Morgunblaðið - 09.10.1980, Side 18

18
MORGUNBLAÐIÐ, FIMMTUDAGUR 9. OKTÓBER 1980
Afríkuhjálpin 1980 # Afríkuhjálpin 1980 • Afrikuhjálpin 1980 # Afrikuhjálpin 1980
Af nægtum til
nauðstaddra
Söfnunarherferðin Afríkuhjálpin 1980 hófst formlega í gær
með sérstakri athöfn að Kjarvalsstöðum. Söfnunarfénu verður
varið til kaupa á matvælum til handa hungruðum íbúum héraða
A-Afríku, þar sem fleiri þúsund börn kveljast af hungri og fjöldi
þeirra verður dag hvern hungurmorða.
Varla hefur komið deigur dropi úr lofti í víðáttumiklum
hluta þessa svæðis síðustu árin. Þar á ofan bætist gífurlegt
flóttamannavandamál sem skapast hefur vegna stíðsástands.
Milljónir flóttamanna búa í flóttamannabúðum og daglega
streyma flóttamenn í búðirnar örmagna af þreytu og hungri.
Formaður Rauða kross íslands, Ólafur Mixa læknir, sagði
m.a. í ávarpi sínu er söfnunin hófst í gær: „Nú kann e.t.v. einhver
að spyrja, eins og móðir Teresa var spurð í blaðaviðtali: Er ekki
einungis verið að draga neyð þessa fólks á langinn og fresta
örlögum þess með því að gefa því að borða í stað þess að efla
sjálfsbjörg þess? Því svaraði friðarverðlaunahafinn eitthvað á þá
leið. að sá sem er orðinn sljór og kraftlaus af hungri þarfnast fyrst
og fremst fisks til að borða til að ná nægilegum þrótti og
hugarelju. Seinna geti hann myndað veiðistöng sem þá gæti
vissulega orðið að gagni.“
Meðfylgjandi myndir voru teknar í sumar í flóttamannabúð-
um á þessu svæði og gefa þær smáinnsýn í ástandið og
hjálparstarfið sem þar fer fram. En betur má ef duga skal og í
fréttaskeytum frá höfuðstöðvum Rauða krossins segir. að ætíð
skorti meiri matvæli og til kaupa á þehn vantar aukið
fjármagn.
íslenzk skólabörn hafa nú þegar og munu leggja mikið af
mörkum til að söfnunin hérlendis geti orðið árangursrík. Níu ára
börnum í Melaskóla, sem Mbl. heimsótti nýverið, var hugleikinn
hinn mikli munur sem er á kjörum þeirra og jafnaldra þeirra á
hörmungarsvæðunum í A-Afríku. Þessi börn hafa sjálf tekið af
nægtum sínum til að gefa nauðstöddum og þau hafa safnað
myndarlegri fjárhæð í söfnunarbauk, sem stendur á kennaraborð-
inu í kennslustofu þeirra. „Margt smátt gerir eitt stórt,“ sögðu
börnin. sem gefið hafa þetta góða fordæmi og sýnt í verki
skilning, sem við hin eldri mættum vera hreykin af.