Morgunblaðið - 05.03.1983, Blaðsíða 22

22
MORGUNBLAÐIÐ, LAUGARDAGUR 5. MARZ 1983
Bfllinn með kvenröddina
Hún lætur ekki mikið yfir sér, Austin Maestro-bifreiðin, sem greint var frá
í fréttum Mbl. fyrir fáum dögum. Þessi bifreið er þeirri nýjung gædd, að
mælaborðið rabbar við bílstjórann og segir honum t.d. hvort bensínið sé
að verða búið, eða að bílstjórinn eigi eftir að festa sætisólarnar og því um
líkt. Rödd mælaborðsins er töfrandi kvenmannsrödd, rödd sjónvarps-
stjörnunnar bresku, Nicolette McKenzie, sem lánar rödd sína tölvu sem
komið hefur verið haganlega fyrir í litlu mælaborðinu.
Herge, faðir Tinna, látinn
Brussel, 4. mars. Al*.
FAÐIR teiknimyndastráksins Tinna,
Herge, lést í sjúkrahúsi í Brussel í
dag, 75 ára að aldri. Herge, sem hét
Georges Remy réttu nafni, skapaði
„syni“ sínum frægð um heim allan.
Saga Tinna hófst á síðum hægri-
sinnaðs dagblaðs árið 1927. Voru
fyrstu ævintýrin, sem hann rataði
í, látin gerast í Sovétríkjunum.
Viðhorfin í sögunni túlkuðu andúð
höfundarins á kommúnisma, enda
ritstjóri blaðsins góðvinur Musso-
lini.
Ævintýri Tinna héldu síðan
áfram um víða veröld, en í síðari
heimsstyrjöldinni flutti hann sig
yfir á síður Le Soir í Brussel. Blað-
ið var þá undir stjórn Þjóðverja.
Eftir heimsstyrjöldina óx vegur
Tinna mjög og börn og unglingar
víða um veröld lásu ævintýri hans
af miklum áhuga. Skemmtilegar
sögupersónur í ævintýrunum settu
mikinn svip á þau og þeir eru vafa-
lítið margir, sem minnast hundsins
Snara, Skapta og Skafta, Kolbeins
kapteins og margra annarra, sem
komu við sögu.
Genscher um frjálsa demókrata:
Eina aflið, sem tryggir
frið með slökunarstefnu
Bonn, 4. mars. Frá Val Ingimundarsyni fréttaritara Mbl.
HANS Dietrich Gencher formaður
Frjálsra demókrata, sagði í Bonn í
dag að tveir kostir kæmu til greina
fyrir kjósendur á morgun.
Annars vegar að tryggja áfram-
haldandi stjórnarstefnu Frjálsra
demókrata og Kristilegara demó-
krata, og hins vegar að veita kansl-
araefni Sósíaldemókrata, Hans
Jochen Vogel, brautargengi með
aðstoð Græningja.
Genscher sagði að áhrif Græn-
ingja á stjórnarstefnuna hefði
þær afleiðingar, að Þýskaland,
sem er í hjarta Evrópu, yrði ein-
angrun, öryggisleysi og vaxandi
atvinnuleysi að bráð.“ Genscher
sagði enn fremur: „Við Frjálsir
demókratar viljum draga úr at-
vinnuleysi með hjálp hins frjálsa
markaðar, vinna að auknu lýð-
ræði og efla og bæta réttarríkið."
Genscher kvað Frjálsa demó-
krata eina aflið í vestur-þýskum
stjórnmálum sem gæti tryggt
frið með slökunarstefnu, sam-
vinnu og afvopnun. Þessi um-
mæli Genschers eru í samrælni
við þá stefnu, sem flokkur
Frjálsra demókrata hefur mark-
að eftir stórnarskiptin í haust.
Nú hefur hann hug á, að mark-
aðslögmálin ráði ferðinni í efna-
hagsmálum og afskipti ríkis-
valdsins til minnkunar atvinnu-
leysis séu ekki rétta lausnin. Seg-
ir hann að þetta sé grundvallar-
munur á stefnu Frjálsra demó-
krata og Sósíaldemókrata.
Kanslaraefni Frjálsra demó-
krata, Vogel, sagði t.d. í sjón-
varpsurtiræðum í þýska sjón-
varpinu í gær; „Við sósíaldemó-
kratar teljum að ríkisvaldið eigi
ekki að skorast undan ábyrgðinni
þegar atvinnuleysið í V-Þýska-
landi er 10,4%.“
Ljósm. Anna Bjarnadóttir.
Græningjar sigurreifir á kosningafundi fyrir skömmu.
V-Þýskaland:
Stjórnin vísar ásök-
unum til föðurhúsanna
Bonn 4. mars. Frá Val Ingimundarsyni fréttaritara Mbl.
í YFIRLÝSINGU frá vestur-þýsku
ríkisstjórninni í dag er fullyrt að
austur-þýskir fjölmiðlar séu að
reyna að hafa áhrif á kosningarnar
á sunnudaginn með rógsherferð á
hendur Kohl kanslara. Þar sagði
ennfremur: „Þessar tilraunir eru
tilgangslausar, því þær skaða ein-
ungis þann flokk sem þeim var ætl-
að að koma að góðu og spilla auk
þess sambandi þýsku ríkjanna.“
Hér er augljóslega átt við sósí-
aldemókrata, en kristilegir demó-
kratar hafa í kosningabaráttunni
lagt á það ríka áherslu að það sé
viiji ráðamanna í Austur-Evrópu
að sósíaldemókratar sigri í kosn-
ingunum. Tildrög yfirlýsingar
þýsku stjórnarinnar voru þau, að í
austur-þýskum fjölmiðlum hefur
því verið haldið fram undanfarna
daga, að Kohl sé ekki fær um að
greiða fyrir betri sambúð Austur-
og Vestur-Þýskalands innan
Vestur-Þýskalands. Hann hefur
m.a. verið sakaður um að hafa í
hyggju að brjóta „grundvallar-
samning" ríkjanna, þar sem af-
vopnunar- og slökunarstefna hef-
ur verið höfð að leiðarljósi, með
því að heimila Bandaríkja-
mönnum að setja upp meðaldræg-
ar eldflaugar í Vestur-Þýskalandi
á þessu ári. Afleiðing yrði sú, að
styrjaldarhætta í þessum heims-
hluta ykist til muna.
Eins og áður sagði, vísaði
vestur-þýska stjórnin þessum
ásökunum til föðurhúsanna og í
yfirlýsingunni kemur fram að „að-
dróttanir af þessu tagi komi heim
og saman við áform Sovétmanna
um að hafa áhrif á skoðanamynd-
un kjósenda með skefjalausum
áróðri gegn Kohl til að greiða götu
sósíaldemókrata".
Að lokum má geta þess, að
Helmut Kohl vildi ekki tjá sig um
þetta mál á fréttamannafundi í
Bonn í dag.
mCARAGUA
MiÖ-Ameríka:
Páfi reynir ad brúa
bil og minnka spennu
Jóhannes Páll páfi II. er nú sem kunnugt
er á viku feróalagi um ríki Mið-Ameríku.
I’áfi boðar eflingu friðar í ferð sinni og
mikilvægi samstöðu og sameiningar, en
víða einkennir háskaleg blanda ótta,
spennu og byltingar, ástand mála í Mið-
Ameríku.
Allt frá ('osta Rica norður til landamæra
Guatemala við Mexíkó hefur Mið-Ameríka
verið vígvöllur stórveldanna um yfirráð,
liandaríkin á annan veginn og Sovétríkin
og Kúba á hinn. Þessi barátta ógnar síðan
veldi rómansk-kaþólsku kirkjunnar, þar
sem sumir presta hennar styðja stjórnvöld
en aðrir vinstriöflin.
Allt frá komu páfa til Costa Rica 2.
mars, munu milljónir manna í Nicara-
gua, Panama, E1 Salvador, Guatemala,
Honduras, Belize og Haiti hlýða á mál
hans og sjá hann áður en hann snýr aft-
ur til Ítalíu 9. mars.
En heimsókn páfa er annað og meira
en trúarlegur atburður. Leiðtogar Mið-
Ameríku líta á ferð hans sem stjórn-
málalega tilraun til að minnka spennu
milli hægri- og vinstriafla sem og til-
raun til að koma Mið-Ameríku úr þeirri
stöðu að vera leikvöllur stórveldanna.
Hvergi er páfa þó meiri vandi á hönd-
um en í Nicaragua, þar sem sandinistar
hafa vikið Anastasio Somoza, fyrrver-
andi einræðisherra, frá völdum og eru að
breyta landinu yfir í marxískt ríki, sem
stendur kúbönskum og sovéskum ráð-
gjöfum opið, en vinnur gegn kaþólsku
kirkjunni.
í E1 Salvador, þar sem meira en 40.000
manns hafa látist í borgarastyrjöld á
undanförnum þremur árum, hefur ferð
páfa verið notuð til áróðursherferða,
jafnt af stjórnvöldum sem uppreisnar-
mönnum. Stjórnin leggur áherslu á
pólskan, and-kommúnískan bakgrunn
páfa, en skæruliðar leggja áherslu á bón
páfa þess eðlis að bardögum verði hætt í
landinu.
Jóhannes Páll páfi II. leggur aðal-
áherslu, sem fyrr segir, á að brúa hið
stóra bil sem er milli andstæðra afla í
Mið-Ameríku og að reyna að minnka þá
spennu, jafnt stjórnmálalegs sem trúar-
legs eðlis, sem þjóðfélög þessi eiga við að
stríða, en eins og margir hafa bent á er
það erfitt verkefni sem páfi tekur sér á
hendur að þessu sinni.
íHvtíg) á II.S. Ni-ws & World Keport.)

B EU2E
M
)Guatemala
Pacific Ocean
ó m
HONDURASj
J i # S |
í«t>a*rR
COSTA RIC A
GUATEMALA
«*• f - «

Et SALVAOOR
!___a
Caribbean Sea