Morgunblaðið - 12.05.1984, Blaðsíða 3

Morgunblaðið - 12.05.1984, Blaðsíða 3
MORGUNBLAÐIÐ, LAUGARDAGUR 12. MAÍ 1984 „Ég rétt náði taki á honum" — sagði Páll Ragnarsson, sem bjarg- aði frænda sínum frá drukknun „Ég var að sækja strákana á rólu- Töllinn og í bakaleiðinni kom ég við hji systur minni sem býr við læk- inn," sagði Matthildur Pálsdóttir, móðir piltsins sem bjargaði frænda sínum frá drukknun. „Þeir voru úti að leika sér í garðinum en hann liggur að lækn- um og er girtur af. Við systurnar vorum að spjalla saman og vissum við þá ekki fyrr til en litli strákur- inn minn kom hlaupandi inn og sótti hjálp." „Þeir eru ekki vanir því að fá að leika sér við lækinn heldur eru þeir á dagheimili eða þá að þeir leika sér þar sem þeir mega," bætti Matthildur við. „Ég vissi ekki af því að Svanur hefði dottið í lækinn því ég þurfti aðeins að fara frá og svo þegar ég kom til baka var hann í læknum," sagði Páll Ragnarsson, er bjargaði frænda sínum. „Ég rétt gat náð taki á höndunum á honum og haldið i hann á meðan Róbert hljóp inn að sækja mömmu," sagði Páll. Matthildur sagði að þegar hún hefði komið að þeim hefði Páll kropið við lækinn og haldið í Svan, og voru einungis hendur og höfuð hans upp úr vatninu. „Ég var fljót að koma mér til þeirra og kippa Svan upp úr læknum og var hann þá alveg stjarfur af hræðslu," sagði Matthildur að lokum. Atvinnuleysið fer minnkandi: 600 færri voru án at- vinnu í aprfl en marz í aprflmánuði síðastliðnum voru skráðir 25.000 atvinnuleysisdagar á landinu óllu, sem svarar til þess, að tæplega 1.200 manns hafi verið á atvinnuleysisskrá allan mánuð inn. Jafngildir það um einum hundraðasta af mannafla sam- kvæmt áætlun Þjóðhagsstofnunar. í marzmánuði síðastliðnum voru skráðir 38.500 atvinnuleysisdagar og hefur þeim því fækkað um 13.500 frá fyrra mánuði og at- vinnulausum á skrá fækkað um 600 manns á landinu. Þegar á heildina er litið var atvinnuástandið í apríl mjög svipað og í sama mánuði í fyrra, en þá voru skráðir 21.500 at- vinnuleysisdagar, setn svarar til 0,9% af mannafla. Af einstökum stöðum er atvinnuástandið lak- ast á Akureyri, en þar voru í mánuðinum skráðir 4.500 at- vinnuleysisdagar eða sem næst jafnmargir og í marz. t Reykja- vík fækkaði hins vegar skráðum atvinnuleysisdögum um tæpa 4.000 daga frá fyrra mánuði, en voru þó um 2.000 fleiri en í sama mánuði í fyrra. Á höfuðborgarsvæðinu voru atvinnulausir í mánuðinum 461 (724), þar af konur 205. Á Vest- urlandi voru 72 (116) atvinnu- lausir, þar af 39 konur. Á Vest- fjörðum voru 8 (18) atvinnulaus- ir, engin kona. Á Norðurlandi vestra voru 121 (170) atvinnu- lausir, þar af 57 konur. Á Norð- urlandi eystra voru 282 (435) at- vinnulausir, þar af konur 127. Á Austurlandi voru 87 (124) at- vinnulausir, engin kona. Á Suð- urlandi voru 97 (111) atvinnu- lausir, þar af konur 53. í Vest- mannaeyjum var enginn at- vinnulaus en á Reykjanesi 48 (77), þar af 35 konur. Svigatölur eru frá marz 1984. Flugleiðir: Fyrsta Detroit- f lugið í gær FLUGLEIÐIR flugu í fyrsta sinn áætlunarflug til Detroit í Bandaríkj- unum í gær, en flug þangað er liður í sumaráætlun félagsins. Flugstjóri f þessari fyrstu ferð var Jóhannes Markússon og farþegar voru bókað- ir 209 með boðsgestum. Farið var frá Keflavíkurflug- velli klukkan 17.00 í gær og áætlað að vera í Detroit klukkan 23.15 að íslenzkum tíma eða 18,15 að stað- artíma. Eins og áður sagði er Detroit-flugið liður í sumaráætlun Flugleiða og verður flogið þangað einu sinni í viku, á föstudögum. Fer vélin beint þaðan til Luxem- borgar og kemur síðan við í Kefla- vík á leið sinni vestur um haf að nýju. Humarverð hækk- ar um 23,5 % YFIRNEFND Verðlagsráðs sjávar- útvegsins hefur ákveðið lágmarks- verð á ferskum og slitnum humri á komandi humarvertíð. Nemur hækkunin 23,5% að meðaltali og er byggð á hækkun dollars og endurmati launakostnaðar frá síð- ustu vertíð. Samkvæmt ákvörðun yfir- nefndar verður verð á fyrsta flokks humarhölum, óbrotnum og 25 grömm að þyngd eða meira, 215 krónur fyrir hvert kíló, annars flokks humarhölum, óbrotnum og 10 til 25 grömm að þyngd, 105 krónur hvert kíló og þriðja flokks humarhölum, 6 til 10 grömm að þyngd, 45 krónur hvert kíló. Verðflokkun byggist á gæða- flokkun Framleiðslueftirlits sjávarafurða og miðast verðið við, að seljandi áfhendi humar- inn á flutningstæki við hlið veiðiskips. Verðið var ákveðið af oddamanni yfirnefndarinnar, Bolla Þór Bollasyni, og full- trúum seljenda, Agúst Einars- syni og Ingólfi Stefánssyni, gegn atkvæðum fulltrúa kaupenda, Árna Benediktssonar og Eyjólfs Isfeld Eyjólfssonar. Á myndinni eru dreng- irnir ásamt móður sinni og frænku, Matthildi Pálsdóttur en hún kippti drengn- um upp úr læknum. Talið frá vinstri: Rób- ert sem hljóp inn í hús- ið og sótti hjálp, Matthildur sem heldur á Svani og I'áll sem hélt honum uppi. ERTUB0INN SK0ÐA FIATREGAIA? AUÐV/TAÐ, HEFUR Þ0 KEYRT} HANN? frcnrihjólaciriíiiin FTAT gœöingur FI A T REG ATfiER ** VAUD hann er — aíburöa spameytinn — rúmgóöur með „risaskott" — írábœr í akstri — á mjög góðu verði Sex ára ryðvamarábyrgð KYNNINGARVERD - OG KJÖR Á þessari íyrstu sendingu bjóðum við sérstakt kynningarverð og reynum að haía hátíðaryíirbragð á kjörunum. Útborun í REGATA getur verið allt oían í ÍOO.OOO,- krónur og verðið er hreint ótrúlegt íyrir rúmgóðan, íramhjóladriíinn glœsivagn. kr. 329.000.- (gengi 2/5 '84) EGILL L VILHJÁLMSSON HF.Í inaa Smiðjuvegi 4, Kópavogi. Símar 77200 - 77202.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.