Morgunblaðið - 05.03.1983, Page 2

2
MORGUNBLAÐIÐ, LAUGARDAGUR 5. MARZ 1983
Ágreiningur um ráðningu deildarstjóra
hjá Blindrabókasafninu:
Meirihlutinn hafnaði
umsókn Arnþórs Helga-
sonar og vill
andi mann í
MEIRIHLUTI stjórnar Blindra-
bókasafns íslands hefir hafnað
umsókn Arnþórs Helgasonar um
stöðu deildarstjóra námsbóka-
deildar safnsins. Stjórnin auglýsti
hinn 19. janúar sl. lausar stöður
lausar við safnið, og barst aðeins
umsókn Arnþórs um stöðu deildar-
stjóra námsbókadeildar, en deild-
inni er ætlaö að sjá um gerð
námsgagna fyrir nemendur á fram-
haldsskólastigi, sem ekki geta les-
ið.
Meirihluti stjórnarinnar,
skipaður Kristínu H. Pétursdótt-
ur varaformanni stjórnar safns-
ins, Margréti Sigurðardóttur
blindrakennara og Elvu Björk
Gunnarsdóttur borgarbókaverði,
hafnaði umsókn Arnþórs, en
minnihlutinn, skipaður Halldóri
S. Rafnar formanni stjórnarinn-
ar og ólafi Jenssyni, sem eru
fulltrúar Blindrafélagsins í safn-
stjórninni, mæltu hins vegar
með ráðningu Arnþórs. Meiri-
hlutinn vildi hins vegar bjóða
Arnþóri stöðu tæknimanns við
tæknideild.
Staða deildarstjóra náms-
bókadeildar verður af þessum
sökum auglýst aftur laus til um-
sóknar, en Arnþór hefur hins
vegar skotið málinu til mennta-
málaráðherra og krafist leiðrétt-
ingar.
„Mér ógnar að
blindrakennari skuli
skrifa undir þetta álit“
— segir Arnþór Helgason
„FÆST ORÐ hafa minnsta
ábyrgð, en mér finnst að hér komi
fram furðuleg vanþekking, og mér
ógnar að blindrakennari skuli
skrifa undir þetta meirihlutaálit, “
sagði Arnþór Helgason er hann var
inntur álits á afgreiöslu stjórnar
Blindrabókasafnsins á umsókn
hans um deildarstjóra hjá safninu,
en umsókninni var hafnað.
„Ég hef fengið að sjá greinar-
gerð sem fylgdi meirihlutaálit-
inu og þar kemur fram að deild-
arstjóri námsbókadeildar þurfi
að ferðast á milli stofnana og
kynna sér aðstæður nemenda.
Þetta hef ég gert að undanförnu.
Ég er á eilíflegri fleygiferð um
allan bæ á milli funda og fer
einn míns liðs, annað hvort
gangandi eða með leigubílum, og
nýt þá aðstoðar starfsmanna
þeirra staða þar sem ég kem, eða
fundarmanna.
Önnur skýringin er sögð sú, að
þau hjálpartæki sem ég hafi til
að lesa svartletur sé ritsjá, og
með því sé aðeins hægt að lesa
eina línu í senn, og því útilokað
að fá heildaryfirlit yfir það
hvernig blaðsíður eru settar upp,
og þannig geti ég ekki gert mér
grein fyrir því hvernig má skipa
námsefni sem er sérstaklega
gert fyrir blinda. Nú hef ég not-
að þetta lestrartæki í 10 ár og
reynsla mín er sú að það er lang
hentugast til þess einmitt að fá
svona heildaryfirsýn yfir þá
hluti sem maður er að vinna að.
I sambandi við talið um þá
miklu aðstoð sem ég þyrfti á að
halda og þann mikla kostnað
sem af því hlytist, þá vil ég að-
eins segja þetta: Ég hlakka til
þess dags þegar sjáandi deildar-
stjóri námsbókadeildar Blindra-
bókasafns fær ritaraaðstoð. Mér
finnst eins og menn sjái ofsjón-
um yfir því að blindur maður
sæki um starf þar sem talið er að
hann þurfi einhvers konar ritun-
ráða sjá-
stöðuna
araðstoð, sem er næsta lítil í
þessu starfi.
Guðmundur Einarsson for-
stjóri Skipaútgerðar ríkisins
hefur sagt við mig að hann þurfi
að skrifa mörg bréf á dag, en
enginn hneykslaðist þótt hann
kynni ekki vélritun. En vertu
viss, ef ég væri forstjóri ríkis-
skipa, þá væru allir stórhneyksl-
aðir á því,“ sagði Arnþór.
„Teljum aö deildar-
stjórinn þurfi ad vera
sjáandi maður“
— segir Kristín H. Péturs-
dóttir um ákvörðun meiri-
hlutans
„HÉR ER um að ræða mjög við-
kvæmt mál og persónulegt og ég sé
ekki ástæðu til að fjalla mikið um
þetta í fjölmiðlum að svo stöddu,"
sagði Kristín H. Pétursdóttir, vara-
formaður stjórnar Blindrabóka-
safnsins er hún var innt eftir þvf á
hvaða forsendum meirihluti stjórn-
arinnar hefði hafnað umsókn Arn-
þórs Helgasonar um stöðu deildar-
stjóra viö safnið. Kristín myndaði
meirihlutann sem lagðist gegn
ráðningu Arnþórs ásamt Margréti
Sigurðardóttur blindrakennara og
Elvu Björk Gunnarsdóttur borg-
arbókaverði..
„Ákvörðun meirihlutans bygg-
ist á því að við teljum að deildar-
stjóri námsbókadeildar verði að
vera sjáandi maður. Þarna er
um að ræða nýtt starf og viða-
mikið og það er kannski rétt að
það komi fram, að það má ekki
missa sjónar á því að notendur
blindraleturs og hljóðbóka eru
miklu fleiri en blindir, og þessu
safni er ætlað að þjóna miklu
stærri hópi en blindum og sjón-
skertum," sagði Kristín.
Kristín sagði meirihlutann
telja verkefnum þannig háttað
að í stöðunni þurfi að vera sjá-
andi maður. Kristín kvaðst vilja
taka það fram að þetta væri ekki
fljótfærnisákvörðun stjórnar-
meirihlutans, heldur hefði hann
komist að þessari niðurstöðu að
athuguðu máli, enda um við-
kvæm mál að ræða.
Formaður Blindra-
bókasafnsins hefur
boðað afsögn sína
„ÉG HEF skrifað varaformanni
stjórnar Blindrabókasafnsins og
tilkynnt að ég muni segja af mér
formennsku í félaginu á næsta
fundi stjórnar, því það ríkir algjör-
lega grundvallarskoðunarmunur
um starfsréttindi og starfsgetu
blindra milli aðila innan stjórnar-
innar og ég tel Arnþór Helgason
fyllilcga hæfan í það starf sem
auglýst var,“ sagði Halldór S.
Rafnar formaður stjórnar Blindra-
bókasafnsins og formaður Blindra-
félagsins í samtali við Mbl.
Halldór kvaðst vita að þetta
mál væri til endurskoðunar í
menntamálaráðuneytinu, enda
væri hér um einstætt mál að
ræða, en hann kvaðst vonast til
þess að það leystist á skynsam-
legan og friðsamlegan hátt. Að-
spurður sagðist Halldór ekki
vita hvort hann drægi afsögn
sína til baka ef dæminu yrði
snúið við af hálfu ráðuneytisins,
en þó kvað hann það vega þungt
að hann væri mjög vinveittur
öllu starfi á vegum Blindrabóka-
safnsins.
Varðskipið Ægir fylgdi prammanum sem týndist til hafnar í gær, en varðskipsmenn komust um borð í prammann og
sigldu honum fyrir eigin vélarafli til Hafnarfjarðar. Myndina tók Kristján Éinarsson Ijósmyndari Mbl. um 15 mílur
norður af Garðskaga í gærdag. Tveir varðskipsmenn sigldu prammanum.
Grettir sökk í gær
— óvíst um framkvæmd fjölda verkefna í höfnum landsins
DÝPKUNARSKIPIÐ Grettir sökk
um 15 mílur norður af Garðskaga á
Faxaflóa um miðjan dag í gær, en
dýpkunarskipinu hafði hvolft
snemma morguns þar sem það var í
togi hjá varðskipinu Ægi á leið til
Húsavíkur frá Hafnarfirði. Ægir
lagði af staö síðdegis í fyrradag með
Gretti og sandflutningapramma í
togi til Húsavíkur, en vegna slæms
veðurs hélt varðskipið sjó í fyrra-
kvöld og í fyrrinótt, en þá um morg-
uninn, kl. 5.30 slitnaði pramminn
aftan úr Gretti. Við birtingu kom í
Ijós að sjór var kominn í Gretti og
hvolfdi skipinu skömmu síðar, en
stefni þess stóð upp úr sjó í nokkrar
klukkustundir og reyndi skipherra
varðskipsins, Höskuldur Skarphéð-
insson, þá að sigla með Gretti í
hvolfi í átt til lands. KI. 15.20 í gær
sökk Grettir og sleit um leið drátt-
artaugina í varðskipið. í gærmorgun
þegar éljagangi linnti sáu varð-
skipsmenn prammann týnda á reki
ekki fjarri skipinu og voru tveir
varðskipsmenn sendir um borð í
prammann á gúmmíhraðbát og náðu
varðskipsmennirnir að gangsetja
vélar prammans og sigla honum til
Hafnarfjarðar í gærkvöldi í fylgd
varðskipsins. Mjög slæmt veður var
þegar óhappið átti sér stað.
Dýpkunarskipið Grettir var
keypt til landsins árið 1977 og hef-
ur yfirleitt alltaf verið í notkun
síðan, að sögn Aðalsteins Júlíus-
sonar vita- og hafnarmáiastjóra.
Grettir var 36 metra langur
prammi, 10 metra breiður og 2%
metri á dýpt. Afkastagetan var
200—300 rúmmetrar á klukku-
stund í auðunnu efni og var hér
um stórvirkustu skóflu landsins
að ræða. 5 manna áhöfn var á
Gretti, en skipið var mannlaust í
togi þegar því hvolfti.
Mörg verkefni biðu Grettis í
ýmsum höfnum landsins, fyrst á
Húsavík og síðan m.a. á Þórshöfn,
Stöðvarfirði og í Sandgerði, en
skipið var bókað í verkefnum fram
á haust.
Ekki liggur fyrir hvað skip eins
og Grettir kostar, en fyrir 4 árum
var verðið á skipinu í norskum
krónum, 6 millj. kr.
Framsókn í Norður-
landi vestra:
Sérframboð
ákveðið um
helgina
„ÞAÐ verður mjög líklega ákveðið
endanlega um helgina, hvort farið
verður í sérframboð og þá hvernig
staðið verður að því. Menn leggja
hér þunga áherslu á að slíkur listi
verði í nafni Framsóknarflokksins
og merktur listabókstöfunum BB,
annars telja menn að verið sé að
vísa þeim úr flokknum og að þeir
þurfi jafnvel að kjósa eitthvað ann-
að, eða ekki neitt,“ sagði Magnús
Ólafsson bóndi á Sveinsstöðum,
aðspurður um hvernig staðan væri
varðandi sérframboð Framsókn-
armanna í Norðurlandi vestra.
Samkvæmt heimildum Mbl.
virðist fátt geta stöðvað það að
framsóknarmenn bjóði fram sér-
staklega. Áhugamenn um fram-
boðið hafa samþykkt að leita eft-
ir að fá listabókstafina BB og
bjóða fram í nafni Framsóknar-
flokksins. Guttormur Óskarsson
formaður kjördæmisráðs Fram-
sóknarflokksins sagði, að honum
hefði engin beiðni borist um
slíkt, en sín persónulega skoðun
væri sú, að ekki skyldi veita slíka
heimild. Guttormur sagði að
kjördæmisráðið kæmi saman n.k.
sunnudag og yrði þar gengið frá
lista flokksins. Hann kvað þetta
mál ekki verða tekið fyrir á þeim
fundi, ef formleg beiðni bærist
ekki. Steingrímur Hermannsson
formaður Framsóknarflokksins
var spurður álits á því hvort
veita ætti sérframboðinu heimild
til að bjóða fram í nafni Fram-
sóknarflokksins.. Hann kvaðst
ekki vilja tjá sig um það á þessu
stigi í Mbl., hann myndi fyrst
ræða það við flokksmenn sína.

Dýpkunarskipið Grettir við störf í Siglufirði fyrir nokkru, en hér var um
afkastamestu skóflu landsins að ræða.
Fjölmiðlakönnun Sambands íslenzkra auglýsingastofa:
Um 66,28% lesenda á
aldrinum 13—15 ára
lesa Morgunblaðiö
SAMKVÆMT fjölmiðlakönnun, sem Hagvangur hf. hefur gert fyrir Sam-
band íslenzkra auglýsingastofa, lesa um 70,08% íbúa landsins á aldrinum
13—15 ára Morgunbiaðiö. í öðru sæti er Dagblaðið & Vísir með 66,28%. Þá
kemur Tíminn með 23,96%, Þjóðviljinn með 11,08% og Alþýðublaðið með
0,51%.
Ef aldurshópurinn 16—19 ára er
skoðaður, kemur í ljós, að 68,68%
þeirra lesa Morgunblaðið, 60,03%
lesa Dagblaðið & Vísi, 24,11% lesa
Tímann, 7,56% Þjóðviljann og
0,57% lesa Alþýðublaðið.
í aldurshópnum 20—34 ára lesa
62,25% Morgunblaðið, 64,77%
Dagblaðið & Vísi, 24,94% Tímann,
16,61% Þjóðviljann og 1,87% Al-
þýðublaðið.
Þá var aldurshópurinn 35-49
ára skoðaður og kom þá í ljós, að
75,00% lesa Morgunblaðið, 69,34%
Dagblaðið & Vísi, 30,63% Tímann,
19,50% Þjóðviljann og 5,19% Al-
þýðublaðið.
Loks var aldurshópurinn 50 ára
og eldri skoðaður og kemur þá í
ljós, að 73,22% lesa Morgunblaðið,
58,24% lesa Dagblaðið & Vísi,
39,08% Tímann, 20,64% Þjóðvilj-
ann og 10,08% Alþýðublaðið.