrigðum, þegar þau svo loks opna pakkana sína.
Nokkur ráð:
1. Ræðið við börnin um gjafir almennt'. Ef þið eruð illa stödd
fjárhagslega, er alveg óhætt að segja börnunum, að í ár sé
ekki hægt að gefa margar eða dýrar gjafir (og standa við það).
Segið þeim, að hafi þau skrifað óskalista, eins og margir gera,
verði að velja fáeina hluti af honum o.s.frv. Það er ekki hægt
að kaupa allt — jafnvel þó að Pétur og Páll fái sitthvað
dýrt...
2. Á ákveðnum aldri eru „mjúkar" gjafir ekki spennandi. Jafnvel
þótt börnin þurfi á fötum að halda, þá er oft gott að setja
eitthvað, sem er hart viðkomu, með í pakkann.
3. Gefið aldrei í skyn, að það geti verið, að barnið fái eitthvað,
sem er alveg öruggt, að það fái ekki.
4. Ráðlegt er að hafa eina gjöfina a.m.k. þannig, að hún gefi
börnunum möguleika til þess að leika sér með hana í nokkurn
tíma. Hvað á barn t.d. að gera, sem aðeins hefur fengið föt,
peninga, sælgæti, happdrættismiða og glas í jólagjöf? Hvernig
leikur það sér, það sem eftir er aðfangadagskvölds?
5. Oft er gott að ráðfæra sig við vini og kunningja, hvað er gott
og nytsamlegt til jólagjafa. Hvers óska börnin helst, hvað er
efst á baugi o.s.frv. Stundum er gott að spyrja kennara,
fóstrur og aðra, sem hafa vit á leikföngum.
Að lokum: Hafið eitthvað, sem er gagnlegt, eitthvað, sem ber
hátt í óskum barnsins, og eitthvað skemmtilegt.
Þriðji
sunnudagur
í aðventu
Nú er þriðji sunnudagur í aðventu og stutt til
jóla. Undanfarnar vikur höfum við birt vers úr
jólasálmi eftir Philips Brooks, í þýðingu Hugrúnar
skáldkonu, sem bæði hefur ort og þýtt marga
hugljúfa sálma. I stuttu viðtali fyrir skömmu,
sagði Hugrún eða Filippía Kristjánsdóttir, að hún
vissi, hvernig sálmur þessi þefði orðið til.
Fyrir allmörgum árum var höfundurinn á ferð í
Betlehem. Hann var einn á ferli sjálfa jólanóttina.
Allt í einu var hann gripinn einkennilegri
hrifningu. Hann dáðist að stjörnum himinsins og
dásemdum sköpunarverksins. Friður gagntók
hjarta hans og sál og orðin mynduðust í huga hans.
Sálmurinn varð til á örfáum mínútum. Við birtum
nú þriðja versið:
Og daggir himins drupu á jörð,
þar dreypti á mannkyn þreytt.
Svo undurrótt og hægt og hljótt
var heimi gjöfin veitt.
Hún kom frá himinhæðum
að hugga syndarann.
Hver hógvær sál fær himneskt mál,
sem hyllir frelsarann.
Aðventuleikir
Á MIÐÖLDUM var það algengt, að lciknir voru hclgileikir íyrir framan kirkjur á aðventutimanum.
Einna vinsælastur var helgileikurinn um syndafallið og hrottreksturinn úr Paradís. Stór tré voru sett upp
í tilefni leiksins. en síðan voru hcngd á það epli og ljósker. Siður þcssi var svo aftur tekinn upp af þýskum
iðnaðarmönnum. scm skreyttu trc og fundu þeim stað fyrir framan samkunduhús sín. Frá því um 1850 fóru
jólatrésskreytingar að verða algcngar í mörgum löndum í Evrópu.
Jóla-
skreyting
Á þessari mynd eru tvær skreyt-
ingar, önnur á trjágrein, en hin á
diski.
Ef þú lætur góðan leirklump á disk
(eða grein) getur þú fest ýmislegt á
hann.
Kerti er best að koma fyrir fyrst og
festa það vel. Hér eru kertin með
skreytingum, en fullt eins fallegt er
að hafa einlitt, slétt kerti. Síðan festir
þú grcnigreinar — i mcðallagi stórar
— í kring um kertið og loks skraut.
t.d. sveppi, ber, kúlur, köngla og
e.t.v. skrautgrein. En gættu þess
að ofhlaða ekki.
Og síðan þarf að hafa
gát á kertaloganum því
að bæði greni og skraut
er mjög eldfimt.