Morgunblaðið - 19.02.1984, Page 37
MORGUNBLAÐIÐ, SUNNUDAGUR 19. FEBRÚAR 1984
37
3ET1
A DROTTINSJ^GI
UMSJÓN:
Séra Auður Eir Vilhjálmsdóttir
Félag guðfræðinema
Starf hins Alþjóðlega bænadags kvenna nær til fjölda kvenna í fjölmörgum kirkjudeildum. Dorothy Wagner er
lengst til hægri á myndinni.
Alþjóðlegur bæna-
dagur kvenna 2. marz
Alþjóðlegar kristnar kvennahreyf-
ingar eru fjölmargar í heiminum.
Þær, sem við þekkjum bezt hér á
íslandi eru KFUK og Alþjóðlegur
bænadagur kvenna. Eins og þessar
tvær hreyfingar vinna saman og eru
tengdar hver annarri hér er sömu
sögu að segja um allar hinar kristnu
kvennahreyfingar í heiminum; þær
tengjast hver annarri í ýmsan máta
og starfa saman, t.d. með bænadög-
um og margvíslegri réttindabaráttu
og sálusorgun.
Alkirkjustarf kvenn-
anna á íslandi
Ég vona að þið skiljið ekki orð
mín hér að ofan svo að KFUK
standi öðrum fremur fyrir hinum
alþjóðlega bænadegi kvenna hér.
Dagurinn er nefnilega undirbúinn
af konum úr mörgum kirkjudeild-
um og trúfélögum hér og það sam-
starf er bæði gleðilegt og athygl-
isvert í alla staði. Og nú ætlum við
að telja upp hverjir standa að deg-
inum: Aðventkirkjan, Frikirkjan í
Reykjavík, Hvítasunnusöfnuður-
inn, Kaþólski söfnuðurinn, Þjóð-
kirkjan, Elímsöfnuðurinn, Hjálp-
ræðisherinn, KFUK, Kristniboðs-
félag kvenna.
Samkirkjustarf kvennanna
byrjaði árið 1964 en á sér reyndar
lengri sögu því sumir hópar voru
farnir að starfa saman að hinum
alþjóðlega bænadegi kvenna fyrr
en það. Nú viljum við hvetja ykk-
ur, konur og karla, sem hafið tæki-
færi til að sækja samkomur á
bænadeginum, sem verður föstu-
daginn 2. marz, til að veita ykkur
þá gleði. Samkomurnar eru sam-
kirkjulegar þar sem því verður við
komið, annars staðar eru þær
haldnar á vegum þjóðkirkjusafn-
aðanna eða kvennahópa, sem ekki
ná til annarra vegna fjarlægða.
HeimsstarfiÖ
Miðstöð hreyfingarinnar er í
New York. Þar starfar fram-
kvæmdastjórinn, Dorothy Wagn-
er, kona, sem nú er komin yfir sex-
tugt og á að baki langt starf að
kristnum baráttumálum. Með
henni starfar nefnd kvenna frá
ýmsum löndum, framkvæmda-
nefnd, sem hittist reglulega. For-
seti hennar er brezk kona, Marg-
aret Williams, og býr í Edinborg.
Það verður miklu persónulegra ef
ég segi ykkur að ég hef hitt þessar
konur og hrósa þeim mikið fyrir
persónulega hlýju samfara mikl-
um dugnaði þeirra. Hin persónu-
legu samskipti eru nefnilega hér
sem annars staðar svo ólýsanlega
þýðingarmikil.
Evrópuþing eru haldin annað
hvert ár. Hið næsta verður í maí-
lok i Svíþjóð. Og í bréfi sem barst
Á alþjóðlegum bænadegi kvenna
• játa konur um víða veröld trú sína á Jesúm Krist
• tala saman um von sína og ótta, gleði og sorg, leiðir og
þörf
Á alþjóðlegum bænadegi kvenna
• eru konur hvattar til að hugsa til heimsins alls en búa
ekki við einangrun
• að auðgast af trúarreynzlu kristins fólks í öðrufn lönd-
um og af annarri menningararfleifð
• að taka á sig byrðar annarra og biðja með þeim og fyrir
þeim
• að gera sér grein fyrir hæfileikum sínum og nota þá í
þjónustu í þjóðfélaginu
Á alþjóðlegum bænadegi kvenna
• árétta konur að bæn og starf er óaðskiljanlegt og hafa
hvort tveggja áhrif á heiminn langt umfram það, sem
nokkurn getur grunað.
í vikunni frá þeim Margaret og
Dorothy segir, að heimsþing sé í
vændum, verði haldið árið 1986 —
og það er alveg á næstunni eins og
við vitum.
Bænadagurinn sjálfur
Á hverjum bænadegi þykir mér
það undursamleg tilhugsun að eft-
ir því sem sólin vekur fleiri og
fleiri konur til starfa á ferð sinni
yfir himinhvelið stíga fleiri og
fleiri bænir upp til Drottins. Og
þegar þær, sem fyrst vöknuðu,
hafa lokið degi sínum og leggjast
til hvíldar, halda hópar systra
þeirra bæninni áfram unz þeirra
dagur endar.
Alþjóðlegur bænadagur kvenna
varð til af því að konur fundu
þörfina til að biðja, þörfina til að
starfa saman að málum Krists í
marglitri veröldinni. Hann spratt
upp úr bænastarfi landnáms-
kvenna í Norður-Ameríku á 18. og
19. öld. Þær bjuggu við hörð kjör,
gátu ekki skrifast á eða gripið í
símann til að uppörva hver aðra —
en þær gátu beðið hver fyrir ann-
arri. Um miðja 19. öld hafði
myndzt vísir að bænahring, árið
1920 höfðu konur í Kanada og
Bandaríkjunum sameinazt um
bænadaginn og nú er hann hald-
inn í yfir 70 löndum, meðal kvenna
og karla — í mörgum kristnum
kirkjudeildum.
Hvatningin
Það er rétt að við þýðum það,
sem forsvarskonurnar hafa sjálfar
sent frá sér eftir mikla umhugsun
og sameiginlegt starf, sent út um
heiminn til að útskýra og gera
grein fyrir hreyfingunni og til að
uppörva og verða til blessunar.
Takið nú þetta sem persónuleg
skilaboð frá þeim og þeim fjöl-
mörgu konum, sem þær starfa
fyrir.
Við Ijúkum okkar línum með að
skýra frá því að yfirskrift dagsins
í ár er tiltekin af sænskum konum
og dagskráin samin af þeim. Yfir-
skriftin er: Kristur — hið lifandi
vatn. Þær fjalla um hana í
dagskrá sinni á þann hátt að vitna
fyrst til þess, sem segir um lífs-
vatnið í GT, síðan í NT, þá í sam-
tíðinni og loks í framtíðinni. í
biblíulesskrá vikunnar tökum við
upp ritningarstaði úr dagskrá
bænadagsins.
Samtal við
Möggu og Guð
Heldur þótti mér Magga
vinkona mín segja mér frétt-
ir þegar ég heimsótti hana á
þriðjudaginn. Ég er farin að
vinna úti, sagði hún eins og
ekkert væri eðlilegra. Jæja,
sagði ég og vonaði að ég segði
það líka eins og ekkert væri
eðlilegra. Líklega tókst það
því Magga hélt áfram. Það
virðast allar konur geta unn-
ið úti þótt krakkarnir séu
enn í skóla, sagði hún. Og
hún talaði um vinnuna úti og
vinnuna heima og hvernig sér
tækist svo ljómandi vel að
láta þetta allt ganga svo
ágætlega, hvernig sér tækist
að laða hitt heimilisfólkið til
að gera ýmislegt, sem það
hefði aldrei gert fyrr og
hvernig hún léti það ekki
hvarfla að sér að vera með
hugann heima þegar hún
væri í vinnunni.
Ég minntist alls þess, sem
hún hafði sagt á umliðnum
árum um okkur hinar, sem
höfðum unnið úti þótt börnin
væru lítil. Það voru oft þung-
ir dómar, fannst mér, og
óréttlátir. Drottinn, hvíslaði
ég í hjarta mér, hjálpaðu mér
til að segja ekkert af því, sem
ég hugsa, það gæti kostað
okkur vináttuna. Og þegar ég
var aftur komin út á götu
þakkaði ég Guði fyrir hjálp-
ina. Aldrei, Guð, hef ég séð
nokkra manneskju skipta
svona um skoðun og fara að
gera það, sem hún fordæmdi
hjá öðrum og sagðist aldrei
myndi gera sjálf.
Þú veizt að mér er alltaf
gleði að hjálpa þér, sagði
Drottinn. En mér finnst ekki
að þú þurfir að verða svona
hissa þótt Magga skipti um
skoðun. Þú hefur nú sjálf
skipt rækilega um skoðun á
ýmsu á árinu sem leið. Og
Drottinn tók undir handlegg-
inn á mér og leiddi mig í
hálkunni meðan ég hugleiddi
undrandi þessa nýju stað-
hæfingu.
Bililíulustur vikuna 1H.—-25. felirúar:
Kristur - hið lifandi vatn
Sunnudagur 19. febrúar: Jóh. 4,5—30 — Samverska konan við brunninn.
Mánudagur 20. febrúar I. Mós. 24,10—14 — Vatn til daglegra nota og verk Guðs.
Þriðjudagur 21. febrúan Jes. 44,3—4 — Gras milli vatna.
Miðvikudagur 22. febrúar: Jóh. 7,37—38 - Lifandi vatn hjartans.
Fimmtudagur 23. febrúar: Daviðssálmur 23,1—3 — Leiðir mig að vötnum ...
Föstudagur 24. febrúar: Op. 7,14—17 — Eilíft líf.
Laugardagur 25. febrúar: Jes. 55,1—3 — Vatn án endurgjalds.
Far og sel
eignir þinar
1. sunnudagur í níuviknaföstu
Matt. 19,16—30
Starfsglaður, önnum kaf-
inn og vel launaður málara-
meistari hætti málarastörf-
um og fór að vinna fyrir
kristniboðsfélagið heima hjá
sér, ferðast um og prédika.
Vinir hans voru furðu lostnir
og spurðu hvort þetta borgaði
sig. Ég fæ miklu minni pen-
inga, sagði málarameistar-
inn, en ég fæ meiri gleði, svo
mikla að ég finn að á hverj-
um degi fæ ég dálítið af eilífu
lífi. Og svo eignast ég eilíft líf
um eilífð.
Við skiljum það líklega öll
að hann fann einlíft líf í
starfsgleðinni og hlýðninni
við Guð. En gat hann unnið
sér inn fyrir eilífu lífi á
himnum? Nei, hann var ekki
að gera það. Hið eilífa líf
hversdagsins og eilífðarinnar
fæst aðeins ókeypis, án verka
okkar, fyrir náð Guðs, fyrir
dauða og upprisu Jesú Krists.
En þau ein, sem taka á móti
því, eignast það.