Morgunblaðið - 30.10.1984, Síða 4

4
MORGUNBLAÐIÐ, ÞRIÐJUDAGUR 30. OKTÓBER 1984
Bréfkorn til Þorgeirs
skólastjóra Ibsens
K*ri Þorgeir Ibsen.
Vegna anna í síðustu viku kom
ég því ekki við að skrifa þér línu.
Póstleysið háir okkur líka, en
Morgunblaðið ætlar að baeta úr þvf
í þetta sinn.
Orð þín og ráð hef ég jafnan
metið mikils, en margt í grein
þinni er merki um það hve örðugt
hefur reynzt nú að undanförnu að
koma upplýsingum á framfæri.
Þú kveðst afarsár yfir um-
mælum fjármálaráðherra á
þingi um kennarastéttina og enn
sárari yfir því að undirrituð
skyldi ekki hafa gengið fram
fyrir skjöldu og leiðrétt fjár-
málaráðherra.
Nú þykist ég vita, að þú hafir
ekki ætlazt til þess af mér, að ég
atyrti samráðherra minn opin-
berlega. Raunar hefur hann
sjálfur síðar gefir skýringar sín-
ar.
Og þá kem ég að upplýsinga-
skortinum. Eini fréttamiðill
landsins, Ríkisútvarpið, tíundaði
vandlega téð ummæli fjármála-
ráðherra daginn eftir þingfund-
inn, 11. október, en lét hins vegar
hjá líða að geta ummæla minna
á sama kvöldfundi i þingi og
nokkurra annarra þingmanna,
en öll hnigu ummæli þessi af-
dráttarlaust í þá átt að endur-
meta þyrfti stöðu og kjör kenn-
ara með hliðsjón af menntun
þeirra og ábyrgð. Ég lagði á það
áherzlu í ræðu við setningu
þings Kennarasambandsins I
vor, að veigamikið atriði í fram-
tiðaruppbyggingu þjóðlífsins
væri efling skólakerfisins. 1 þvi
sambandi skiptir miklu máli að
bæta kjör kennaranna. Þetta lét
ég líka í ljós nú snemma í haust
á fundi Hins islenzka kennarafé-
lags. Þessi atriði lét ég koma
fram hinn 11. okt. á þingfundi.
Menntun og kjör kennaranna
eiga að haldast í hendur. þetta
tvennt þarf að vera í hinu ágæt-
asta lagi til þess að tryggja að
hið ágætasta fólk fáist til þess-
ara ábyrgðarstarfa.
Ég vil einungis að það liggi
ljóst fyrir að í ríkisstjórninni er
mikill vilji til að bæta úr því,
sem þarna er að og óneitanlega
skýtur skökku við um kjör kenn-
ara. Um þetta held ég að öll rík-
isstjórnin sé sammála.
Á næsta deildarfundi í Alþingi
fór ég enn ýtarlegar út í þetta
mál vegna fyrirspurnar utan
dagskrár frá Jóhönnu Sigurð-
Ragnhildur Helgadóttir
ardóttur og ítrekaði þar það
viðhorf mitt, sem ég tel að ríkis-
stjórnin í heild hafi, að fram
þurfi að fara mat á starfi og
kjörum kennara sambærilegt við
aðrar stéttir og með hliðsjón af
ábyrgð þeirri og menntun, sem á
bak við starfið er.
Á þessum þingfundi skýrði ég
einnig frá því að ætlun mín væri
í framhaldi af viðræðum við
formann Kennarasambandsins
fyrr í haust að undirbúa frum-
varp um löggildingu starfsheitis
grunnskólakennara og fram-
haldsskól aken nara.
Kæri Þorgeir. Mér fannst ég
mega til að skýra þér frá þessu.
En ekki mælist ég undan gagn-
rýni þinni, því að ég veit að hún
er borin fram af viti og velvilja.
Fleiri efnisatriði úr samtalinu
við þig hefði verið vert að ræða,
en mál er að linni.
Þegar þessi orð eru sett á blað
er tvísýnt um úrslit kjaradeil-
unnar sem staðið hefur. Ég veit
að við vonum bæði að unnt verði
að leiða þá deilu til lykta á þann
veg, að góð lífskjör haldist, að
slæm lífskjör batni og að unnt
verði að standa við það megin-
markmið ríkisstjórnarinnar,
sem er mesta kjaramál allra, að
missa ekki verðbólguna lausa á
nýjan leik. Það skiptir höfuðmáli
ef okkur á að takast að koma
efnahagsmálunum til frambúðar
í viðunanlegt horf.
Að lokum kveð ég þig og vona
að þér og þínum gangi allt í hag-
inn. Þakka þér fyrir hreinskilni
þína og hressilegt tungutak.
Fegin vil ég njóta ráða þinna.
Reykjavík, 29. október
1984.
Ragnhildur Helgadóttir.
Forystumenn BSRB, þeir Kristján Thorlacius og Haraldur Steinþórsson, koma út úr skrifstofu
ríkissáttasemjara aðfaranótt sunnudagsins eftir að hafa lagt fram tilboð BSRB. Albert Guð-
mundsson fjármálaráðherra fyrir aftan þá.
bjiani. Helgi Hauksson.
Samningamenn lögðust f lestur á sunnudagsmogganum á meðan beðið var eftir svörum við
tilboðum.
Maraþonfundur BSRB og ríkisins:
Forystumenn BSRB reiðubúnir
að semja um 21—22% hækkun
FORMAÐUR og varafor-
menn BSRB, þeir Kristján
Thorlacius, Haraldur Stein-
þórsson og Albert Kristins-
son, létu í Ijós þá skoðun
sína við fjármálaráðherra og
helstu aðstoðarmenn hans í
lok sáttafundarins um helg-
ina, að líklega yrði hægt að
leysa deilu BSRB og ríkisins
ef fjármálaráðuneytið féllist
á að bæta tveimur launa-
flokkum ofan á síðasta tilboð
sitt. Lýstu þeir sig reiðubúna
að beita sér fyrir lausn deil-
unnar á þeim nótum. Það
myndi hafa í för með sér, að
vegið meðaltal launahækk-
unar BSRB á samningstíma-
bilinu til ársloka 1985 yrði
21—22%, að því er Haraldur
Steinþórsson sagði á fundi
með fréttamönnum í gær.
Hann sagði að við þessari
hugmynd, sem hefði verið
sett fram af þeim þremur
persónulega, hefðu ekki
komið marktæk viðbrögð.
„Við fengum loforð um bók-
un, sem er nánast samhljóða
ákvæði í gildandi kjarasamn-
ingum um að stefnt skuli að
kjörum, sem eru sambærileg
við laun á almennum mark-
aði,“ sagði Haraldur.
Forystumenn BSRB settu
þessa hugmynd fram í sama
mund og þeir þrír óskuðu eftir
frestun á sáttafundinum, sem
stóð í alls 21 klukkustund. Að
sögn heimildarmanns í samn-
inganefnd rikisins kom þessi
hugmynd fram i dagrenningu á
sunnudag og litu fulltrúar ríkis-
ins á hana sem hækkun á kröfu-
gerð BSRB en ekki sem viðbót við
tilboð ríkisins og fengu ekki svör
um annað en að frá kröfugerð-
inni hefði ekki verið horfið.
Fundurinn hófst kl. 15 á laug-
ardag og stóð til hádegis á
sunnudag, er Guðlaugur Þor-
valdsson, rikissáttasemjari,
frestaði fundinum til kl. 13 í gær.
„Við fengum gagntilboð frá
samninganefnd ríkisins kl. hálf-
sjö á sunnudagsmorgun," sagði
Haraldur Steinþórsson í gær.
„Það tilboð var 0,23% hærra en
boðið, sem kom frá ríkisvaldinu
18. október. Eftir talsverðar um-
ræður í okkar hópi var komist að
þeirri niðurstöðu að þar sem svo
mikið bæri enn á milli væri best
að gera hlé og fara heim að sofa.
Fjármálaráðherra kvaðst vilja
halda áfram en ef við vildum
fresta þá kysi hann sjálfur að
fresta fundum þar til samningar
hefðu tekist á milli Vinnuveit-
endasambandsins og viðsemj-
enda þess. Ríkissáttasemjari tók
þá ákvörðun um frestun."
Að sögn heimildarmanns í
samninganefnd ríkisins töldu
nefndarmenn sýnt að ekki yrði
lengur haldið áfram á sömu
braut eftir að viðbótarkröfur
BSRB komu fram og er fulltrúar
BSRB vildu hvorki slaka á kröf-
um né halda áfram lýsti Albert
Guðmundsson, fjármálaráð-
herra, fullri ábyrgð á hendur
BSRB á því að laun yrðu ekki
greidd um næstu mánaðamót.
Þegar fundinum var slitið á
sunnudag bar enn um 10 pró-
sentustig á milli aðila í deilunni.
Tilboð BSRB, sem sett var fram
kl. fjögur aðfaranótt sunnudags-
ins, er metið á um 24% vegna
meðaltalshækkun en gagntilboð
ríkisins, sem sett var fram hálf-
um þriðja tíma síðar, var metið á
um 14,4%.
Samanburöur á tilboðum
BSRB og ríkisins
Til glöggvunar fyrir lesendur
fara hér á eftir tilboð og gagn-
tilboð, sem gengu á milli deiluað-
ila þar til fundi var frestað um
hádegi á sunnudag:
1) BSRB: Nýr launastigi með
3,5% milli flokka frá 4. launa-
flokki.
Ríkið: Nýr launastigi með
3,5% milli flokka frá 5. launa-
flokki 3ja þrepi.
2) BSRB: Hækkun launa frá
undirskrift samnings verði
12% og sérstök persónuupp-
bót fyrir september 1984 kr.
3.500.
Ríkið: Hækkun launa frá 1.
nóvember verði 9%, að með-
töldum áhrifum af breytingu
launastiga. Launauppbót fyrir
september verði kr. 1.500 mið-
að við fullt starf í þeim mán-
uði.
3) BSRB: Hækkun allra um einn
launaflokk 1. nóvember 1984
og 1. maí 1985.
Ríkið: Hækkun allra um einn
launaflokk 1. desember 1984
og 1. júní 1985.
4) BSRB: Sérstök persónuuppbót
1. nóvember 1984, kr. 5.000.
Ríkið: Sérstök persónuupp-
bót 1984, kr. 4.000, greiðist í
nóvember þeim starfs-
mönnum, sem þá hafa gegnt
fullu starfi a.m.k. tvo mánuði.
5) BSRB: Viðmiðun skv. 1.6.1.
verði við 16. launaflokk, efsta
þrep. Viðmiðun skv. 1.1.13.
verði við 14. launaflokk, efsta
þrep, og 25%. Viðmiðun skv.
1.6.5. verði við 14. launaflokk,
efsta þrep.
Ríkið: Viðmiðun skv. 1.6.1.
verði við 15. lfl. 2. þrep. Við-
miðun skv. 1.1.13. verði við 13.
lfl. efsta þrep og 25%. Viðmið-
un skv. 1.6.5. verði við 13. lfl.
efsta þrep.
(Hér er átt við hækkun á
vaktaálagi, persónuuppbót í
desember og lágmarksupphæð
orlofsfjár, svokallað orlofs-
framlag. Vaktaálag er í dag
greitt samkvæmt 13. launa-
flokki. Persónuuppbót í dag er
greidd samkvæmt 11. flokki
og 24%. Orlofsframlag er nú
14% af maílaunum í 11.
flokki, innsk. blm.Mbl.)
6) BSRB: Samþykkt er að fresta
um sinn umræðum um upp-
sagnarákvæði á samnings-
tímabili. Jafnframt áskilur
BSRB sér rétt til að taka á ný
upp kröfu um kaupmáttar-
tryggingu ef ástæða þykir til.
Ríkið: Frestað.
7) BSRB: Endurskoðun launa-
kerfisins verði lokið 1. apríl
1985.
Ríkið: Endurskoðun launa-
kerfisins verði lokið 1. júní
1985.
8) BSRB: Sérkjarasamningar
verði samkvæmt lögum og í
samræmi við grein 1.4. í aðal-
kjarasamningi og sérstakar
launaflokkahækkanir fyrir
alla vegna launaskriðs.
Rikið: Sérkjarasamningar
verði samkvæmt lögum og í
samræmi við grein 1.4. í aðal-
kjarasamningi.
9) BSRB: Yfirlýsing verði gefin
um að vextir af íbúðalánum
verði lækkaðir og skamm-
tímalánum breytt í lán til
lengri tíma.
Ríkið: Gildistimi til 31.12.
1985.