Morgunblaðið - 26.01.1983, Síða 20

20
MORGUNBLAÐIÐ, MIÐVIKUDAGUR 26. JANÚAR 1983
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn Oy skrifstofur: Aöalstræti 6, sími 10100. Auglýsingar: Aö-
alstræti 6, sími 22480. Afgreiösla: Skeifunni 19, sími 83033. Áskrift-
argjald 150 kr. á mánuöi innanlands. í lausasölu 12 kr. eintakiö.
Prófkjörsúrslit
Urslit liggja nú fyrir í
tveimur prófkjörum sjálf-
stæöismanna sem fram fóru
um helgina, Norðurlandskjör-
dæmi eystra og Suðurlands-
kjördæmi. í báðum kjördæm-
um var þátttakan mjög mikil
og þó sérstaklega á Suður-
landi, þar sem 4.716 kusu í
prófkjörinu, en í þingkosning-
unum í desember 1979 hlutu
Sjálfstæðisflokkurinn og listi
Eggerts Haukdal sameigin-
lega 3.912 atkvæði. Morgun-
blaðið hefur áður vakið máls á
því, að kannski sé ekki allt
sem sýnist þegar fleiri ljá
flokki fylgi í prófkjöri en
kosningunum sjálfum, maðkar
kunni að vera í mysunni. Hitt
er ljóst, að frambjóðendur
munu ekki liggja á liði sínu við
að afla flokki sínum fylgis í
baráttu við aðra flokka frekar
en þeir létu sitt ekki eftir
liggja í baráttunni við sam-
herja fyrir öruggu sæti á
framborðslistanum. En þá
fyrst eru prófkjör flokki til
framdráttar, að atkvæðamagn
í þeim skili sér í almennum
þingkosningum.
Sjálfstæðismenn áttu við al-
varlegan vanda að etja bæði í
Norðurlandskjördæmi eystra
og Suðurlandskjördæmi í síð-
ustu kosningum. Þar voru
boðnir fram sérstakir listar í
nafni sjálfstæðismanna,
flokkslisti og listi Jóns Sólness
fyrir norðan og Eggerts Hauk-
dal fyrir sunnan. Að þessu
sinni var ákveðið að láta
prófkjör ráða röðun manna á
framboðslista meðal annars
til að komast hjá þeim ágrein-
ingi sem leiddi til klofnings
1979 og voru fulltrúar af báð-
um listum 1979 þátttakendur í
prófkjörinu að þessu sinni auk
þess sem tilhögun þess var
þannig háttað í Suðurlands-
kjördæmi, að tryggt var að
æskilegt jafnræði væri milli
byggðarlaga, var um þá skipan
gott samkomulag.
Oþarft er að kynna þá menn
fyrir lesendum Morgunblaðs-
ins sem skipa tvö efstu sætin í
Norðurlandskjördæmi eystra,
alþingismennina Lárus Jóns-
son og Halldór Blöndal. Þeir
hafa ritað mikið hér í blaðið
og verið ódeigir við að kynna
skoðanir sínar jafnt á lands-
stjórninni, þróun efnahags-
mála sem öðrum málum og
Björn Dagbjartsson, nýja
manninn í þriðja sætinu fyrir
norðan, þarf ekki heldur að
kynna hér sérstaklega. Les-
endur blaðsins þekkja þá einn-
ig af góðum kynnum nýju
mennina sem skipa tvö efstu
sætin á Suðurlandi, Þorstein
Pálsson og Árna Johnsen, og
um pólitísk umsvif þriðja
mannsins á listanum, Eggerts
Haukdal, er ekki nauðsynlegt
að fjölyrða.
Fyrir Sjálfstæðisflokkinn,
Suðurlandskjördæmi og þjóð-
ina alla er mikill fengur að fá
Þorstein Pálsson til starfa á
alþingi. Alþjóð hefur kynnst
því best eftir að hann varð
framkvæmdastjóri Vinnuveit-
endasambands Islands, að þar
fer maður sem flytur mál sitt
af rökfestu og sanngirni. Er
ekki að efa að hann mun með
sama hætti standa vörð um
hagsmuni umbjóðenda sinna á
Suðurlandi og Sjálfstæðis-
flokknum bætist maður á
þingi sem hefur öðlast mikla
stjórnmálareynslu utan þess.
Úrslit prófkjörsins á Suður-
landi staðfesta það sem oft áð-
ur hefur verið sagt hér á þess-
um stað, að enginn er þar ör-
uggur og kjósendur ráðstafa
atkvæði sínu oft með annað í
huga en það sem vel hefur ver-
ið gert og kunnugleika fram-
bjóðenda á sérgreindum mál-
efnum. Guðmundur Karlsson,
alþingismaður, náði ekki
endurkjöri á listann. Hann
hefur með málefnalegu starfi
á alþingi síðan hann settist
þar fyrst 1978 sýnt, að hann er
gjörkunnugur málefnum út-
gerðar og fiskvinnslu. Er ekki
að efa að það skarð verður
vandfyllt í þingsölum sem
myndast við brottför Guð-
mundar Karlssonar þaðan.
Með hliðsjón af því að í
prófkjörum er hæfileikamikl-
um mönnum oft hafnað á
ósanngjörnum forsendum og
þau leiða til hatrammra átaka
milli flokksbræðra og sam-
herja, hefur Morgunblaðið
löngum varað við oftrú á að
þau séu algildur kostur við val
á frambjóðendum. En reynsla
sjálfstæðismanna í Norður-
landskjördæmi eystra og Suð-
urlandskjördæmi í kosningun-
um 1979 leiddi til þess að þar
voru viðhöfð prófkjör nú í því
skyni að sætta menn um einn
heilsteyptan framboðslista.
Nú eru úrslit semsé ráðin með
tilstuðlan mikils fjölda kjós-
enda og er ekki að efa að menn
uni þeim í samræmi við lýð-
ræðislegar leikreglur.
Hjónin Rósa Hjartardóttir og Högni Halldórsson á heimili sínu. Rósa lenti í síðara flóðinu og slapp naumlega.
Símamynd/ Morgunblaðið/ KEE.
Snjóflóðin á Patreksfirði:
Bjargaði lífi mínu að ég
þeyttist inn um dyrnar
Patreksnrði, 25. janúar. Frá Sigurði Sverrissyni,
blaðamanni Mbl.
„ÉG SÁ þett^ koraa æðandi nióur
hlíðina. Mér gafst ekki ráðrúm til eins
né neins og hreifst með flóðbylgjunni.
Það hefur sennilega bjargað mér að
ég gat staöið í fæturna og barst upp að
veggnum á sláturhúsinu og þeyttist
inn um tvennar dyr,“ sagði Rósa
Hjartardóttir, er blaðamaður Mbl.
ræddi við hana á heimili hennar í dag.
Rósa lenti í síðara flóðinu ásamt
vinkonu sinni í næsta húsi er þær
voru á leið út í félagsheimilið. Voru
þær á gangi eftir Aðalstræti þegar
flóðið skall á þeim og hreif með sér.
Rósa bjargaðist með áðurgreindum
hætti, en samferðakona hennar
missti fótanna, varð undir flóðinu
og lézt.
„Þetta tók ekki nema örfáar sek-
úndur, það voru ekki nema nokkur
skref á milli okkar. Sem betur fer
voru engir á undan okkur né eftir en
hefði svo verið, hefði getað farið
miklu verr.
Ég missti aldrei meðvitund á
meðan á þessu stóð, en týndi hluta
úr atburðarásinni eða þar til ég
hafnaði inni í sláturhúsinu. Ég
hugsaði um það fyrst og fremst að
komast út til samferðakonu minnar,
en það var örðugt. Ég var í háum
stígvélum, sem fyllzt höfðu af krapi
og varð að byrja á að losa þau áður
e,n ég gat hugsað mér til hreyfings.
Ég komst fljótlega út og í samband
við fólk og það leið ekki löng stund
þar til mér varð ljóst hver örlög
vinkonu minnar höfðu orðið," sagði
Rósa.
Frekar vatns- en snjóflóö
— segir Högni
Halldórsson
Patreksfirói, 25. janúar. Frá Sigurdi Sverrissyni,
blaöamanni Mbl.
EIGINMAÐUR Kósu, Högni Hall-
dórsson, sagði að hann og fleiri í göt-
unni hefðu tekið eftir því, að ekki var
allt með felldu uppi í gilinu fyrr um
daginn.
„Við sáum alltaf af og til hvar
vatnið spýttist í mórauðum súlum
upp úr snjóbreiðunni. Það mátti því
ljóst vera, að mikið vatn hafði safn-
azt saman í gilinu og þar kom að
því, að allt fór á stað.
Það er regin misskilningur að hér
hafi verið um snjóflóð að ræða.
Þetta var vatn að meginhluta til,
blandað aur og krapa."
Fleiri hafa tekið undir þessa
skoðun Högna og sagt að flóðið hafi
að uppistöðu til verið vatn, sem
safnazt hafði fyrir í leysingunum.
Snjóflóðin á Patreksfirði:
Nauðsynlegt að standa við
bakið á Patreksfirðingum
— segir Sigurlaug Bjarnadóttir, varaþingmaður
Patrek.sfirði, 25. janúar. Frá Sigurði Sverrissyni,
blaðamanni Mbl.
„ÞAÐ ER óhætt að segja, að sjón sé
sögu ríkari, en eyðileggingin er gíf-
urleg,“ sagði Sigurlaug Bjarnadóttir
varaþingmaður er blaðamaður Mbl.
ræddi við hana á Patreksfirði í gær.
Allir þingmenn Vestfjarðakjör-
dæmis, 6 að tölu, heimsóttu Pat-
reksfjörð í gær og auk Sigurlaugar
voru þarna á ferð þingmennirnir
Þorvaldur Garðar Kristjánsson,
Karvel Pálmason, Steingrímur
Hermannsson, Sighvatur Björg-
vinsson og Ólafur Þórðarson.
Þingmennirnir skoðuðu verksum-
merki á snjóflóðasvæðunum, ræddu
við bæjarbúa og áttu síðan fund
með hreppsnefnd Patrekshrepps.
„Okkur þykir vænt um að kynn-
ast þeim kjarki og þeirri bjartsýni,
sem einkennir viðmót heima-
manna," sagði Sigurlaug. „Það er
engan bilbug að finna á Patreks-
firðingum."
Sigurlaug sagði ennfremur, að
greinilegt væri að styrkja þyrfti
íbúa bæjarins með ráðum og dáð.
„Atvinnulíf stendur veikum fótum,"
sagði Sigurlaug, „og það þarf að
styrkja. Fólkið þar á að halda trú
sinni á staðinn þrátt fyrir það sem
gerzt hefur. Það er nauðsynlegt að
standa við bakið á Patreksfirðing-
um, jafnt einstaklingum sem
byggðarlagi."
Sigurlaug sagði ennfremur, að
ljóst væri að Patreksfirðingar ætl-
uðu að hjálpa sér sjálfir eins og
frekast væri kostur, en þeir treystu
ennfremur á þá aðstoð, sem boðin
væri og skylda bæri til að veita
samkvæmt landslögum.
„Við mætum mjög almennum
skilningi og vilja til að hjálpa til við
uppbygginguna. Það var niðurstaða
fundar okkar með hreppstjórninni,
að leita bæri allra tiltækra ráða til
hjálpar og byggja upp og bæta það
tjón, sem orðið hefur," sagði Sigur-
laug.