Morgunblaðið - 09.11.1984, Blaðsíða 12

Morgunblaðið - 09.11.1984, Blaðsíða 12
12 MORGUNBLADID, FÖSTUDAGUR 9. NÓVEMBER 1984 FM'85 FJÓRÐUNGSMÖT HESTAMANNA DCVI/- lAWllf A SUDURLANDI tlC T rWMV ll\ 27.-30. JÚNÍ Merki mótsins hannaði Gisli B. Björnsson framkvæmdastjóri móts- Fjórðungsmót í Reykjavík: Annað sinn sem slíkt mót er hald- ið í höfuðborginni AFRÁÐIÐ er að haldið verði fjórð- ungsmót í Reykjavík næsta sumar, nánar tiltekið á félagssvæði Fáks á Víðivöllum. Eins og venja er til með fjórðungsmót stendur þetta mót yfir í fjóra daga, hefst 27. júní og lýkur sunnudaginn 30. júní. Er þetta í annað skipti sem fjórðungsmót er haldið í Reykja- vík en síðast var slíkt mót haldið þar í júlí 1956 á félagssvæði Fáks sem þá var við Elliðaár, í neðri Fák sem kallað er í daglegu tali. Undirbúningur er hafinn fyrir allnokkru og meðal annars er langt komið með byggingu á nýj- um 300 metra hringvelli og einnig hefur verið byggt nýtt 450 m2 fé- lagsheimili. Fyrir eru tveir hringvellir 300 metra og 1200 metra kappreiðabraut. Fyrirhugað er að útbúa sérstakt sýningarsvæði framan við núver- andi áhorfendabrekku en hún hef- ur þótt vera fulllangt frá vellin- um. f fréttatilkynningu, sem gefin var út af framkvæmdanefnd móts- ins, segir að verið sé að undirbúa aðstöðu fyrir tjaldbúðir við inn- keyrsluna í Víðidal og fjölskyldu- tjaldbúðir eru fyrirhugaðar við bæinn Vatnsenda við Elliðavatn. Einnig segir að möguleikar séu á tjaldstæðum hjá Elliðaánum ef þörf krefur. Aðstaða fyrir ferðahesta verður fyrst og fremst á Korpúlfsstöðum en mönnum er gefinn kostur á að taka með sér einn til tvo hesta á mótssvæðið í girðingu þar eða hús. I fréttatilkynningunni segir að notuð verði öll fullkomnasta tækni sem þekkist í framkvæmd hesta- móta og er þar nefnd tölvuskrán- ing í öllum greinum mótsins, betri rásbásar og er þá væntanlega átt við að sett verði hlið á þá bása sem Fákur á. Einnig verði notuð sjálfvirk tímataka á kappreiðum. Dagskrá mótsins verður með nokkuð hefðbundnu sniði að öðru leyti en því að boðið verður uppá ákveðna hápunkta þar sem fólki gefst kostur á að sjá flest það sem sýnt er á mótinu á stuttum tíma. Unnt verður að hýsa öll keppn- ishross í hesthúsum Fáks þannig að mótsgestum gefst kostur á að skoða hrossin í nálægð. Gras verð- ur slegið daglega í hrossin auk þess sem boðið verður uppá annað fóður ef menn vilja slíkt. Ýmsar sérstakar sýningar eru fyrirhug- aðar, kvölddagskrá verður og glæsilegt hlöðuball eins og það er orðað í fréttatilkynningunni. Að mótinu standa fimmtán hestamannafélög á Suður- og Suð- vesturlandi ásamt hrossaræktar- og búnaðarsamböndum á svæðinu. í framkvæmdanefnd eru Gunnar Dungal formaður, Fáki, Bjarni Sigurðsson Gusti, Hreinn Ólafs- son Herði, Halldór Guðmundsson Ljúf, Helgi Eggertsson Búnaðar- sambandi Suðurlands, Kristján Jónsson Geysi, Þórir Steindórsson Sleipni, og framkvæmdastjóri hef- ur verið ráðinn Gísli B. Björnsson og hannaði hann merki mótsins. ATHAFNASV/HX FAKS V*XVOU_UM/REYKJAV* fer V. áör^L- -ihSSCjWr i Kort af athafnasvæði Fiks i Víðivöllum. Fyrir miðju mi sji nýja 300 metra gæðingavöllinn og vinstra megin við hann mi sjá hvar væntanleg reiðhöll mun rísa. 85 kandidatar braut- skráöir frá HÍ á morgun Embættispróf í guðfræði 4, embættispróf í læknisfræði 1, að- stoðarlyfjafræðingspróf 1, BS- próf í hjúkrunarfræði 3, BS-próf í sjúkraþjálfun 1, embættispróf í lögfræði 2, kandídatspróf í ís- lensku 1, kandídatspróf í sagn- fræði 2, kandídatspróf í ensku 1, BA-próf í heimspekideild 11, loka- próf í rafmagnsverkfræði 2, BS- próf í raungreinum 16, kandí- datspróf í viðskiptafræðum 29, kandídatspróf í tannlækningum 1, BA-próf í félagsvísindadeild 10. AFHENDING prófskírteina til kandídaU fer fram við athöfn í Hi- skólabíói laugardaginn 10. nóvem- ber 1984 kl. 14.00. Rektor hiskól- ans, prófessor dr. Guðmundur Magnús8on, ávarpar kandídata, en síðan afhenda deildarforsetar próf- skírteini. Að lokum syngur Háskóla- kórinn nokkur lög undir stjórn Árna Harðarsonar. Að þessu sinni verða braut- skráðir 85 kandídatar og skiptast þeir þannig: Sverrir Friðþjófsson, forstöðumaður Fellahellis. Morprunblaðið/Friðþjófur. „Alltaf eitthvað við að vera í Fellahelli" — segja unglingarnir í félagsmið- stöðinni sem nú á 10 ára starfsafmæli Kélagsmiðstöðin Fellahellir i í dag 10 ára afmaeli, en henni var komið i fót 9. nóvember 1974. Dag- urinn verður haldinn hitíölegur í fé- lagsmiðstöðinni með ýmsu móti og er blm. og Ijósm. bar þar að garði i dögunum, var undirbúningur í full- um gangi. Bæði unglingar og starfs- fólk voru í óða önn að skreyta húsið og listaverk þeirra af ýmsu tagi prýddu veggi. Blm. hitti Sverri Frið- þjófsson forstöðumann Fellahellis að máli og innti hann hann fyrst eftir því hver hefðu verið tildrög þess að Félagsmiðstöðin var stofnuð fyrir tíu árum. „Fellahellir er fyrsta félags- miðstöðin hér á landi og fæddist hugmyndin að stofnun hennar hjá Æskulýðsráði fyrir tólf árum," sagði Sverrir. „Þá var húsnæðið byrgi Almannavarna en var að oðru leyti óráðstafað. Tónabær nægði ekki lengur fyrir alla ungl- inga borgarinnar og þvi var ákveðið að koma hér á fót félags- miðstoð fyrir unglinga sem sniðin yrði að erlendri fyrirmynd. Starf- semin gafst vel en fór þó hægt af stað og var aðeins opið tvö kvöld í viku fyrsta veturinn. Síðan hefur hún aukist jafnt og þétt og nú er opið alla virka daga f rá kl. 9.00 til 23.00. Á daginn er hér mötuneyti fyrir nemendur Fellaskóla og kl. 16.00 er húsið opnað fyrir alla 13 ára og eldri." Hvað geta unglingarnir svo gert sér til dægrastyttingar í félags- miðstöðinni? „Hingað geta þeir komið hve- nær sem húsið er opið. Húsnæð- inu er sifellt verið að breyta og þeir sem vilja geta hjálpað við að mála og lagfæra ýmislegt. Þá geta þeir spilað borðtennis, billiard eða horft á myndbönd svo eitthvað sé nefnt. Aðalkjarni starfseminnar er þó klúbbastarf sem við höfum boðið krökkunum að stunda. Þá hittast þau reglulega og funda um ýmis málefni, fara í ferðalög og halda skemmtikvold á hverjum föstudegi. Þá er haldin spurninga- keppni og dansinn sfðan látinn duna fram eftir kvöldi. Áður voru starfandi allt að 25 manns f hluta- starfi í félagsmiðstoðinni og þrír fastráðnir. Nú hafa hins vegar fjórir starfsmenn til viðbótar ver- ið fastráðnir. Teljum við það mjög til bóta fyrir unglingana, þar sem nú verður sama starfsfólkið oftar í viku, sem þau geta treyst á og myndaö góð tengsl við." Hafa unglingaskemmtistaðirn- ir í borginni dregið úr aðsókninni í Fellahelli? „Ég hef heyrt að félagsmið- stöðvar borgarinnar séu illa sótt- ar en við hér í Fellahelli kvörtum ekki undan því, enda Fella- og Hólahverfi fjölmennt hverfi og koma daglega á staðinn 300 til 400 unglingar. Við leggjum að sjálf- sogðu strangt bann við þvf að áfengi sé haft um hönd í húsinu og þeir unglingar sem ekki vilja Erla Viggósdóttir og Sæunn Hilmarsdóttir. Róbert Arnþórsson og Asta Jónsdóttir. sæta þeim reglum verða að leita annað. Þeir eru þó svo margir sem ekki kæra sig um áfengi og vilja mun heldur skemmta sér innan um hresst og skemmtilegt fólk hér í Fellahelli. Ég vil taka það skýrt fram að við erum ekki í neinni samkeppni við unglingaskemmtistaðina né þeir við okkur og er sambandið mjög gott okkar a milli. Fellahell- ir er miklu heldur afdrep fyrir unglinga en skemmtistaður, enda var það ætlunin með stofnun fé- lagsmiðstöðvarinnar," sagði Sverrir að endingu. Eins og getið var um hér að framan verður afmæli Fellahellis haldið hátíðlegt með ýmsum hætti í dag. Tertuveisla verður haldin fyrir unglinga og aðra vel- unnara Fellahellis kl. 15.00 til 17.00 en í kvöld verður haldin unglingaskemmtun sem hefst með borðhaldi kl. 19.30. Á skemmtun- inni koma fram ýmsir góðir gestir s.s. HLH-flokkurinn, ómar Ragn- ar.sson og Kiza-flokkurinn. Þá flytja unglingar Fellahellis eigin skemmtiatriði. „Alltaf eitthvað við að vera" Nokkrir unglingar sem verið höfðu að skreyta félagsmiðstöðina sátu í anddyri hússins þegar blm. bar að garði og tók hann fyrst tali tvær vinkonur, þær Erlu Viggós- dóttur og Sæunni Hilmarsdóttur, báðar 14 ára. Kváðust bær oft eyða frítíma sínum í Fellahelli, en þangað byrjuðu þær að venja komu sína sl. sumar. „Ég er starf- andi í klúbbi sem heitir Happa- gaukar og hef því í ýmsu að snú- ast," sagði Erla. „Við sjáum um skemmtikvöldin á föstudögum og síðan eru haldnir fundir reglu- lega. Bráðum förum við til Vest- mannaeyja og sú ferð verður væntanlega skemmtileg." Báðar sögðust þær stöllur vera í Fella- skóla og eyða frfmfnútunum í Fellahelli þar sem hægt væri að versla mat og drykki. Sæunn kvaðst ekki vera starfandi í nein- um klúbbi en kæmi þó oft á kvöld- in líka. „Á föstudagskvöldum held ég þó oftast til fyrir utan 'unglingaskemmtistaðinn Traffic því enn er ég of ung til að komast inn. Ég ætla þó að fara á afmæl- ishátíðina og hef unnið af fullum krafti við að undirbúa hana," sagði Sæunn. „Héngum áður í sjoppum" Þau Róbert Arnþórsson og Ásta Jónsdóttir, bæði 14 ára, kváðust bæði hafa byrjað að sækja Fella- helli sl. ár. „Það er gott að geta komið hingað í fríminútum og á kvöldin þegar ekkert er við að vera heima fyrir," sagði Róbert. „Ég spila stundum borðtennis og billiard og eins hef ég gaman af því að taka þátt í spurninga- keppnum þegar að þær eru haldn- ar." Asta sagðist mikið sækja fé- lagsmiðstoðina f frfmfnútum og á kvöldin. „Það er ffnt að hafa svona afdrep þar sem vinir geta hist og talað saman," sagði hún. „Aður hékk ég í sjoppum hverfis- ins til að drepa timann. Ég mæti alltaf þegar haldin eru mynd- bandakvöld og eins hef ég gaman af að dansa f diskótekunum. Þó er ég yfirleitt um helgar fyrir utan Traffic því að þar er alltaf fullt af krökkum sem gaman er að hitta," sagði Asta að endingu.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.