Morgunblaðið - 29.07.1980, Qupperneq 2

2
MORGUNBLAÐIÐ, ÞRIÐJUDAGUR 29. JÚLÍ1980
Laxá í Aðaldal:
Fyrsti laxinn
veiðist of an
laxastigans
FYRIR nokkrum dögum veiddist
lax ofan við hinn nýja laxastiiía í
LaxárKÍjúfri i Laxá i Aðaldal.
Laxinn veiddi Karl Kristins-
son frá Akureyri og var fiskur-
inn rúm 10 pund að þyngd.
Laxinn veiddist á veiðistað sem
heitir Kletthólmi. en sá staður er
fyrir landi Árhvamms og Kast-
hvamms.
Ekki hafa fleiri laxar veiðst
ofan laxastigans síðan, en á þessu
svæði í Laxá er veiddur urriði.
Neðarlega í laxastiganum er telj-
ari, sem telur þá fiska sem upp
fara, en í gegnum þennan teljara
hafa nú gengið um 100 laxar. Nú
er verið að setja upp teljara í efri
hluta stigans og er þá hægt að sjá
hve margir fiskar hafa gengið upp
úr honum.
Laxastiginn hefur verið þrjú ár
í byggingu og samanstendur af sex
stigum og biðstöðum á milli. Ef
tekst að fá laxinn til að ganga að
ráði upp stigann þá lengist veiði-
svæðið í Laxá í Aðaldal um
helming og opnast þar nýir mögu-
leikar fyrir laxveiðimenn.
Verður líklega að
tyrfa yfir blómin
— segir garðyrkjustjóri
IIÉR hlýtur að þurfa að koma til
hugarfarsbrcyting. þessi
skemmdarverk eru að verða svo
yfirþyrmandi að við skiljum ekki
hvað er að gerast og fáum ekki
við neitt ráðið og lögreglan ekki
heldur. sagði Hafliði Jónsson
garðyrkjustjóri Reykjavíkur-
borgar í samtali við Mhl. í gær er
hann var spurður álits á þeim
skemmdarverkum. sem þráfald-
lega eru unnin á gróðri víða um
borgina.
— Það er vonlaust að eyða
fjármunum í að setja niður blóm
og trjágróður þegar menn slíta
hann jafnóðum upp aftur, gróður-
inn fær ekki að vera í friði í
miðbænum eða þar sem skemmti-
staðir eru í nánd. Fólk er rekið
þaðan út laust eftir miðnætti og
leitar frekari útrásar í skemmd-
arverkum og það er vart annað en
einhver sálræn veila að þurfa að
ráðast á gróður og skemma. Ekki
veit ég hvort hér má kenna
uppeldinu, kynslóðabilinu eða
hverju, en hér er á ferðinni miklu
meira vandamál en við fáum ráðið
við og taka verður upp í stærra
samhengi.
— Líklega endar þetta með því
að ég beiti mér fyrir að láta tyrfa
yfir blómagróður í miðbænum til
þess að skaði skattborgaranna sé
minni, en heldur þykir mér það
leiður verknaður í starfi garð-
yrkjustjóra eftir 30 ár, sagði
Hafliði Jónsson að lokum.
Árni Eylands látinn
ÁRNI Eylands er látinn, 85 ára
að aldri, en hann var fæddur að
Þúfum i Óslandshlið i Skagafirði
8. maí 1895.
Árni lauk búfræðiprófi frá Hól-
um 1913. Síðan var hann við
verknám í Noregi og Þýzkalandi.
Hann var ráðunautur Búnaðar-
félagsins 1921—1937 og starfs-
maður Búnaðardeildar Sambands-
ins frá 1927—1945. Árni var fram-
kvæmdastjóri Grænmetisverzlun-
ar ríkisins frá 1936 til 1943 þegar
hún var lögð niður. Fulltrúi í
Atvinnumálaráðuneytinu var
Árni 1946—1958 og Landbúnað-
arfulltrúi við íslenzka sendiráðið í
Ósló 1960-1964.
Árni skrifaði fjölmargar grein-
ar um landbúnaðarmál í Mbl.
Árni var giftur norskri konu,
Margit, og lifir hún mann sinn.
Prófessor í
félagsfræði
Menntamálaráðherra hefur sett
dr. Þórólf Þórlindsson prófessor í
félagsfræði við félagsvísindadeild
Háskóla íslands. Deildarráð fé-
lagsvísindadeildar hafði mælt með
dr. Þórólfi að undangengnu sam-
dóma áliti dómnefndar, sem mat
hæfni umsækjenda.
Þetta er í fyrsta sinn sem staða
prófessors í félagsfræði er veitt.
Ljósm. Mbl. Arnór
Fyrstu kartöflurnar teknar upp
Fyrstu kartöflurnar á almennan markað voru teknar upp um
helgina og er það fádæmi að kartöflur séu teknar upp svo
snemma. Það voru bændurnir að Háfi í Djúpárhreppi sem fyrstir
tóku upp úr görðum sínum og mun Grænmetisverzlunin fá
kartöflurnar einhvern næstu daga. Væntanlega koma íslenzkar
kartöflur á markaðinn innan skamms. Spretta hefur verið mjög
góð um allt land. Myndin sýnir garðana að Háfi og fyrstu
pokarnir eru þarna komnir á vagn.
Dr. Þórólfur Þórlindsson.
Skattálagningarseðlar
sendir út fyrir helgi
Árni Eylands.
SKATTGREIÐENDUR í
Reykjavík. á Reykjanesi og
í Norðurlandskjördæmi
eystra munu væntanlega íá
heimsenda í pósti skatt-
álagningarseðla sína nú
fyrir helgi, væntanlega á
fimmtudag eða föstudag,
samkvæmt upplýsingum er
Morgunblaðið fékk á skatt-
stofunum í Reykjavík,
Ilafnarfirði og á Akureyri í
gær. Hér er um að ræða
skattálagningu á einstakl-
inga, en skattálagning á
fyrirtæki er ekki tilbúin
enn. Unnið er að vinnslu
álagningarseðlanna hjá
Skýrsluvélum ríkisins og
Reykjavíkurborgar, og er
vinnsla það langt komin, að
unnt verður að senda seðl-
ana út til skattgreiðenda í
fyrrnefndum umdæmum
fyrir helgi sem fyrr segir.
Ekki er hins vegar ljóst hvenær
skattgreiðendur í öðrum umdæm-
um fá „glaðninginn“ heimsend-
ann, en það mun væntanlega verða
í síðasta lagi í næstu viku, takist
það ekki nú fyrir helgi. Skattfrá-
dráttur einstaklinga um mánaða-
mótin núna verður því ýmist í
samræmi við greiðslu júnímánað-
ar, eða eftir nýju álagningunni,
eftir því hve snemma fyrirtækjum
berst nýja álagningin.
Skattskrár verða ekki lagðar
fram nú, um leið og einstaklingum
eru birt álögð gjöld, eins og verið
hefur. Ástæðan er sú, að sam-
kvæmt nýju skattlögunum skal
ekki leggja hana fram fyrr en eftir
að kærufrestur er útrunninn, og
búið er að fjalla um kærur þær er
berast kunna. Kærufrestur er einn
mánuður, eða til loka ágústmán-
aðar. Að sögn Gests Steinþórsson-
ar skattstjóra í Reykjavík má
síðan búast við að um það bil tvo
mánuði taki að fara yfir fram
komnar kærur, og verður því ekki
unnt að leggja skattskrár fram
fyrr en í nóvembermánuði. Þang-
að til verða menn því að bíða með
að sjá hvað náunginn greiðir í
opinber gjöld að þessu sinni, og
framvegis.
Hraðbátur
sigldi yfir trillu
LITLU munaði. að stórslys yrði
rétt utan við Akranes seinni
partinn í gærdag. þegar hraðbát-
ur frá Borgarnesi sigldi á fullri
ferð yfir trillu frá Akranesi
Ferðin á hraðbátnum var svo
mikil, að hann keyrði húsið af
trillunni og endastakkst í sjóinn.
Ekki urðu nein slys á mönnum
og voru bátarnir dregnir inn til
Akraness í gærkvöldi.
Sr. Sigurður Krist-
jánsson látinn
SÉRA Sigurður Kristiánsson,
fyrrverandi prófastur á Isafirði,
er látinn, 73 ára að aldri. Hann
var fæddur á Skerðingsstöðum i
Reykhólasveit 8. janúar 1907.
Sigurður lauk búfræðiprófi frá
Hólum 1927. Síðan lauk hann
stúdentsprófi frá Menntaskólan-
um á Akureyri tíu árum síðar og
kandidatsprófi frá guðfræðideild
Háskóla Islands 1941. Sigurður
Ályktun sveitarstjórna Eskifjarðar og Reyðarfjarðar:
var við framhaldsnám í Bretlandi
veturinn 1948—1949.
Sigurður stundaði prestskap
mjög víða í gegnum árin, en síðast
var hann sóknarprestur í Stað-
arprestakalli við Súgandafjörð.
Hann var kirkjuþingsmaður frá
árinu 1970 og í yfirkjörstjórn
Vestfjarðakjördæmis 1959—1974.
Hann var formaður Prestafélags
Vestfjarða frá 1954.
Kona Sigurðar er Margrét
Hagalínsdóttir og þau áttu saman
fjögur börn, Agnesi, Hólmfríði,
Rannveigu og Sif.
Orkufrekur iðnaður á Reyðarfirði
í tengslum við Fljótsdalsvirkjun
Á SAMEIGINLEGUM fundi
sveitarstjórna Eskifjarðar og
Reyðarfjarðar nýverið var eftir-
farandi ályktun samþykkt sam-
hljóða til þingmanna Austur-
landskjördæmis og stjórnvalda:
Sveitarstjórnir Eskifjarðar
og Reyðarfjarðar telja nauðsyn-
legt að rennt verði styrkari stoð-
um undir atvinnulíf á Austur-
landi, Sveitarstjórnirnar telja að
slíkt muni best gert með því að
koma á fót orkufrekum iðnaði á
Reyðarfirði í tengslum við Fljóts-
dalsvirkjun. Sveitarstjórnir Eski-
fjarðar og Reyðarfjarðar hafa í
þessu skyni látið gera könnun um
hugsanlega valkosti og vilja með
því sýna vilja sinn í verki.
Niðurstaða 1. áfangaskýrslu
þessarar könnunar bendir til að
framleiðsla á ferrosílicon og ferro-
mangan henti vel aðstæðum í
Reyðarfirði.
Þá vilja sveitarstjórnirnar
benda á að hagkvæm virkjun, sem
Fljótsdalsvirkjun óumdeilanlega
er, með hagkvæmri orkusölu kem-
ur Austurlandi öllu til góða bæði
hvað varðar húsahitun og annan
iðnað.
Sveitarstjórnir Eskifjarðar og
Reyðarfjarðar vilja minna á sam-
þykkt atvinnumálanefndar þess-
ara staða frá maí 1979.
Jafnframt skora sveitarstjórn-
irnar á þingmenn kjördæmisins
og stjórnvöld að vinna að þessu
máli af fullum þunga þannig að
ákvarðanir megi taka sem fyrst.
Sr. Sigurður Kristjánsson