Morgunblaðið - 02.11.1984, Blaðsíða 20

20
MORGUNBLAÐIÐ, FÖSTUDAGUR 2. NÓVEMBER 1984
Abdrborg, 1. nóvember. AP.
ALSÍRMENN minntust þess í dag
med gl»silegri hersýningu í höfuA-
borginni, að 30 ár eru liðin frá upp-
hafi byltingarinnar gegn frönskum
yfirráðum í landinu. Nokkur hundr-
uð erlendra sendimanna voru við-
staddir hátíðarhöldin auk tugþús-
unda borgarbúa og annarra lands-
manna.
Forseti Alsír, Chadli Bendjedid,
fylgdist með hersýningunni úr há-
tiðarstúku og til hvorrar handar
honum stóðu þeir Habib Bourgu-
iba, Túnisforseti, og Yasser Ara-
fat, leiðtogi PLO. Af öðrum má
nefna Jalloud, sem gengur næstur
Khadafy, Líbýuleiðtoga, Donald P.
Hodel, orkumálaráðherra Banda-
ERLENT
„Óraunverulegt og óhugnan-
legt, eins og annars heims“
— segir leikarinn Peter Ustinov, sem beið Indiru í garðinum þegar hún var myrt
New York, 1. nóvember. AP.
BRESKI leikarinn Peter Ust-
inov var staddur í aðeins 100
metra fjarlægð frá Indiru
Gandhi, forsætisráðherra Ind-
lands, þegar hún féll fyrir byssu-
kúlum morðingjanna í gær-
morgun. Segir hann, að allt hafi
gerst „í skjótri svipan“, „engin
hróp, engin kvein“.
„Mér virtist atburðurinn svo
óraunverulegur þar sem ég var
staddur í yndisfögrum garði og
ekk síst vegna þess, að ég hafði séð
myndina um Gandhi, sem líka
mætti endalokunum innan um tré,
blóm og grænar grundir," sagði
Ustinov í viðtali við fréttamann
NBC-sjónvarpsstöðvarinnar
bandarisku. Ustinov er enn í Ind-
landi og var viðtalið tekið í gegn-
um gervihnött.
„Fuglasöngurinn hljóðnaði
ekki og engin styggð kom að
íkornunum við byssuhvellina.
Þetta var allt svo óraunverulegt
og óhugnanlegt, eins og annars
heims, og því var öllu lokið á
stuttri stund, skelfilega stuttri
stund," sagði Ustinov, en hann var
kominn ásamt kvikmyndatöku-
manni til að eiga viðtal við Indiru
Gandhi og beið hennar í garðin-
um.
„Við áttum við hana stefnumót
klukkan níu og hún hafði sagt
okkur að bíða sín á skuggsælum
stað í garðinum. Sjö eða átta mín-
útum yfir níu heyrðum við þrjá
dimma hvelli, sem Indverjarnir,
sem með okkur voru, töldu vera
frá púðurkerlingum. Strax á eftir
komu svo önnur hljóð, sem við
vissum að voru frá hríðskotabyss-
um. Skyndilega var fólk á hlaup-
um í garðinum, m.a. hermenn, en
það var allt svo ósköp hljótt, engin
hróp, engin kvein," sagði Ustinov.
Byltingarinnar
minnst í Alsír
Herinn á varðbergi
Hermenn voru hvarvetna á verði í höfuðborginni, Nýju-Delhí, í gær, daginn eftir að Indira Gandhi, forsætis-
ráðherra Indlands, var vegin. Víða um land hefur komið til óeirða og uppþota í kjölfar morðsins og hefur af
þeim sökum verið sett á útgöngubann í mörgum borgum.
ríkjanna, og Alexander Kouldou-
nov, marskálk og aðstoðarvarn-
armálaráðherra Sovétríkjanna.
Fulltrúi Frakka var Claude
Cheysson, utanríkisráðherra, en í
Frakklandi urðu miklar deilur um
ferð hans því að mörgum Frökk-
um, sem neyddust til að flýja Alsír
í byltingunni og eftir hana, finnst
enn sem þeir eigi harma að hefna.
Það kom þó meira á óvart, að Bel-
aziz, utanríkisráðherra Marokkó,
skyldi vera viðstaddur því að Mar-
okkóstjórn hafði áður hafnað boð-
inu. Stafar það af því, að Alsír-
menn styðja skæruliða Polisario-
hreyfingarinnar í baráttu þeirra
gegn yfirráðum Marokkómanna.
Vill fá að deyja
í náttfotunum
Kaleigh. I. nóvember. AP.
Lögfrcðingar reyndu hvað þeir
gátu í dag til að fá komið í veg
fyrir aftöku Velmu Barfield, sem
fara á fram á morgun, föstudag. Ef
hún verður tekin af lífi verður hún
fyrsta konan í Bandaríkjunum í 22
ár, sem hlýtur þau örlög. Hefur
hún óskað þess að fá að deyja f
bleiku baðmullarnáttfötunum sín-
um í stað fangelsisklæðanna.
Frú Barfield, sem er 52 ára,
fær dauðasprautuna fyrir að
eitra fyrir kærasta sínum. Þrjár
tilraunir í þessari viku til að fá
dauðadómnum breytt hafa
reynst árangurslausar. Hún hef-
ur játað á sig þrjú morð til við-
bótar, þ.á m. að hafa stytt móður
sinni aldur, en hefur ekki verið
sótt til saka fyrir þau.
Á þriðjudag voru tveir morð-
ingjar teknir af lífi f Louisiana
og Texas, og hafa þá 28 menn
verið aflífaðir frá því Hæstirétt-
ur Bandaríkjanna leyfði dauða-
refsingu að nýju.
í kjölfar morðsins
óeirðir hafa verið um gervallt Indland eftir morðið á Indiru Gandhi og fólk af trúflokki síkha ofsótt og hrakið.
Þessi mynd af rústum brennandi húss var tekin í Gömlu-Delhí. Vitað er um ellefu manns, sem hafa látið lífið
f óöldinni í landinu.
London:
Lögregla fann vopn
og skotfærabirgðir
Veður
víða um heim
Akureyri +1 skýjað
Amaterdam 17 heiöskirt
Aþena 16 skýfað
Barcelona 20 heiöskírt
Berlín 12 hsiöskírt
Brussel 17 heiöskirt
Chicago 11 heiöskirt
Dublm 15 rigning
Faneyjar 16 heiöskírt
Franklurt 6 rigning
Genf 10 skýjað
Halsinki 10 rigning
Mong Kong 26 heiöskfrt
Jerúsalem 1« skýjað
Kaupmannahöfn 13 skýiað
Las Palmas 24 Mttskýjaö
Lissabon 21 Skýjað
London 18 heiöskírt
Los Angeles 21 tkýiað
Malaga 20 mistur
Mallorca 22 Iðttskýjaö
Miami 26 skýjaö
Montreal 14 tkýjaö
Moskva 5 skýjsö
New York 23 skýjaö
Osló 10 akýjað
París 1« heiöakírt
Peking 17 heiöskirt
Reykjavík +1 hálfskýjsö
Rjo de Janeiro 32 rigmng
Rómaborg 21 hsiðskín
Stokkhólmur 13 skýjaö
Sydney 21 skýjað
Tókýó 18 skýjað
Vfnarborg 8 skýjaö
bórshöfn 8 skúrir
ítalski leikstjór-
inn Eduardo de
Filippo látinn
Kóm. I. BÓvember.
IGÆRKVÖLDI lést Eduardo de Fil-
ippo leikari, leikstjóri og kvik-
myndahöfundur á sjúkrahúsi í Róm,
84 ára að aldri. Hann var geysivin-
sæll gamanleikari og leikritahöfund-
ur á Ítalíu, oftast aðeins kallaður
„Eduardo“. Var honum margvísleg-
ur sómi sýndur heima fyrir.
Eduardo de Filippo vann einnig
með þekktum kvikmyndaleikstjór-
um, gerði m.a. myndirnar „Yest-
erday, Today and Tomorrow“ og
„Marriage Italian Style“ í sam-
vinnu við landa sinn Vittoria de
Sica.
Jóhannesarborg:
Reynt að binda
endi á óeirðir
Jókaaaesarborg, I. aóvember. AP.
HER og lögregla réðust inn í
blökkumannahverfi í útjaðri
Jóhannesarborgar, í annað skipti á
tveimur dögum, í því skyni að binda
endi á óeirðir, sem þar hafa staðið
nær linnulaust í tvo mánuði, að sögn
lögregluyfirvalda.
1 gærkvöldi og í dag hefur lög-
reglan sett upp vegatálma og farið
í eftirlitsferðir í Sebokeng,
Sharpeville, Boipatong og Bophal-
ong. í óeirðunum sem urðu fyrir
10 dögum voru um 350 manns
handteknir. f Tembisa, sem er
fyrir austan Jóhannesarborg,
reyndu um 300 ungir blökkumenn
að hlaða götuvígi, en hröktust á
brott undan lögregluliði.
boadoa, I. aóvember.
LÖGREGLAN skýrði frá því í dag,
að hún hefði fundið vopn og
sprengiefni á byggingarlóð í vest-
urhluta Lundúnaborgar. Var það í
annað sinn á sama sólarhring,
sem slíkan fund rak á fjörur lög-
reglunnar.
Telur lögreglan að hryðju-
verkamenn hafi átt þessi skot-
færi, en þar á meðal voru hand-
sprengjur, hríðskotabyssur og
marghleypur, auk skotfæra og
sprengiefnis.
„Við höldum, að aðilar frá
Miðausturlöndum hafi átt þetta
og komið því þarna fyrir alveg
nýlega," sagði talsmaður lög-
reglunnar, sem ekki vildi láta
nafns síns getið. Töldu heimildir
innan lögreglunnar, að skotfær-
in væru á vegum „Líbýumanna
eða Armena", en það fékkst ekki
útskýrt nánar.