Morgunblaðið - 18.12.1981, Qupperneq 5
MORGUNBLAÐIÐ, FÖSTUDAGUR 18. DESEMBER 1981 5
Frumvarp um námslán og námsstyrki:
Ekki staðið við gefin loforð
„NÚ f VIKUNNI var lagt fram nýtt
stjórnarfrumvarp til laga um námslán og
námsstyrki á Alþingi. Um drög að þessu
frumvarpi náðist samkomulag milli
námsmanna og stjórnvalda sumarið
1980. Stuðningur námsmanna við þetta
samkomulag byggðist fyrst og fremst á
því, að í frumvarpsdrögunum var gert
ráð fyrir fullri brúun fjárþarfar eins og
hún er metin af Lánasjóði íslenzkra
námsmanna, þegar haustið 1982, og
einnig voru í þeim ákvæði um lífeyris-
réttindi námsmanna. f því frumvarpi,
sem nú hefur verið lagt fram, er ekki
farið eftir því samkomulagi, sem náðst
hafði, og því hljótum við námsmenn að
mótmæla,“ sagði Sigurbjörn Magnús-
son, fulltrúi stúdenta í stjórn Lánasjóðs
íslenzkra námsmanna, er Morgunblaðið
innti hann álits á frumvarpinu.
í hverju felast þær breytingar helzt,
sem orðið hafa á frumvarpinu?
„Þess er fyrst að geta að frumvarp-
inu hefur seinkað mjög, það hefur ver-
ið að velkjast innan ríkisstjórnarinn-
ar síðan haustið 1980 og i því sam-
komulagi, sem náðist, sýndu náms-
menn samningsvilja og buðust til að
greiða raungildi lánanna til baka gegn
því að ná fram mjög mikilvægum at-
riðum varðandi úthlutun lánanna, svo
sem að lánshlutfall yrði 100%,
námsmenn gætu öðlazt lífeyrissjóðs-
réttindi og óbein fyrirheit voru gefin
um tekjuumreikning þ.e. um að auk-
inn hluti tekna námsmanna kæmi
ckki til frádráttar lána. Við þetta hef-
ur ekki verið staðið og breytingarnar
felast meðal annars í því að gildistöku
100% brúunar og lífeyrisréttinda er
frestað um 2 ár og fyrirheit um auk-
inn tekjuumreikning hafa verið svikin
eins og sjá má í fjárlagafrumvarpinu."
Hvað hyggist þið stúdentar gera
vegna þessa?
„Það er alveg ljóst, að við erum t
ollu óbundnir af fyrra samkomulagi
við stjórnvöld og hefur því þegar verið
lýst yfir formlega á fundi stúdenta-
ráðs. Við fögnum því nú samt að
frumvarpið skuli loksins vera komið
fram, en við munum á næstu mánuð-
um fara rækilega ofan í þetta frum-
varp með tilliti til þeirra breytinga,
sem orðið hafa og láta síðan álit okkar
í ljós um hvers við æskjum. Mikilvægt
er að námsmannahreyfingin öll, ekki
aðeins háskólastúdentar, nái sam-
stöðu í þessu mikilvæga hagsmuna-
máli okkar námsmanna. Við verðum
að gera okkur grein fyrir því, að við
erum að skipa þessum málum fyrir
framtiðina og náum við ekki fram
leiðréttingum áður en frumvarpið
verður samþykkt, tel ég að það verði
ákaflega erfitt að ná fram einhverjum
kjarabótum fyrir námsmenn eftir að
frumvarpið hefur endanlega verið af-
greitt frá Alþingi.
Það má að lokum minnast á það, að
fjármálaráðherra, Ragnar Arnalds,
hefur margoft lýst því yfir, að löngu
væri orðið tímabært að fjárþörf
námsmanna yrði brúuð að fullu og til
þess að standa við það þurfti ekkert
frumvarp, en í stað þess ætlar hann að
láta það koma í hlut næstu ríkis-
stjórnar að standa við þá auknu fjár-
veitingu, sem brúunin hefur í för með
sér. Hann ætlar sem sagt með þessari
seinkun, sem frant kemur í frumvarp-
inu, að láta aðra standa við sín eigin
fyrirheit til námsmanna. Við stúdent-
ar munum athuga þessi mál nú þegar
og afstaða okkar mun liggja fyrir
fljótlega eftir að Alþingi kemur sam-
an eftir jólaleyfi og ég legg áherzlu á
að við höfum ekki sagt okkar síðasta
orð, því að hér er um eitt mikilvæg-
asta hagsmunamál námsmanna að
ræða og hér er verið að setja lóg, sem
ná ekki aðeins til okkar heldur einnig
til þeirra stúdenta og námsmanna,
sem þurfa á þessari aðstoð að halda i
framtíðinni,“ sagði Sigurbjörn.
w
Austurstræti 22
Sími frá
skiptiboröi
85055
TIZKUSYNINGARNAR A BRODWAY
VÖKTU GÍFURLEGA ATHYGLI
Ritsafn Guðmundar Daníelssonar
i
Guömundur Daníelsson, frásagnameistari í 48 ár.
Ritsafn Guðmundar Daníelssonar er 10 bækur. öll verkin eru frá
árunum 1948-1970 og sum þeirra hafa verið ófáanleg um hríð.
í ritsafninu eru skáldsögumar Blindingsleikur, Musteri óttans,
Hrafnhetta, Húsið, Turninn og teningurinn, Sonur minn Sinfjötli
og Spítalasaga, skáldverk utanflokka í bókmenntunum.
Einnig ferðasagan Á langferðaleiðum, veiðisagan Lands-
hornamenn - sönn saga í há-dúr og smásagnasafnið Tapað stríð.
Viðfangsefnin eru margvíslegog tekin fjölbreytilegum tökum, en
þróttmikill stíll og hröð og lifandi frásögn eru samkenni á öllum
verkum Guðmundar Daníelssonar.
Ritsafninu fylgir ellefta bindið með ritgerð dr. Eysteins
Sigurðssonar um verk Guðmundar; og skrá um útgáfur, ritdóma og
heimildir þeirra, sem Olafur Pálmason hefur tekið saman.
Góð bókmenntaverk í vönduðum búningi.
Lögbetg Bókaforlag
Þinghottsstræti 3, simi: 21960