Morgunblaðið - 30.10.1984, Blaðsíða 2

2
MORGUNBLAÐID, ÞRIÐJUDAGUR 30. OKTÓBER 1984
BSRB-félagar í mótmælastöéu fyrir framan Stjórnarráðiö í gærmorgun.
Morgunbladið/Frídþjófur.
Mótmælastaða við Stjórnarráðið:
Munum berjast til þrautar
— segir í ályktun frá BSRB
FÉLAGAR úr BSRB efndu til mót-
mælastöðu við forsætisráðuneytið í
gærmorgun til að leggja áherslu á
kröfur sínar í yfirstandandi kjara-
samningum.
Á annað þúsund BSRB-félagar
tóku þátt í mótmælunum og og var
forsætisráðherra athent skrifleg
ályktun svohljóðandi: „Okkur er
mikil alvara. Við höfum verið í
verkfalli í 4 vikur. Okkur hefur ver-
ið sýnd óbilgirni og lítilsvirðing.
Við höfum ítrekað reynt að ná
samningum. Ríkisstjórnin hefur
varla virt okkur viðlits. Okkur er
það lífsnauðsyn að ná fram kjara-
bótum með kaupmáttartryggingu.
Á undanförnum mánuðum hafa
kjör okkar verið rýrð um þriðjung.
Nú er nóg komið. Við lýsum fullri
ábyrgð á hendur ríkisstjórninni.
Við krefjumst tafarlaust samninga
um bætt kjör okkur til handa. Við Vilhelm Pedersen, starfsmaður hji sjónvarpinu, afhendir forsætisráðherra,
munum berjast til þrautar." Steingrími Hermannssyni, ályktun BSRB-manna.
Albert Guðmundsson fjármálaráðherra:
Verðum að ná samkomulagi
svo fólk fái laun sín útborguð
í GÆR barst Steingrími Her-
mannssyni, forsætisráðherra,
bréf, sem undirritað var „félagar
í BSRB“, þar sem segir, að sam-
tökunum hafl verið sýnd óbil-
girni og lítilsvirðing. í tilefni af
þessu bréfi sendi Albert Guð-
mundsson, fjármálaráðherra,
sem stjórnar samningaviðræðum
ríkisins, forsætisráðherra bréf,
þar sem fjármálaráðherra segir,
að ná verði samkomulagi, svo að
fólk fái laun sín útborguð, en
ófrávíkjanlegar kröfur um 30%
hækkanir séu ekki sáttaleið. Hér
fer á eftir bréf fjármálaráðherra
til forsætisráðherra:
„Hr. forsætisráðherra,
Steingrímur Hermannsson.
Ég sendi þér þessar línur
vegna afrits af bréfi frá „Félög-
um í BSRB“, sem dreift var á
ríkisstjórnarfundi f.h. i dag.
Það er mér gleðiefni að „Fé-
lagar í BSRB" skuli líta það
alvarlegum augum að verkfallið
skuli hafa dregist í 4 vikur, án
þess að lausn sé í sjónmáli.
Þar með hafa „Félagar í
BSRB“ sent forustu samtakanna
kveðjur, sem enginn getur mis-
skilið. Við verðum að ná sam-
komulagi svo fólkið fái laun sín
útborguð.
Ríkisstjórnin hefur gert meira
en að virða BSRB viðlits. Fjár-
málaráðherra hefur setið næt-
urlangt á fundum til þess að
auðvelda leiðina til lausnar, en
án árangurs. Fólkið má ekki láta
blekkjast af slagorðum striðs-
manna, heldur fara að ráðum
„Félaga í BSRB“ og krefjast ár-
angurs af forustu samtakanna.
Vonandi viljum við öll sættast á
það að „nú er nóg komið“. Ófrá-
víkjanlegar kröfur um 30%
hækkanir er ekki sáttaleið. Við
munum áfram vinna þolinmóðir
markvisst að lausn þeirra
vandamála sem við er glímt.
Albert Guðmundsson,
fjármálaráðherra."
Krossanesverksmiðjan
selur 500 lestir mjöls
Akureyri, 29. október.
Síldarverksmiðjan í Krossanesi
gerði í dag sölusamning við kaup-
anda í Evrópu um sölu á 500 lestum
af loðnumjöli og fékkst mjög gott
verð fyrir mjölið.
Að sögn Péturs Antonssonar,
verksmiðjustjóra, byggist það
góða verð, sem nú fékkst, fyrst og
fremst á miklum gæðum mjölsins,
en þessir sömu aðilar keyptu í
fyrra tolvert magn frá verksmiðj-
unni. Byggjast gæði mjölsins fyrst
og fremst á því, að verksmiðjan
loftþurrkar mjölið, en eldþurrkar
ekki eins og allar aðrar verksmiðj-
ur í landinu gera. Þessum 500 lest-
um verður skipað hér út strax og
verkfall BSRB leysist. Auk þessa
hefur verksmiðjan selt fyrirfram
2.000 lestir af haustframleiðslu
sinni á viðunandi verði að sögn
Péturs Antonssonar.
GBerg.
Forsætisráðherra um samningamálin:
Sú leið ræður sem
fyrr semst um
Ekki tii gagns að elta öll orð forsætisráðherra,
segir Ásmundur Stefánsson, forseti ASÍ
„ÞEIR hafa tekið því mun betur á hinum almenna vinnumarkaði að
fara skattalækkunarleiðina. Ríkisstjórnin hefur ekki viljað stöðva
það og nú verður það að verða ráðandi sem fyrr semst um. Það
kemur ekki til greina að báðar leiðirnar verði umsamdar," sagði
forsætisráðherra, Steingrímur Hermannsson, m.a. um stöðu samn-
ingamála, er rætt var við hann ui
Steingrímur sagði, að hann
myndi halda fund kl. 9 árdegis
með formönnum stjórnarand-
stöðuflokkanna, en þeir hefðu far-
ið fram á slíkan fund í bréfi, sem
honum hefði borist í gær. Að-
spurður um efni bréfsins sagði
hann, að ekkert eða mjög lítið
annað hefði verið í því. „Þeir virð-
ast allt í einu vera farnir að hafa
áhyggjur af kjarasamningunum
og biðja um fund. Kannski hafa
þeir lausnina," sagði hann.
Forsætisráðherra var spurður
nánar í tilefni af ummælum hans
þess efnis, að sú leið yrði ráðandi
sem fyrr semdist um. Hann sagði
kvöldmatarleytið í gærkvöldi.
að ef ASÍ semdi til dæmis fyrst
um skattalækkunarleiðina, þá yrði
hún kynnt BSRB og ríkið myndi
ekki víkja frá henni. Ef BSRB
semdi aftur á móti á undan, án
skattalækkunarleiðarinnar, þá
ætti hið sama við. Sú leið yrði ráð-
andi, því ekki væri hægt að hafa
hvort tveggja.
Ásmundur Stefánsson, forseti
ASÍ, sagði eftirfarandi um þá yfir-
lýsingu Steingríms, að sú leið yrði
látin ráða sem fyrr semdist um:
„Ég held að við verðum að reyna
að leysa málin og það getur varla
orðið beint til gagns í því, að vera
að elta öll orð forsætisráðherra."
„Vitleysa“
— segir forsætisráðherra um leiðara NT í gær
„ÉG hef verið að reyna að ná í rit-
stjórann til að fá að vita, hvaðan
hann hefur þessa vitleysu, því ég er
manna harðastur gegn því að teknar
verði upp kaupmáttartryggingar,“
sagði Steingrímur Hermannsson for-
sætisráðherra aðspurður um stað-
hæfingu í þá veru í leiðara NT í gær,
að forsætisráðherra hafi heimilað
fjármálaráðherra að setja uppsagn-
ar- eða verðtryggingarákvæði í
samninga BSRB og ríkisins.
„Þá hef ég ekki heimilað fjár-
málaráðherra eitt eða neitt og ég
veit ekkert hvaðan þessi vitleysa
er komin," sagði forsætisráðherra
ennfremur. Málsgreinin í leiðara
NT í gær, þ.e. mánudag, er svo-
hljóðandi, en þessi hluti leiðarans
fjallar um kjaradeilu BSRB og
ríkisins: „Samkvæmt heimildum
NT hefur forsætisráðherra nú
heimilað fjármálaráðherra að
setja uppsagnarákvæði, þ.e. rautt
strik, í samninginn til að greiða
fyrir gerð hans. Þetta atriði verð-
ur varla metið til fjár fyrir
BSRB-menn, því svo mikilvægt er
það til að vernda kaupmáttar-
aukningu samningsins."
Eldsvoði á Landspítalanum:
Töluverðar skemmdir á
annarri hæð geðdeildar
TALSVERÐAR skemmdir af völdum elds og reyks urðu á annarri hæð
geódeildar Landspítalans í gær er eldur kom þar upp í skol-herbergi í
norðvesturálmu hússins. Slökkviliðið réð niðurlögum eldsins á skömm-
um tíma og varð engum meint af brunanum.
Það var um klukkan 18.30, sem
slökkviliðinu barst tilkynning um
eldinn. Er komið var að bygging-
unni fóru tveir reykkafarar í stiga
upp á svalir og inn um svalahurð á
vesturgafli og einnig fóru liðs-
menn í körfu upp að glugga á
norðurhlið, þar sem elds varð vart
fyrir innan. Var eldurinn slökktur
frá þessum tveimur stöðum og tók
það um 15 mínútur. Allmikill hiti
og reykur var á gangi hæðarinnar
og olli það tölverðum skemmdum
auk þess sem skol-herbergið er illa
farið af eldi. Hvorki starfsfólki né
vistmönnum deildarinnar varð
meint af þessu, enda flestir stadd-
ir í borðstofu er eldsins varð vart.
Eldsupptök eru ókunn.