Morgunblaðið - 26.06.1983, Blaðsíða 26
26
MORGUNBLAÐIÐ, SUNNUDAGUR 26. JÚNÍ 1983
ÁSMUNDARSAFN
Ljósmyndir Mbl. Emilía.
Gunnar B. Kvaran í góðum félagaskap í garði Ásmundarsafns.
Úr stóra sýningarsalnum.
í kúlunni eru elztu höggmyndir Ásmundar.
Eitt af örfáum söfiium í heimimim
sem sýnir ævistarf listamanns
„Þegar safnið er nú opnað á ný með formlegum hætti, leitar
hugurinn til þessa mikla, gengna listamanns, til verka hans, sem
halda munu nafni hans á lofti og gleðja augað um aldaskeið.
Gg óska borgarbúum öllum, stjórn safnsins, starfsmanni og
öllum aðstandendum hjartanlega til hamingju með þennan at-
burð, sem á að marka upphaf þess, að Ásmundarsafn fái á ný
veglegan sess í borgarlífinu,“ sagði Davíð Oddson borgarstjóri við
formlega opnun Ásmundarsafns á ný eftir gagngerðar breytingar
og lagfæringar á húsi Ásmundar Sveinssonar myndhöggvara. í
safninu eru nú skráðar um 350 höggmyndir að meðtöldum gifs-
myndum og eirsteypum, um 2.000 teikningar, sem eru teikniæf-
ingar, frummyndir eða sjálfstæð listaverk og fjöldi Ijósmynda sem
oft sýna ólík þróunarstig myndverka.
„í framtíðinni er ætlunin að
halda reglulega sýningar í Ás
mundarsafni og safnið býður upp
á margvíslega möguleika og lif-
andi starfsemi,“ sagði Gunnar B.
Kvaran í samtali við Mbl.
„Við erum að reyna að átta
okkur á stöðu safnsins, skipu-
leggja það og skrá endanlega
höggmyndir. Jafnframt er verið
að vinna að röð sýninga í framtíð-
inni og kanna fjármagnsþörf
safnsins miðað við það á næsta
ári. Miðað við önnur söfn í
Reykjavík höfum við úr mjög
miklu að moða og á næsta áratug
getur safnið endurnýjað sig reglu-
lega, sýnt það lifandi svipmót sem
í því býr, en mikill fjöldi verka er
geymdur að sinni í kjallara húss-
ins. Um 'h af höggmyndunum er á
þessari sýningu, eða 114 verk, en
auk höggmynda Ásmundar er
margt annað sem safnið á og sýnir
skemmtilegan hluta af Ásmundi
Sveinssyni. Það eru m.a. tæki
hans öll og ljósmyndavélar. Verk-
færi hans öll eru til, stækkunar-
tæki, pressur, þvingur og klippi-
tæki, en í Ásmundi hefur búið
meðfædd nýtni úr Dölunum og
hann bjó til sín verkfæri sjálfur.
Þannig höfum við bæði listaverkin
sjálf og sköpunarferil þeirra.
Móðir mín í kví kví í endanlegri útgáfu Ásmundar.
Þetta er því spennandi, ekki að-
eins fyrir listfræðinga að sökkva
sér í hrúguna og fá viðfangsefnin
hrá upp í hendurnar, heldur einn-
ig fyrir hvern listelskan mann.
Persónan Ásmundur og hvernig
hann vinnur er ekki síður spenn-
andi en höggmyndir hans og
margt sem til er um verkin gerir
sýningar oft meira lifandi og
spennandi. Það er mikið um heim-
ildir og þekkingu í skissum hans
og ljósmyndum.
Ásmundur á það langan feril
sem myndhöggvari og það liggur
svo mikið eftir hann á hlaðinu ef
svo má segja að með ólíkindum er.
Ásmundur fór til náms 26 ára
gamall og kom heim 10 árum síð-
ar. Síðan vinnur hann sleitulaust í
rúm 40 ár og við sem göngum nú
til starfa í húsi hans og verkstæði
eins og hann skyldi við, með hönd-
um listamannsins þurfum að
vinna úr stílbrigðum hans, gera
grein fyrir ferli hans og þróun, en
það er áberandi að Ásmundur not-
ar oft sömu hugmyndir í ólíkri
formskrift. Hann leit fremur á
stílinn sem möguleika sem menn
gætu tileinkað sér. Hann hafði til
dæmis á orði að það væri hægt að