Morgunblaðið - 18.09.1980, Síða 11

MORGUNBLAÐIÐ, FIMMTUDAGUR 18. SEPTEMBER 1980
11
Dr. Francois D'Albert ásamt konu sinni, Beverly. Þau eyddu
hveitibrauðsdögunum hér á landi og skoðudu m.a. Gullfoss og
Geysi og ræddu við marga frömuði á sviði tónlistar.
Tilviljun ef ís-
lenzk tónverk
fást vestanhafs
Rætt við dr. Francois DÁlbert, prófess-
or við Governors State University. Hann
eyddi hveitibrauðsdögunum hér á landi
„ÉG IIEF talað við marga aðila
hér á landi með það fyrir augum,
að íslenzkum tónverkum og ís-
lenzkum tónlistarmönnum verði
komið á framfæri i ríkari mæli
erlendis en nú er. Málum er nú
háttað þannig, að nánast vonlaust
er að komast yfir tónlistarverk
íslendinga vestanhafs. Maður veit
ekki hvernig bezt er að snúa sér,
þvi almennt eru verk íslendinga
ekki fáanleg i verzlunum." sagði
dr. Francois D'Albert, tónskáld
og fiðluleikari, stjórnandi og
prófessor við Governors State
University i Chicago, i samtali við
blaðamann.
Dr. Francois hefur undanfarna
daga dvalið hér á landi ásamt konu
sinni, Beverly. „Við eyðum hveiti-
brauðsdögunum okkár hér á landi.
Búin að vera liðlega viku, stórkost-
legur tími,“ sagði Dr. Francois og
benti á konu sína. „Beverly er
frábær listamaður, ágætur ljós-
myndari og fæst einnig við elek-
tróníska tónlist."
Dr. Francois D’Albert er ung-
verskur að uppruna. Stundaði nám
við Royal Liszt-akademíuna í
Búdapest og einnig Peter Pazmany
University í Búdapest. Dr. Fran-
cois hefur komið fram í yfir 5
þúsund konsertum og verið einleik-
ari við helstu sinfóníuhljómsveitir
í Evrópu og Ameríku. Hann steig
fyrsta sinn fæti á bandaríska
grund árið 1956 — eftir uppreisn-
ina í Búdapest.
Dr. Francois skrifaðist lengi á
við Jón Leifs heitinn. „Hann var
mér sem faðir,“ sagði hann, og
bætti við. „Ég hef hug á því að
flytja verk eftir hann og önnur
íslenzk tónskáld í Bandaríkjunum.
Á næsta ári verður skandinavísk
tónlistarkynning vestanhafs og
þar vonast ég til að flytja verk
íslenzkra höfunda. Það yrði gaman
ef íslenzkir tónlistarmenn og
tónskáld kæmu vestur og flyttu
verk sín J)ar. Ég hef rætt þetta við
forseta Islands, hvort hugsanlega
sé hægt að styðja tónlistarmenn til
fararinnar og hún tók vel í mál
mitt.
Mér finnst að allar íslenzkar
tónmenntir ættu að vera aðgengi-
legar þeim, sem áhuga hafa á þeim
erlendis. Svo er ekki því miður.
Það er ákaflega erfitt, nánast
tilviljun ef maður rekst á verk
íslenzkra höfunda. Þarna er mikið
verk að vinna og sjálfur vildi ég
gjarnan taka þátt í því,“ sagði dr.
Francois D’Albert að lokum.
íslendingar fara á Norður-
landamót í akstursíþróttum
HAUSTFUNDUR Akstursíþrótta-
ráða Norðurlanda var haldinn
hérlendis nú um helgina. Að sögn
Friðriks Gunnarssonar, eins ís-
lenzku fulltrúanna, var keppnis-
tímabilið næsta ár á öllum Norð-
urlöndum skipulagt, auk þess sem
var ákveðið að halda meistara-
keppni Norðurlanda í hverri
grein akstursiþrótta, og munu
Islendingar taka i fyrsta sinn þátt
í þvilikri keppni á næsta ári.
Ennfremur voru á dagskrá
þingsins reglugerðarbreytingar,
samræmdar voru reglur innan
Norðurlandanna, og ýmislegt fleira
sem lýtur að starfi ráðanna var
tekið til umfjöllunar.
Norðurlandamótið í Rally-cross-
keppni verður haldið í Svíþjóð í
september á næsta ári, og Rally-
keppni fer líka fram í Svíþjóð, en í
maí. Reiknað er með að héðan fari
3—5 manna hópur á þessi mót. Sem
stendur eru það ekki fleiri mót sem
íslenzkir ökukappar geta tekið þátt
í, en m.a. voru ákveðnir á fundinum
keppnisdagar í Norðurlandamótinu
í kappakstri.
Tólf fulltrúar frá hinum Norður-
löndunum sóttu þingið, og auk
þeirra af íslands hálfu Olafur
Guðmundsson, Sigurjón Harðar-
son, Friðrik Gunnarsson og Marí-
anna Friðjónsdóttir.
íslenzku fulltrúarnir kváðust
bjartsýnir varðandi framgang
akstursíþróttakeppni hérlendis, og
gerðu sér vonir um að innan
nokkurra ára færi hér fram keppni
um meistaratitla Norðurlanda í
greinum akstursíþrótta.
Þór Guðjónsson veiðimálastjóri:
Yeiðin í sumar
minni en í fyrra
Bretar treysta ekki gæðum íslenzka fisksins lengur:
Kaupmenn verða að selja
hann sem Norðursjávarfisk
— segir Þórleifur Ólafsson í Grimsby
„ÁSTANDIÐ hér er orðið svo slæmt, að kaupmenn treysta gæðum
islenzka fisksins ekki lengur. Þegar þeir frétta af islenzkum
skipum á leiðinni panta þeir sér góðan fisk frá meginlandinu til að
eiga í bakhöndinni." sagði Þórleifur Ólafsson, sem starfar við
móttöku islenzku fiskiskipanna i Grimsby, i samtali við Mbl.
„Kaupmenn hér geta með engu
móti boðið viðskiptavinum sín-
um töluvert stóran hluta þess
afla, sem íslenzku skipin landa,
vegna þess hve lélegur fiskurinn
er, og hann fer því einfaldlega í
fiskimjöl. Þetta er sérstaklega
athyglisvert þegar það er haft í
huga, að fyrir aðeins nokkrum
árum, þótti fiskur af íslandsmið-
um vera rjóminn af því sem
fáanlegt var.
Talandi dæmi um ástandið er,
að mér er kunnugt um kaup-
menn, sem hafa selt góðan fisk
af íslandsmiðum með því fororði
að um Norðursjávarfisk væri að
ræða. Það þýðir hreinlega ekki
lengur að bjóða íslandsfiskinn
sem 1. flokks fisk. Þessir kaup-
menn fengu að sjálfsögðu mjög
gott verð fyrir fiskinn.
Ég vil sérstaklega brýna fyrir
íslenzku sjómönnunum, að það
er tilgangslaust að vera lengur
en 10—11 daga að veiðum', þann-
ig að fiskurinn sé ekki eldri en 14
daga þegar hann kemst til neyt-
enda hér í Bretlandi. Annars eru
gæðin langt undir því sem krafa
er gerð um.
Ef fiskurinn er góður á ekki að
vera ýkja erfitt að fá 700—750
krónur fyrir hvert kíló að meðal-
tali, en algengasta verðið fyrir
íslenzka fiskinn að undanförnu
er 450—550 krónur fyrir hvert
kíló. Á þessu verður að verða
breyting ef ekki á ilia að fara,“
sagði Þórleifur Ólafsson að síð-
ustu.
. *
u
Þessi mynd var tekin inn Skúlagötu. Eins og sjá má hefur stift verið unnið við uppfyllingu neðan götunnar
og í framtíðinni er fyrirhugað að hraðbraut neðan Skúlagötu tengist Lækjargötu. Ljósm. Mhi. Emiha.
Lítið borið á
smálaxi i ánum
„ENDANLEGAR tölur um veið-
ina hafa ekki borist, en vertiðin I
sumar hefur verið mjög einkenni-
leg að því leyti að veðurfar hefur
verið óhagstætt, Iftið vatn i ánum
og sýnt að veiðin í sumar er minni
en i fyrra," sagði Þór Guðjónsson
veiðimálastjóri, i samtali við
Morgunblaðið, er hann var spurð-
ur um þessi mál.
Þór sagði að þó veiðin væri
yfirleitt minni, þá væri það mis-
munandi eftir ám. Til dæmis hefði
veiðst vel í Hvítá í Borgarfirði í net
og einnig í Ölfusá. Hins vegar
sagði Þór að veiðin í Hvítá í
Árnessýslu hefði verið léleg og
væri orsökin sú að mikill leirburð-
ur væri í ánni.
Veiðimálastjóri sagði að í sumar
hefði mikið borið á stórum laxi,
tveggja til þriggja ára úr sjó, og
væri meðalþyngdin í flestum ám
mun meiri en verið hefði undan-
farin ár.
„Það hefur lítið borið á smálaxi í
ánum í sumar og getur það verið
fyrir áhrif kulda til lands og sjávar
á síðasta ári. Seiðin sem sett voru i
árnar hafa trúlega komist illa af í
sjónum vegna þessa og held ég að
það sé megin orsökin fyrir þessum
skorti á smálaxi," sagði Þór Guð-
jónsson. Að lokum gat veiðimála-
stjóri þess að laxagengdin í Kolla-
firði hefði verið 2560 laxar nú í
sumar og væri það mun betra en
verið hefði undanfarin ár. Hann
benti á að hlutdeild stærri fisks í
þessum afla væri meiri en verið
hefði og hlutfallið því hagstæðara
en undanfarin ár.
Tengibraut úr Sætúni á Skúlagötu
væntanlega opnuð um mánaðamót
VERIÐ er að vinna að lagn-
ingu vegar úr Sætúni í
Reykjavík á uppfyllingu neð-
an Skúlagötu og mun vegur-
inn tengjast Skúlagötu á móts
við Frakkastíg. Einstefna
verður á þessari leið úr
austri, þ.e. frá Sætúni inn á
Skúlagötuna. Fyrirhugað er
að þessi nýi vegur verði mal-
bikaður fyrir eða um mánaða-
mótin og tekinn í notkun
strax að því loknu.
Að sögn gatnamálastjóra,
Inga Ú. Magnússonar, er um-
ferð á Sætúnstorgi mjög mikil
í dag og þessi vegalagning gerð
í því skyni að létta á umferð-
inni þarna. Þá er einnig verið
að breikka Sætúnsveginn frá
Sætúnshringnum inn að
Kringlumýrarbraut, en þessar
framkvæmdir allar eru liður í
stærra framtíðarverkefni, sem
er tenging hraðbrautar við
sjávarsíðuna, neðan Skúlagötu
við Lækjargötu. Skúlagata
mun þá verða venjuleg innan-
bæjarbraut.