Morgunblaðið - 20.05.1984, Blaðsíða 28

76
MORGUNBLAÐIÐ, SUNNUDAGUR 20. MAÍ 1984
Félag guðfræðinema
Drottinn, hvernig á ég
að ráða við streituna?
Þessi ráð, sem hér birtast, eru
tekin úr grein í blaði hinnar
alþjóðlegu hreyfingar kristinna
heilbrigðisstétta. Blaðið heitir
A New Heart og greinin er eft-
ir Kim Allison í Kaliforníu.
Megi þér vel duga ef þú skyld-
ir þarfnast þeirra.
★ Eitt mikilvægasta skrefið til
að ráða við streituna er að
biðja Jesúm að hafa hemil á
henni. Við gerum það með því
að tala mikið við hann.
★ Við þurfum að tala við Jesúm
um allt, sem okkur finnst
valda okkur streitu. Ef það eru
t.d. fjárhagsáhyggjur þurfum
við að tala við hann um allt,
sem viðkemur fjármálum
okkar eða hinna, sem við erum
að biðja fyrir.
★ Við skulum samt ekki aðeins
tala við hann um það, sem
okkur finnst valda okkur
streitu, heldur um allt, sem við
erum, alla persónu okkar eða
þeirra, sem við erum að biðja
fyrir.
★ Við skulum ekki hika við að
vera aðgangshörð í bæninni.
★ Við skulum ekki aðeins biðja
um styrk til að ráða við
vandann heldur líka um frið í
hjarta okkar svo að við getum
gengið í gegnum þennan
vanda.
★ Við getum orðið svo aðfram-
komin af streitu að við ráðum
ekki við hana. Við verðum lík-
amlega þreytt, andlega upp-
gefin og svo veik í trú okkar að
við megum ekki reyna að láta
hana verða öðrum til hjálpar.
★ Við getum orðið alvarlega lík-
amlega veik af streitu. Þetta
gerðist í lífi mínu. Ég fékk
mjög erfiðan ofnæmissjúkdóm
af streitu. Ég ákallaði Drottin,
og hann sýndi mér að hann
vildi að ég horfðist í augu við
það, sem ég óttaðist. Ég gerði
það, tók á mig þá ábyrgð, sem
ég hafði reynt að komast und-
an. Smátt og smátt er ég að
læknast. Og nú þakka ég
Drottni fyrir að hafa gengið
með mér gegnum þessa erfið-
leika. Þeir hafa dregið mig
nær honum og gefið mér
sterkari trú.
Friðarumræður
hrekkjusvína
Börnin í skólanum voru að
vinna að friðardagskrá, teikna,
búa til ljóð úr blaðaúrklippum,
hringja til fram áfólks í friðar-
hreytingum til að fá viðtöl i
skólablaðið. Eftir löngu frímín-
úturnar safnaði skólastjórinn
þeim saman til umræðufundar.
Tvö barnanna voru sett í miðjan
hringinn til að tákna ókunn ríki
og hin börnin lögðu þeim orð í
munn í viðræðum um frið.
Eftir ofurlitla stund felldi
samkundan þann dóm að börnin
gætu í rauninni alveg eins verið
að leika sjálf sig, þau væru sjálf
haldin því sama og þau voru að
eigna einhverjum ríkjum úti í
heimi, sömu tortryggninni, sama
óttanum, sömu lönguninni til að
vera eitthvað mikið og merki-
legt.
Skólastjórinn væri sjálfsagt
búinn að gleyma þessum degi
eins og mörgum öðrum skóla-
dögum ef ekki væri fyrir síðustu
orð barnanna tveggja í miðjum
hringnum. Þau horfðu skelmis-
leg hvort á annað og glottu glað-
lega svo að skein í skörðin, þar
sem enn vantaði fullorðinstenn-
ur. — Hrekkið þið nokkurn
tíma? spurði skólastjórinn. —
Nei. Jú annars. En við pössum
okkur bara á því að hrekkja
aldrei nema þá, sem eru minni
en við. Og það var nú það!
Daglegt líf okkar er gjöf frá Guði. Við gætum nú áreiðanlega lært að
njóta þess betur. Þá komumst við betur af við 10. boðorðið og sjálf
okkur.
Ekki girnast
- 10. boðorðið
Þú skalt ekki girnast konu náunga þíns, ekki
þræl hans eða ambátt, ekki uxa hans eða asna, né
nokkuð það sem náungi þinn á. Þannig hljóðar 10.
boðorðið. Á okkar tímum myndi það líka fjalla um
eiginmann annarrar konu og mér finnst það
myndi tala um heimilisvélar, atvinnuvélar, bíla og
allt annað, sem við sjáum og heyrum um að aðrir
eigi. Við sjáum strax að boðorðið er meira en
bann, það er kærleiksboð, miskunnarbæn. Guð í
kærleika sínum biður okkur að vera miskunnsöm
við sjálf okkur. Við vitum að okkur líður svo illa
þegar okkur finnst aðrir eiga meira en við. Það er
svo óhollt að vera í eiginasamkeppni við aðra.
Ekki girnast, segir Guð í umhyggjusemi sinni
fyrir líðan okkar. Og líðan annarra auðvitað líka.
Það getur splundrað fjölskyldum og bakað mörg-
um mikla óhamingju ef við förum að girnast eig-
inmenn eða konur annarra. Og það getur orðið
öðrum til óþæginda ef við förum að öfunda þau af
eignum þeirra eða lífsstíl. Verum sátt við sjálf
okkur og okkar lífsstíl ef hann er heiðarlegur. Og
meira en það, njótum hans fram í fingurgóma.
Það er mikið mál til aðgæzlu. Bezt að ræða það
gaumgæfilega við Guð strax í dag.
Biblíulestur vikuna 20.—26. maí
Ekki girnast
Sunnudagur 20. maí: 2. Mós. 20.17 — Gkki girnast maka annarra
Mánudagur 21. maí: Matt. 5.27—31 — Varastu girndarhug
Þriðjudagur 22. maí: Orðskv. 31.10-31 - Met kosti konu þinnar
Miðvikudagur 23. maí: Ef. 5.33 — Met kosti manns þíns
Fimmtudagur 24. maí: Ef. 5.1—20 — Lifið í kærleika
Föstudagur 25. maí: Ef. 6.10—20 — Vopn Guðs gegn vélabrögðum
Laugardagur 26. maí: Sálm. 119.9—16 — Hald vegi þínum hreinum
tkf
•jnausi
Síðumúla 7-9, sími 82722.
Bllanaust h.f. hefur nú á boóstólum hljóðkúta,
púströr og festingar I flestar gerðir blla. Stuðla-
berg h.f., framleiða nlðsterk pústkerfi og hljóð-
kúta sem standast fyllilega samkeppni við sams
konar framleiðslu erlendra fyrirtækja. Þessa Isl-
ensku gæðaframleiðslu erum við stoltir af að
bjóða viöskiptavinum vorum jafnhliöa vörum frá
HUÖÐKÚTAR
PUSTKERFI

Félag austfirskra kvenna
fer í sumarferðalagið 6.—8. júlí, farið verður til Norð-
urlands. Konur mega taka meö sér gesti. Þátttaka
tilkynnist fyrir 15. júní til Laufeyjar í síma 37055,
Sonju 33225 sem gefa frekari uppl.
Sarasota, Florida, U.S.A.
Sarasota Surf og Racquet Club, 5900 Midnight
Pass Road, Sarasota, Fl. 33581.
Tökum á móti pöntunum fyrir sumarleyfiö 1984. Tvö
lúxusherbergi og tvö baðherbergi í íbúöablokk meö
sundlaug og fjórum tennisvöllum. Staðsett viö
Mexíkóflóa. Hvít sandströnd — ein af þeim fegurstu
í heiminum.
Skrifið og pantiö eða fáiö upplýsingabæklinga. Sími
1-813-349-2200.