Morgunblaðið - 08.07.1984, Blaðsíða 2
2
MORGUNBLAÐIÐ, SUNNUDAGUR 8. JÚLl 1984
Borgarnes:
V erkalýðsfélagið
hafnar uppsögn
kjarasamninganna
Verkalýðsfclag Borgarnss hafnaði
tilmælum formannaráðstefnu Verka-
mannasambandsins um uppsögn
launaliða kjarasamninganna frá 1.
september. í allsherjaratkvæða-
greiðslu greiddu 67 atkvæði gegn
uppsögninni, 62 voru henni með-
mæltir.
Atkvæðagreiðslan stóð 5. og 6.
júlí. Hátt á sjötta hundrað menn
eru félagar í Verkalýðsfélagi
Borgarness. Af þeim tóku 140 þátt
í atkvæðagreiðslunni. Sem fyrr
segir voru 67 á móti 62 með og 11
atkvæðaseðlar voru auðir.
V iðskip taráðher ra
Portúgals kemur
á mánudaginn
Viðskiptaráðherra Portúgals, Al-
varo Barreto, er væntanlegur hingað
til lands á mánudaginn í opinbera
heimsókn í boði Vlatthísar A. Mat-
hiesen viskiptaráðherra.
í frétt frá viðskiptaráðuneytinu
segir, að á leið frá Keflavíkur-
flugvelli til Reykjavíkur síðdegis á
mánudag verði varmaorkuver
Hitaveitu Suðurnesja á Svartsengi
skoðað. Árdegis á þriðjudag verða
viðræður við Matthías Á. Mathie-
sen viðskiptaráðherra. Þá ræðir
ráðherrann við Steingrím Her-
mannsson forsætisráðherra síð-
degis og kl. 18.00 sama dag verður
gengið á fund Vigdísar Finnboga-
dóttur, forseta íslands, á Bessa-
stöðum.
Svavar Gestsson, form.
Alþýðubandalags:
Ýmislegt
sem kem-
ur manni
á óvart
„ÞAÐ er ýmislegt sem kemur
manni á óvart í þessari könnun út
af fyrir sig og vafalaust verður
hún bæði forustumönnum stjórn-
málaflokkanna og þjóðinni til
umhugsunar, meðal annars þetta
sem þú spyrð um. Ég er sann-
færður um að við í Alþýðubanda-
laginu munum skoða niðurstöður
þessarar könnunar mjög vand-
lega, en þetta eina atriði er ekki
hægt að taka út úr,“ sagði Svavar
Gestsson, formaður Alþýðu-
bandalagsins, er blaðamaður
Morgunblaðsins spurði hann um
hans álit á því að fjórðungur
Alþýðubandalagsins skuli sam-
kvæmt skoðanakönnun Ólafs
Harðarsonar, styðja veru íslands
í Atlantshafsbandalaginu.
„Mér finnst þetta fróðleg
niðurstaða, hins vegar verður
að líta á að menn styðja Al-
þýðubandalagið eins og aðra
stjórnmálaflokka á margvísleg-
um og mismunandi forsendum.
Miðað við það sem kemur út úr
þessari könnun að öðru leyti þá
er þetta eitt af fjölmörgu sem
hlýtur að vera rétt að íhuga. En
þetta tiltekna atriði er ekki
hægt að taka út úr. Og að
sjálfsögðu er okkar afstaða sú
að Island eigi ekki að vera í
hernaðarbandalagi. Við höld-
um fast við þá stefnu, sagði
Svavar Gestsson að lokum.
Á miðvikudag er ráðgerð ferð til
Vestmannaeyja en síðdegis heldur
ráðherrann síðan heim á leið. í för
með ráðherranum verða fimm
embættismenn.
99 hvalir
komnir á land
99 hvalir voru um hádegið í gær
komnir á land í hvalstöðinni í Hval-
fírði. Eftir jafnmarga veiðidaga í
fyrra voru 70 hvalir komnir á land.
Nú hafa veiðzt 93 langreyðar og
6 sandreyðar en í fyrra eftir jafn-
marga veiðidaga hafði ein sand-
reyður veiðzt og 69 langreyðar.
Veiðarnar hafa gengið það vel, að
varla hefur hafzt undan í vinnsl-
unni, en í síðustu viku hægði að-
eins á veiðunum vegna þoku.
Veiðisvæðið um þessar mundir er
beint út af Faxaflóa og út af
Snæfellsnesi.
Dómsmálaráðherra:
Bæta má sam-
vinnu lögregl-
unnar og dóm-
stólsins
„ÞAÐ eru búnar vera frá upphafi
skiptar skoðanir á því hvernig best er
að koma þessu fyrir," sagði Jón
Helgason dómsmálaráðherra þegar
blaðamaður Morgunblaðsins innti
hann álits á ummælum Rannsóknar-
lögreglustjóra ríkisins, Hallvarðs Ein-
arssonar, þess efnis að eðlilegra væri
að ávana- og fíkniefnabrot heyrðu
undir Rannsóknarlögreglu ríkisins
(RLR) en rannsóknardeild Fíkniefna-
dómstólsins. Hallvarður bendir á að
brot af þessu tagi tengist í æ ríkari
mæli ýmsum hegningarlagabrotum,
sem sæta rannsókn af hálfu RLR.
Aðspurður sagði dómsmálaráð-
herra að auðvitað skarist rannsókn
þessara mála alls staðar, en aðalat-
riðið væri að góð samvinna ríkti
milli allra aðila sem að löggæslu
standa.
— Ertu þá með þessu að segja að
samvinna Rannsóknarlögreglunnar
og fikniefndeildarinnar sé ekki eins
og best verður á kosið?
„Auðvitað er samband þarna á
milli, en það má alltaf bæta um bet-
ur og þá ekki síður milli lögsagnar-
umdæma — tengja þau saman, sem
nánast og að því er verið að vinna."
— Þú munt þá ekki beita þér
fyrir þvf að þessar tvær deildir
verði sameinaðar?
„Ég skal ekkert segja um það
hvað verður í framtíðinni. Það
verður að fara eftir því hvað
mönnum finnst hagkvæmast hverju
sinni og í heild,“ sagði dómsmála-
ráðherra að lokum.
Frá fundi Norrænu samstarfsnefndarinnar um trjáræktarrannsóknir sem haldinn var á fslandi og lauk í gær.
Fundur um trjárannsóknir
í GÆR lauk fundi Norrænu sam-
starfsnefndarinnar um trjárækt-
arrannsóknir, sem fram fór í
Reykjavík. Nefndina skipa þrír
fulltrúar frá öllum Norðurlöndun-
um, nema frá íslandi, er hefur
einn fulltrúa. Áður en fundurinn
hófst var farið í tveggja daga leið-
angur um ísland og m.a. farið í
Skorradal, um Skagafjörð, Eyja-
fjörð, í Vaglaskóg, um Mývatns-
sveit og í Hallormsstaðarskóg.
Norræna samstarfsnefndin
heldur fundi tvisvar á ári og er
þetta í annað sinn sem hún fund-
ar hér á landi, fyrst 1980. Eitt
megin hlutverk nefndarinnar er
að styrkja ýmsar rannsóknir á
Norðurlöndurfl á sviði trjárækt-
Bo Hetström:
Trjárækt besta
leiðin í baráttunni
við uppblásturinn
Bo Hetström, formaður Nor-
rænu samstarfsnefndarinnar um
trjáræktarrannsóknir, sagði í sam-
tali við Morgunblaðið í gær að
mikill áhugi væri á hinum Norður-
löndunum á því að hjálpa íslend-
ingum eins og kostur væri í skóg-
ræktarmálum. Hann benti hins
vegar á að víðs vegar um landið
væri jarðvegur ekki hentugur til
trjáræktar og einnig skipti loftslag
miklu máli. Bo Hetström var þó
bjartsýnn á það sem Skógrækt
ríkisins er að gera og sagði að ís-
lendingar ættu alla möguleika á
því að gera landið fallega skógi-
vaxið á næstu áratugum.
Að sögn Bo Hetström, sem jafn-
framt er forstjóri, hafa íslend-
ingar einir þurft að hafa verulegar
áhyggjur af uppblæstri, sam-
starfsnefndin hefur hug á því að
hjálpa skógræktarmönnum hér á
landi í baráttu þeirra við eyðingu
ar og að sögn Sigurðar Blöndal
skógræktarstjóra rikisins er
þátttaka íslands í störfum
nefndarinnar mikilvæg fyrir
skógrækt í landinu. Eitt megin
umræðuefni fundarins að þessu
sinni er hvernig hin Norðurlönd-
in geti liðsinnt íslendingum í
þessum efnum.
Bo Hetström
lands. Bestu leiðina til að hefta
landfok kvað Bo Hetström vera
trjárækt, það hlyti því að vera öll-
um íslendingum kappsmál að vel
verði að henni staðið.
Thoral Austin:
Skógræktin hefur
gert góða hluti
„ÉG KOM fyrst til íslands árið
1963 og þetta er fimmta heimsókn-
in mín hingað og í hvert skipti verð
ég bjartsýnni og bjartsýnni fyrir
hönd íslenskrar skógræktar. Sig-
urður Blöndal skógræktarstjóri og
forveri hans, Hákon Bjarnason,
hafa gert sérstaklega góða hluti og
eiga heiður skilið fyrir starf sitt,“
sagði Thoral Austin, forstjóri
Norsku skógrannsóknarstofnunar-
innar, þcgar blaðamaður Morgun-
blaðsins hitti hann að máli og innti
hann álits á íslenskri skógrækt.
Thoral Austin er einn þriggja full-
trúa Norðmanna í Norrænu sam-
starfsnefndinni um trjáræktar-
rannsóknir.
Að sögn Thoral Austin vaxa
tré hér á landi mun hraðar og
eru fallegri en hann hafði búist
við og benti sérstaklega á Hall-
ormsstaðarskóg.sem væri til
fyrirmyndar.
Thoral Austin
Francis Sikora og Michael Dukes:
„Kærar þakkir“ ekki nógu sterk orð
BRETARNIR, sem bjargað var af
Eiríksjökli, Francis Sikora og Mic-
hael Dukes, sendu frá sér eftirfar-
andi yfirlýsingu í gær, en síðdegis
áttu þeir að fá að fara af Borgarspít-
alanum og halda heim:
„í fyrsta lagi viljum við færa ís-
lensku og bandarísku björgunar-
sveitunum okkar bestu þakkir.
Þrátt fyrir þá staðreynd, að neyð-
arsendir okkar reyndist óvirkur og
full ástæða fyrir björgunarmenn
að álíta okkur látna eftir allan
þennan tfma, héldu þeir áfram
leitinni. „Kærar þakkir" eru ekki
nógu sterk orð.
Læknum, hjúkrunarkonum og
starfsfólki Borgarspítalans viljum
við einnig þakka fyrir að koma
okkur til heilsu á ný. Þið hafið öll
verið svo vingjarnleg og hjálpleg
og sönnun læknisfræðilegrar
hæfni ykkar sést best á þvi, hversu
snemma við fáum að fara heim. Að
auki má bæta því við, að þið talið
öll góða ensku, sem hjálpaði okkur
mjög til að ná heilsunni á ný.
Við viljum einnig þakka breska
sendiherranum og starfsliði hans
fyrir að líta eftir okkur og sérstak-
ar þakkir færum við Peter Fluck,
sem hefur heimsótt okkur daglega
á spítalann, færandi póstinn og
góða skapið til að hressa okkur við.
Að lokum viljum við þakka öll-
um vinum okkar, sem hafa sent
okkur óskir um skjótan bata. Við
vonumst til að hitta ykkur öll sem
fyrst.“