Morgunblaðið - 23.03.1985, Blaðsíða 59

MORGUNBLAÐIÐ, LAUGARDAGUR 23. MARZ 1985
59
VELVAKANDI
SVARAR í SÍMA
10100 KL. 11-12
FRÁ MÁNUDEGI
TIL FÖSTUDAGS
Þessir hringdu . . .
Meira barnaefni
Jói hringdi:
Hvernig væri nú að sýna meira
barnaefni í sjónvarpinu? Til dæm-
is veit ég að Steinaldarmannanna
er sárt saknað en þeir eru nú
sýndir við miklar vinsældir f
danska sjónvarpinu.
Gamla dýra-
lífsþætti
Móðir telur það félagslega þroskandi fyrir börn að dvelja hluta dagsins á
leikskólum innan um önnur börn.
Einn utan af landi hringdi:
Ég vil þakka sjónvarpinu fyrir
dýralífsmyndir og þættina Lifandi
heimur. Mætti sýna meira af slíku
efni og þá jafnvel eitthvað um
ferskvatnsfiska. Hvernig væri svo
að sýna gamla dýralífsþætti, þeir
standa alltaf fyrir sínu.
Strákur mslir með því að sýndir
verði fleiri dýralífsþsttir í sjónvarp-
inu, Ld. um ferskvatnsfiska.
Öll mál
hafa tvær
hliðar
Ásdís, Hafnarfirði, skrifar:
Þriðjudaginn 26. febrúar skrif-
ar Rannveig í Garðabæ í Velvak-
anda greinarkorn um ferða-
skrifstofur. Fannst mér hún
ósanngjörn. Við hjónin höfum
oftar en einu sinni notið góðrar
þjónustu hjá Samvinnuferðum-
Landsýn, síðast í fyrrasumar.
Fórum við þá til Júgóslavíu í
sumarfrí og millilentum í Amst-
erdam en vegna breytinga á flugi
til Júgóslaviu varð biðin í Amst-
erdam lengri en gert hafði verið
ráð fyrir.
Þá kom fararstjóri S-L, Geir-
þrúður að nafni, og bauð öllum
hópnum í mat á hóteli og sigl-
ingu um síkin á eftir. Síðan skil-
aði hún okkur aftur í tæka tíð
fyrir flugið og var allt þetta á
kostnað ferðaskrifstofunnar.
Fyrsta sunndaginn sem
sumaráætlun S-L var kynnt var
örtröð í Austurstræti. Skemmt-
unina veit ég ekkert um því
þangað fór ég ekki. Ég hef ekkert
út á Útsýn að setja en öll mál
hafa tvær hliðar og sitt sýnist
hverjum. Svo langar mig að
benda á mjög lipra og góða þjón-
ustu hjá skrifstofu Samvinnu-
ferða-Landsýnar sem opnuð var
hér í Hafnarfirði í fyrrasumar. ■
Leikskólar ekki
geymslupláss
Þriggja barna móðir skrifar:
í þættinum Setið fyrir svörum
með Davíð Oddssyni fyrir
skömmu var borgarstjóri spurður
að því hvort ekki væri þjóðhags-
lega hagkvæmt að byggja fleiri
dagheimili og færri leikskóla, þar
sem mæður barna á leikskólum
væru hvor eð er heimavinnandi og
gætu fullvel pássað börnin sín
sjálfar.
Ég er heimavinnandi húsmóðir
með eitt barna minna á leikskóla.
Ég er algerlega á móti því að litið
sé á leikskóla sem geymslupláss til
að losna við krakkana i nokkra
tíma á dag, heldur er það félags-
lega þroskandi fyrir þau að vera
innan um önnur börn. Við erum
fimm í rúmlega 60 fermetra íbúð
og ekki er mikið leikplássið auk
þess sem við höfum ekki garð fyrir
utan húsið þar sem hægt væri að
leika sér.
Þátturinn verði
endurfluttur
Elín Sigurðardóttir hringdi:
Mig langar að spyrja forráða-
menn ríkisútvarpsins, rás 2, hvort
ekki sé hægt að endurflytja þátt-
inn um stríðsárin sem var á
dagskránni fimmtudaginn 14.
marz sl. Hann var þá kl. 23 og
finnst mér það fullseint, sérstak-
lega þar sem eldra fólk vill fara
snemma í háttinn. Éf ósk min
verður tekin til greina væri þvi
jafn áskjósanlegt ef þátturinn
væri hafður fyrr um kvöldið en
síðast.
Saga lífsins
Eftirfarandi bréf hefur verið
stytt nokkuð, þar sem sumar setn-
ingar í því voru ekki prenthæfar:
Tómas Davíð Björnsson,
Bakkakoti, Reykjavík 109, svar-
ar Jóni V. Jenssyni: „Þegar vitur
maður á í þrætumáli við afglapa,
þá reiðist hann eða hlær, en
hvíld fæst engin. Blóðvargarnir
hata hinn ráðvanda, en réttvísir
menn láta sér annt um líf hans.
Reiðigjarn maður vekur deilur
en bráðlyndur maður drýgir
marga synd. Réttlátur meður
kynnir sér málefni hinna lítil-
mótlegu, en óguðlegur maður
hirðir ekkert um að kynna sér
það.“ Orðskv.
En nú langar mig að spyrja
íslensku þjóðina: Hversu lengi
viljið þið sem lesið dagblöðin
horfa á aðgerðalaus að þessi
maður, sem nefnir sig guðfræð-
ing, ofsæki það fólk sem reynir
að koma þessum ólánsömu
mæðrum til hjálpar og vernda
þær frá grjótkasti og árásum.
Orðskv. 15,28. Eins og JVJ túlkar
kenningu Biblíunnar á Jesús að
hafa sagt: „Látið öll fóstur koma
til mín og hindrið þau ekki í að
hlusta á mig! (Því að hver, sem
ekki tekur á móti guðsriki eins
og fóstur, mun alls eigi inn í það
kornast.)" Og Jakob á að hafa
skrifað: „Hrein og flekklaus guð-
rækni fyrir Guði og Föður er
þetta, að vitja ekki munaðar-
lausra og ekkna í þrengingum
þeirra, og hirða ekki (aldrei) um
velferð og líf móðurinnar, aðeins
um fóstrið og bara um fóstrið.
Ég heimta samúð með fóstrinu,
hinni fullkomnu lífveru."
JVJ virðist það vera mikið
kappsmál að endurskrifa sjálfa
Biblíuna — Guðs orð — eftir
sínu eigin höfði, eins og margir
aðrir á undan honum hafa verið
að rembast við.
Eða er þetta kannski byrjunin
á ofsóknum á hendur kristinna
manna í þessu landi? Gáið að því
í Markús, 13,3—13. Því Jesús
varaði okkur við: „Hafi þeir
ofsótt mig fyrir kenningar mín-
ar, þá munu þeir líka ofsækja
yður. Vei yður, fræðimenn og
Farísear, þér hræsnarar! Þér
gjaldið tíund af launum yðar en
skeytið eigi um það, sem mikil-
vægara er í lögmálinu: Réttvís-
ina og miskunnsemi og trú-
mennskuna. Vei yður, fræði-
menn og Farísear, blindir leið-
togar! Þér lokið himnaríki fyrir
mönnum, því að þér gangið þar
eigi inn og leyfið eigi heldur
þeim inn að komast, er ætla inn
að ganga. Þér höggormar, þér
nöðru-afkvæmi, hvernig ættuð
þér að geta umflúið dóm helvít-
is?“ Matteus, 23,1—36.
„Dæmið ekki, til þess að þér
verðið ekki dæmdir; því að með
þeim dómi, sem þér dæmið, verð-
ið þér dæmdur,“ Matteus, 7,1—5.
P.S. Þann 18. febrúar horfði ég
á fræðsluþátt í sjónvarpinu þar
sem milljónir lifandi sæðis-
fruma voru þegar „deydd" í kviði
konunnar og var það nefnt
fjöldamorð. Með hvaða lögum
ætlar JVJ nú að koma í veg fyrir
þennan óhugnað (konunnar)? Ég
er þess fullviss að hann mun
ekki deyja ráðalaus. Eins og kom
greinilega fram í lokaorðum í
þættinum hófst nýja lífið ekki
fyrr en barnið hafði fæðst. Þetta
er saga lífsins.
Nýr heimurklnverskra kræsinga
ÁShanghai framreiðum við fleira en steikt hrísgrjón og vorrúllur.
Shanghai veitingastaðurinn í kjallaranum á Laugavegi 28.
TILBOÐSVERD KR. 250,
Opið kl. 10—16
TILBOÐ
BÓKAMARKAÐUR
FÉL. ÍSL.
BÓKAÚTGEFENDA
í VÖRUMARKAÐNUM EIÐISTORGI
Metsölublad á hverjum degi!