Morgunblaðið - 14.08.1983, Blaðsíða 34
82
MORGUNBLAÐIÐ, SUNNUDAGUR 14. ÁGÚST 1983
ÁSTA HRÖNN OG FINNBOGI
Það tekur á að vera
trommari
Lítið eitt um
góða hljómsveit
Betra er seint en aldrei, segir
máltækið. Upphaflega áttu þessi
skrif að birtast fyrir nokkru síðan,
en á því varð töf og þar sem mál-
tækið útskýrir málið þá látum við
hana koma núna.
Hljómleikaskrif verða vonandi
að föstum lið hér í Blöndungnum
og eftir því sem hermt er þá virð-
ast þau vera vel þegin. Að minnsta
kosti er alltof lítið gert af því að
gefa þessum hlutum gaum. Safarí
hefur verið sá staður sem fremst-
ur hefur farið í þessum efnum og
eftir bestu heimildum þá virðist
einhver gróska vera á unglinga-
staðnum D-14, en frá honum og
starfseminni þar verður sagt síð-
ar.
Nokkuð hefur verið um að nýjar
hljómsveitir hafi spreytt sig í Saf-
arí og er ein þeirra hljómsveit
Einars Jónssonar, Tíví. Ekki varð
betur heyrt á leik þeirra en að hér
fari afbragðsgott band, þrátt fyrir
að ýmsir smáhlutir megi betur
fara. Það sem gerir Tíví að frekar
óvenjulegri hljómsveit er að í
henni eru tveir kvenmenn. Önnur
sér um söng á móti Einari og hin
styður fingrum á hljómborð af
mikilli leikni. Aðrir félagar eru
Bjarni bassi og óviðjafnanlegur
Siggi Reynis á trommur.
Lögin sem bandið spilaði eru
flest á upptökum sem hún hefur
nú gert. Þessar upptökur hefur
Blöndungur fengið að heyra og
satt best að segja fer þar ansi gott
efni.
Ekki er nein ástæða til annars
en að óska Einari til hamingju og
vonandi gefur hann fleirum tæki-
færi til að heyra á hljómsveitina.
FM/AM
Svarar þú heidarlega þegar vinkona spyr þig
hvernig þér lítist á nýja kærastann?
JA
Það gleður mig þegar einhver
treystir mér og tekur mark á því
sem ég er að segja. Það er nú bara
einu sinni svo að maður gerir sér
ekki eins vel grein fyrir hlutunum
þegar maður er ástfanginn. Fjög-
ur augu sjá líka betur en tvö. Eg
myndi segja mína meiningu á nýja
félaganum en varlega. Ef ég kynni
vel við hann (hana) væri þetta
ekkert vandamál, ef ég kynni ekki
við hann (hana) myndi ég skýra
það út hvað færi í taugarnar á
mér. Þannig gæti ég líka kannski
hjálpað. Ég hef það á tilfinning-
unni að ef ég væri spurð þá væri
sem vinkona mín gæti ekki alveg
gert sér sjálf grein fyrir því
hvernig strákurinn væri, vegna
rósrauðra skýja. Ég myndi líka
ætlast til þess að vinkona mín
svaraði mér af heilum hug, ef ég
spyrði hana hvernig henni litist á
nýja félagann minn.
Anna Sigga.
NEI
Mér finnst tilgangslaust að æt'a
að svara þessari spurningu heið-
arlega. Annað hvort er vinkona
mín að leita eftir hrósi eða þá að
hún er ekki viss í sinni sök. Ég vil
heldur ekki hafa nein áhrif á hana
með því að segja af eða á. Seinna,
þegar sambandið hefur farið á
annan veg en hún ætlaði, segir
hún kannski ásakandi: „Og þér
sem leist svo vel á hann.“ Hvað
svo ef mér líkar ekki við manninn,
til hvers myndi það þá leiða að ég
færi að ota að minni skoðun. Vin-
konan sem sér allt í gegnum rós-
rauð gleraugu finnst ég smásálar-
leg, jafnvel afbrýðisöm, það gæti
skaða vináttuna illa og það vildi
ég ekki. Fyrir utan þetta allt sam-
an þá er tæknilega ekki hægt að
gefa skýrslu um einhvern sem
maður varla þekkir.
Jóhanna G.
Nýtt og tímabært blað
Blöð og tímarit hafa alla tíð ver-
ið (að minnsta kosti síðan dag-
blöðin fóru af stað hér áður fyrr)
stór hluti af flest öllum? Flest
þessara blaða flytja efni almenns
eðlis til lesandans, en einnig eru
til, og það engin smá fjöldi þegar
að er gáð, sérrit sem fjalla einung-
is um eitt einskorðað efni eða
eitthvað örlítið meira. Á erlendum
tungumálum eru til þvílík ósköp
af þessum blöðum að erfitt er
fyrir ókunnugan að átta sig á
þeim. En maðurinn er misjafn og
það vita ritstjórar blaðanna. Þrátt
fyrir að öll þessi sérrit gangi vel
hér í sölu þá hefur ekki mikið bor-
ið á að framtaksamir íslendingar
kíli á útgáfu einhverra sérrita.
Samt, sem betur fer hefur örlítið
líf verið að færast í þetta og þá má
nefna sérrit íþróttamanna og
kvikmyndablaðið. Og fyrir stuttu
bættist í hópinn nýtt blað.
Það heitir Rafeindin og er sérrit
um allskyns rafeindaiðnað, og
hljómtæki, myndbönd, tölvur og
íslenskan rafeindaiðnað. Ekki
þarf að efa að þau mörgu áhuga-
sömu ungmenni sem unna hljóm-
tækjum og góðri tónlist fagna
þessu nýja blaði. Að minnsta kosti
er timi til kominn að allur sá
fjöldi ungmenna sem áhuga hefur
á ofangreindu fá lærdóm sinn og
upplýsingar einhvers staðar ann-
ars staðar frá en sölumönnum og
vina tali.
í fyrsta tölublaði Rafeindarinn-
ar er að finna nokkrar góðar
greinar og þá meðal annars
hlutdræga grein um laser-spilar-
ann, grein um staðsetningu hátal-
aranna, hljómplötugagnrýni og
grein um ritvinnslu með tölvu.
Frá sjónarhóli Blöndunga ættu
allir að finna eitthvert efni í blað-
inu við sitt hæfi, svo lengi sem
þeir láta umhverfið sig einhverju
varða.