Morgunblaðið - 20.01.1985, Side 4

4
MORGUNBLAÐIÐ, SUNNUDAGUR 20. JANÚAR 1985
A leið til hafnar
Morgunblaðið/Árni Sæberg
Engin netaveiði
nú út af Gróttu
BOTNINN er nú dottinn úr neta-
veiðinni út af Gróttu, sem var
nokkuð góð í annarri viku mánað-
arins. Þann 15. þessa mánaðar
voru veiðar með 6 tommu möskva
bannaðar í Faxaflóanum og tóku
þá þeir bátar, sem net áttu í sjó,
upp og hættu veiðum. Að sögn
starfsmanna á hafnarvigtinni í
Reykjavík hefur sama og enginn
afli verið þessa viku. Þeir síðustu
tóku upp þann 16. og voru mest
með 420 kíló eftir tveggja nátta
lögn. Þykir það lélegt.
Astandið gott í ísl-
enskum prentiðnaði
- að sögn formanna Félags íslenska prent-
iðnaðarins og Féiags bókagerðarmanna
VEGNA fréttar í Morgunblaðinu í gær um að fyrirtækið Maxis sf., umboðs-
aðili hollenskrar prentsmiðju, hafi gert tilboð í 8 verkefni í prentiðnaði hér i
landi og hlotið 6 þeirra var haft samband við Magnús Vigfússon formann
Félags íslenska prentiðnaðarins og Magnús Sigurðsson formann Félags
bókagerðarmanna og þeir spurðir um hvernig istandið væri í íslenskum
prentiðnaði.
Magnús Sigurösson sagði að
alltaf væri eitthvað um að Islend-
ingar létu prenta fyrir sig er-
lendis. „Oft borgar það sig, sér-
stakiega þegar um er að ræða
myndablöð og þess háttar, þar
sem einungis þarf að bæta við ís-
lenskum texta. Hann er þá jafnvel
unninn hér heima og sendur út.
Hins vegar er ekkert hagstæðara
að láta prenta erlendis hluti sem
þarf að fylgjast vel með og fara
vel yfir, því þessu fylgja oft mikl-
ar ferðir fram og til baka og er
ýmis kostnaður sem kemur í ljós
síðar. Raunin er því sú að þegar
upp er staðið borgar sig í flestum
tilfellum að láta prenta hér heima.
Enda hefur nokkuð verið um það
að erlendir aðilar láti prenta fyrir
sig hér á landi og fer það vaxandi.
Ástandið f íslenskum prentiðn-
aði er mjög gott nú og sannast
sagna hefur það ekki verið svona
gott á þessum árstíma um árabil.
Því fer fjarri að verkfallið hafi
sett strik í reikninginn.
Á þremur fyrstu mánuðum árs-
ins 1984 voru 11 manns á atvinnu-
leysisskrá og er það nokkuð stór
hópur í ekki stærra félagi. Nú er
enginn á skrá og hafa þrír menn
komið erlendis frá til þess að
vinna við prentverk hér. Ég hef
engar áhyggjur enda held ég að
íslenskur prentiðnaður sé sam-
keppnisfær bæði hvað varðar
tæknilegu hliðina og einnig verð.
Ég óttast því ekki þessa sam-
keppni."
Magnús Vigfússon formaður Fé-
lags íslenska prentiðnaðarins
taldi að ekki væri mikið um það að
menn létu prenta fyrir sig erlend-
is. „Ég hef ekki orðið mikið var víð
að verkefni færu úr landinu. Ég
hef haft samband við marga af
félagsmönnum að undanförnu og
hafa þeir ekki kvartað yfir því að
hafa misst verkefni úr landi.
Ég held að verkfallið hafi ekki
haft nein varanleg áhrif í þessu
sambandi. Vel getur verið að svo
hafi verið á tímabili þegar menn
voru í óvissu um það hvort þeir
kæmu verkefnum sínum í gegn
fyrir jólin og þess vegna fengið
þau prentuð erlendis.
Ég tel að íslenskur prentiðnaður
sé alveg samkeppnisfær og svo
virðist sem mjög mikið sé að gera
bæði í prentsmiðjum og bókbandi.
Ég hef fylgst með þessu að undan-
förnu og það er gott hljóð i
mönnum."
Kuldarnir í Evrópu og afleiðingar þeirra:
KULDARNIR í Evrópu hafa nú staftið yfir í
nokkrar vikur og ástandift vífta orftið mjög
slæmt. í kjölfar þeirra hafa komift upp ýmis
vandamál og er mengun orftin mjög mikil vífta,
Ld. í Ruhr-héraðinu í Vestur-Þýskalandi. Blafta-
maftur Morgunblaðsins haffti samband vift
Bergljótu Leifsdóttur, sem er vift nám í Flórens
á Ítalíu, og Atla Eðvaldsson knattspyrnumann í
Diisseldorf í Vestur-Þýskalandi og spurði þau
um ástandið á þessum stööum.
Mengunin er eins og
mökkur yfir borginni
- segir Atli Eðvaldsson í Diisseldorf
Atli Eðvaldsson sagði í sam-
tali við blaðamann Morgun-
blaðsins að síðustu þrjár til fjór-
ar vikur hafi veðrið verið hræði-
legt. „Frostið hér í Diisseldorf
hefur farið upp í 20 stig og ekki
hefur komið svona mikill snjór
hér síðan um 1950. Nú er um 10
stiga frost. Kuldinn er miklu
meiri en (slendingar eiga að
venjast vegna þess hve mikill
raki er í loftinu.
Ástandið hefur ekki batnað
við mengunina sem hrjáð hefur
íbúa Dússeldorf, Gelsenkirchen,
Dortmund og Essen. Ef mengun-
in kemst á visst stig er gert við-
vart með aðvörunarlúðrum. Á
fyrrgreindum stöðum hefur ver-
ið annars stigs hættuástand
undanfarna daga, en í dag heyrði
ég að það væri komið á þriðja
stig. Á öðru stigi er bannað að
aka einkabifreiðum, en þegar
komið er á þriðja stig er öll um-
ferð bonnuð, nema í neyðartil-
fellum. Aðalleiðum og einnig
götum innanbæjar hefur verið
lokað og fólk hefur þurft að
skilja bíla sína eftir hér og þar.
Starfsfólk sjúkrahúsa er við
öllu búið, því nú er mjög mikið
Atli Eðvaldsson
um að fólk fái bronkitis á háu
stigi. Þeim sem eiga erfitt með
öndun er bent á að koma sér
strax á sjúkrahús til meðferðar.
Margt aldrað fólk og börn hafa
orðið illa fyrir barðinu á sjúk-
dómnum og eitthvað hef ég
heyrt um dauðsföll í tengslum
við hann. Einnig hafa margir
látist vegna kuldans.
Ástæðan fyrir þessari mengun
er talin vera sú að heitt loft frá
Afríku er fyrir ofan kalda loftið
og heldur því niðri. Engin hreyf-
ing er á kalda loftinu og fellur
því bæði verksmiðjureykur, út-
blástursloft úr bílum og önnur
mengun beint til jarðar.
Fólk er hvatt til þess að skilja
bílana eftir heima og því til-
kynnt að svo geti farið að lög-
reglan stöðvi alla umferð fyrir-
varalaust. Fólk þarf þá að skilja
bílana eftir þar sem það er statt.
Fólk virðist vera mjög hrætt og
er mikið á ferðinni nú þrátt fyrir
allar viðvaranir. Ég held að það
stafi af því að það er að reyna að
Ijúka öllum sínum erindum áður
en til algerrar stöðvunar kemur.
Mengunin er eins og mökkur
yfir borginni og maður finnur
stöðugt kolalykt og er með kola-
bragð í munninum," sagði Atli.
Að lokum sagði hann að ekki
væri spáð breytingum á veðrinu,
a.m.k . ekki i bráð.
Allt að komast
í eðlilegt horf
- segir Bergljót Leifsdóttir í Flórens
„Hér er komið alveg sæmilegt
veður, svona um 10 stiga hiti, og
farið að rigna," sagði Bergljót
Leifsdóttir. „Veðrið var slæmt
hér í um það bil viku, töluverður
snjór og frost, en ekkert i líkingu
við ástandið á Norður-ítaliu, t.d.
í Mílanó.
En þrátt fyrir að þessir kuldar
hafi ekki verið nema í stuttan
tíma hér hafa þeir valdið ýmiss
konar vandamálum. Nú eru
mjög margir hrjáðir af kvefi og
fiensu og má segja að allir séu
hnerrandi hér í Flórens. Einnig
er fjöldi fólks í gipsi eftir að
hafa dottið og meitt sig í hálk-
unni. Á einum degi fóru um 30
manns á sjúkrahús með bein-
brot.
Nú er allur snjór farinn og allt
að verða eðlilegt aftur. Mér
fannst ástandið aldrei sérstak-
lega slæmt hér. Þessum 15 ís-
lendingum sem dvelja hér líður
að minnsta kosti ágætlega miðað
við aðstæður. Hér í Flórens fór
frostið ekki niður fyrir 10 stig.
En (talirnir býsnast að sjálf-
sögðu mikið yfir þessu ástandi
og hafa fréttir af veðrinu alltaf
verið forsíðuefni blaðanna
og
Bergljót Leifsdóttir
Sex hreppsnefndir á Austurlandi:
Vilja hertar aðgerðir gegn meindýrum
Samstarfsnefnd hreppsnefnda
Búða-, Fáskrúðsfjarðar-, Stöðvar-,
Breiðdals-, Berunes- og Búlands-
hreppa hélt nýlega samráðsfund. Á
fundinum var samþykkt tillaga
Hafþórs Guðmundssonar, oddvita
Stöðvarhrepps, um að stjórnvöld
fjölgi þeim aðilum, sem leyfi hafa
til að eyða vargfugli og meindýrum.
Tillagan gerir ráð fyrir að aukið
verði við fjárframlag til þessara
mála. Ennfremur er í tillögunni
hvatt til þess að hertar verði reglur
um meðferð úrgangs vegna fisk-
veiða og fiskvinnslu og eins reglur
um úrgang frá sláturhúsum.
Tillögur komu frá Sigurði Þor-
leifssyni, oddvita, og Ólafi
Eggertssyni heppsnefndar-
mönnum úr hreppsnefnd Berun-
eshrepps um bættar vetrarsam-
göngur á landi frá Höfn til Nes-
kaupstaðar.
Einnig kom frá sömu aðilum
tillaga um að skora á Skipaút-
gerð rikisins og umboðsaðilana á
höfnunum að bæta geymslu- og
afgreiðsluhúsnæði auk tækja-
búnaðar við vöruafgreiðslu á
Austurlandi. Tillögurnar voru
samþykktar.
Fundurinn samþykkti að senda
frá sér ályktun til sveitarstjórna
á þessu svæði um að þær skipi
nefnd til að vinna að fullmótaðri
áætlun um flugsamgöngur á
Austurlandi.
(Úr fréttatilkynninjDi.)