Morgunblaðið - 25.09.1980, Blaðsíða 37

MORGUNBLAÐIÐ, FIMMTUDAGUR 25. SEPTEMBER 1980
37
Guðni A. Jónsson
úrsmiður - Níræður
Það er gæfa að verða gamall,
lifa vel og lengi en tíma tvenna,
tugi ára. í dag hefur níræður
íslendingur lifað bæði munað og
megurð, vaxið úr fátækt og fá-
menni til fjár og fjölmennis. Hann
er fæddur meðal örfátækrar
bændaþjóðar, sem um síðustu
aldamót bar ljá í mó, notaði kláf
og klakk, og í sveita síns andlits
barðist berum höndum fyrir
brauði og lífi sínu.
Og kjörin voru kröpp fram á
miðja þessa öld en þá breyttist böl
styrjaldar í brauð á íslandi. Guðni
A. Jónsson er fæddur 25. septem-
ber 1890 á Gunnfríðarstöðum í
Langadal í Austur-Húnavatns-
sýslu. Sú jörð er nú löngu í eyði,
þarna er hinn lifsglaði og síkviki,
ötuli gæfu- og gáfumaður fæddur,
sem er níutíu ára í dag.
Guðni var ekki borinn til auðs
eða auðsældar, ekki til erfða eða
valds en sem frjáls maður í
norðlenskum dal í fagurri sveit,
sem er fjöll í austri en firð í vestri,
sól og þeyr í suðri en nepurð í
noröri.
Guðni var heima á Gunnfríðar-
stöðum þar til hann var vel við
lögaldur eða tvo vetur um tvítugt.
Heimilið þurfti á þegnskap hans
að halda.
1912 ræðst Guðni til þess að
læra bókband inní Vatnsdal en
flytur þaðan til starfa á Sauðár-
króki.
1916 siglir hann til Danmerkur
og nemur úrsmíðar þar í fjögur ár
og er eftir það um tíma í Þýzka-
landi. Heim kominn settist hann
að í höfuðborginni og stundaði iðn
sína og verzlun í hjarta Reykja-
víkur, Austurstræti 1, í áratugi.
Drengurinn, sem fæddist í ör-
reitiskoti norður í landi, þar sem
hann hafði aðeins notið nokkurra
vikna skólagöngu fyrir fermingu,
var kominn til starfa. Það hafði
enginn sagt honum, hvað hann
skyldi takast fyrir hendur í lífinu,
enginn hafði hjálpað honum til
mennta, það vr af eigin krafti, sem
hann hafði aflað sér þekkingar og
starfskunnáttu, hann hafði hafizt
af sjálfum sér.
Lífshlaup Guðna A. Jónssonar
er dæmigerð saga þess manns,
sem af eigin mætti, einn og
ættarlaus hefst af gerðum sínum
og framtaki. I honum sjálfum bjó
sú arfleifð, sá lífsþróttur, kraftur
og kjarkur, sem greiddi leið hans
að því marki, sem hann hafði sett
sér. Þeir, sem eiga gnótt lífsorku,
eru léttir á fæti. Fasið, talið,
tilþrifin leyna ekki því lífi, sem
innra býr. Það er mikil Guðsgjöf
að vera gæddur slíkum eiginleik-
um. Það er ekki fyrr en um
fimmtugt sem Guðni kvænist,
ungri konu, sem var af sömu
slóðum og hann sjálfur, Ólafíu
Jóhannesdóttur frá Svínavatni.
Þau eiga þrjár dætur, sem eru
úr efniviði ágætum. Nú þegar
Guðni hefur lifað þrjá manns-
aldra er hann heill i anda og hress
í tali, þó að sjóninni sé hann
sviptur. Ljóðelskur er Guðni eins
og hann á ætt til. Ferskeytlan er
honum fimleikar orðsins með fag-
urri myndrænu ljóðsins. Vísan
styttir stundir, gefur lífinu fersk-
an og fegurri blæ en ella. Vísan er
Guðna kært tækifæri, kitlandi
leikur við orðið og andann.
Ég færi frænda mínum og vini,
nú þegar hann er vel við aldur og
vaxinn úr grasi, beztu afmælis-
kveðjur mínar, Ólafíu og ættingj-
um heillaóskir. Megi árin áfram
streyma.
Guðni er að heiman í dag.
Brynleifur H. Steingrímsson.
Fréttabréf úr Breióavíkurhreppi
Taðan náðist að
mestu græn
Landbúnaður
Nú er heyskap víðast
hvar lokið í sveitinni og
heyfengur bæði góður og
mikill. Gras hefur vaxið
mikið á þessu sumri og
taðan náðst að mestu græn.
Þessi góði og mikli hey-
fengur bænda bætir óneit-
anlega mikið úr hvað varð-
ar afkomu þeirra. Fóður-
bætir er nú orðinn svo dýr,
að bændur geta ekki keypt
hann nema af skornum
skammti og af brýnni þörf.
Þetta sumar hefur sem af
er verið með afbrigðum
gott — stillt, hlýtt og
sólríkt. Ég man varla eftir
eins góðu sumri.
Útgerð
Gæftir hafa verið með
eindæmum góðar í sumar,
en afli bátanna, sem róið
hafa frá Hellnum og Arn-
arstapa, hefur verið mjög
tregur. Nokkrir bátar hafa
lagt haukalóð, nú síðustu
viku, og sumir fengið tals-
vert af- skötu og nokkrar
lúður. Nokkrir bátar eru
hættir róðrum og fleiri
munu hætta á næstunni.
Byggingar
Nú er verið að ljúka við
að steypa upp tvö íbúðar-
hús sem byrjað var á að
byggja í vor. Hefur vinnu-
flokkur frá Búnaðarsam-
bandinu unnið að þessum
framkvæmdum.
FGG
MYNDAMÓTHF.
AÐALSTRCTI • - SÍMAR: 171S2- 17355
Vesturbær
3ja herb. íbúð á jaröhæö viö Vesturvallagötu. Nýlega
standsett.
Upplýsingar gefur
Guöni Guðnason hdl.
Laugavegi 29. Sími 27230.
MYNDAMÓT HF.
PRENTMYNDAGERÐ
AÐALSTRETI • - SlMAR: 17152-17355
Hvort sem litið er á þvottahæfni, efnisgæði,
handbragð eða hönnun, er Völund í sérflokki,
enda fyrsta flokks dönsk framleiðsla, gerð
til að uppfylla ströngustu kröfur vandlátustu
markaða veraldar.
Volund
danskar þvottavélar
í hæsta gæðaflokki.
Ffjálst val hitastigs með hvaða
kerfi sem er veitir fleiri mögu-
leika en almennt eru notaðir, en
þannig er komið til móts við
séróskir og hugsanlegar kröfur
framtíðarinnar.
Hæg kæling hreinþvottarvatns
og forvinding í stigmögnuðum
lotum koma í veg fyrir
krumpur og leyfa vindingu á
straufríu taui.
En valið er þó frjálst:
flotstöðvun, væg eða kröftug
vinding.
Trefjasían er í sjálfu
vatnskerinu. Þar er hún
virkari og handhægari.
varin fyrir barnafikti
og sápusparandi svo um
munar.
Traust fellilok, sem lokað er
til prýði, en opið myndar bakka
úr ryðfríu stáli til þæginda
við fyllingu og losun.
Sparnaðarstilling tryggir
góðan þvott á litlu magni
og sparar tíma, sápu
og rafmagn.
Fjaðurmagnaðir demparar
í stað gormaupphengju
tryggja þýðan gang.
Fullkominn öryggisbúnaður
hindrar skyssur og óhöpp.
3ja hólfa sápuskúffa
og alsjálfvirk sápu-
og skolefnisgjöf.
Fjórir litir: hvítt, gulbrúnt, grænt, brúnt.
Tromla og vatnsker
úr ekta 18/8 króm-
nikkelstáli, því
besta sem völ er á.
Lúgan er á sjálfu
vatnskerinu, fylgir
því hreyfingum þess
og hefur varanlega
pakkningu.
Lúguramminn
er úr ryðfríum
málmi og
rúðan úr
hertu pyrex-
gleri.
Annað eftir
þv(.
Strax við fyrstu sýn vekur glæsileiki Völund athygli þína.
En skoðaðu betur og berðu saman, lið fyrir lið, stillingar,
möguleika, hönnun, handbragð og efnisgæði, og þá skilurðu
hvers vegna sala á vönduðum vélum hefur á ný stóraukist
í nágrannalöndunum. Reynslunni ríkari huga nú æ fleiri að
raunverulegu framleiðslulandi og verðleikum fremur en
verði og gera sér Ijóst, að gæðin borga sig: strax vegna
meira notagildis, síðar vegna færri bilana, loks vegna lengri
endingar.
Volund
þvottavélar-þurrkarar-strauvélar
FYRSTA FLOKKS FRÁ
Traust þjónusta
Afborgunarskilmálar I
/Fúnix
HÁTÚNI 6A • SÍMI 24420