Morgunblaðið - 21.12.1982, Blaðsíða 41

MORGUNBLAÐIÐ, ÞRIÐJUDAGUR 21. DESEMBER 1982
45
Kveðjuorð:
Einar A. Jónsson
aðalféhirðir
Góður vinur hefur kvatt okkar í
svartasta skammdeginu og fengið
sinn frið í lok jólaföstu. Einar A.
Jónsson var lífsglaður bjartsýnis-
maður, sérstæður persónuleiki og
mikill hugsjónamaður, sem ávallt
setti merkið hátt, gekk óhikað til
starfa að sínum mörgu áhugamál-
um og lét hvergi deigan síga.
Athafnaþrá Einars var með ein-
dæmum, hugmyndaflugið óþrjót-
andi, og hann lét ekki þar með
sitja, heldur framkvæmdi hlutina
með sínum alkunna dugnaði og
áhuga fyrir því málefni, sem hann
vann að hverju sinni. Hann ávann
sér traust þeirra, sem með honum
störfuðu, enda vel til forustu fall-
inn.
Ég átti því láni að fagna að eiga
Einar sem góðan vin í meira en
þrjá áratugi, og tel ég mig lánsam-
an að hafa kynnst slíkum öðlingi.
Einar rak í mörg ár skemmtigarð-
inn Tivoli og var upphafsmaður og
stjórnandi fegurðarsamkeppna
hérlendis. Hann var vel kynntur á
erlendum vettvangi í þessari
starfsemi, enda ekki ósjaldan kall-
aður til dómarastarfa víðsvegar
um heim í alþjóða fegurðarsam-
keppnum.
Einar var frumkvöðull að stofn-
un Kiwanishreyfingarinnar á ís-
landi og vann þar merkt og mikið
brautryðjendastarf. Voru honum
falin mörg trúnaðarstörf í þágu
Kiwanis, sem hann leysti af hendi
með miklum myndarbrag. Þá var
Einar einn af aðalhvatamönnum
að stofnun Gigtarfélags íslands og
varðaði veginn að uppbyggingu
velgengni þess félagsskapar. Fé-
lagsmálin áttu hug Einars, og
vann hann mikið og gott starf,
sem seint verður fullþakkað. Hann
tók mikinn þátt í störfum innan
Oddfellowreglunnar meðan kraft-
ar entust og var þar vel liðinn og
vinamargur.
Einar A. Jónsson hóf störf hjá
Sparisjóði Reykjavíkur og ná-
grennis árið 1941 og vann þar
óslitið í röska fjóra áratugi og sem
aðalféhirðir um tuttugu ára skeið.
Einar var sérlega vinsæll og lipur
starfsmaður og vel liðinn, jafnt
meðal starfsmanna og viðskipta-
vina. Nú er skarð fyrir skildi í
þeirri stofnun, sem hann helgaði
krafta sína beztu ár ævinnar.
Ég og fjölskylda mín flytjum
hans ágætu konu, Herdísi, dætr-
unum tveim og tengdamóður hans
innilegar samúðarkveðjur í þeirra
miklu sorg. Blessuð sé minning
góðs drengs og vinar.
Njáll Símonarson
Afmœlis- og
minningargreinar
ATHYGLI skal vakin á því, að afmælis- og minn-
ingargreinar verða að berast blaðinu með góðum
fyrirvara. Þannig verður grein, sem birtast á í mið-
vikudagsblaði, að berast í síðasta lagi fyrir hádegi á
mánudag og hliðstætt með greinar aðra daga. í minn-
ingargreinum skal hinn látni ekki ávarpaður. Þess
skal einnig getið, af marggefnu tilefni, að frumort
Ijóð um hinn látna eru ekki birt á minningarorðasíð-
um Morgunblaðsins. Handrit þurfa að vera vélrituð
og með góðu línubili.
t
Útför
JÓELS JÓNASSONAR,
Þingholtaatræti 33,
fer fram frá Fossvogskirkju miövikudaginn 22. desember kl. 10.30.
Fyrir hönd vandamanna,
Elisabet Kristjánsdóttir,
Jósef Jónasson.
t
Eiginmaöur minn,
KARL ÞORFINNSSON,
lést 7. des. Útförin hefur fariö fram i kyrrþey aö ósk hins látna.
Sigríóur Vilhjálmsdóttir.
t
Útför eiginmanns mins og fööur okkar,
STEINGRÍMS GUÐJÓNSSONAR,
Hátúni 8,
veröur gerö frá Fossvogskirkju, miövikudaginn 22. des. kl. 16.30.
Fyrir hönd vandamanna,
Jóna E. Guömundsdóttir,
Rósa S. Steingrímsdóttir,
Eiður Steingrímsson.
3.
(Sartland
Ástin blómstrar á
öllum aldursskeiöum

ÞÆR ERU SPENNANDI í ÁR,
SKEMMTISÖGURNAR FRÁ SKUGGSJÁ!
Barbara Cartland
Ástin blómstrar á öllum
aldursskeiðum
Eftir lát konu sinnar segir Malcolm Worthing-
ton skilið við starf sitt i utanríkisþjónustunni og
fer til Miðjarðarhafsins i þeim tilgangi að gleyma
fortíðinni og hefja nýtt líf. Þar verða tvær konur
á vegi hans og þær eru ólikar eins og dagurinn
og nóttin. Elísabet er fínleg, lífsglöð og óeigin-
gjörn og kennir honum að elska á ný. Marcia er
há og grönn, fögur og fönguleg, en Malcolm
metur hana einskis. En þegar Marcia er að þvi
komin að hverfa að fullu úr lífi hans, ske óvæntir
atburðir, sem Malcolm hafði ekki séð fyrir...
Theresa Charles
við systurnar
Althea er fögur, alvörugefin og mjög gáfuð og
stjórnar yngri systur sinni, full afbrýðisemi og
öfundar. Rósamunda er lífsglöð og skemmtileg,
aðlaðandi og kærulaus, en full af mannlegri
hlýju. Adrian er aðstoðarprestur föður þeirra og
þær eru báðar ástfangnar af honum. Hann kvæn-
ist Altheu. Cecil er frændi Adríans, glæsilegur
og sjálfsöruggur. Hann kvænist Rósamundu.
Þessar systur voru mjög ólíkar, en áttu þó svo
margt sameiginlegt i fari sínu, að mennirnir, sem
urðu á vegi þeirra hrifust af þeim báðum.
Sigge Stark
Skógarvörðurinn
Anna frá Hlíð var sautján ára og mjög þögul
og fáskiptin. Hún tjáði engum hug sinn, heldur
hélt sig út af fyrir sig, rölti ein um skóginn með
hundinum sínum, sem í raun var hennar eini
félagi. En einn indælan sumardag, þegar sólin
hellti geislum sínum yfir skóginn, fjöllin og mýr-
arnar, hitti hún skógarvörðinn nýja. Þessi sumar-
dagur festist henni í minni sem einn mesti
hamingjudagurinn í lifi hennar, enda þótt hann
bæri í senn með sér sorg, biturleika og tár...
SIGGE STARK
SKÓGAR-
VÖRÐURINN
ELSE-MAPIE NOHP
HVCR ER co?
Else-Marie Nohr
Hver er ég?
Eva Birk er að undirbúa brúðkaup sitt og
Henriks Borg, þegar hún fær þær óvæntu upp-
lýsingar, að af vígslunni geti ekki orðið, þar sem
hún sé þegar gift öðrum manni. Eva verður að
sjálfsögðu skelfingu lostin. Hún hafði orðið fyrir
bifreiðarslysi og þjáðst af minnisleysi um tíma,
en þegar hún tekur að kanna málið, kemst hún
að þvi að hún er þegar gift, og það manni sem
henni er ákaflega ógeðfelldur, — og að með
þessum manni á hún þriggja ára gamla dóttur...
Erik Nerlöe
Hvítklædda brúöurin
Karlotta var á leið til kirkjunnar þar sem Jesper
og veizlugestirnir biðu hennar. Hún var klædd í
brúðarkjólinn hvíta, með fagran brúðarvönd í
fanginu og fyrir brúðarvagninn voru spenntir
tveir fagrir gæðingar. En hún komst aldrei alla
leið til kirkjunnar, — og enginn vissi um mennina
tvo, sem í brúðarvagninum sátu og óku á brott
með Karlottu, tvo illskeytta menn, sem til alls
voru visir. Og þar með fékk Benedikta Liljen-
krona möguleika til að vinna ástir Jespers á ný...

sa
ErikNcrlöe
HVITKLÆDDA
BRUÐURIN
C
i
%

Francis Durbridge
Með kveöju frá Gregory
Fáir útvarpsþættir hafa vakið jafnmikla
spennu meðal islenzkra útvarpshlustenda sem
Gregory-þættirnir sællar minningar. Með kveöju
frá Gregory er sagan sem þessir æsilegu þættir
voru byggðir á, — og sagan er ekki síður
spennandi. Hver var hann þessi leyndardómsfulli
glæpamaður, sem skildi eftir orðsendinguna
„Með kveðju frá Gregory,“ ritaða með rauðu
bleki, sem minnti óhugnanlega á blóð, og festi
á fórnarlömb sín? — Það kostar vökunótt að
byrja lestur þessarar bókar.