Morgunblaðið - 28.03.1985, Side 38

38
MORGUNBLAÐIÐ, FIMMTUDAGUR 28. MARZ 1985
Enginn nemandi hættir í MR en
40 í Fjölbrautaskóla Suðurlands
EINS og fram kom í frétt í Morgunblaðinu í gær virðist
nokkuð um það að nemendur framhaldsskólanna hafí
horfíð frá námi í kjölfar útgöngu kennara hinn 1. mars.
Þar kom fram að í fjórum skólum hefðu um 90 nemendur
hætt námi. í gær var haft samband við átta skóla til
viðbótar og staðan þar könnuð.
18 nemenda
enn saknað
{ Menntaskólanum á Akureyri
veitti Valdimar Gunnarsson,
kennari, þær upplýsingar að
samkvæmt síðustu tölum virtust
18 nemendur ekki hafa skilað sér
aftur í skólann eftir að regluleg
kennsla hófst að nýju á mánu-
dag. „Nær allir, sem horfið hafa
frá námi, eru úr 1. og 2. bekk
skólans, utan einn, sem er úr 3.
bekk,“ sagði Valdimar. „Ekkert
stúdentsefni hefur sagt sig úr
skóla. Þessir nemendur eru
kannski frekar þeir sem verr
stóðu að vígi og þvi orðnir von-
litlir hvort eð var.“
Kennsla í Menntaskólanum á
Akureyri lá að mestu niðri frá 1.
mars, a.m.k. í hefðbundnum
skilningi, en nemendum var veitt
aðstoð við sjálfsnám eftir því
sem kostur var. Að sögn Valdi-
mars er áætlað að kenna nokkra
daga á næstunni, sem annars
hefðu verið frídagar, kennt verð-
ur ívið lengur en annars hefði
verið og próftími styttur. Stúd-
entar verða útskrifaðir að vanda
hinn 17. júní.
Allir aftur í MR
Guðni Guðmundsson, rektor
Menntaskólans í Reykjavík, var
ánægður að heyra i gær, enda
sagði hann alla nemendur hafa
skilað sér aftur til náms. „Að
vísu fóru þeir aldrei neitt, utan
einn sem fór til Stykkishólms, en
hann var nú kominn aftur áður
en kennararnir sneru til baka.
Skýringuna á því hve vel nem-
endur skila sér tel ég þá, að þeir
vilja ekki taka áhættuna á að
komast ekki inn í skólann aftur.
Ef þeir hætta nú eru þeir búnir
að missa allt árið. í fjölbrauta-
skólunum er sjálfsagt meira um
að nemendur hætti einhvern
tíma, enda eiga þeir hægar með
að vinna það upp,“ sagði Guðni.
Að sögn Guðna er starfsemi
MR komin í fullan gang. „Það
voru allir í startholunum hér á
mánudagsmorgun og svo var
rokið af stað eins og í sand-
spyrnukeppni,” sagði hann.
Ekki öll kurl
komin til grafar
„Það er eitthvað um að nem-
endur komi ekki aftur í skólann,
en það eru ekki öll kurl komin til
grafar enn og óvíst hve margir
þeireru,“ sagði Björn Bjarnason,
rektor Menntaskólans við Sund.
„Það er erfitt að segja til um
hvort nemendur hafi endilega
hætt vegna stöðvunar skólans.
Það er alltaf nokkuð um það á
þessum árstíma að einhverjir
hætti, sérstaklega í 1. bekk. Ég
vil þvi ekki nefna neinar tölur
um þetta enn sem komið er,“
sagði rektor að lokum.
Fresta
nokkrum fögum
„Nemendur hafa ekki skilað
sér nægjanlega vel eftir að full
starfsemi hófst að nýju, en það
er ekki séð fyrir endann á því
hve margir eru raunverulega
hættir", sagði Hafsteinn Stef-
ánsson, skólastjóri Fiölbrauta-
skólans við Ármúla. „I Ármúla-
skólanum er nokkuð mikið um
utanbæjarfólk og það er lengur
að skila sér inn en aðrir, því
margir hverjir höfðu farið til
síns heima. Það er alltaf einhver
hópur nemenda sem hættir fyrir
próf, en þó er greinilegt að þeir
eru fleiri nú en venjulega. Það er
einnig nokkuð um að nemendur
losi sig við einhver fög í bili, þá
þau fög sem þeir eru verst undir-
búnir í. Þrír nemendur, sem
höfðu ætlað að ljúka námi í vor
hafa frestað því fram á næstu
önn,“ sagði Hafsteinn að lokum.
Margir komnir
í góöa vinnu
í Fjölbrautaskólanum í
Breiðholti varð Kristín Arnalds,
aðstoðarskólameistari, fyrir
svörum. Hún kvað ekki komið í
ljós enn hve margir nemendur
væru hættir. „Það er þó greini-
legt að það eru fleiri en venju-
legt er á þessum árstíma og það
vantaði augljóslega í hópana
þegar við gerðum siðast liðs-
könnun,“ sagði Kristín. „Margir
þeir, sem hættir eru, hafa fengið
góða vinnu og vilja ekki missa
hana fyrir sumarið og utanbæj-
arfólk á enn eftir að skila sér.
Ekkert stúdentsefni hefur horfið
frá námi.“
Á þriðja tug hættir
„Það eru veruleg afföll hjá
okkur því á þriðja tug nemenda
eru alveg hættir námi,“ sagði
Kristján Bersi ólafsson, skóla-
meistari Flensborgarskóla.
„Einnig eru allmargir sem vilja
taka einhver próf í vor, en þá
utanskóla. Það er ekki frekar
utanbæjarfólk sem hverfur frá
námi, en flestir eru þessir nem-
endur tiltölulega skammt komn-
ir í námi, eða á 1. og 2. ári,“ sagði
Kristján Bersi að lokum.
Nemendur óttast
að missa sumarvinnu
Aðalsteinn Eiriksson, skól-
astjóri Kvennaskólans sagði að
nemendur hefðu skilað sér allvel
inn eftir að kennsla fór aftur á
fullt skrið. „Fjórir eða fimm
nemendur hafa sagt sig frá reg-
lulegu námi það sem eftir lifir
annar, en hér voru um 290 reglu-
legir nemendur á skrá fyrir
ósköpin", sagði Aðalsteinn. „Ég
sakna enn nokkurra nemenda,
sem ekki hafa látið í sér heyra
og ekki staðfest hvort þeir komi
aftur. Það eru ekki frekar nem-
endur utan af landi sem láta sig
vanta nú.“
Að sögn Aðalsteins verður lík-
lega kennt lengur í vor en ætlað
var, prófum þjappað saman og
úrvinnslu þeirra hraðað. „Leng-
ing skólaársins kemur misjafn-
lega út fyrir krakkana, en sum
þeirra óttast að fá ekki sumar-
vinnu ef skólahald dregst á lang-
inn,“ sagði skólastjóri Kvenna-
skólans.
40 nemendur hættir
„Ég hef ekki endanlega tölu,
en það er ljóst að hjá okkur eru
ansi mikil afföll," sagði Þorlákur
Helgason, skólastjóri Fjöl-
brautaskóla Suðurlands. „Um 40
nemendur hafa formlega sagt
sig frá námi, af 386, sem skráðir
voru á vorönn. Ástæður fyrir
þessu eru ýmsar, t.d. er mikla
vinnu að fá og þessir nemendur
fóru illa út úr verkfalli BSRB í
haust. Það er erfitt að hvetja
nemendur áfram, sem áttu erfitt
með að ná sér á strik eftir það
áfall. Nokkuð er um að stúdents-
efni hætti og eru t.d. tveir komn-
ir á sjó. Við reynum að hringja í
nemendur og bjóða upp á meira
utanskólanám en tíðkast hefur,
en oft á tíðum kemur það sér illa
að þeir fresti námi. Þar má
nefna rafmagnsfræði sem dæmi,
en í það fag var aðeins hægt að
taka um helming umsækjenda í
haust. Hætti menn við námið
núna er erfitt fyrir þá að komast
inn aftur, ef þeir vilja taka upp
þráðinn á nýjan leik,“ sagði
Þorlákur Helgason að lokum.
í skólunum átta höfðu allir
kennarar, sem gengu úr störfum
sínum hinn 1. mars, komið aftur
til starfa.
Kristína
á eftir að
verða mikil
stjarna
— segir John Casablancas
forstjóri Elite
John Casablancas
Morgunblaðið/JúlíuB
ELITE og Nýtt Iff hafa staðið að forl
Look of The Vear“ sem fram fer á
stúlkur komust í undanúrslit hér á
('asablanras, útnefna sigurvegarann
Blm. Morgunblaðsins ræddi
við John Casablancas stuttu eft-
ir komu hans til landsins í gær.
Hann var beðinn að lýsa í hverju
þessi keppni væri fólgin.
„Þessi keppni er að hluta til
keppni til að öðlast frægð og
frama sem fyrirsæta og að hluta
til fegurðarkeppni. Við setjum
ekki kórónu á höfuð sigurvegar-
ans, heldur bjóðum stúlkunum í
15 efstu sætunum upp á samn-
inga fyrir samtals eina milljón
dollara. Fjórði hver keppandi
hlýtur því samning við Elite
fyrirtækið."
— En hvernig fer sjálf keppn-
in fram?
„Leitin hefst með því að við
auglýsum í ýmsum blöðum og
tímaritum. Stúlkurnar senda inn
umsóknir og við veljum úr þær
sem fara í forkeppni. Þær 60
j stúikur sem valdar eru þar koma
! síðan til keppninnar á Mauritius
j í sumar.“
teppni fyrir fyrirsætukeppnina „The
eynni Mauritius í sumar. Fimmtán
landi og mun forstjóri Elite, John
í kvöld í veitingahúsinu Broadway.
— Ert þú viðstaddur for-
keppnina í öllum þátttökulönd-
um?
„Nei, ég dæmi aðeins í for-
keppni þriggja landa. Ástæðan
fyrir því að ég kem hingað er sú
að ég vil kynna keppnina hér. Ég
legg áherslu á að fólk viti hvað
bíður stúlknanna ef þær komast
í úrslit og skil vel að foreldrar
eru ekki hrifnir af því að senda
dætur sínar út í óvissuna.
Tvær íslenskar stúlkur sem
tóku þátt í keppninni síðast, Þær
Heiðdís Steinsdóttir og Kristína
Haraldsdóttir, hafa unnið fyrir
Elite. Heiðdís var t.d. að vinna
fyrir okkur í Þýskalandi fyrir
stuttu. Kristína Haraldsdóttir er
enn mjög ung og á eftir að ljúka
sínu námi hér á landi. Samt
kemur hún út til okkar öðru
hvoru og vinnur ýmis verkefni.
Hún hefur gert það mjög gott og
á eftir að gera það enn betra á
þessu sviði. Margir bíða hrein-
lega eftir þvi að hún ljúki skóla-
námi og komi að fullum krafti
inn á þennan markað. Kristína
er fyrirsæta af guðs náð. Hún á
eftir að verða mikil stjarna.“
— Eru þetta yfirleitt mjög
ungar stúlkur sem taka þátt í
keppninni?
„Já þær verða að byrja ungar.
Helst þurfa þær að byrja svona
17 ára gamlar, þá er hægt að
móta þær með tilliti til þessa
starfs. Ef þær eru orðnar yfir
tvítugt, hafa þær yfirleitt þegar
mótað sinn eigin stíl, sem erfitt
er að breyta. Én auðvitað eru til
undantekningar."
— Að lokum. Hvenær verður
svona keppni fyrir karlmenn?
„Ég hef verið að velta því fyrir
mér aö hefja svipaða keppni
fyrir karlmenn. En ég er sann-
færður um að hún verður að vera
með einhverju öðru sniði.Þetta
verður varla að raunveruleika
fyrr en eftir svona tvö til þrjú
ár,“ sagði John Casablancas að
lokum.
Skinnaiðnaður Sambandsins á Akureyri:
Flytur inn 3—4
þús. gærur frá Græn-
landi og Færeyjum
8KINNAIÐNAÐUR hjá Iðnaðardeild Sambandsins á Akureyri hefur flutt
inn 1500 til 2000 gærur frá Grænlandi og annað eins frá Færeyjum til
vinnslu. Örn Gústafsson, markaðsstjóri hjá Nkinnaiðnaði, sagði í samtali við
Mbl. að þetta væri gert í tilraunaskyni til að athuga hvernig gærurnar kæmu
út í vinnslu. Sagði hann að í Ijósi niðurstöðu þessarar tilraunavinnslu yrði
hugað að aframhaldandi inndutningi ti
sauðfjárframleiðslunni hér innanlands.
Örn sagði að gærurnar yrðu sút-
aðar í leður og mokkavinnslu.
Sagði Örn að leitað hefði verið til
Færeyja og Grænlands vegna þess
að fjárstofnarnir þar væru af ís-
lensku bergi brotnir og gærurnar
þvi líkar. Þessi lönd seldu sínar
gærur til sútara i Finnlandi, Sví-
að fá hráefni í stað samdráttarins í
þjóð og fleiri löndum og þyrfi að
keppa við þá um hráefnið. Hann
sagði að frámhaldið væri óráðið.
Erfitt væri að fá innflutningsleyfi
og hefði þeim til dæmis verið synj-
að um leyfi til innflutnings á sölt-
uðum gærum frá Bretlandi.
Minnkandi eftirspurn
eftir refaskinnum
Aðeins helmingur seldist í London
EFTIKSPURN eftir refaskinnum hefur farið minnkandi á síðustu loðskinna-
uppboðum. Á refaskinnauppboði hjá Hudson Bay-uppboðshúsinu í London í
vikunni seldist til dæmis innan við helmingur framboðinna blárefaskinna og
rúmur helmingur skuggarefaskinna. Verðið lækkaði lítillega frá því sem
verið hefur undanfarna mánuði, en umboðsmaður Hudson Bay hafði ekki
upplýsingar um meðalverðið er leitað var til hans í gær.
Minnkandi eftirspurnar hefur
einnig gætt á uppboðum i norrænu
uppboðshúsunum á undanförnum
vikum, þó í minna mæli hafi verið,
að sögn Jóns Ragnars Björnsson-
ar, framkvæmdastjóra Sambands
íslenskra loðdýraræktenda
Skinnaverðinu hefur verið haldið
uppi á uppboðunum í London og á
Norðurlöndunum með því að
skinnin hafa verið dregin til baka
ef ekki hefur veriö boðið nógu hátt
í þau. Á uppboðinu hjá Hudson
Bay voru 7 þúsund íslensk refa-
skinn til sölu.