Morgunblaðið - 14.08.1983, Side 15

MORGUNBLAÐIÐ, SUNNUDAGUR 14. ÁGÚST 1983
63
Pottarím
Umsjón: SIGRUN
DAVÍÐSDÓTTIR
Nú þegar blómkálið er farið
að stinga upp sínum fagra kolli
er tímabært að huga að blóm-
kálsmatreiðslu. Hausarnir hafa
nú undanfarið verið býsna smá-
vaxnir, ekki að undra í þessari
líka tíð, og hafa líkast til minnt
á forplöntur sínar. Upphaflega
urðu blómkálshöfuðin vfst ekki
miklu stærri en tennisbolti, en
eftir kynbætur undanfarin 200
ár eða svo hefur tekizt að efla
vöxtinn mjög. Okkar ágæta
veðrátta vinnur reyndar öflug-
lega á móti þroska blómkálsins,
en það er þó ekki öll von úti enn
um að veðrið leggi plöntunum
lið...
Það þarf reyndar ekki að fara
langt í matreiðsluhugleiðingum,
þegar blómkál er annars vegar.
Það er svo ágætt hrátt. Það er
ljómandi forréttur, skorið í
vendi og borið fram eitt sér, eða
ásamt öðru grænmeti, svo hver
og einn geti fengið sér að vild,
e.t.v. með góðri sóSu og heima-
bökuðu brauði. Brauðið má
gjarnan vera volgt og e.t.v.
kryddsmjör með, þá er sósa
óþörf. ítalir bera grænmeti
gjarnan fram hrátt í skálum
með ísmolum eða ísvatni. Frísk-
leg hugmynd ... Svo er hægt að
sjóða kálið, annaðhvort heilt eða
í vöndum. Það soðnar jafnar
hlutað í vendi, en það er einkar
skemmtilegt borið fram heilt.
Það er tilvalið að gufusjóða
blómkál og það fást víða nokk-
urS konar málmkörfur, sem er
hægt að setja í flesta potta, og
ætlaðar til að gufusjóða í. Þá er
vatn sett í pottinn og karfan
ofan í, án þess þó að fljóti inn í
hana. Þegar suðan kemur upp,
er grænmetið sett í körfuna og
lokið vel á.
Það á við um blómkál eins og
annað grænmeti, að það á ekki
að sjóða lengur en nauðsyn kref-
ur, aðeins svo það verði mjúkt í
gegn, en fari ekki í mauk, og
gjarnan má vera svolítil fyrir-
staða innst.
Blómkál er gott i sérstaka
grænmetisrétti, en einnig sem
meðlæti með kjöti. Ostur er afar
góður með blómkáli. Nýmalaður
pipar og nýrifið múskat er
krydd sem er gott með blómkáli.
Lítiilega soðið blómkál er afar
gott í pæa. Og það á einkar vel
við í pastarétti.
Ef þið hyggizt sjóða heil
blómkálshöfuð, er bezt að
hreinsa þau með því að leggja
höfuðin í kalt vatn, ásamt
nokkrum msk. af ediki og láta
standa í um 20 mín. Edikið sér
til þess að allt kvikt skríður út
úr kálinu og ætti ekki að gera
ykkur lífið leitt við matborðið.
Heil höfuð þurfa að sjóða í um
15—20 mín., en blómkál skorið í
vendi þarf aðeins um 5 mín.
suðu. En styðjizt ekki við klukk-
una í blindni, heldur fylgizt með
kálinu í pottinum.
Hér á eftir fylgja svo blóm-
kálsréttir.
Góða skemmtun!
Soöið blómkál meö
möndlusmjöri og
eggjabátum
Þessi réttur er hugsaður sem
forréttur, en er einnig ljómandi
sem léttur málsverður. Blóm-
kálshöfuð er soðið heilt eða þá
skorið niður í vendi og borið
fram með möndlusmjöri og
harðsoðnum eggjum, skornum í
fyrir með blómkálinu, þegar það
er borið fram.
Snöggsteikt blómkál
meÖ sesamfræjum og
sojasósu
(Handa fjórum)
Kínverjar kunna einkar vel að
fara með grænmeti, eru t.d. ekk-
ert að ofsteikja það. Hér er
stungið upp á að snöggsteikja
blómkál svona í kínverskum
anda. Þessi réttur sómir sér vel
sem forréttur eða léttur aðal-
réttur, líkt og rétturinn hér að
ofan, en hann er einnig góður
sem meðiæti með kjöti, eða þá
með pasta og þar hafið þið þá
nokkuð matarmikinn og seðj-
andi rétt. Það má sums staðar fá
Blómkál
báta. Þið verðið að þreifa ykkur
áfram með skammtana, þeir
fara eftir því hvernig rétturinn
er borinn fram, þ.e. hvort eitt-
hvað fer á eftir. Heimabakað
brauð á einkar vel við þennan
rétt. Uppskriftin að smjörinu er
miðuð við fjóra.
100 gr smjör,
2 msk ólífuolía,
50 gr möndluflögur, eða
gróft saxaðar möndlur,
1 hvítlauksrif, fínsaxað,
nýmalaður pipar
(1—2 msk fínsaxað kapers)
1 Bræðið smjörið ásamt olífuolí-
unni. Látið möndluflögurnar
taka lit þar í. Bætið hvítlaukn-
um í og látið hann mýkjast í
smjörinu, en ekki brúnast, því
þá verður bragðið að honum
leiðinlega biturt. Piprið smjörið,
bætið kapers í, ef þið notið það,
og berið það fram með sjóðandi
1 heitu kálinu.
Þetta smjör getið þið reyndar
einnig notað sem ídýfu fyrir
hráa blómkálsvendi.
Ef þið viljið hafa mikið við,
getið þið borið fram fyllt egg í
stað eggjabátanna. Þá skerið þið
harðsoðin egg í tvennt að endi-
löngu, takið rauðuna úr og
hrærið hana með smjöri eða
rjóma, og kryddið hana ögn með
jurtum og frönsku, ósætu sinn-
epi og svo pipar og gjarnan með
múskati. Úr þessari blöndu getið
þið svo búið til kúlur, sem eru
settar þar sem rauðan var, eða
sett blönduna í með skeiðum.
Eggjabátunum er svo komið
kínverskar núðlur, og það fer vel
á að nota þær hér. Þær eru soðn-
ar rétt eins og aðrar núðlur, þ.e.
stutt og alls ekki of lengi í nægu
vatni.
Sesamfræ eru notuð hér. Þau
fást sums staðar í litlum glösum
innan um krydd, en það er mun
betra að kaupa þau í heilsuvöru-
búðum eða þar sem heilsuvörur
fást, því þar er þau oft að fá í
vænum pokum fyrir skikkanlegt
verð. Kaupið endilega þau
dökku, með hýðinu á, en ekki
hvít og fægð fræ. í hýðinu eru
dýrmætar trefjar og bætiefni, og
eins þrána þau hvítu mun fyrr.
um 700 gr blómkál, skorið í
litla vendi,
2 msk matarolía, gjarnan
maísolía,
2 tsk engiferduft, gjarnan
nýrifið,
2 msk ekta sojasósa, ekki
sósulitur
(1 msk þurrt sérrí, ef vill)
2 msk ristuð sesamfræ
1 Byrjið á því að risa seamfræ á
þurri pönnu, þar til þau fara að
hoppa á pönnunni. Hristið pönn-
una, svo þau ristist jafnt. Hellið
fræjunum af pönnunni.
2 Hitið olíuna á pönnunni þar til
hún er orðin vel heit. Blóm-
kálsvendirnir eru nú snögg-
steiktir ásamt engiferduftinu í
rjúkandi heitri olíunni og hrært
í pönnunni um leið. Gætið þess
að blómkálið sé þurrt, annars
soðnar það en stiknar ekki. Ef
pannan er lítil, steikið þá kálið í
fleiri en einni umferð. Galdur-
inn við þessa kínversku steik-
ingaraðferð er að steikja við há-
an hita og hræra stanslaust í um
leið. Og það á aðeins að steikja
kálið stutta stund, um 2 mín. eða
svo, þar til það er mjúkt í gegn,
en veitir tönnunum þó enn mót-
stöðu.
3 Blandið saman sojasósu og
sérríi, ef þið notið það, dreypið
því yfir kálið, látið það hitna
augnablik, stráið fræjunum yfir
og berið síðan fram. Látið rétt-
inn ekki bíða, þá missir kálið
þann stinnleika sem það á að
hafa eftir steikinguna.
Ef ykkur sýnist svo, getið þið
borið sojasósu fram með kálinu,
e.t.v. bætta með ögn af þurru
sérríi.
Blómkál með kart-
öflum og osti
(Handa fjórum)
Ef þið eigið afganga af soðn-
um kartöflum, þá er hér tilval-
inn réttur til að nota þær. Ella
getið þið soðið kartöflur til að
nota í þennan rétt. Þetta er
ljómandi réttur einn sér, sem
léttur málsverður, en einnig sem
meðlæti með kjöti eða fiski.
um 6 soðnar kartöflur, skorn-
ar í sneiðar,
um 500 gr blómkál, skorið í
vendi og soðið í um 3 mín.
1 dl kaffirjómi eða rjómi
200 gr rifinn ostur, t.d. jarlinn
eða óðalsostur,
nýmalaður pipar og nýrifið
múskat.
1 Setjið ofninn á 200°, eða annan
hita, ef það hentar ykkur betur.
2 Smyrjið eldfast form og raðið
kartöflusneiðum og blómkáli til
skiptis í fatið, hafið kartöflu-
sneiðar neðst og blómkál efst.
Notið svolítið af ostinum milli
laga og kryddið. Hellið rjóman-
um yfir, kryddið og setjið af-
ganginn af rifna ostinum efst.
Bakið nú réttinn í um 15—20
mín., þar til allt er vel heitt í
gegn og osturinn bráðinn og
gylltur.
Þetta er bæði vermandi og
mettandi réttur. 1 staðinn fyrir
kartöflur er hægt að nota pasta,
sem er þá soðið hæfilega, bland-
að blómkáli, osti, rjóma og e.t.v.
smjörklípu og kryddað, en að-
eins bakað í um 10 mín. við 200°
Handa fjórum er hæfilegt að
nota um 500 gr af pasta, ef þetta
er aðalréttur, en sá skammtur
dugir handa um 6, ef pastað er
meðlæti með t.d. kjöti.
JÖFUR HF
Nýbýlavegi 2 - Kópavogi - Simi 42600
Amerískur
og um það þarf ekki fleiri orö.
6 manna lúxus bíll
Litir: silfurgrár - dökkgrænn sanseraður
Framdrif - Vél 2200cc - Sjálfskipting - Aflstýri - Aflhemlar - Hituð afturrúða - Electronisk kveikja
Deluxe innrétting - Digital klukka -Fjarstýrður hliðarspegill - Litað gler
ib