Morgunblaðið - 24.06.1984, Blaðsíða 27

27
MORGUNBLAÐIÐ, SUNNUDAGUR 24. JÚNÍ1984

Sumarið var seint á ferð í Júg-
óslavíu að þessu sinni og það var
hálfgerður gjóstur þegar þeir voru
að splæsa saman júgóslavnesku
hjónaleysin undir bjálkahvelfing-
unni í skóginum; og þar við bætt-
ist að mönnum gekk misjafnlega
að troða skógarstigana sem brúð-
kaupsfylkingin þrammaði til
brúðkaupsveislunnar. En þau
Steinhildur og Leifur voru hvorki
köld né sárfætt. íslenska vaðmálið
og íslensku sauðskinnsskórnir
stóðu fyrir sínu.
Það er ódýrt að gista Júgóslav-
íu. Það er gamla sagan hjá okkur
íslendingum: kostnaðurinn við að
komast til fyrirheitna landsins
leggst þyngst á pyngjuna. Vistin
er hræbilleg jafnvel þótt menn
láti talsvert eftir sér. Þríréttuð
kvöldmáltíð fyrir tvo kostaði í
einu úrvalshótelinu suður í Dubro-
vnik sem svarar tvö hundruð og
fimmtíu krónum, en það er ef mér
skjátlast ekki prísinn á svosem
tveimur „bjórum" hér á þykjustu-
bjórstofunum i höfuðstaðnum.
Fyrsta flokks alvörubjór lagði sig
á sama stað á eitthvað í kringum
fjörutíu krónur og ef menn vildu
fá sér brjóstbirtu með kaffinu þá
var koníaksjússinn falur í þessu
fjögurra stjarna hóteli á nauman
þrjátíu kall. Ég er hræddur um að
mér hafi láðst að kanna mjólkur-
verðið.
Dubrovnik er við Adríahafið
einsog ég gat um áðan og er sögu-
frægur bær. Maður gengur inní
fortíðina þegar maður heldur inn-
um hliðið í múrnum sem umlykur
elsta kjarnann. Þeir fóru með
okkur uppí gamla bæinn þegar við
vorum i Zagreb og sýndu okkur
þar meðal annars apótek sem er
búið að vera til húsa í sömu bygg-
ingunni síðan á fjórtándu öld; og
voru að vonum hreyknir af. í
gamla bænum í Dubrovnik er
maður aftur á móti kominn í um-
hverfi þar sem nánast hver stein-
vala á sér aldagamla sögu. Og það
er ekki einsog þessi víggirti furðu-
bær sé kominn að falli. Allt er ið-
andi af lífi. Þeir messa í kirkjun-
um, höndla einsog forðum daga
við breiðgötuna og torgið, halda
heim til sín að loknu dagsverki
uppi snarbrött öngstræti sem eru
svo þröng að maður getur nánast
teygt sig á milli húsanna; og allt
er svo hreint og fágað að gestur-
inn gæti þessvegna sprangað um á
sokkaleistunum.
Fyrsti fslenski ferðamannahóp-
urinn kom þarna í maílok þar sem
María Perello, sem starfar fyrir
Samvinnuferðir-Landsýn, tók á
móti honum. Hún brá sér til ís-
lands í ævintýraleit um árið eins-
og hún orðar það, og svo reiprenn-
andi er íslenskan og svo mikil er
orðgnóttin að maður verður hálf
hvumsa þegar maður heyrir nafn-
ið og áttar sig á því að hún er
spænsk; en raunar virðist hún líka
vera orðin fljúgandi fær í króat-
isku.
María kynnti okkur fyrir Vlasto
Kovach, sem meðal annars hefur
ferðamálin á þessum slóðum á
sinni könnu og sem fannst það
auðheyrilega talsverður atburður
að íslendingar skyldu vera byrjað-
ir að leggja leið sína þarna suður-
eftir. Júgóslavar eru einsog fleiri
að keppast við að blása í túrista-
glæðurnar: tekjurnar eru kærk-
omnar á erfiðum tímum. Þjóðverj-
ar, Bretar, Bandaríkjamenn og
Frakkar eru tíðustu gestirnir, en
þeir eru að seilast sífellt lengra,
júgóslavnesku ferðamálastjórarn-
ir, og Kovach lítur björtum augum
til framtíðarinnar.
Og ekki að ósekju sýnist manni
með þetta umdæmi. Dubrovnik og
héraðið í kring verður manni
vissulega harla minnisstætt. Þeir
hafa allt þarna mennirnir þegar
allt kemur til alls: veðurdýrðina
og náttúrufegurðina og svo þetta
kraftaverk liðna tímans, bæinn
innan bleiku múranna sem var
byrjaður að hreiðra um sig þarna
á klöppunum um það leyti sem
Ingólfur okkar var að ráðgast um
það við Hallveigu sína hvar þau
ættu að byggja í henni Reykjavík.
— GJÁ
----------------------------------------------\
Nýtt — Nýtt
Vínarkjólarnir eru komnir. Stæröir 42—48.
Glugginn,
Laugavegi 40, sími 12854.
S ^
Leiguflug
Flugvélastæröir:
10 farþega Mitsubishi skrúfuþota.
7 farþega Piper Navajo, tveggja hreyfla.
5 farþega Piper Aztec, tveggja hreyfla.
3 farþega Piper Arrow, eins hreyfils.
Flugkennsla í fullum gangi símar: 10880 og 10858.
HELGI JÓNSSON AIR TAXI
REYKJAVÍK AIRPORT - ICELAND
TEL : (91 >10880-TELEX 3015
Fjölskylduhátíð
Afkomendur Þórunnar og Friöriks, Ystabæ, Látr-
um í Aðalvík. Munið Hátíðina 19. júlí.
Áríðandi er aö tilkynna þátttöku fyrir 1. júlí.
Þórunn sími 91-36330
Friðrik sími 92-7250
Sigrún sími 94-3598
Undirbúningsnefnd.
Málverka-
uppboð
veröur aö Hótel Sögu, mánudaginn 2. júlí nk. kl.
20.30. Myndirnar veröa til sýnis sunnudaginn 1. júlí í
Ðreiöfiröingabúö viö Skólavöröustíg 6 frá kl.
14—18 og á Hótel Sögu mánudaginn 2. júlí kl.
13—18.

VERKFÆRIN HENTA VIÐAST HVAR.
VIÐ SJÁVARSÍÐUNA, IÐNAÐINN,
LANDBÚNAÐINN OG HJÁ TÓMSTUNDA FÓLKI
*%• *
\
M

SKELJUNGUR H/F SÍÐUMÚLA 33 SKELJUNGS-
SMÁVÖRUDEILD S: 81722 - 38125 BÚÐIN