Morgunblaðið - 04.08.1983, Síða 29

MORGUNBLAÐIÐ, FIMMTUDAGUR 4. ÁGÚST 1983
29
Heimir Bjarnason
læknir — Afmæliskveðja
Tveir kunningjar hittust fyrir
skömmu. Báðir voru gamlir tog-
arakarlar. Að sjálfsögðu bárust í
tal veiðar fyrr og nú og saman-
burður á nýja og gamla tímanum.
„Þegar ég var á Halanum," sagði
Kalli, „voru þorskarnir svo stórir
að aðeins tveir hausar af þeim
komust í körfuna." „Ja, hefði það
ekki verið þú, sem sagðir mér
þetta, Kalli minn, hefði ég ekki
trúað þessu,“ sagði hinn. Mér datt
þessi saga i hug þegar rann upp
fyrir mér að í dag væri Heimir
Bjarnason, aðstoðarborgarlæknir,
60 ára.
Þetta er ótrúlegt en satt. Bækur
sem ég hef undir höndum segja
það og þegar við vorum samtfða
hér á Djúpavogi sagði Heimir mér
það sjálfur, að hann væri fæddur
2. ágúst 1923, og meira að segja úti
í kóngsins Köbenhavn. Og þó að
Kalli hafi ýkt veit ég að Heimir
hefði ekki skrökvað þessu að mér.
En hins vegar hefði Heimir verið
vísastur manna til að kunna
margar svona sögur og segja þær
á góðum stundum í glöðum hópi
og á góðra vina fundi eða á ferða-
lagi með öðrum félaga, með sinni
skemmtilegu frásagnarsnilld.
Tíminn er fljótur að líða, 24 ár frá
því að þú komst á Djúpavog og 15
ár frá þvi að þú hvarfst héðan.
Vera þín var upphaf kynna okkar
og vináttan hefur haldist þó að vík
sé á milli vina. Gáski þinn og gam-
ansemi er hressandi ásamt alvör-
unni þegar hún á við. Ekki spilltu
spilakvöldin, bridge eða lombré,
aðallega lombré, þó að laufgosinn
væri mér erfiður i fyrstu mun ég
samþykkja hann í spilinu. Ýmis-
legt fleira fannstu þér til tilbreyt-
ingar frá daglegum skyldustörf-
um.
Nokkrar kindur hafðir þú. Það
var gaman að koma í fjárhúsin og
gleðjast með þér yfir fóðruninni
að maður tali ekki um meðalvigt-
ina á haustin. Mér fannst þetta
undraverður árangur. Svipað og
hjá kallinum á Héraði sem gortaði
af stargresinu hjá sér. Eitt kg af
stargresi jók mjólkurmagn kýr-
innar um 11.
Skákin var þér dægrastytting
en vegna þess hve ég og fleiri vor-
um litlir skákmenn naustu þin
ekki fullkomlega.
Einhvers staðar stendur: „Palli
var ekki einn í heiminum." Heimir
hefur heldur ekki verið einn. Hann
kvæntist 24. september 1949
Maríu Gísladóttur Kristjánssonar
útgm. Neskaupstað og Fanneyjar
Ingvarsdóttur. Hefur það verið
farsælt og gott hjónaband. Hefur
hún átt sinn stóra þátt í, hversu
indælt er þangað að koma. Við
þessi tímamót þakka ég ykkur
hjónunum vinarhug og hlýju, sem
ég hef verið þar aðnjótandi fyrr og
síðar, sömuleiðis frá börnum ykk-
ar sjö.
Sannarlega var þín saknað sem
læknis og manns og þinnar fjöl-
skyldu, þegar þið hurfuð héðan á
braut.
Þó að ég þekki Heimi vel veit ég
næsta lítið annað en það sem bæk-
ur segja um ævitíð hans. Hann er
Þingeyingur. Móðir hans Helga
Bjarnadóttir og ólst upp hjá Birnu
móðursystur sinni og manni henn-
ar Pétri Sigfússyni glímukappa og
kaupfélagsstjóra. Þau áttu heima
á Borðeyri og Húsavík. Hefur
hann ætíð nefnt þau sem föður og
móður jafnframt sinni móður og
börn Birnu og Péturs systkini sín
og ætíð af gleði og hlýju þegar
hann minnist á þau, og segir það
sína sögu betur en löng lýsing.
Hann hóf nám i Laugaskóla og
stúdent frá MA 1947. Aðstoðar- og
héraðslæknir á Stórólfshvoli
1957—1958. Héraðslæknir á
Djúpavogi 1959—1%8 og gegndi
þá jafnframt ýmsum trúnaðar-
störfum, í skattanefnd og oddvita-
störfum um skeið. Síðan héraðs-
læknir á Hellu og nú aðstoðar-
borgarlæknir í Rvík.
Það veit ég af viðkynningu án
annarra umsagna, að Heimir hef-
ur reynst afar góður námsmaður.
Á þeim árum komu námslán og
námsstyrkir ekki á silfurfati, svo
að mikið hafa námsmenn þeirra
ára þurft að leggja á sig, og hefur
Heimir þar ekki dregið af sér.
Slíkur er dugnaður hans. Heimir
minn, ég veit að þú vilt lítið láta á
bera með þessi tímamót. Ég vona
að þú fyrirgefir mér þó ég láti á
þrykk út ganga nokkur orð um þig
sextugan. Þó skapið sé mikið veit
ég að þú ert drengur góður og
fyrirgefur vini þínum. Ég og kona
mín senda Maríu og börnum og
tengdafólki og systkinum þinum
hamingjuóskir með þig og síðast
þér afmælisbarnsins, þakka þér
meðferð í sjúkdómstilfellum mín-
um. Heill þér sextugum og ein-
læga vináttu.
Valgeir G. Vilhjálmsson
Minningarsjóður Halldórs Jónssonar:
Fjársöfnun til bygging-
ar fyrir aldraða í Vík
í VÍK í Mýrdal er nú verió að Ijúka
byggingu fyrsta áfanga íbúða fyrir
aldraða, en þar er um að ræða fjórar
íbúðir fyrir 5—8 manns. Byggingar-
aðilar eru m.a. Minningarsjóður
Halldórs Jónssonar og sveitarfélög
Hvammshrepps og Dyrhólahrepps.
f fréttatilkynningu frá Minn-
ingarsjóði Halldórs Jónssonar
segir m.a. að heildarkostnaður við
þennan lokaáfanga muni nema
u.þ.b. 2.500.000 kr. og á Minn-
ingarsjóðurinn að greiða um
600.000 af þeirri upphæð. Þar seg-
ir einnig að einu tekjur sjóðsins
séu gjafir frá velunnurum hans og
hefur því sjóðurinn ákveðið að
efna til almennrar fjársöfnunar
til að standa við skuldbindingar
sínar. Gíróseðlar hafa verið gefnir
út til Mýrdælinga, Austur-Eyfell-
inga og þeirra Skaftfellinga á höf-
uðborgarsvæðinu, sem kunnugt er
um. Sjóðsstjórn vill vekja athygli
á þessari söfnun og geta því þeir,
sem leggja vilja málefni þessu lið,
lagt inn framlög á söfnunarreikn-
ing sjóðsins, sem er nr. 1155-1 í
útibúi Búnaðarbankans í Vík.
Einnig munu frú Ágústa Vigfús-
dóttir, Drápuhlíð 24, Reykjavík og
sr. Gísli Jónasson, Ránarbraut 7,
Vík, taka við gjöfum til sjóðsins.
Sjóðnum hefur þegar borist
minningargjöf um Eyjólf Högna-
son frá Hvoli í Mýrdal að upphæð
kr. 37.071,18 og þakkar sjóðurinn
gjöfina svo og aðrar gjafir sem
sjóðnum hafa borist.
S Y N I N G
íslenska
ullarlínan 1983
Modelsamtökin sýna íslenska ull
1983 að Hótel Loftleiöum alla föstu-
daga kl. 12.30—13.00 um leiö og
Blómasalurinn býöur uppá gómsæta
rétti frá hinu vinsæla Víkingaskipi
meö köldum og heitum réttum.
Verið velkomin
íslenskur Heimilisiðnaður, Rammagerðin.
Hafnarstræti 3, Hafnarstræti 19.
HÚTEL LOFTLEIÐIR
Blómasalur
ALLT TiL
Við bys&jum
á r&ynslunni
0 SAMBANDIÐ BYGGINGAVÖRUR
SUÐURLANDSBRAUT 32 - SIMI 82033
p wl m
Metsölublad á hvetju m degi!