Morgunblaðið - 23.06.1983, Blaðsíða 2
2
MORGUNBLAÐIÐ, FIMMTUDAGUR 23. JÚNf 1983
.éi
Bíllinn sem Kristín ók í keppninni var BMW 1600 og sést hún hér sitja á honum og við hlið hennar er Jón &
Halldórsson, en hann lenti í öðru sæti.
Fyrsti kvennasigur
í „rally-cross“-keppni
UM HELGINA var haldið „rally-
cross“ á Kolbeinsstaðahæð á milli
Garðs og Sandgerðis. Það voru
BÍKR og Akstursíþróttafélag Suð-
urnesja sem sáu um keppnina og
voru þátttakendur sjö. Einungis
tveir bflar luku keppninni, en öðr-
um þeirra stjórnaði 20 ára gömul
stúlka, Kristín B. Garðarsdóttir úr
Reykjavík. Ekki var nóg með að
henni tækist að Ijúka keppni, held-
ur var hún einnig sú sem kom, sá
og sigraði og var þar með fyrst
íslenzkra kvenna til að sigra í
svona keppni.
„Ég hef haft áhuga á „rally-
cross" í nokkur ár og bíladellu
hef ég alltaf verið með,“ sagði
Kristín í samtali við Mbl. „Mað-
urinn minn og kunningjar okkar
hafa þetta áhugamál og ég
veigra mér ekki við því frekar en
þeir að fást við þessi farartæki.
Það má eiginlega segja, að það
að fást við bíla sé það skemmti-
legasta sem ég geri og mestallur
frítíminn fer í það að sinna
þessu áhugamáli. Við hjónin eig-
um þó einnig mótorhjól og einn-
ig erum við með áhuga á flugi og
ég er komin með einkaflug-
mannspróf."
Við spurðum Kristínu hvernig
hefði verið að taka þátt í keppn-
inni. „Það var frekar erfitt. Það
rigndi svo mikið að sums staðar
var brautin ekkert nema drulla
og svað. Þá átti ég líka í vand-
ræðum tvo síðustu hringina og
þurfti að keyra bílinn í fyrsta gír
allan tímann, svo það má segja
að ég hafi lullað í mark. Samt
var ég hálfum hring á undan
næsta keppanda," sagði Kristín
B. Garðarsdóttir að lokum. KJS
Verslunarmannafélag Reykjavíkur:
Segir upp samningum
Á FIINDI trúnaðarmannaráðs Versl-
unarmannafélags Reykjavíkur í
fyrradag var einróma samþykkt að
segja upp gildandi kjarasamningum
félagsins. I ályktun sem samþykkt
var á fundinum var lýst yfir stuðn-
ingi við samþykkt formannafundar
ASÍ þann 6. júní vegna setningar
bráðabirgðalaganna 27. maí síðast-
liðinn. „Sérstaklega vill trúnaðar-
mannaráðið mótmæla harðlega af-
námi samningsréttarins og þeirri
skerðingu, sem verður á kaupmætti
Nýtt miðbæjar-
skipulag sam-
þykkt í Hafnarfirði
NÝTT miðbæjarskipulag var
samþykkt á bæjarstjórnarfundi í
Hafnarfiröi á þriðjudag. Skipu-
lagið var samþykkt með 10 at-
kvæðum gegn einu atkvæði Al-
þýðubandalagsins. Sá fyrirvari
var gerður á samþykkt skipulags-
ins, að útfærsla á Lækjargötu,
milli Öldugötu og Austurgötu,
verði könnuð nánar og að sá
þáttur skipulagsins komi aftur
fyrir bæjarstjórn að því loknu.
Skipulagið er unnið af Sigur-
þóri Aðalsteinssyni, arkitekt.
Miðbæjarskipulag þetta gildir
til næstu aldamóta. Með sam-
þykkt sinni á þessu skipulagi
hefur bæjarstjórn Hafnar-
fjarðar á innan við ári lokið
afgreiðslu á nýju aðalskipulagi
fyrir kaupstaðinn, deiliskipu-
lagi fyrir Setberg auk þessa
nýja miðbæjarskipulags.
Þess má geta að aðalskipu-
lagið gerði Björn Hallsson,
arkitekt, sem einnig gerði
deiliskipulagið að Setbergs-
hverfi. Skipulagsnefnd bæjar-
ins hefur haft yfirumsjón með
skipulagsgerðinni, en formað-
ur hennar er Jóhann Berg-
þórsson, verkfræðingur. Að-
eins eru tvö ár frá því að skipu-
lagsvinna þessi hófst.
þeirra, sem búa við lægstu rauntekj-
urnar,“ segir í ályktuninni.
Þá segir í ályktuninni að það sé
frekar orðin regla en undantekn-
ing að stjórnvöld ógildi kjara-
samninga. Með bráðabirgðalögun-
um sé þó gengið lengra en oftast
áður, þar sem aðilum vinnumark-
aðarins sé beinlínis bannað að
semja um kaup og kjör. í ályktun-
inni segir að með slíku banni sé
brotinn grundvallarréttur lýðræð-
isskipulagsins.
„Eins og jafnan áður, er megin-
uppistaðan í efnahagsráðstöfun-
um ríkisstjórnarinnar skerðing á
kaupgjaldsvísitölunni, sem leiða
mun til stórfelldrar kaupmáttar-
rýrnunar, sem ekki verður séð að
aðrar ráðstafanir bæti nema að
litlum hluta, miðað við hinar stór-
felldu hækkanir á vöru og þjón-
ustu, sem svo til daglega dynja nú
yfir, þrátt fyrir hina miklu skerð-
ingu á kaupgjaldsvísitölunni,"
segir í ályktuninni. „Það er eftir-
tektarvert, að allar aðrar vísitölu-
viðmiðanir haldast að fullu eins og
t.d. lánskjaravísitalan, sem reikn-
ast af fullum þunga á lántakend-
ur.“
Vakin er athygli á því að versl-
unar- og skrifstofufólk getur ekki
drýgt tekjur sínar með bónus- eða
álagstöxtum, né yfirvinnu sem
neinu nemur. Stór hluti þessa
fólks fái útborguð laun í samræmi
við launataxta, sem voru á bilinu
9.581 kr. til 11.667 kr. þegar lögin
voru sett.
Norsk-íslenzki loðnustofninn:
Engin sumar
veiði verður
SAMKOMULAG hefur náðst milli
Norömanna og íslendinga um að
engin loðna verði veidd úr Norsk-
íslenzka stofninum, fyrr en að af-
loknum nýjum rannsóknum. Loðna
úr þessum stofni verður því ekki
veidd í sumar, þar sem ekki verður
hægt að rannsaka stofninn fyrr en í
október eða nóvember í haust.
Þetta samkomulag náðist á
fundi norsk-íslensku fiskveiði-
nefndarinnar í Reykjavík í gær.
Formaður nefndarinnar er Jón L.
Arnalds og formaður norska hlut-
ans er Finn Bergesen.
Bankar og sparisjóðir:
Afla þinglýsinga og
veðbókarvottorða
Viðskiptabankar og sparisjóðir
hafa gert samkomulag við Borg-
arfógetaembættið í Reykjavík um
að afgreiðslustaðir þeirra annist
öflun veðbókarvottorða og þing-
lýsingu veðskuldabréfa hjá emb-
ættinu. Ráðgert er að þessi þjón-
usta hefjist á mánudag, 27. júní.
Reynist þessi þjónusta vel, er
fyrirhugað að bankar og spari-
sjóðir leiti samkomulags við önn-
ur fógetaembætti um sama fyrir-
komulag.
Tilgangurinn með þessari
nýju þjónustu er að draga úr
þeirri fyrirhöfn sem fylgir lán-
töku hjá lánastofnunum. Til
dæmis má taka að sé lán tryggt
í fasteign, hefur lántakandi
fram að þessu þurft að útvega
veðbókarvottorð og þinglýsa
veðskuldabréfi eftir útgáfu
þess. Útvegun veðbókavottorðs
tekur tvo daga og þinglýsing
aðra tvo daga. Þetta hefur þýtt
samtals fjórar ferðir hvers
lántakanda til fógetaembættis-
ins. Ef allir lántakendur fast-
eignaveðlána í Reykjavík not-
færðu sér þessa þjónustu,
myndu þeir spara nær 15 þús-
und ferðir til fógetaembættis-
ins samanlagt á einu ári.
Fyrir þessa þjónustu munu
lánastofnanirnar taka sérstakt
gjald, kr. 28 fyrir útvegun veð-
Leiðrétting
í FRÉTT Morgunblaðsins í gær af
brunanum um borð í Gunnjóni GK
misritaðist föðurnafn eins hinna
látnu skipverja. Fyrsti vélstjóri,
Haukur, var sagður ólafsson. Það
er ekki rétt. Haukur var ólason og
biðst Morgunblaðið hér með vel-
virðingar á þessum mistökum.
bókarvottorðs og kr. 28 fyrir
umsjón með þinglýsingu, eða
samtals kr. 56.
Meiri aska á
Vatnajökli
en talið var
(irímsfjalli á Vatnajökli, 20. júní, frá
blaðamanni Mbl., Elínu Pálmadóttur.
í DAG var reynt að fara niður í
Grímsvötnin til að huga að gos-
stöðvunum, sem nær ekkert hef-
ur verið hægt að sjá til fyrir rign-
ingu og dimmviðri síðan 33
manna rannsóknarleiðangur
kom hér upp á laugardagskvöld á
4 snjóbflum, 7 vélsleðum og með
mikinn útbúnað, m.a. jarðbor á
sleða. Öskulagið frá gosinu er
samt greinilegt og liggur á miklu
stærra svæði en vitað var um,
nær a.m.k. talsvert austur fyrir
Grímsfjall. Engin merki um gos-
virkni hafa fundist, utan einn
jarðskjálfti fyrstu nóttina eftir að
lciðangurinn kom hér.
Búið er að bora 27 metra
djúpa holu vestan við skálann
og mældist í gær í henni 90
stiga hiti. Erfiðleikar hafa ver-
ið með að fá kalt skolvatn, því
á jöklinum þarf að bræða allt
vatn úr snjó, og sú aðgerð
gleypir olíubirgðir. En þar er
líka jarðhiti undir og nú eru
snjallir rannsóknamenn búnir
að koma sér upp bræðsluofni
ofan í gufugati utan í Saltar-
anum og gengur vel að bræða.
Ætlunin er að fá úr gufunni
orku fyrir sjálfritandi sendi-
tæki, sem sendi stöðugt upp-
lýsingar af jöklunum um jarð-
skjálfta o.fl. Einnig hefur verið
boruð önnur hola sunnan við
skálann fyrir hallamæli, sem
setja á upp þar.
Hótun Rússa við kjarn-
orkuvopnalaus Norðurlönd
1 FRÉTTUM Ríkisútvarpsins í gær var frá því greint, að nýlega hefði birst
grein í Rauðu Stjörnunni, málgagni sovéska hersins, þar sem því hafí verið
haldið fram að Atlantshafsbandalagið hefði áætlun um kjarnorkuárás á
Sovétríkin þar sem Norðurlönd gegndu veigamiklu hlutverki. Var þar haft
eftir blaðinu að Sovétraenn myndu svara með kjarnorkuárás á Noreg, Dan-
mörku og ísland.
Frétt Ríkisútvarpsins kom frá
fréttamanni þess í Noregi og var
sagt, að norskir fréttamenn í
Moskvu teldu umrædda grein líka
ótal öðrum greinum sem birtast í
sovéskum blöðum, en til nýmæla
teldist að draga þessi þrjú lönd
inn í umfjöllun þeirra, þ.e. sem
hugsanleg skotmörk í sovéskri
árás með kjarnorkuvopnum.
Geir Hallgrímsson, utanríkis-
ráðherra, lét svo ummælt í frétta-
tíma útvarpsins í gærkvöldi, að
Atlantshafsbandalagið hefði enga
áætlun gert um árás á einn eða
neinn. „Atlantshafsbandalagið
hefur þvert á móti gert samþykkt
um að það myndi aldrei hafa
frumkvæði að valdbeitingu í
viðskiptum þjóða í milli. Atl-
antshafsbandalagið er varnar-
bandalag og þess vegna eru þessi
ummæli Rauðu Stjörnunnar út í
hött og eingöngu unnt að túlka
þau sem vitnisburð um það, sem
býr undir hjá þeim sjálfum," sagði
Geir meðal annars. Hann bætti
því við að hann teldi siík ummæli
eingöngu til þess fallin að spilla
fyrir viðleitni manna um afvopn-
un og þess vegna ekki í anda frið-
samlegra samskipta milli þjóða.
Hann sagði að til lítils væri að
tala um kjarnorkuvopnalaus
Norðurlönd ef sú staðreynd, að
þau eru kjarnorkuvopnalaus, verði
til þess að ráðist verði á þau með
slíkum vopnum. Því færi víðs
fjarri að Atlantshafsbandalagið
byggði varnaraðgerðir sínar á því
að fórna öryggi eins í þágu ann-
arra. „Hér er um varnarbandalag
að ræða sem gerir öryggi allra
þátttökuríkja jafn hátt undir
höfði,“ sagði Geir ennfremur.
Spurningu um það hvaða skýr-
ing væri hugsanleg á því að Rauða
Stjarnan tæki þessi lönd allt í
einu til meðferðar svaraði Geir
Hallgrímsson á þessa leið: „Fram
hefur komið í umræðum að Svíum,
og jafnvel Finnum líka, finnist lít-
ið öryggi fólgið í friðartali Sovét-
ríkjanna þegar kafbátar með
kjarnorkuvopn innanborðs eru á
sveimi við strendur þessara landa.
Einnig má nefna hugleiðingar
manna um það, að Svíar þyrftu
jafnvel að endurskoða hlutleys-
isstefnu sína. Þetta kann að eiga
þátt í þessari ásökun málgagns
Rauða hersins. En í þessum um-
mælum felst auðvitað hótun og
ógnun. Það á að reyna að hræða
Norðmenn, Dani og íslendinga frá
því, að taka þátt í varnarsamstarfi
vestrænna þjóða. En ef þessi lönd
gerðu það, þá opnuðu þau mögu-
leika fyrir Sovétríkin til að beita
jafnvel ennfrekari þrýstingi og
komast inn í það tómarúm sem við
það skapaðist. Þetta er auðvitað
takmark Sovétríkjanna og frjáls
vestræn ríki þurfa að vera vel á
verði gagnvart slíkum fyrirætlun-
um.