Morgunblaðið - 12.07.1984, Blaðsíða 34

34

Seglbretti
Þurrbúningar
Ótrúlegt verð
Póstsendum mynda- og verölista.
Uppl. í síma 84449
Seglbrettaskólinn
Nauthólsvík
Siglingaklúbburinn Brokey
CANNON-VÖRURNAR
STUÐLA AÐ VELFERÐ
BARNSINS
JÉk
Skoöið CANNON-barnavörurnar
í næstu lyfjaverslun.
AF ERLENDUM VETTVANGI
eftir HELGU G. JOHNSON
Mondale og Ferraro á blaðamannafundi eftir viðræður þeirra fyrir skömmu.
Kona varaforseti
í Bandaríkjunum?
Brátt kemur ad því að Walter Mondale þurfi að gera upp hug sinn varðandi varaforsetaefni, sem verður við
hlið hans í kosningunum í nóvember. Það sem mest kemur til með að hafa áhrif á val hans er hver þeirra, sem
tilnefndir hafa verið hingað til, dregur með sér flesta kjósendur.
Mondale er hins vegar undir
miklum þrýstingi frá
kvennahreyfingunni NOW (Nat-
ional Organization for Women)
að velja konu, en gefið var í skyn
að þær myndu sýna mótþróa á
landsfundi demókrata, ef Mon-
dale velur ekki konu. Mondale
virðist hins vegar helst vilja
hafa keppinaut sinn, Gary Hart,
sér við hlið, þar sem talið er að
hann muni draga með sér mikið
af kjósendum sem hafa hingað
til verið óákveðnir.
Mondale og Hart áttu viðræð-
ur fyrir skömmu og sagði Hart
að það yrði erfitt fyrir sig að
neita tilboði um varaforseta-
embættið, ef það væri vilji
Mondales og landsfundarins.
Síðan þá hefur Hart virst vera á
báðum áttum, en afstaða hans á
eftir að skýrast betur.
Mondale hefur þegar átt við-
ræður við nokkrar konur, svo og
tvo svarta og einn spænskumæl-
andi borgarstjóra. Þessar til-
raunir hans til að brjóta kyn-
þáttamúrinn hafa mælst mis-
munandi fyrir og enn hefur
Mondale ekkert gefið upp um
áætlanir sínar. Hann segist hafa
nú þegar lagt meira af mörkum
en nokkur annar frambjóðandi í
forsetakosningum í þágu kvenna
og minnihlutahópa, með því að
bjóða þeim til viðræðna.
Ef Mondale ákveður að velja
konu, eru nokkrar sem koma til
greina. Efst á lista er fulltrúa-
deildarþingmaðurinn Geraldine
Ferraro, frá New York, en hún
nýtur m.a. stuðnings Tip O’Neill
forseta fulltrúadeildarinnar.
Ferraro er 48 ára gömul og
hefur verið þingmaður frá 1978.
Hún er lögfræðingur að mennt
og vann sem slíkur í 14 ár þang-
að til hún var skipuð saksóknari
í Queens-hverfinu í New York.
Ferraro hefur aðallega einbeitt
sér að innanríkismálum og mál-
efnum innan Demókrataflokks-
ins, en ekki tekið mikinn þátt í
alþjóðastjórnmálum.
Margir líta svo á að reynslu-
leysi hennar á því sviði komi
henni illa, ef hún ætlar að sitja
við hlið Mondales, en aðrir segja
að það skipti litlu máli þar sem
hún sé námsfús með meiru og
vinnuþjarkur. Hún hefur þó tek-
ið afstöðu í mörgum alþjóðamál-
um og er m.a. hlynnt stöðvun á
framleiðslu kjarnorkuvopna og
greiddi atkvæði gegn fram-
leiðslu MX-flauganna og tauga-
gass.
Martha Lavne Collins
var ein þeirra sem til greina kom
sem varaforsetaefni, en virðist
nú hafa fallið í skuggan á Ferr-
aro.
t innanríkismálum styður hún
eindregið kvenmenn í baráttu
fyrir jafnrétti í launamálum og
hefur gagnrýnt Ronald Reagan
forseta fyrir niðurskurð í félags-
málum.
Geraldine Ferraro fór að
dæmi kynsystra sinna á íslandi
og tók ekki nafn eiginmanns
síns, John Zaccaro. Hún er
þriggja barna móðir og kallar
sig „húsmóðurina frá Queens".
Auk þess að vera lögfræðingur,
var hún kennari um tíma.
Hún hefur áunnið sér virðingu
margra með ræðusnilld sinni og
stjórnmálahæfileikum og kunn-
ingsskapur hennar við Tip
O’Neill er ekki talinn hafa spillt
fyrir henni er hún hlaut sæti í
stefnumótunarnefnd Demó-
krataflokksins og fjárlaganefnd-
inni.
Margar forystukonur í
kvennahreyfingunni hafa þó lát-
ið í það skína að sá þrýstingur,
sem settur var á Mondale að
velja konu í varaforsetaembætt-
ið, kynni jafnvel að hafa slæmar
afleiðingar fyrir kvennafram-
boðið fremur en hitt. Gary Hart
nýtur einnig gífurlegra vinsælda
innan flokksins, svo valið verður
erfitt.
Viðræður Mondales og Ferrar-
os tókust ekki eins vel og vonast
hafði verið til, en aftur á móti er
talið að viðræður hans við
Dianne Feinstein, borgarstjóra
San Francisco, hafi verið mjög
ánægjulegar. Þrátt fyrir það er
ekki talið að hún muni draga að
sér marga kjósendur þar sem
Dianne Feinstein
borgarstjóri San Fransisco, seg-
ist nú ekki langa í slaginn með
Mondale.
hún er frá sama fylki og Reagan
forseti. Feinstein var varaborg-
arstjóri í fimm ár áður en hún
var kosin borgarstjóri í fyrra
með yfirgnæfandi meirihluta.
Feinstein hefur sagt að hún þrái
ekki varaforsetaembættið og
langi ekki beinlínis i slaginn með
Mondale.
Aðrar konur sem koma til
greina eru Martha Layne Coll-
ins, fylkisstjóri Kentucky, og
Patricia Schroeder, þingmaður
frá sama fylki og Gary Hart,
Colorado. Collins er eina konan
sem gegnir embætti fylkisstjóra
í Bandaríkjunum, en hún hefur
einungis setið sem slík í eitt ár
og er auk þess ekki hátt skráð
hjá kvennahreyfingunni, þar
sem hún fylgdi ekki nógu hart á
eftir jafnréttistillögunni, sem
felld var í vetur.
Schroeder er talin mikil
kvenréttindakona og hefur lýst
því yfir að ef konur vilji verða
varaforsetar, því þá ekki forset-
ar, og segist hún ekki vilja
minna en það.
Sögusagnir hafa verið uppi um
að Mondale myndi velja vara-
forsetaefnið fyrir landsfundinn,
sem hefst nk. mánudag, en það
hefur ekki fengist staðfest.
Hvert sem val hans verður á ein-
hver eftir að verða fyrir von-
brigðum, því í jafn fjölbreyttum
hópi og fyllir Demókrataflokk-
inn er erfitt að gera öllum til
hæfis.
Tekið saman úr Time, Newsweek,
BT og AP-skeytum.