Morgunblaðið - 12.05.1984, Side 21

MÖKGW>ÍBLÍA!ÐIÐ) LAmOARDML»R!t2MAl J9B4Y
2(1£
Skagafjörður:
Uggur í
skagfirskum
bændum vegna
beitarmála
Varmahlíð, 7. maí.
ANNAN maí síðastliðinn var hald-
inn fundur í Árgarði í Lýtingsstaða-
hreppi. Fundarboðendur voru Land-
græðsla ríkisins, llngmennafélag ís-
lands og Gróðurverndarnefnd
Skagafjarðarsýslu. Var tilgangur
fundarins að ræða um bcitarmál á
Eyvindarstaðaheiði, svo sem sagði í
fundarboði. Fjölmenntu bændur
sem hagsmuna eiga að gæta á fund-
inn, enda ekki furða þar sem fund-
arefnið var um lífshagsmunamál
þeirra. Fundarstjóri var tilnefndur
Helgi Bjarnason, starfsmaður
Landsvirkjunar.
I upphafi skýrðu sérfræðingar
rannsóknarstofnunar landbúnað-
arins skýrslu frá 1983 um ástand
gróðurs á Auðkúlu- og Eyvind-
arstaðaheiðum. Kom meðal ann-
ars fram í máli þeirra, að rann-
sóknir sýndu ótvírætt minnkandi
beitarþol og væri nú svo komið, að
það væri aðeins orðið um 56% af
útreiknuðu meðalgildi beitarþols á
þessu umrædda svæði. Töldu sér-
fræðingar að þetta ástand væri
tilkomið einkum af köldu veður-
fari undanfarin ár og miklu beit-
arálagi, sérstaklega þessi köldu ár
þegar gróður væri viðkvæmur.
Það kom ótvírætt fram í máli
sérfræðinganna að þeir legðu til
að bannaður yrði upprekstur
hrossa á heiðarnar. Landgræðslu-
stjóri var einn frummælenda og
lagði hann áherzlu á, að heima-
menn létu álit sitt í ljós varðandi
þetta mál, því ekki yrði undan því
ekist að taka á því. í almennum
umræðum sem á eftir fylgdu kom
fram hjá flestum þeim heima-
mönnum, sem til máls tóku, að
ekki kæmi til greina að útiloka
hrossin alveg. Hér þyrfti að finna
einhvern milliveg, sem allir gætu
sætt sig við. Formaður Skaga-
fjarðardeildar hagsmunasamtaka
hrossabænda gaf greinargott yfir-
lit yfir arðsemi hrossabúskapar og
þýðingu þessarar búgreinar fyrir
fjölda bænda í Skagafirði. Er líða
tók á fundinn kom fram tillaga,
sem fól það í sér að leyfa skuli
upprekstur hrossa á komandi
sumri, svo sem beitarþol gæfi til-
efni til. Fundarstjóri leyfði ekki
að tillagan yrði rædd og sleit
fundi án þess að hún yrði borin
upp. Undrast margir þessa máls-
meðferð fundarstjóra og spyrja
sem svo: Til hvers hafi verið til
fundarins boðað, ef álit heima-
manna mætti ekki koma fram svo
sem landgræðslustjóri hefði bein-
línis óskað eftir. Eru margir
heimamanna óhressir með um-
ræddan fund og finnst sem enn á
ný sé skorin upp herör gegn
hrossabúskap á íslandi sem þó
ómótmælanlega gefur fjölda
bænda arð svo sem mjólkurfram-
leiðsla og sauðfjárafurðir.
Af þeim upplýsingum sem að
framan greinir vaknar spurning-
in, hvort virkilega sé almennt litið
á hrossabúskap á íslandi sem
tómstundagaman, þrákelkni eða
bara mont. Finnst þá mörgum
skagfirskum bóndanum sem held-
ur en ekki sé að sér sorfið. Að
lokum má geta þess, að síðustu sex
ár — eða allt frá 1978 hefur stjórn
upprekstrarfélags Eyvindarstaða-
heiðar takmarkað upprekstur á
heiðina með hliðsjón af ráðlegg-
ingum Landgræðslu ríkisins og í
fullu samráði við gróðurverndar-
nefnd Skagafjarðar. — Páll
spansvo
Berðu saman mismunandi spamaðarleiðir sem bankarnir eru að bjóða þessa dagana.
Athugaöu aö við bjóðum aðra leið:
6 mánaða BANKAREIKNING MEÐ BÓNUS.
Öryggi:
Pú mátt færa á milli verðtryggðra
sem óverðtryggðra reikninga. Slíkt
er nú aldeilis öryggisatriði ef verð-
bólgan vex.
Þægindi:
Bankareikningurinn þarfnast ekki
endurnýjunar. Engarferðir í bank-
anná6mánaða fresti.
Iðnaðarbankinn
Fer eigin leiðir - fyrir sparendur.

Vörumarkaöurinnhf.
Ármúla 1A Eiðistorc