Morgunblaðið - 18.04.1984, Blaðsíða 44

Morgunblaðið - 18.04.1984, Blaðsíða 44
44 MORGUNBLAÐIÐ, MIÐVIKUDAGUR 18. APRÍL 1984 e 1883 Unlv.rHl PnM ÍKHHmt. y? BorS fyrir þrjá." ást er ... ... að snyrta siy fyrir hann. TMftao.U-S.Pit an.-tM rtghti nmntt °19M Lo* AngHet Tirw Syndcale 11/ 11 j S. Ilann stökk ofan af brettinu, en síðan hef ég ekki séð hann! I>ú ættir að sjá hvað allt er orðið fínt úti í garði! „Einkaleyfi Ríkisútvarpsins var komið á að þjóðinni forspurðri. Nú er almenningur að vakna til skilnings á því, að einokun á þessum máttuga miðli er fullkomin óhæfa.“ líður baráttunni frjálsum fjölmiðlum Hvað fyrir Emil Als skrifar: „Hvað líður baráttunni fyrir frjálsum fjölmiðlum? Halda menn að einokunarvígin falli þó að blás- ið sé á þau? í orði kveðnu eru ís- lendingar andsnúnir einokun. Samt hafa þeir lengi umborið hverskonar hagsmuni sem dafna í skjóli sérleyfa og ákvæða, sem í raun veita einokunaraðstöðu. Einkaleyfi Ríkisútvarpsins var komið á að þjóðinni forspurðri. Nú er almenningur að vakna til skiln- ings á því, að einokun á þessum máttuga miðli er fullkomin óhæfa. í stjórnarskrá lýðveldsins er hvergi skjól að finna fyrir Ríkis- útvarp í einokunarklæðum. Þing- menn geta þar hvergi tyllt fæti til að sporna gegn frjálsum útvarps- rekstri. Prentfrelsisákvæðin í 72. grein stjórnarskrárinnar hljóta að taka til þeirra miðla sem eru í beinu framhaldi hins prentaða máls. í 73. grein stjórnarskrár er kveðið á um rétt manna til að stofna félög í sérhverjum lögleg- um tilgangi, án þess að sækja þurfi um leyfi til þess. Spurning er hvort Póst- og símamálastjórn er ekki skylt að sinna vafningalaust beiðnum um bylgjusvið fyrir hljóðavarps- og sjónvarpssendingar. Þeir sem efast um einokunareðli Ríkisútvarpsins ættu að gaum- gæfa mannaráðningar og starfs- háttu fréttastofunnar. Þeir ættu að hugleiða viðbrögð ráðamanna við stofnunina og stuðningsmanna þeirra á þingi, þegar upphefst í landinu umræða, sem ógnar ein- okuninni. Þeir ættu að skoða þá stefnu ríkisfjölmiðlanna að troða sem mestu af skandinavísku efni í neytendur, sem þeir þó síst vilja. Að lokum fyrirspurn: Hvað varð um félag áhugamanna um frjáls- an útvarpsrekstur? Var ekki kosin stjórn í því félagi til að tala máli neytanda sem vilja valfrelsi á þessu sviði sem öðrum?" Refsing versti glæpurinn? Árelíus Níelsson skrifar: „Kæri Velvakandi. Engin orð hversdagsins í fjöl- miðlum tslands hafa öllu meiri áhrif en þau sem þú vakir yfir. Þess vegna vil ég vekja þar at- hygli á góðri grein í Helgarpóstin- um helgina 7.-8. apríl sl. Hún er kynnt á forsíðu með yfirskrift á þessa leið: „Dómskerfið drepur von sakamanns um nýtt og betra líf“. Þarna er átt við þá fjarstæðu í framkvæmd dómsmála að taka menn til fangelsisvistar löngu — kannski nokkrum árum eftir dómsuppkvaðningu, og demba þeim í refsivist þegar þeir hafa sýnt og sannað sig sem hæfir og góðir þegnar samfélags síns. Þá höggur sér er hlífa skyldi. Þar er framkvæmd dómsvalds að rífa niður með annarri hönd það sem upp skyldi byggt með hinni. Það er bæði heimskulegt og er heiðar- legri þjóð til skammar. Þessháttar lögum eða fram- kvæmd þeirra verður að breyta. Tilgangur svonefndra refsidóma ætti þarna að hafa tekist þó að sjálf refsivistin hafi ekki farið fram. Enda bætir hún fáa eða eng- an í orðsins fornu merkingu. Við þurfum betrunarhæli og sérstaka geðveikradeild handa sí- brotafólki og eiturefnasjúklingum sem nú fylla raðir ógæfumanna og kvenna í okkar frjálsa friðarlandi. Um þetta hef ég oft skrifað sem fræðari, kennari og fangaprestur um áratuga skeið. Það er sjálfsagt að hefta frelsi slíks fólks eins og óþekkra krakka sem alls staðar og ávallt fara sér og öðrum að voða. En það tekst aðeins með streng- hlýrri handleiðslu hinna göfgustu fræðara og uppeldisleiðtoga, með- an þessu ógæfufólki er takmarkað frelsi, að sjálfsögðu. Hafi viðkomandi óþekktarorm- ur hins vegar náð þessu takmarki þroskans ætti auðvitað að gera allt til stuðnings en ekkert til niðurrifs. Það gladdi mig því mikið að heyra bergmálið við bænum mín- um frá þessu undarlega blaði sem ég taldi í þúsund mílna fjarlægð. Burt með bæði glæpi og refsingar. Oft er það sem nefnist refsing versti glæpurinn. „Miskunnsemi þrái ég, en ekki fórnir,", sagði mannvinurinn mesti. Lesið greinina undir yfirskrift- inni „Dómskerfið drepur von sakamanns um nýtt líf“. Semjið ný lög um þetta þar sem miskunn og vit ráða mestu." Gullkorn Þegar óhamingjan sækir þig heim, þá minnstu þess, að hún á ekki rætur að rekja til þess, sem þú hefur gert, heldur hins, sem þú hefur hugsað. Brahmafræði

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.