Morgunblaðið - 07.12.1983, Blaðsíða 7

MORGUNBLAÐIÐ, MIÐVIKUDAGUR 7. DESEMBER 1983
39
Mývatnssveit:
Rætt um verndun
Mývatns- og
Laxársvæðisins
Mývatnssveit, 5. desember.
Náttúruverndarráð boðaði
til almenns fundar í Skjól-
brekku síðastliðið föstudags-
kvöld, klukkan 21. Umræðuefni
fundarins voru náttúruvernd-
armál í Mývatnssveit. Formað-
ur Náttúruverndarráðs, Eyþór
Einarsson, setti fundinn og
óskaði hann þess að Jónas
Jónsson búnaðarmálastjóri,
varaformaður ráðsins, stjórn-
aði fundi, og Bjarni Guðleifs-
son ritaði fundargerð. Var það
samþykkt einróma.
Framsöguerindi flutti Jón
Gauti Jónsson framkvæmda-
stjóri um verndun Mývatns- og
Laxársvæðis. Þóroddur Þór-
oddsson fulltrúi ræddi um um-
hverfisáhrif mannvirkjagerð-
ar. Hann sýndi ennfremur
myndir máli sínu til skýringar.
Síðan hófust almennar umræð-
ur, fjölmargar ræður voru
fluttar og töluðu sumir ræðu-
menn oftar en einu sinni. Það
kom fram hjá ræðumönnum,
að brýn nauðsyn væri að auka
rannsóknir á Laxár- og Mý-
vatnssvæðinu. í því sambandi
var sérstaklega rætt um lífríki
Mývatns. Til að svo megi verða
þarf að koma upp hér fullkom-
inni rannsóknastöð, og var
samþykkt tillaga á fundinum
þar sem farið er fram á að ár-
legt framlag komi til frá hinu
opinbera. Vonandi fær það
jákvæðar undirtektir.
Formaður Náttúruverndar-
ráðs sleit 3Íðan fundi nokkru
eftir miðnætti. Hér með er
komið á framfæri sérstökum
þökkum til Náttúruverndar-
ráðs fyrir fróðlegan fund.
Kristján
I þessari bók er fjallaö itarlega um öll
stjörnumerkin.
Þar eru skýröir kostir og gallar í fari karla
og kvenna i hinum einstöku merkjum.
Hvers vegna er maki þinn sífellt aö skipta
um áhugamál?
Er hann kannski „Tvíburi".
Er vinur þinn þrjóskur?
Þá er hann líklega í „Nautinu".
Finnst þér augun hennar lesa sálu þína?
Er hún kannski „Sporödreki?“
Þær eru margar kunnuglegar skýringarnar
í þessari bók af þeim sem þú þekkir og
umgengst.
Þú finnur fljótlega í hvaöa merki viðkom-
andi er án þess aö vita hvaöa mánaöardag
hann eöa hún eru fædd. Hegöan þeirra
skýrir þaö allt.
Verð kr. 697.80.-
Verð kr. 494.-
bók er skrifuö af kinversku skáldkon-
unni Han Suyin, en hún er löngu oröinn
heimsfrægur rithöfundur. Hún hefur skrifaö
margar metsölubækur en Doktor Han er
þeirra þekktust og hefur veriö kvikmynduö.
Sagan segir frá ástarsambandi kínversks
kvenlæknis og Englendings sem kynnast í
Hong Kong. Hún menntuö Asíukona trú
þeim heföum er uppeldiö hefur kennt henni
og hann vesturlandamaöur meö gjörólíkan
bakgrunn. Þeirra ólíku uppeldisáhrif
spanna gegnum þessa margþrungnu ást-
arsögu og gefa henni stórkostlegan bak-
grunn.
Sagt hefur veriö aö Han Suyin segi sína
eigin sögu í þessari bók.
Verð kr. 494.00.-
Læknirinn í litla þorpinu er oröinn gamall og tregur til aö taka
upp nýja starfshætti. Hann bregst illa viö þegar ungur læknir,
Philip March, flyst í nágrennið og sjúklingarnir leita frekar til
hans. Dóttir gamla læknisins, Laura, stendur meö fööur sinum
og þolir illa vinsældir nýja læknisins, en ýmsir óviöráöanlegir
atburðir valda þvi aö leiðir hennar og Philips liggja hvaö eftir
annaö saman. Yngri systir hennar, Barbara, sér aftur á móti
ekki sólina fyrir hinum unga og glæsilega lækni og grípur til
heldur vafasamra ráöa til aö vekja athygli hans á sér.
Djúpbáturinn Fagranes 20 ára
Bæjum, 24. nóvember.
Djúpbáturinn Fagranes er í
mörgum skilningi meira en bara
venjulegur bátur með stefni, skut,
byrðing og brú, hann er í eðli sínu
hjarta þeirrar lifandi byggðar hér
í Djúpi, sem í samgöngulegu tilliti
að öll samskipti byggist á tilveru
hans hér um slóðir. Það er oft
þungur baggi sem þetta ágæta
skip flytur hér á 10 hafnir, sem
viðkoma þess beinist að í venju-
legum ferðum tvisvar í viku hér í
Djúpi, en um Strandir á sumrin
stóra ferðamannahópa, sem þar
um strendur vagga um blóm-
skrýddar breiður eyðibyggðanna í
hundraða tali, þar sem ein hin
stórbrotnasta paradis hrikalegra
landshátta brosir við hvers manns
huga.
Djúpbáturinn Fagranes kom
hér sína fyrstu ferð í Djúpið fyrir
20 árum, 17. nóvember, spánnýtt
skip og fagurt með forstjóra þess,
Matthías Bjarnason, alþingsmann
og nú ráðherra, í broddi fylkingar.
Sigldi þá í kynnisferð hér um
Djúpið og var af öllu íbúum þessa
héraðs vel fagnað og af heilum
huga góðar óskir forðar um heill
og farsæld því til handa, því svo
urðu straumhvörf hér um slóðir
einsýn að allri gerð, að sköpum
skipti, þar sem að þá að engin
önnur leið lá í kaupstað að komast
en saltan sæ. Fyrsti skipstjóri á
Fagranesinu hér var Ásberg
Kristjánsson, gamall og reyndur
skipstjórnarmaður, sem um
margra ára bil stóð þar við stýri
með farsæld og prýði. Nú er þar
skipstjóri Hjalti Hjaltason, ungur
maður og traustur stjórnari, sem
og í öllum samskiptum hér við
íbúa þessarar byggðar.
En þótt oft að hér sé um sléttan
sjó að sigla, þá sólblikið speglast
um sléttan pollinn, er því ekki að
leyna, að oft eru veður hér válynd
og vandratað í byljasorta og
myrkrum vetrar, þá engum kenni-
leitum að auga er á komið og
óbrotnir bárufaldarnir hellast yfir
fleyið af ógnarafli í ólgandi sterk-
viðra ofsa, sem þeir einir vita sem
reynt hafa hversu úrskeiðis gengið
getur og rata hér á hafnir í blind-
sortabyljum og víða sker og
grynningar á þröngum leiðum. En
ekki verður svo minnst á ferðir
þessa happaskips hér um Djúp, að
ekki komi þá í minningu hugans
ferðir þess hér síðasta vetrar, sem
svo langt um tekur öðrum fram i
erfiðu veðurfari, að ferð eftir ferð
máttu skipverjar taka að sér að
flytja varning að landi, og sækja
mjólk til bænda á lítilli plast-
bátskænu, oft holdvotir yfir höfuð
í frosti og fönn, þar sem ekki á
landi að nokkur væri þess umkom-
inn, fyrir snjóum og ófærð, að
komast á þær hafnir, sem bátur-
inn átti viðkomu á. Var sú við-
leitni öll skipshafnar svo einstæð
og samhuga að leysa úr þeim
vandræðum sem hvarvetna við
blöstu að til aðdáunar mátti telja,
og fyrir þá einstöku aðstoð alla
má ég fullyrða að fyrir hönd
Djúpmanna allra má ég færa
skipshöfninni allri miklar og ein-
lægar þakkir, og sú þjónusta sem
þá að þeir af mörkum lögðu hér
um slóðir í langan tíma í minnum
höfð. En síðasta vetur var á
Fagranesinu þá Halldór
Hermannsson, skipstjóri á ísa-
firði, með bátinn, þar sem fyrrver-
andi og núverandi skipstjóri,
Hjalti Hjaltason, tók sér frí frá
skipstjórn, en kom svo aftur i það
starf í vor.
Núverandi framkvæmdastjóri
Djúpbátsins er Kristján Jónasson,
öðlingsmaður og hjálpfús í allan
máta. Það er okkur Djúpmönnum
í allan máta mikils virði, hve ein-
staklega heppnir við verið höfum
með skipshöfn þessa skips frá
fyrstu tíð. Því svo mikil og náin
samskipti þarf hér oftast við að
hafa, að þar mæðir svo oft á fyrir-
greiðslu, þolgæði og umburðar-
lyndi, og það er óhætt að segja það
í fullri hreinskilni, um leið og við
óskum Djúpbátnum hamingju og
farsældar á þessum tímamótum
hans um alla hans framtíð og hon-
um megi vel farnast hér eftir sem
hingað til, að þá um leið þökkum
við skipshöfn Djúpbátsins alla
góða fyrirgreiðslu og margháttuð
samskipti og óskum þeim gæfu og
blessunar í öllum þeirra gerðum
um ókomin ár.
Jens í Kaldalóni