Morgunblaðið - 08.07.1984, Blaðsíða 27

MORGUNBLAÐIÐ, SUNNUDAGUR 8. JtJLÍ 1984
27
riði sem miklu máli skipta í þessu
sambandi og taka þarf ákvarðanir
um í þeim viðræðum sem fyrir
dyrum standa:
í fyrsta lagi þarf að taka
ákvörðun um áframhald þeirrar
gengisstefnu sem fylgt hefur verið
í rúmt ár. Stöðugt gengi verður
þannig áfram undirstaða og
kjarni efnahagsstefnunnar. Frá
þeirri stefnu verður ekki hvikað.
í öðru lagi þaf að hindra vél-
ræna og sjálfvirka verðþenslu.
Fyrir þá sök er óhjákvæmilegt að
framlengja bann við vísitöluteng-
ingu launa sem upphaflega var
ákveðið til tveggja ára. Jafnframt
er nauðsynlegt að taka ákvarðanir
um bann eða verulega takmörkun
á vísitölutengingu á öðrum sviðum
eins og til að mynda á lánum sem
ekki eru til því lengri tíma.
í þriðja lagi er brýnt að teknar
verði ákvarðanir sem leitt geti til
aukinnar framleiðni í hinum
hefðbundnu atvinnugreinum,
landbúnaði og sjávarútvegi. Verið
er að undirbúa tillögur að breyttu
verðmyndunarkerfi í landbúnaði
sem leiða eiga til þess að innan
ákveðins tíma verði ekki þörf fyrir
útflutningsuppbætur. Sjávarút-
vegurinn verður að laga sig að
breyttum rekstrarskilyrðum
vegna þeirrar stefnu sem fylgt
hefur verið og fylgt verður í geng-
ismálum. Ríkisvaldið og sjóða-
kerfið kann að þurfa að aðstoða
við að losa um eitthvað af þeirri
offjárfestingu sem átt hefur sér
stað í þessari atvinnugrein á und-
angengnum árum.
I fjórða lagi þarf að leggja
grundvöll að nýsköpun í islensku
atvinnulífi, það á fyrst og fremst
að gera með almennum aðgerðum
og kerfisbreytingum sem beina
fjármagni inn á nýjar brautir í
atvinnuuppbyggingu. Samhliða
þarf að leggja áherslu á nýja
samninga um orkufrekan iðnað og
virkjun fallvatna.
í fimmta lagi liggur fyrir að
gera þarf áætlun um núllvöxt
ríkisútgjalda á næstu árum i því
skyni að skapa svigrúm fyrir vöxt
í atvinnulífinu.
Til mikils aö vinna aö
halda áfram á sömu braut
Ég hef hér dregið upp einfalda
mynd af nokkrum mikilvægum at-
riðum sem þýðingu hafa þegar við
vörðum veginn fram á við, Ég
hygg að margir hafi efast um
árangur í fyrra þegar ríkisstjórn-
in tilkynnti um aðgerðir sínar og
það skorti ekkert á hrakspárnar
og þeir voru ófáir sem gerðu lítið
úr þeim ákvörðunum sem þá voru
teknar. En á akri reynslunnar höf-
um við uppskorið eins og til var
sáð. Nú í haust hefur fólkið í land-
inu það í hendi sér hvort arfinn og
illgresið fær að skjóta þar rótum á
nýjan leik og kæfa þann ávöxt sem
hann hefur borið. Sem fyrr hvílir
mikil ábyrgð á forustumönnum
hagsmunasamtaka á vinnumark-
aðnum.
Hagtölur sýna að kaupmáttur
rástöfunartekna mun ekki rýrna á
þessu ári. Það er því ekkert tilefni
til þess að rjúfa þá samstöðu og
það samkomulag sem náðist i
þeim efnum fyrr á þessu ári. For-
usta Alþýðubandalagsins reyndi
síðastliðinn vetur allt hvað hún
gat til þess að stuðla að upplausn
og sundrungu á vinnumarkaðnum.
Sú tilraun mistókst. Alþýðu-
bandalaginu hefur nú tekist að ná
hinum þremur smáflokkum
stjórnarandstöðunnar undir væng
sinn til þess að endurtaka þessa
tilraun. Þeirra eigin flokksmenn
höfnuðu þó þessum aðgerðum með
því að mæta ekki á útifund sem
flokksforustan boðaði til í byrjun
þessarar viku. Kostur stjórnar-
andstöðunnar er gamla farið. Við
verðum með samtakamætti okkar
að koma í veg fyrir að þeir nái
árangri.
Þeir sem hafa fengið umboð
kjósenda til þess að stjórna land-
inu verða að vinna til traustsins.
Við munum með málefnalegri
stefnumótun á næstu vikum sýna
fram á að það er til mikils að
vinna að halda áfram á sömu
braut. Átök á vinnumarkaði nú
geta aðeins fært okkur aftur á
bak.
Árvekni um stjórnar-
farslegt sjálfstæöi
Hið daglega brauðstrit tekur oft
hug okkar allan. Þau viðfangsefni
eru oftast nær brýnni og meira
aðkallandi en önnur. Þessi staður
minnir okkur hins vegar á að það
er að mörgu öðru að hyggja. Við
erum lítið eyland í samfélagi
þjóða. Þessi fornhelgi staður kall-
ar okkur til árvekni um stjórnar-
farslegt sjálfstæði okkar og ör-
yggi. Við höfum því ástæðu til
þess að fagna því hér og nú að svo
virðist sem eindrægni og sam-
staða þjóðarinnar um grundvall-
aratriði utanríkisstefnunnar hafi
aldrei verið meiri. Við höfum skip-
að okkur í fylkingu frjálsra þjóða
og samið um varnir okkar innan
þeirra vébanda. Við viljum ekki
hlutleysi því að hugsjónir okkar
knýja okkur til þess að leggja
málstað lýðfrelsis og mannrétt-
inda lið. Við höfum einnig hafnað
hlutleysi vegna þess að það sam-
rýmist ekki öryggishagsmunum
okkar.
Rækt viö einstaklinginn
Hér hefur ekki staðið skóli en
menning þjóðarinnar er svo órjúf-
anlega tengd þessum stað að hann
hlýtur að örva okkur til nýrra
átaka á því sviði. í þeim efnum
hefur einnig verið brotið blað á
síðustu mánuðum. Það má aldrei
verða að hóphyggjan lami skóla-
kerfið og menningarstarfsemina í
'andinu. Fyrir þá sök er mikilvægt
að við fáum áfram tækifæri til
þess að vinna að þeim umbótum
sem hafnar eru á þessu sviði. Til
þess að leggja meiri rækt við ein-
staklinginn, tengja betur saman
en áður hagsmuni heimila og
skóla og treysta böndin milli at-
vinnullfsins og skólanna. Hér er
mikið verk að vinna.
Á þessum stað voru á þjóðveld-
istímunum fyrst sett ákvæði í lög
sem við á nútímamáli myndum
kalla almannatryggingar. Það
hvetur okkur til að fylgja fram
þeirri grundvallarhugsjón okkar
að nota þann arð sem frjáls at-
vinnustarfsemi getur skapað til
þess að treysta stöðu þeirra sem
höllum fæti standa. Við vitum að
atvinnufrelsið er líklegast til þess
að fullnægja óskum okkar um fé-
lagslegt öryggi.
Búinn er úr bálastorku berg-
kastali frjálsri þjóð segir í kvæði
listaskáldsins góða sem hér stóð
endur fyrir löngu til þess að yrkja
um fjallið Skjaldbreið. Við höfum
oft tekist á við mikil verkefni,
sjálfstæðismenn, en nú hvílir á
okkur meiri skylda og meiri
ábyrgð, en oftast nær áður. Við
höfum leitt saman stétt með stétt.
Við höfum barist fyrir sameigin-
legum hagsmunum fólksins í land-
inu. Nú er ekki stund til að æðrast,
við höfum ástæðu til þess að fyll-
ast bjartsýni og láta þá orku sem
felst í einingu og samstöðu þjóðar-
innar færa okkur fram á veg.
Þessi bergkastali gerður úr bála-
storku hefur verið gefinn okkur
sem frjálsri þjóð. Við megum aldr-
ei gleyma þeim skyldum sem það
leggur okkur á herðar í minningu
þess liðna og fyrir framtíð þjóðar-
innar.
i® [mruTwipl
<£> <n ao Gódan daginn!
Ljósm.
Nú er tími knattspyrnuskólanna ( blóma og flykkjast ungir áhugasamir krakkar í þá. Á Akranesi hefur
Unglingaknattspyrnuráð komið á einum slíkum og hafa undanfarna daga verið um 140 böm á námskeiði og
vonandi verða margir úr þeim hóp síðar í fremstu röð knattspyrnumanna og kvenna á landinu. Námskeiðsstjóri
er hinn kunni knattspyrnumaður Árni Sveinsson og honum til aðtoðar hefur verið annar leikmaður úr
íslandsmeistaraliði Skagamanna, Guðbjörn Tryggvason. Á myndinni sést hluti yngstu þátttakendanna ásamt
þeim Árna og Guðbirni.
FERÐAFÉLAGINN FRÁ
ROADSTAR rs-íoóo
i bílinn
M E T A L
AUTO-STOP
I A C
Gæða-bílhjólatæki með útvarpi og segulbandi. Þetta tæki er
sérstaklega hannað fyrir mikla notkun. LW, MW og FM-stereó
2x7 wött. Tíðnisvörun: 30—14.000 rið. Stærð: Breidd 178, hæð
42 og dýpt 120 millimetrar. Mono- og stereórofi. Læst hraðspól-
un, styrk-, jafnvægis- og tónstillar. Sjálfvirk stöðvun á enda með
Ijósmerki. FM stereó-ljós. í stuttu máli: Tækið sem er tilbúið í
slaginn.
Kr. 4.980,-
SENDUM
UM
ALLT
LAND
ÍSETNING
SAMDÆGURS
HÁTALARAR OG
LOFTNETSEFNI í
MIKLU ÚRVALI