Morgunblaðið - 29.04.1984, Page 47

MORGUNBLAÐIÐ, SUNNUDAGUR 29. APRÍL 1984
47
„HUGSUNIN var að komast
sem lengst, helst á toppinn, og
ef veðrið hefði ekki breyst
skyndilega er við vorum við
jaðar Hvannadalshnjúks, þá
hefðum við komist þangað,“
sagði Freyr Bjartmarz, sem fór
sem leiðsögumaður með fimm
jeppabifreiðum á Vatnajökul
um páskahelgina. Þeir komust
upp á Snæbreið, í 2.047 metra
hæð samkvæmt korti, eða
hærra en nokkur bifreið hér á
landi áður.
Það var mikill hugur í
mönnum. Upphafsmenn ferð-
arinnar, þeir Bjarmi Sigur-
garðsson og Halldór Jóhann-
esson, söfnuðu um sig harð-
snúnum flokki 15 manna, sem
lögðu í ferðina, á fimm vel
búnum jeppum og tveimur
vélsleðum. Þeir óku upp á
sporð Breiðamerkurjökuls
klukkan níu á páskadags-
morguninn, upp á Snæbreið
staðnæmdust þeir klukkan 4
eftir hádegi. Þá fór að þykkna
Liðið: Aftari röð f.v., Hjálmar Bjartmarz, Bragi Bragason, Halldór Jóhannesson, Kári Gunnarsson og Tryggvi
Gunnarsson. Fremri röð f.v., Freyr Bjartmarz, Olafur Gröndal, Bjarmi Sigurgarðsson, Kristján Bragason, Olafur
Ingimarsson, Birgir Brynjólfsson, Gunnar Jónsson, Finnur Nikulásson og Björn Erlendsson. Fimmtándi leiðang-
ursmaðurinn var Ijósmyndari Mbl., Friðþjófur Helgason, sem tók myndina.
upp með logndrífu og snéru
þeir því til baka, en fram að
því hafði veðrið verið eins og
best varð á kosið, sólskin og
logn.
Jepparnir voru vel búnir,
allir með öflugum „átta gata“
vélum og á breiðari hjól-
börðum en gengur og gerist,
en myndirnar tala sínu máli
um það. Færðin var eins og
gengur, ýmist góð eða örðug.
Neðarlega óku jepparnir
greitt á rennisléttu harðfenn-
inu, á allt að 150 km hraða á
klukkustund. Er ofar dró, var
sums staðar æði djúp lausa-
mjöll og fór þá að ganga
brösulegar. En stórslysalaust
gekk ferðin þó fyrir sig.
„Þetta er óklárað verkefni,
ég á ekki von á öðru en að
notað verði fyrsta tækifæri til
þess að ljúka því með því að
komast á toppinn," sagði
Freyr Bjartmarz að lokum.
— gg-
Á Vatnajökli er rúm fyrir frjálsan anda.
Tekið í nefið; Halldór, Ólafur Ingimundarson, Ólafur Gröndal, Tryggvi og
Kristján.
Stund milli stríða við jaðar Breiðamerkurjökuls. Fremst á myndinni liggur
Bragi í dvala, aðrir eru frá vinstri, Björn, Halldór, Birgir, Kristján og Freyr.
Halldór kominn á leiðarenda að sinni, en ekki alveg „á toppinn", Hvanna-
dalshnjúkur blasir við.